JR1011的个人专页

冬天最岩就係圍埋一枱食雞煲打邊爐，所以就近近地去左牛頭角既倫哥私房菜。食物方面，當日雞煲我地order bb辣度，呢個辣度對我嚟恰到好處，食到四川特式既辣味中帶有輕微既孜然味，香氣滿逸。嘴饞既我特別食多兩件。食完雞煲後就開始打邊爐，湯底係雜菌湯底，肉類方面有澳洲牛肩胛，豬肉；海鮮有青口，帶子，脆肉鯇，龍躉，鮮蝦，肉蟹。外面有自助bar可自取蔬菜及丸類食物。當天最令人深刻的食材為青口，比坊間的更厚肉和鮮甜。服務方面，上菜速度快，服務員態度良好會幫忙煮雞煲，更在最後主動送上涼粉幫助清熱解毒，十分體貼。綜觀而言，食用體驗十分良好，對得住以私房菜為店名既水準，可以經常光顧。…查看更多

今日嚟咗海濱一個幾有情調嘅餐廳食飯，環境寬闊，坐得幾舒服，仲播住啲好聽嘅流行曲，可以放心咁傾偈，唔使驚隔離枱聽到晒🤣🤣首先嚟咗餐包，餐包一上到黎就聞到香噴噴嘅味道，麵包微熱，都幾鬆軟，不定搽埋啲牛油😉😉香煎法國鴨胸 $168份量都算幾多，整得幾香口。我覺得佢啲配菜唔錯，差唔多比我食晒！烤美國原隻春雞 $248熱辣辣整起嚟，要小心啲，唔好熱親！啲燒春雞既皮整得幾脆，肉質都幾鮮嫩。雞嘅底下有啲飯，索到d燒春雞嘅香味。Mixed Berries Mojito$58呢杯嘢飲有藍妹、士多啤梨、薄荷、青檸，仲有梳打，好Fresh 呀！一路飲一路諗住周杰倫嗰首歌🤣🤣…查看更多

想食呢一間餐廳好耐，今日終於抽倒時間嚟啦。入到去覺得係值得嚟嘅，因為個景色令到呢間餐廳加咗好多分☺️☺️之前上網睇見佢嘅法式龍蝦汁鮮龍蝦手工意大利粉🍴大受好評，所以就叫咗試吓。手工野通常都好好食，結果冇令我失望！手工意粉幾出色👍👍但係最出色嘅一定係個龍蝦🦞龍蝦超級入味，勁新鮮同好食，另外佢啲龍蝦汁都要讚下，意大利粉撈埋啲龍蝦汁同埋龍蝦肉粒一齊食，真係好享受😘😘所以佢價錢咁貴都有道理🤣🤣🤣喺出邊一定食唔到呢啲味道😌😌最後加多一個甜品，巴斯克焦香芝士蛋糕🍰本身諗住個芝士蛋糕會好細個，但冇諗過佢都算幾大喎！有少少驚喜😋芝士味香濃，伴隨着啲焦香味，good呀👍👍👍兩個人share食就啱啱好，一個人食嘅話就會有少少膩😝但呢個甜品我覺得相當唔錯😘…查看更多

朋友之前介紹過呢一間餐廳，話啲嘢食好抵食，而且係好食嘅，唔會因為平而影響食物嘅質素，我覺得喜出望外啊！一入門口有自助售票機我今日揀咗個最平嘅餐，係牛肩排，只需要$80就有180g. 係等嘢食期間，我去咗自助bar拎咗啲沙律🥗湯同埋飯，啲飯可以加紫菜粉喺上面，牛肉湯唔錯，佢有好多料，幾好！我一路燒一路切開嚟食，肉質幾鮮嫩，食得滋味同開心呀我😋😋🥰自己可以睇住塊牛扒燒成想要嘅熟度，唔怕廚師煮得過生/過火👍下次我都會翻返嚟幫襯呢一間餐廳，這是回頭率高的餐廳🍴…查看更多

同朋友黎左一間新餐廳食飯，放工想chill下，餐廳環境幾舒服，最岩傾下計，飲杯野，relax 下。主食炭烤澳洲M5和牛肩肉，期待左呢樣野食好耐啦，睇到個名都流哂口水！野食黎到梗係相機食先啦，我叫左5成熟，好多時候廚師都未必會煎到，但我對呢間都幾滿意，因為佢煎到恰到好處，是美美的粉紅色肉！配菜都做得唔錯。朱古力心太軟我叫左店員幫我加happpy birthday 既字眼，唔駛額外加錢，good！最意想不到既係，店員居然幫我地影即影即有，仲送埋比我地添，好貼心的服務。記得得呢一款先可以加字的。甜品當然唔錯啦Enden Garden 呢杯野飲有：Seedlip Grove 42, Elderflower Gomme, Apple Juice, Citrus, Fresh Mint Leaves, Soda Water，配搭豐富，味道新鮮。會再黎幫襯的餐廳，服務好，野食質素都好。等疫情緩和一定再約朋友仔來。…查看更多

