jenniferchoi929的个人专页

餐廳行黑暗型格路線，本身黎到以為係一間bar加有d snack可以食，點知食物既種類都幾多，整體黎講味道都幾高質。Tuna Tartare吞拿魚肉質非常鮮嫩，加上口感順滑既牛油果蓉，撈埋搽係脆片上面，食落超級fresh同開胃，忍唔住食完一啖又一啖。Hokkaido Scallop Ceviche北海道帆立貝味道十分新鮮，魚生上面仲鋪滿一片片既青檸，加上些少既三文魚子做點綴，令整體味道更加豐富。Chicken Roll with Cauliflower Mimolette雞卷外脆內嫩，雖然雞卷有搭配到芝士，但食落又冇話好濟好有負擔，再加上一旁既菇菌，味道balance好好。Nduja Cavatelli Pasta第一次食意粉加魚生呢既combination，一齊食感覺有d怪怪地，味道唔係話超夾，唔知關唔關醬汁問題，但分開魚生還魚生食，貝殼粉還貝類粉食味道係幾唔錯，左口魚同牡丹蝦蓉好鮮甜肥美，貝殼粉口感都彈牙入味。另外值得一提既係我地仲叫左cocktail飲，超級推薦Genmaicha，玄米茶味非常突出，酒味唔會話好濃，對女仔黎講較易入口。…查看更多

好耐無係香港食到咁高質既omakase😍我地今次揀左最便既dinner set 試下，有前菜、14貫壽司、湯同甜品，整體魚生鮮甜肥美，壽司飯份量比例岩岩好，唔會話食到太飽肚，下次會想試其他dinner set~💫前菜前菜三品分別係北海道松葉蟹豆腐 、芥末粒貝同南瓜，建議先食味道較淡既豆腐，唔洗驚味道會被蓋過🤔💫蜜柑鯛💫鹿兒島深海池魚💫車海老 海老魚生比平時食到size大好多😍食落啖咪肉，而且海老上面有些少柚子皮，令味道更豐富。💫帆立貝 帆立貝帶有少少青檸汁攞黎吊味，口感爽滑，味道balance得幾唔錯。💫鰈魚裙邊💫北寄貝💫秋刀魚💫長崎縣中拖羅💫銀雪魚Bb銀雪魚油脂味濃郁，非常之美味😋💫大拖羅 大拖羅食落無咩筋，口感好滑身，而且油脂分布均勻，食完唔會話太油膩。💫海膽師傅將成座海膽山拎出嚟果陣已經心心眼😍海膽味道十分之鮮甜，完全無腥味，食完十分滿足。💫鯖魚鯖魚夾雜住紫蘇葉，出奇地紫蘇葉味道無話太突出，搶咗青魚嘅味道。💫筋子通常omakase都會食三文魚子壽司，好少會食筋子壽司，一開始對呢個筋子壽司無咩期望，估唔到食落又幾多汁鮮甜。💫赤身最後值得一提既係佢既自家製抹茶布甸，抹茶醬味到甘甜，配上奶味十分重且口感滑溜既布甸，美味十足😋…查看更多

今日放左工之後，朋友話想同我飲杯chill下，於是帶左我黎尖沙咀呢間room3 bar~ 平日黎講都算多人，餐廳差唔多滿座。呢間bar除左有得飲酒之外，仲可以食到唔同種類既日式居酒屋料理，而且環境好有格調，好岩同朋友黎飲下酒傾下計～kissaten呢杯cocktail 既espresso味道非常之突出，飲落唔似飲緊酒咁，同rum酒既味道balance得好好。無花果脆薯蟹籽沙律沙律份量十分慷慨，配上鮮甜既無花果，作為前菜非常之開胃。脆核桃小甜魚呢個配搭味道鹹鹹甜甜，加上核桃口感香脆，用黎佐酒一流。迷你蟹王蟹肉窩夫撻窩夫撻入邊堆滿蟹肉，味道鮮甜可口，可惜size十分迷你一啖食哂。燒雞中翼、燒西班牙黑豚秋葵、燒日本豆腐串燒燒得幾惹味，尤其豆腐燒得外脆內軟，食落十分juicy。雞翼釀鮑魚雞翼肉質嫩滑，包住口感彈牙既鮑魚，美味十足。北海道辣味魷魚肝汁松葉蟹肉意大利麵意大利麵非常掛汁入味，加上啖啖既松葉蟹肉，食落唔會覺得太油膩。蔥拖羅三色紫菜taco壽司手卷最有記憶點既一道菜色，拖羅蓉口感綿滑，手卷上面仲鋪有三文魚籽同帆立貝，加上外面包住香脆既紫菜天婦羅，一口咬落十分滿足。菠蘿焦糖燒&水信玄餅菠蘿燒得香甜多汁，甜而不膩，反而水信玄餅味道有d太甜。…查看更多

