kandywd的个人专页

今日阿強揸車,去到弼街竟然嗌急屎,見有位泊就跑左去搵廁所,停車熄匙,開左車窗,聞到香味,係外賣手工多士既鋪頭,主打我哩d 後生仔路線, 店面文青得黎又多彩活潑.多士花款好多,睇到呆左,跟住老闆就開聲推薦皇冠豬扒焦糖鳳梨多士,講到明唔乾有汁,一於食佢.約5 分鐘左右拎得,拎返上車食,香脆麵包夾住鳳梨生菜,同豬扒.鳳梨真係食得出用焦糖烤過,豬扒有肉汁,肉冇乜醃過,保留左原本肉質同肉味,焦糖鳳梨嘅香甜已經好足夠,連塊菜都好味咗,$48,係有道理嘅,原來大部份食材都係外地進口,對於我黎講,正餐應該食到兩份,一陣要返屋企食飯,一份就好啦.…查看更多

大人相約我去西營盤食飯,佢話佢d 姐妹食過話好好食,於是我就同佢黎試,既然陪佢黎,食乜更係全部佢發板啦.泰式炒金邊粉.哩款雖然冇肉,配料亦只有蝦,蔥同花生碎,但份量唔少,d 蝦仲要爽口彈牙.辣椒粉係放碟邊,方便自己調節辣度,不過都真係幾辣.串燒. 雞牛豬各2串沙嗲醬偏甜肉類醃得幾好,肉質鬆軟,口感好好,大人鍾意雞肉串,我就鍾意牛串.燒豬頸肉. 醃得入味之餘,仲有好濃既香茅香味,亦燒得都唔錯,爽口有肉汁,唔會柴皮,唔洗點個酸汁都好食.飛天通菜.除左大份同口感爽脆之外就冇咩特別,相對其他菜式係好普通,大人話似屋企自己炒.大人開心就好.…查看更多

又半夜收工,阿強又話帶我食好西,原來係界限街間車仔麵,對面the bound 同基隆我就識,前面何車我都食過,係冇食過哩間,不過夜深人靜,香港依家既市道,就黎有24金拱門都要當恩賜,阿強話咩光頭藝人開既,關我鬼事咩,只要唔係乜乜正能樣就得啦.埋去叫餸,阿強細細聲同煮麵姐講野,唔知佢叫乜.我就求奇叫左牛肚筋膀肺米線,咁啱發現朋友係the bound 搞辣醬試食,問佢攞d 黎送麵,辣到飛天.攞完辣醬阿強已經食曬,我唯有拿拿聲食.好啦.總結,以車仔麵黎講d牛雜唔錯,好食嘅.宵夜黎講份量可以.湯重味精,第2朝訓起大人以為我比人打腫左對眼.半夜依家真係冇乜得要求.我見都真係好多人揸車黎買.…查看更多

難得做好事,同d 朋友幫手去狗場做義工,又行樓梯,又行山路,又搬狗糧,餓到人都癲.難為年老義工住係深山,出入行山路,d 狗有咩事仲要帶佢地去診所,真係好辛苦.未落山已經打去富東閣訂枱,其實一直想試馳名片皮鴨.坐低,十幾張點餐紙,搵到片皮鴨果張.首先到係海皇冬瓜盅.大大舊冬瓜.冬瓜盅有蟹柳,蝦仔,貝柱,瑤柱絲,火腿茸,豬肉粒,瓜粒,草菇,湯幾清,幾消暑.咁當然唔夠asahi 消暑啦.片皮鴨到.跟青瓜同蔥.]春卷皮一層一張,一係成塊隊,一係自己搣.皮脆肉滑係正既.]蒜香骨,味道ok,但有少少乾.涼瓜炆鴨件,第一次見涼瓜少過鴨.清蒸沙巴仔,蒸耐左少少.上湯野菌時蔬,清清地,幾好,靠佢同大人交代.見其他枱都係食餐, d 師傅真係片皮片到手都軟,成個餐先九百零蚊.ok 啦.…查看更多

所謂獨食易肥,又肥左一個碼,近來大人嘅管制鬆懈左(會唔會係放棄咗?)已經唔再迫我食草,亦唔問我食左咩...諗住再約明記食飯,book左枱,佢又話眼訓唔到.咁我又獨食.今日扮上等人飲白酒,8點前買一送一,新出左個samosa,類似咖哩角.一客有6隻入面個餡有薯仔同濃厚香料,點燒烤醬試,我鍾意唔點醬原味,就係鍾意佢重香料,又唔係好辣.轉個位坐,同bar tender 吹下水,講講下又餓,叫個kebab試下,佢哩度唔係卷狀,而係naan 配肉同hummus,我唔鍾意食豆蓉,但哩個我可以,naan加hummus 好飽肚,加埋羊肉串今次飽曬.…查看更多

好耐冇食過越南嘢,知道尖咀孖寶上環開左分店,要黎幫襯下,鋪頭唔算大,有排單人位啱曬獨L,下午茶時間人唔多,裝修有花心思,越南尖帽做裝飾,壁畫幾得意,隔牌貼左食物相,唔洗望住隔離奇怪食相之餘又可吸引眼球,引起食欲(大前提要影得靚)午市套餐,包埋嘢飲,下午茶套餐有d 同午餐一樣,問過份量一樣,但係平d.飲品先到,可拎走紙杯裝嘅青檸蕙米水,薏米好咬口,感覺有薏米健康咗,賣相相當不俗,配埋青檸辣椒,牛骨湯底清得黎好夠味,加埋青檸辣椒仲正,幼河粉好滑,牛肉薄得黎好嫩,堅好食.薏米水飲到底先見到d 薏米.$60咁嘅質素,係抵食嘅.…查看更多