呢間餐廳叫做桔梗，個名聽落好有文青感覺。同埋都好受歡迎，有唔少人排隊。佢係主打燉飯，朋友都係嗌飯，每一種飯都有唔同嘅風味同埋賣點。我叫嗰個剁椒牛肉，係台灣眷村好味道 。燉牛肉味嘅味道好熟悉啊，有啲似我哋細細個成日食嗰啲牛肉乾。椒麻味幾重，好正，我真係幾鍾意呢個飯，下次嚟我會再食！呢個燉飯都有溫泉蛋，唔會太熟，一切開嘅時候流心果下令人垂涎三尺嘢飲我就叫咗黑糖牛奶，甜度啱啱好，暖笠笠，健康之選啦朋友叫咗鮮奶抹茶，我偷飲左一啖，綠茶味好濃郁，好消暑約埋三五知己嚟呢度食飯都幾唔錯㗎，推薦！…查看更多

呢間餐廳既其中一個賣點逢星期四至六會有Live Band, 聽住live band 食飯好chill☺️☺️不過朋友時間唔岩，所以冇band show 睇。但餐廳環境同氣氛都好唔錯🤩🤩幾有特色！香煎鵝肝上菜嘅時候已經聞到陣陣嘅鵝肝香味，佢配咗包同peach, 我都幾鍾意呢一個配搭。鵝肝煎得香口，我都急不及待想即刻食🤤🤤龍蝦汁海鮮手工意大利麵佢係比較細條啲嘅薄啲嘅意大利麵,但咬落嘅口感唔錯，幾彈牙！龍蝦汁嘅味好突出，再加埋幾款海鮮蝦、魷魚、青口等等，都算幾豐富👍威靈頓牛🐮牛肉煎得恰到好處，牛味亦都相對重，仲有原粒蒜頭配住食，佢嘅配料我都幾鍾意。mocha最鍾意佢加咗一層厚厚嘅cream，同平時飲開嘅都差唔多。都幾滿意今日呢一餐飯，下次會帶朋友一齊再食…查看更多

五星好評韓餐廳最近食左好多唔同國家嘅美食，唯獨是就係未食韓國嘅嘢😤😤，咁岩得咁橋經過旺角一帶，上網睇吓邊到有韓國嘢食吓，就搵到一間好多好評嘅餐廳，最後決定同朋友去試一試。「Yaddle Plate」 招牌令我好深刻....因為有一個好大嘅唇膏💄印，排除等候嘅人都好多。睇咗個餐牌一陣之後，我哋叫咗個天國的榮耀，聽個名已經覺得好特別，原來係用鐵板上嘅安格斯肉眼扒🥩🥩，肉眼扒🥩🥩有五成熟，而且好大件同好有厚度，肉質超級嫩，有重重嘅牛味，所以都唔洗啲咩調味料了。除咗肉眼扒之外，仲有啲配菜係隔離添。之後再叫咗個淑女辣醬炒年糕 (小辣) ，個名又係改得幾盞鬼。雖然話就話小辣，但係其實都好辣🔥🔥，裡面仲加咗啲芝士，令到年糕唔會淡茂茂，口感好煙韌添。食咗咁多油膩野，決定叫番個清淡少少嘅檸檬🍋雞肉沙律，沙律都冇咩特別，蔬菜好新鮮好甜，加左啲檸檬汁上去...令到成碟嘢更清新，仲有幾塊麵包食下添😂😂。最後再叫埋個Oreo朱古力雪冰，成碗都係Oreo碎，我心諗食完之後成棚牙都係黑色😂😂，不過唔理咁多啦，因為真係好好食....估唔到Oreo係咁夾個冰架！btw可能因為冷氣唔夠啦，食呢個雪冰特別爽，簡直係甜到入心頭啊❤️❤️！好彩選擇到一間好食嘅韓國餐廳姐，下次一定試埋呢到嘅手工炸雞🍗啊！…查看更多

再次幫襯呢一間餐廳，上次用餐體驗一般，可能係我點嘅嘢食唔好味。今次點左豬頸肉拉麵定食。午市定食會有前菜，前菜就咁睇幾豐富幾好食咁。有三舊壽司🍣三文魚、玉子、加州卷。壽飯有少少散，食落正常味道。因為人比較多，個拉麵都等左一段時間先來到。滿心期待嘅我一試個豬頸肉真係有少少嚇親，因為佢有啲難咬開🤯豬頸肉好韌，而且好似冇乜味咁，好似咬緊橡筋😣🥺又一次失望呀！係咪佢啲熟食都唔好食的？明明之前朋友介紹話呢間野都幾好食，不過佢係話壽司嘅😂我諗點魚生嗰啲應該OK⋯⋯係我自己嘅問題🤣…查看更多