今次朋友帶左我黎銅鑼灣試新既omakase😋我地兩個都揀左11貫壽司加手卷既lunch set，除左壽司同手卷之外，個set仲包左前菜沙律、蒸蛋同甜品，性價比都算係幾高🤔✨真鯛 鯛魚上面帶有少許柚子皮吊味，味道清新爽口。✨伊佐木肉質豐厚，口感鮮嫩😋✨櫻鱒魚睇落似普通三文魚，食落就似三文魚腩🤔沒有太大驚喜🥲✨墨魚海膽墨魚十分柔嫩，加上面頭既海膽，非常之鮮甜，整體味道較有記憶點。✨大溝貝✨平鯖魚✨粒貝食落爽脆可口，十分新鮮👍🏻✨拖羅✨赤海膽無諗過個set會有兩貫壽司都有海膽，而且呢個赤海膽份量十分慷慨，而且係高質既海膽，完全無苦味，啖啖滿足😋✨燒春魚✨中拖羅味道中規中矩，一如既往係我最愛既魚身之一❤️我地最後甜品揀左柚子雪葩，味精清新，解膩一流😁…查看更多

好耐冇同朋友放工食好野，今次朋友帶我黎尖沙咀食一間專食天婦羅同壽喜燒既餐廳，好少可會係廚師發板既menu同時食到天婦羅同壽喜燒，感覺都幾特別，可以食到兩樣好唔同類型既食物。我地今次叫左$1188既set，一開始食天婦羅果陣覺得d野食可能唔係幾夠食，點知最後食埋壽喜燒就覺得好飽肚。首先天婦羅部份包括有前菜、蒸物、海鮮3品同野菜2品。前菜同蒸物都比想像中美味，而且賣相十分精緻。前菜分別有黑梅貝、蟹膏蟹肉豆腐同陳皮醋番茄，梅貝爽口彈牙， 蟹膏蟹肉豆腐則味道濃郁。至於蒸物方面，瑩光魷魚茶碗蒸口感十分順滑，而且非常足料。相比起壽喜燒，個人較鐘意呢到既天婦羅，尤其係海鮮天婦羅，食材非常新鮮之餘，炸粉十分透薄，更突出海鮮自身既鮮甜味道。今次食既海鮮3品天婦羅都超級高質: 海老天婦羅厚肉爽彈，配上柚子鹽令口感更加豐富; 北海道帆立貝炸成半熟，外脆內嫩，美味十足; 最後兵庫縣生蠔肉質肥美，可惜品種問題唔係好大隻。另外野菜2品天婦羅亦非常出色，北海道粟米芯同三色番薯糕味道清甜，十分可口。去到壽喜燒，師傅準備左三款唔同既肉，分別有十勝A4和牛西冷、美國安格斯肉眼同西班牙黑豚肉。整體黎講肉質都偏孩身，無太大驚喜。反而個野菜盤入邊既厚揚絹豆腐味道比較特別，好滑好重豆味。最後甜品檸檬木糠布甸味道酸酸甜甜，十分解膩。埋單先知原來而家餐廳早鳥晚鳥有七折優惠，其他時段同全日酒水有八折，好似抵左咁🙊…查看更多

最近ODELICE愈開愈大分店，連沙田都有🤭，同男朋友叫左個2人set ，食物選擇都幾豐富，食完之後好滿足😋前菜除左每人有一碗湯外，仲可以俾我地三選一頭盤，個晚我地就揀左個煎封吞拿魚薄片，每一塊都真係非常薄身唔會感覺好油膩，作為開胃菜黎講就真係認真唔錯。另外個set仲可以額外加錢食生蠔，男朋友話自己係食蠔達人就叫左四隻生蠔，生蠔蠔睇落唔會話好大隻，但味道新鮮可口，海水味道較重🦪主菜我地可以係五道菜入面揀兩樣，我地都非常中意食Risotto同牛扒，所以毫不猶豫就揀左軟殼蟹意大利飯同澳洲肉眼牛扒。Rissoto比起平時既意大利飯黎講，口感更好而且最重要個飯一d唔油膩，食完一啖就接著停唔到口，加上軟殼蟹外脆內軟，一啖飯一啖蟹，十分之美味☺️而個牛扒我地都比較食得生既牛所以就叫左medium rare,，牛扒出到黎唔會話好紅好多血水，而且肉質算幾嫩滑，呢個價錢食到咁高質既牛扒都幾抵食🤤至於餐飲方面，男朋友就試左佢既甜白葡萄酒，白酒就飲得多，甜白葡萄酒就第一次試。雖然比白酒偏甜，但飲完之後個人反而開胃左，又可以解下膩都幾唔錯。我果日有少少敏感，唔係幾飲得酒，於是叫左個熱情果凍檸茶，香甜得黎又好清新😆最後到甜品，男朋友中意食crepe cake，但估唔到呢到都有得叫🤭花生朱古力可麗餅整體甜度岩岩好，食完唔會好漏👍🏻…查看更多

