Soso22soso的个人专页

今日同朋友一齊去左屯門呢間隱世居酒屋，主打CP值高嘅餐廳，同一班朋友飲住酒食住日式料理，係一次好好嘅體驗。首先點左牛油果三文魚沙律同原味玉子燒做開胃菜，跟住叫左啲串燒類野食，有厚燒牛舌同燒雞皮。牛舌真材實料，燒得剛剛好唔會太乾又juicy。 雞皮燒到有啲焦脆，送酒一流😋另一樣幾驚喜嘅小食係芝麻雞翼同太子炸蝦卷，芝麻雞翼外皮酥脆，內裏多汁👍🏻炸蝦卷配埋個芝士醬汁剛剛好，就算俾啲飯包左喺入邊，都仲保持到個脆度。鹽燒三文魚頭原個上，調味剛剛好，唔會好死鹹，魚邊燒到脆脆地，加埋啲鹽好似食緊薯片咁。魚頭啲魚肉保持到嫩滑，不錯。刺身我地叫左帆立貝刺身同三文魚盛盒（有三文魚肉、厚切三文魚）。食完唔夠喉，再叫多個北海道刺身丼（有玉子、帆立貝、海膽、三文魚、海蝦刺身）。刺身質素好不錯，新鮮，以呢到既價錢黎講係物超所值啊！職員上菜速度快，服務態度良好👍🏻都係一個加分位！雖然位置未必最就腳，但一定會再返嚟幫襯👍🏻…查看更多

今次特別推出期間限定「One Piece」主題，店舖裝飾滿佈海盜王元素，櫈有路飛、索隆等角色櫈套，令人一入門就興奮起來。呢個主題唔止係賣薄餅，仲有送紀念品。「海盜王主題薄餅」絕對係焦點！呢款薄餅以經典瑪格麗塔為基底，配上新鮮番茄醬、芝士同香草，餅底薄脆彈牙，咬落去芝士拉絲，味道濃郁誘人。特別之處係餅面設計成路飛嘅草帽形狀，邊緣灑滿彩色椒粒同橄欖，視覺上好吸睛，食落又唔會太油膩。無論係One Piece粉絲定一般食客，都會覺得呢個限定版好玩又有驚喜。當日仲食埋次次都會食既白醬海鮮面！…查看更多

喺觀塘嘅「Simply Life」店內氣氛輕鬆，適合同朋友聚會或者商務午餐。招牌菜「和牛漢堡」真是一個字：正！用頂級和牛肉餅，肉質嫩滑又多汁，煎到外脆內嫩，牛肉香氣爆棚。配上新鮮生菜、番茄同特製醬料，夾喺軟熟嘅漢堡包入面，食落層次豐富。漢堡包微焦嘅香氣好吸引，每啖都係享受，再配薯條，完美！另一款「手撕豬食漢堡」都好掂，手撕豬肉慢煮到入口即化，配酸甜燒烤醬，味道濃而不膩。加咗爽脆洋蔥同酸菜，食落清新又過癮。…查看更多

位於尖沙咀繁華地段的The Jang店內裝潢時尚，氛圍輕鬆適合年輕人聚會。餐廳主打韓式炸雞、麵食等，菜式色香味俱全，讓人一試難忘。招牌菜「炸雞四重奏」是必點之選，包含四種口味：原味、甜辣味、蒜香醬油同creamy &crunchy。炸雞外皮酥脆，肉質鮮嫩多汁，每款醬料都獨具特色。辣味炸雞微辣開胃，蒜香醬油濃郁誘人。搭配冰涼啤酒，完美解膩，適合分享。另一款是「炸醬麵」，採用韓式黑豆醬，濃稠香醇，配以爽口黃瓜絲與軟嫩豬肉丁，麵條彈牙入味。醬料鹹香適中，帶有微微甜味。…查看更多