假期又係諗食咩嘅時候，好耐都冇幫襯薩莉亞，今日就去咗食。其實好耐之前都有傳餐廳嘅衛生問題好嚴重，所以已經有一段好長嘅時間冇食，因為都怕佢啲碗碟唔乾淨，最近腸胃比較好，可以去挑戰下🤣叫咗明太子魷魚🦑意大利粉，意粉多汁，明太子都多到食唔晒。雞肉多利亞意大利飯係我係呢一間餐廳一直以來最鍾意嘅嘢食，水準都仲可以保持到，都好味😋最後叫咗四隻辣味雞翼，唔知係咪好耐冇食，都好懷念佢雞翼嘅味道，好好食呀😘薩莉亞係平價餐廳來講係好食嘅，如果冇衛生問題，我諗我都會多啲幫襯😆…查看更多

觀塘工廈一向都多嘢食，食極都仲係有好多選擇。朋友揀咗呢一間泰國菜，但係Openrice睇相好靚喎，應該好好食！我哋提早book左枱，一去到就有位，大家應該都要預先訂枱。見到張枱上面居然有張卡仔寫住朋友嘅名同用餐嘅人數，嘩！好貼心啊！呢種服務令到我有驚喜😄😄叫咗豬頸肉,豬頸肉嘅份量好多，我比較鍾意佢個醬汁，同啲豬頸肉好相配😆推介大家選擇。另外仲叫咗半隻燒春雞,我覺得有少少鹹，不過塊皮都整得幾脆，食落都唔錯。本身好期待食生菜🥬包，但因為我唔係好食得辣,啲肉太辣，食咗一舊就冇食啦😂所以我即刻叫咗個椰汁嚟飲，沖淡啲辣味，唔係真係攪唔掂😭原隻椰汁超正再嗌多個菠蘿炒飯,有好多蝦呀，仲有腰果同菠蘿,個飯就一般。餐廳可以坐好耐,可以慢慢傾計,好relax。廁所🚽好乾淨👍…查看更多

我相信好多人同我一樣都好鍾意食譚仔三哥米線，係佢嘅粉絲哈哈！無論晚餐定午餐都會有機會選擇食譚仔的。今日起身想食啲清淡嘅嘢，所以就揀咗食米線。平時都會點麻辣食嘅，但今日就想食清湯。叫咗墨丸走韭菜，清淡之選…查看更多

今日經過黃大仙中心,見到呢一間餐廳門口有好多人排隊，而餐廳入邊都坐滿左人，所以就吸引左我入去食啦！等左差唔多15分鐘就有位，都算幾快。我點左個午市套餐，食日本野黎講，價錢算平。壽喜牛肉鍋定食，盛惠：$72，個套餐仲有包一個蒸蛋，我覺得個蒸蛋就比較一般，舊冬菇有d硬。蒸蛋嘅味亦都唔係唔係好出。個牛肉鍋黎到令我有啲失望啦，好普通，牛肉份量亦都比較少，粉絲又唔係幾好食呀，但啲菜真係有好多，會食得好飽嘅。整體覺得都係好一般！…查看更多

最近都好想食啲好煙韌嘅嘢，一直都想試啲好味嘅麻糬，今日又喺新蒲崗附近，上網搜查下有啲乜嘢鋪頭會買麻糬，搵到一千零一間嘅麵包舖嘅報導，咁一於就去試吓啦！鋪頭嘅裝修都幾乾淨，入到鋪頭陣陣嘅麵包香都撲到鼻來，行咗一個圈，終於搵到我想食嘅抹茶紅豆麻糬包，好大個包呀！不過都唔平要買成$26一個，但係兩個人一齊share食都已經幾夠飽啦😌😌不過呢我有少少失望，因為今次嘅主要目的係想食麻糬，但係佢麻糬嘅份量得好少，加埋都唔知有冇唔舊！而且個包起碼有¼係冇紅豆，失望😞個包滅落去呢就好硬，但食落又幾鬆軟，抹茶味淡淡嘅我覺得都唔錯嘅，包尚算好味道，但係餡料就令到我失望😞希望今次只係我嘅唔好彩，希望佢之後嘅麵包唔會係咁啦！…查看更多

番到屋企發現屋企人冇煮我飯，就唯有落樓下Aeon foodcourt 覓食。行過見到有間主打咖哩飯同洋食嘅日本餐廳，個廚師喺度煮緊意粉，望落好似好唔錯，就即刻買左一份嚟試。我點咗一個“忌廉煙肉蘑菇麵“$59，晚飯嚟講唔算貴。等咗大約十分鐘，個意粉終於嚟啦！講下個意粉，份量唔算好多，但係整體來講都可以接受嘅，幾好食嘅👌🏻👌🏻特別鍾意佢哋既忌廉汁，忌廉味都幾濃下😄😄不過煙肉嘅份量都係偏少，但🍄蘑菇份量就OK啦。呢個意粉賣相都幾吸引，味道都唔錯，令我有啲驚喜😝…查看更多