今日放工去左搵男朋友係觀塘覓食，係ig見到呢間木系cafe環境好似幾闊落，好適合打卡，就決定黎左呢到食🤔夜晚得set可以叫，價位比較進取，但整體而言味道同service幾唔錯，可以值得一試😌一坐低之後，個staff就serve左我地兩杯welcome drink，紫蘇梅子梳打飲落酸酸甜甜，非常之開胃😋之後既appetizer我地揀左明太子大蝦香蔥吞拿魚蓉他他伴脆米通同西班牙火腿伴松露溫泉蛋忌廉野菌伴蘆筍~個大蝦脆米通冇想像中咁香脆，咬落硬硬地，有少少黏牙🥲反而西班牙火腿配溫泉蛋味道有驚喜，松露味十分突出，整體配搭濃味可口😋跟住湯飲方面，我地兩個都揀左乾邑龍蝦湯，同平時飲開既龍蝦湯好唔同，呢度蝦肉同湯係分開上，龍蝦湯飲落較清甜，冇乜調味料味~飲完龍蝦湯之後，個set仲包左杯refreshment tea，味道十分之清新。黎到main，我地叫左和牛西冷配慢煮和牛臉頰同香煎鵝肝紅花大啡菇意大利飯share黎食。西冷同臉頰都煮得非常軟腍入味，尤其西冷既熟度掌握得岩岩好。另外鵝肝意大利飯亦十分美味，意大利飯上面仲有芝士，令口感更加豐富，但略嫌意大利飯配上鵝肝之後有少少油膩，如果一個人食曬會有d太heavy🙈最後甜品個紅莓蛋糕味道不過不失，有機會果話下次會試下upgrade做tiramisu黎食🧐…查看更多

好難得係香港搵到間咁正宗既烤魚，唔洗北上去探魚都食到～平日黎到都要排半個鐘先有位今次我地揀左鮮青椒味清江魚，魚肉非常嫩滑，而且香味可口。值得一讚既係個烤魚size都幾大，唔似得平時食開果d烤魚得幾啖魚肉就食完，兩個人食岩岩好，食完十分滿足😋另外我地仲叫左d串燒同小食，分別有雞軟骨、烤土豆片、羊肉串、鴨血粉絲同鐵板豆腐，整體黎講都非常之惹味，尤其係個鐵板豆腐孜然味十足，同烤魚一樣咁高質。最後緊係唔少以紅糖糍粑作結啦～呢到既紅糖糍粑口感十分軟糯，甜度適中。我地走果陣先發覺而家晏就十二點到五點有優惠可以任食配菜，可惜我地食夜晚😵‍💫…查看更多

成日買lunch果陣經過一虎都見到大排長龍，為左要試哂灣仔既所有拉麵，今次同朋友的起心肝係大熱天時排隊入去食🥵好彩都算入得快，排左陣就有得食🤭本身我地掙扎左一陣好唔好試新野，最後我地都係驚個檸檬拉麵太伏，分別叫左黑虎同海老虎🥲兩款拉麵湯底味道同想像中差唔多，黑蒜油湯底味道濃郁，食落十分香口，唔會話太過油膩。另外個秘製蝦湯底味道亦相當不俗，蝦味突出，而且配料十分豐富，食完超級滿足。除左兩款拉麵，我地仲叫左個煎餃share黎食，值得一讚既係佢個煎餃皮薄，餡料十足，算係幾高質既日式煎餃😋…查看更多