位於葵芳商場內的「燈籠滷味」以其獨特的台灣風味吸引無數食客，店內氛圍溫馨，帶點懷舊台灣街頭小吃的氣息，讓人倍感親切。店舖主打滷味、手工餃子等食材新鮮，調味獨到，令人回味無窮。招牌菜「玉米豬肉蒜香手工餃子」餃子皮薄而韌，內餡選用豬肉搭配清甜玉米粒與濃郁蒜香，口感層次豐富。每一粒餃子都手工捏製，咬下去湯汁四溢，蒜香與玉米的甜味完美融合，令人欲罷不能。另一亮點係「台灣至尊」滷味拼盤，有滷豆干、雞翼、黑輪條等，滷汁入味卻不死鹹，香料比例拿捏得宜，帶有淡淡中藥香氣，每一口都係滿足。整體而言，燈籠滷味以用心製作的菜式與濃濃的台灣情懷，商場行完街可以去試一試。…查看更多

又係中午快速食個lunch 時間🤫已經樂耐無食譚仔3哥😂見餐牌有新優惠小過橋同珍寶飲品就試下，CP值高😂小過橋係過橋米線mini版，無炸醬🥹如果有埋就好。不過呢個價錢又算係咁，份量足夠。普通食量剛剛好，又有6、7種料。…查看更多

趁平日放假少啲人去試左呢間西班牙菜！兩道前菜Croquette 同fried mini squid 都整得酥脆好味。主菜Seafood Paella 啲飯粒煮既口感對我黎講係剛剛好，軟硬適中，有好幾款海鮮，仲有啲飯焦，脆香！我仲叫左杯white Sangria 同埋Churro ,Churro 我個人覺得整得幾好食，本身有少少調過味，玩啲朱古力泡沫醬同出面食開就咁一pat 朱古力醬有啲吾同，整體體驗良好～…查看更多

又係新蒲崗搵食之選😂lunch break 有時都會選擇黎呢到。佢午餐有pasta, 牛扒同飯類，今次試左佢既咖喱牛腩飯，配蘑菇忌廉湯。咖哩牛腩飯個汁好香，佢仲加左小小麻香落去，好惹味～ 牛腩都整得好淋。以佢呢個價錢仲加飲品，環境相對較舒服，性價比都算不錯。…查看更多

因為係附近番工，所以成日係新蒲崗周圍搵野食😋呢個係同事介紹，因為鍾意食鵝腸所以通常黎都係叫鵝腸既菜式。整體食物水平okay, 呢個價錢，中午lunch 都算係咁。我叫左鵝腸鹹雞飯，同事叫嘅湯飯份量都好足。…查看更多

APT吾係Rose 同Bruno Mars 首歌😂係指A Personal Tailor。今次我試左佢既咖啡，佢可以揀white or Black , 濃度同想要nutty 定fruity 啲。 我揀左Mild Iced white 既fruity house blend。 飲落去咖啡豆個種fruity 味真係好出，飲完個杯仲有個陣淡淡既果香，不錯！！！我見佢仲有toast 個啲都可以自行挑選同埋組合，所以整體concept 都幾有趣。…查看更多

今日同一班朋友黎試下秘魯菜，環境佈置得有氣氛，侍應服務態度好好，上菜速度合適。今日我哋點了四個菜式，一定要試嘅秘魯拼盤，入邊有烤雞、腸同埋扒，搭2個配菜。烤雞吾乾，整體味道不錯。跟住我哋仲試咗個秘魯豬肉糭，口感好得意，要沾配佢既醬先有多啲味道，吾係本身就咁食會無咩味，未試過可以試吓。見佢個lunch set幾抵，所以叫左煙燻豬肉三文治配蒜香飯，佢個飯有蒜香好正，三文治入邊除咗豬肉仲有番薯，咁樣夾埋有幾好食。最後我哋叫咗個甜品Churros，炸得剛剛好，滿足的一餐。…查看更多