SCHJ的个人专页

收銀個男人態度好差，好唔耐煩，餐都未點完就淨係係咁追問幾次攞走定堂食。 試過外賣食品唔齊就當齊拎俾個客， 舖位好細，一睇就知坐得好唔舒服，啲枱好油，感覺好唔乾淨。性價比極之低，啲嘢食味道好一般。出邊嘅餐廳差唔多價錢嘅話一定好食過佢好多。其實啟德而家嘅商場都有賣漢堡，所以就算想食漢堡都唔好幫襯呢間嘢，除非你鍾意俾錢買受罪。一定唔推薦，如果佢肯換過個收銀嘅話可能感覺會好啲，不過味道一般又唔好坐嘅餐廳，就算服務好啲總平分都好低。更何況佢服務真係好差。希望食客唔好中伏。…查看更多

呢一間餐廳嘅份量同佢本身餐牌影出嚟嘅樣簡直係天與地。唔係要求佢同餐牌嘅樣一樣，因為都從來唔會一樣。但係佢啲食物完全少得一個小朋友食都可能覺得唔夠食。從來未見過一碗餐牌看似正常份量的拉麵或魚生飯可以細到咁。 我係一個正常嘅成人，但係我會覺得佢2.5碗拉麵先係出邊一間正常拉麵嘅份量，仲要唔係特別好食。佢個魚生飯將1.5粒帶子切成4-5粒，我見到真係即刻笑咗出嚟。食完仲覺得肚餓係唔會想響佢間餐廳度叫多嘢食。食完佢之後我係需要去另外一間餐廳食多餐先至夠飽。呢間餐廳真係令我呢個孤陋寡聞嘅人大開眼界。大家一齊俾啲掌聲佢。…查看更多

去買外賣，D 飯size 好細，D海鮮又唔新鮮，等就唔係等好耐，仲送咗兩隻大蝦㖭，不過講味道真係唔係好得，價錢okay 啦，但係一個正常男人一定唔夠食，完全唔知點解有咁多人排隊。…查看更多

點了火焰牛蛋飯，廚師為了製造火焰效果加了大量酒精助燃。如果加小量酒可能會有一點酒香，但是過多酒精令牛飯太苦，完全將原本的牛肉香味與應有的蛋香完全遮蓋。每一啖飯只嘗到濃烈的酒精苦味。毫無酒香可言，像消毒火酒伴飯一様，實屬失敗之作。除只有一剎那火焰之外整個飯味一點應有的味道都沒有，另人失望。另外侍應在燃點牛肉飯時更不小心將少量酒精灑在飯桌上，令桌上有少量著火現象，感覺十分危險。雖然侍應態度尚算有禮，但危險火種另食客近坐感覺不安。…查看更多

下晝兩點幾去食飯，唔多人有吉枱侍應都十問九唔應。價錢平唔預有D乜服務，不過連簡單叫加水都十問九唔應。態度不知所謂。淨係叫上甜品同上咖哩都唔止叫咗幾多次先有人應。吉枱好多都唔知D人係偷懶定博炒。…查看更多

The food tasted average, but the service of the restaurant was very poor. There was one particular waitress who was extremely bad in serving the customers. We ordered some dessert (cake with ice cream) at the end of the meal and when they were served to us, the ice cream was already melting. The waitress didn't clear the dirty dishes on the table and served the dessert directly. She didn't give us any clean dishes and spoons until we asked her. At the end, they did change the ice cream but we already had no mood in eating. It was one of the worst eating experiences. …查看更多