出左糧想同男朋友食間好啲既餐廳，搵左好耐終於決定左食呢間katana，餐廳外部設計好似座雪山咁，唔講都唔知係食日本串燒🤣餐廳除左主打串燒之外，仲有唔同口味既sake，選擇十分之豐富😌💫菜條前菜係菜條沙律加甜醬，大熱天時食d沙律都幾清新，中意淡淡地既朋友可以挑戰下唔點醬。💫和牛他他我地仲叫左個和牛他他做前菜，佢同平時d他他好唔同，唔係一團蓉咁，而係一塊塊放係冰水上面既刺身，食落去除左感覺到牛既新鮮外，仲帶著啲凍凍地既感覺😆💫燒鳥組合燒鳥組合有鹽燒雞蠔肉、汁燒雞上髀肉同柚子胡椒雞上髀肉。雞肉非常之肥美滑嫩，個種啖啖肉既感覺真係令人覺得好滿足，唔同既醬料配上雞肉都有唔同既層次。💫厚切牛脷、紐西蘭羊架、芥末燒牛小排牛脷超級厚身嫩口，十分美味。另外中意食羊既朋友一定要試下呢個羊架，非常多汁可口。最後個牛小排亦十分高質，而且面頭加有芥末，令整體口感無咁油膩👍🏻💫月見免治雞肉軟骨免治雞肉軟骨配上蛋漿，食落有蛋香之餘，仲有好香既雞肉味，熱辣辣咁食好好味。💫荔枝豬肉卷師傅將豬肉包住荔枝黎燒，估唔到個combination又幾match，味道好清甜可口😎💫燒白鱔白鱔外皮炸得好脆，肉汁鎖住左係層皮到，一啖咬落去d油入曬落個口到好正，但略嫌個調味有d鹹。💫燒油甘魚鮫、鰻魚脆脆、和牛味噌朴葉燒油甘魚鮫個size非常之大，而且魚肉超級滑嫩，男朋友食到津津入味😂 鰻魚脆脆炸到好似薯片咁，但仲維持到鮮嫩多汁，好適合攞黎送酒。另外個和牛味噌朴葉燒係將啲生牛肉放係塊葉上面用炭火燒，但提提大家唔好燒咁耐，如果唔係會食唔到味噌因為都燒乾曬，中意生牛肉既朋友一定唔可以錯過☺️💫紫菜芝士年糕最後我地其實都叫左支無濾過純米吟釀，咁多野食唔飲野會好口乾，而且呢間餐廳出名係sake梗係唔可以錯過啦，呢枝sake無我地平時飲開個啲好難入口，味道甜甜地，飲落非常純淨同清新😍…查看更多

今日放咗工之後同男朋友係銅鑼灣覓食，見到銅鑼灣開左second draft，好耐之前係大坑食過，印象中感覺幾chill，食物味道都幾唔錯，於是就帶左男朋友入去食啦😋💫大坑薯條記得第一次食大坑薯條果陳，朋友推介話全香港最好食既薯條🍟雖然食完之後覺得無佢講到咁誇，但薯條口感非常香脆，加上面頭孜然粉同辣椒乾，滋味十足🤤另外薯條仲配有自家製千島醬加高菜，食落酸酸甜甜，十分解膩。💫熱浪炸菇估唔到雞髀菇炸完之後仲十分juicy，上菜既時候仲熱辣辣，佐酒一流。💫腐乳卡邦尼見到呢個combination幾創新，本身都係試伏心態叫黎食，點知味道都幾正常，腐乳味唔會太過濃郁，比想像中好食🤭💫啫啫雞翼煲雞翼十分迷你，但份量慷慨，食極都仲有🫢自家製既水牛醬加上藍芝士，令到雞翼味道非常特別，食落鹹鹹甜甜，十分惹味。最後我地仲叫咗兩杯手工啤酒，分別係Chung king expresso同Peach ceylon IPA Hoppy，前者味道十分特別，真係飲得出咖啡味，而且麥味非常重，令人印象深刻。後者反而唔係話好飲得出個桃味，但味道都幾清新。…查看更多

之前同朋友食過秋田浜燒食堂，味道都唔錯，於是今次特登黎試佢旗下另一間專食omakase既日本料理餐廳。去到先知原來兩間餐廳只不過係樓上樓下，整體魚身非常之新鮮肥美，十分高質。✨先付三品前菜分別有螢光魷魚、海帶同海螺，魷魚同海螺食落十分爽口，而海帶食落則酸酸地咁，非常開胃。✨沙律✨茶碗蒸茶碗蒸口感十分順滑，值得一提既係朋友本身唔好食蛋，本身以為可能會換d前菜俾我朋友，點知師傅勁好咁換左個燒扇貝俾佢，份量仲要唔少。✨刺身五品無諗過刺身會有生蠔，生蠔食落十分creamy，而且海水味唔係好重。另外刺身仲有赤貝、油、海膽卷同油甘魚，味道鮮甜可口。✨壽司六貫每款壽司既魚生都係厚切，其中炙燒右口魚邊同炙燒拖羅油脂味香濃。較為特別既係最後一道壽司你一個迷你丼飯，有三文魚子、海膽同蟹肉蟹膏，食完十分滿足。✨湯品魚湯味道鮮甜濃郁，魚味十足。✨甜品甜品非常豐富，除左有日本蜜瓜同抹茶奶凍之外，仲有得食黑芝麻雪糕。三款甜品都好好食，尤其係個抹茶奶凍，口感十分滑溜，而且抹茶味突出。…查看更多

最近朋友搬左黎灣仔office番工，晏就約我左黎呢間日本野食lunch。唔係朋友介紹都唔知QRE入邊有間既decent既日本餐廳～雖然餐廳定價有d進取，但環境好闊落，坐得都幾舒服，好適合黎食business lunch。我地兩個都叫左個特上壽司拼盤定食($238)，分別有帶子、拖羅、三交魚同油甘魚等12件壽司，魚生食落鮮甜肥美，而且大多數魚生都係我至愛。除左壽司之外，個定食仲包左和風沙律、甜品同凍飲，味道都幾唔錯，尤其係個冷泡荔枝紅茶，飲落非常清甜解膩。另外我地驚個set唔夠飽，仲特登叫左個日式餃子share黎食，餃子味道中規中矩，壽司會比較出色d。…查看更多

聽朋友講左好耐話呢間台灣野好好食，而家仲開到黎銅鑼灣就腳好多，終於有機會同男朋友放工去食🤤平日夜晚黎到都排左一陣先有位，食物價錢唔係話好平，但味道真係相當正宗，唔怪之得咁多人食🤣我地叫左兩個main同一個小食share。半筋半肉麵既牛肉煮得十分軟腍，而且非常入味。另外個滷肉飯配鹹酥雞味道都唔錯，鹹酥雞即味即炸，唔會話太重口味~至於個超司肉鬆蛋餅亦非常之足料，蛋餅既厚薄程度岩岩好，食落非常滋味🤤…查看更多

以清酒為主題既精緻日式料理餐廳✨今次我地試左和酒銘選tasting menu ($988)，一共有八個course，每個course都會配搭唔同口味既清酒，更加突出每道菜式既獨特風味。平時飲開既餐酒pairing要額外俾錢加配，但呢到既tasting menu已經包埋個sake pairing，可謂相當抵食。係開始食第一道菜式之前，餐廳好好咁serve左一杯日本水俾我地，飲落真係較普通水更清甜，無咁多雜味。✨魚子醬伴潮味豆腐 配 作 Impression豆腐口感順滑，加上面頭濃郁既魚子醬，令味道層次更為豐富。呢道菜式配搭既清酒飲到最後帶有些少苦澀，更突出豆腐既鮮味。✨煎酒平目、醉心赤貝 配 鏡山 千秋龍脈 純米大吟釀平目魚同赤貝刺身都十分鮮甜美味。最為驚喜既係佢個清酒配搭，呢款清酒飲落有好香既青蘋果味，同赤貝上既青蘋果蓉非常之match，亦都係😈係今次sake paring 最鐘意既一款清酒。✨蟹肉飛龍頭 配 天之户 吟泉 純米以蟹肉、豆腐、甘筍同木耳製成既肉丸，煎得外脆內軟，而且感覺十分足料。✨藁草燻鰹魚 配 仁井田 自然酒 樽熟成純米鰹魚帶有濃郁既煙燻味，加上木桶熟成清酒散發出黎既木質香氣，令層次升華。✨里芋牛筋煮 配 大湖x sake man牛筋口感軟嫩，而且煮得非常之入味，配上自家品牌清酒，滋味十足。✨和牛香味燒 配 超王祿 本生·純米黎自鹿兒島既A4和牛肉質嫩滑，而且油香味十足，配上花果味既清酒，減低和牛既油膩感。✨鮑魚素面、鯛糯米飯、豚角煮、鼈清湯 配 北鹿 生酛 本釀造主食菜式十分之豐富，有得食面又有得食飯😈覺得鮑魚素面較為出色，鮑魚煮得非常軟腍入味，而且素面配上香濃既海膽汁，食落美味可口。鯛魚配糯米飯則味道較淡，略為遜色。清酒分別以三種唔同既溫度配搭呢道一汁三菜既菜式，清酒隨住溫度既變化，會呈現唔同風味，熱飲時口感較甘醇，凍飲則較為清爽。✨水信玄甘味杯 配 悠久之古味酒 2003大吟釀仕込最後一道甜品既水信玄杯口感會較為light d，有d似無味既透明啫喱，入邊仲有d芒果蓉，撈埋一齊食清新解膩。整體而言，😈非常欣賞今次既sake pairing，同每道菜式既味道balance得好好。而且每款清酒都會配有唔同款式既酒杯，入口清甜順滑，香氣十足。…查看更多