一條友,周圍遊,落九龍城街市買獅蚶,行行下見到哩間有人排隊等位,記憶中幾年前食過又唔錯,於是又排埋一份等食,自助落單好方便.不過見d 姐姐唔多想彩人,隔離枱係咁搵人都冇人想應佢地,應果時都唔多願意咁,工作太攰了嗎?叫完嘢食先睇餐牌,叫左冬陰功海鮮湯粉絲,青檸沙冰.魷魚,肉碎,櫻花蝦仔,蝦,湯底都ok,粉絲索左湯都唔錯,,沙冰巨型,大大杯,加左薄荷葉增冰涼口感,味道唔錯.不過事後得知已經轉左手.唔怪得d 姐姐咁樣啦.…查看更多

影完婚紗sample,都半夜,口痕但唔餓,婚紗鋪老闆話依家尖沙咀夜晚死城咁,一係就donki,一係就哩間,未行到就已經見好多人等緊,個個飲到面紅紅,牆上menu就樣樣有d,小炒滷水炸嘢蒸餸米線,湯!!!我見到有湯!!!招牌雞腳湯,就你啦.哩度應該都係做附近酒吧酒客生意.好彩買左兩碗,原來都幾細碗.幾足料,有冬菇有花生,大量胡椒粒,雞腳踭冇去甲,唔緊要啦,好少街買到咁嘅老火湯,冬天如果佢仲係度一定會成日幫襯!…查看更多

話說,大人同事比左疊海港城折扣劵比大人,咁就唯有做個好老公,陪大人shopping,其實真係好啱買既野唔多,但大人都有殺錯冇放過...晚餐諗住是旦係度食埋就直接的士返屋企,點知中伏...首先,全部食物都係近乎常溫,頂盡係叫微暖,唔係熱既,最熱係杯茶!笑料!鎮江排骨,硬過我條命,咬到牙都軟,大人形容為"冇腐化既千年乾屍骨"宮保雞丁,味道正常,但太過多醬,成兜嘢濕立立.小籠包,皮係薄仲有湯汁添,可惜係唔熱.紅油牛肉拉麵.睇落似牛腱,食落似叉燒,好嘢!麵同湯微辣,叉燒味牛肉係甜嘅.令人最驚喜既竟然係兜花生呀,仲係脆架,全餐飯最好食嘅就係佢!,唔怪得要用折扣劵引人食啦,雖然店員服務唔錯,但食物咁樣,真係多謝曬.…查看更多

上次係深水埗燒肉乜乜店伏完食唔到好食滷水唔死心,經過果頭又去第2間買黎試下,深水埗都幾多滷水店,可以逐間試,哩間d 色水睇落正常好多,同埋都幾多人買.大鵝翼$35/隻鵝掌2隻起,每隻$20.中鵝翼買3送1,$18/隻,抵食喎.睇落唔錯,應該食得過.價錢都ok.下次要試下鵝片.仲有其他滷水嘢食,豬耳,豬脷,滷水豆腐,紅腸,滷水蛋,牛肚等...當然最吸引係滷水鵝.上次中伏之後,買住少少試左先,買左中翼3送1,2隻鵝掌就算,返到屋企打開,有滷水汁有蒜蓉醋,顏色都靚仔,肉質結實,有滷水應有既味道,冇過鹹,好食,拿拿聲開返罐啤酒嘆下.哩間可以再買…查看更多

去完鴨記諗住買d滷水野返去嘆啤酒睇動畫,是旦行左入一間滷水店,買左一條鵝頸,鵝掌鵝翼各兩隻,大幾八十幾蚊,佢斬好比我我就問突然心血來潮問佢係咪有汁跟埋,佢話"醋黎,你要我咪比你囉"其實一向買滷水野都跟蒜蓉醋同滷水汁(我印象中係咁),要問,仲要咁樣既語氣我都未試過(可能我唔靚仔啦)最後有就算啦.返到屋企打開嚇一跳,然後得啖笑,黑到咁既滷水好少見,唔知係咪浸左幾十日,掌滷水鵝翼就相對淺色d ,放入口試左再講,可能好食都唔定?鹹,好L鹹, 完全冇滷水味,冇花椒八角味,只有豉油味,每樣試左一舊,頂唔順,隊左落垃圾桶.…查看更多

夜收工,未食飯,同事飛的落返歸,深水埔丟低我轉車,眼見冇咩好食,鵝腸粗麵應該係唯一出路,一碗太少,兩碗又比大人鬧,夜媽媽仲食咁多,食完就訓,等等等等等.....於是醒目既我叫左一碗鵝腸粗麵,加底再要雙份鵝腸,咁就神不知鬼不覺咁啦,哈哈哈...2份鵝腸係唔同d,哈哈哈,肥鵝腸爽口肥美但唔油膩,點埋佢地既辣椒豉油同辣椒油,仲更加香口惹味,分左湯,麵返到去都冇焾到,仲係好爽口,食飽飽沖個靚涼訓覺,大滿足!…查看更多

收工阿強笑淫淫問我去邊度,大人約左人我冇地方去,佢就話落旺角,兩條麻甩佬,約埋去旺角,唔係去買羽毛球拍,咁去做乜鬼?阿強話"我帶你去獵奇吖"頂,原來去女人街食羊肉咋嘛,講到咁古怪,哩度由羊肉到羊雜到羊睪丸羊鞭羊胎盤都有,阿強拎起餐牌係咁叫,涼拌羊雜.其實唔算係好食得出係羊,食味ok,但切到碎濕濕咁.羊肉米線羊肉有羶味,ok!羊肉餃子,好食既.整張清d 既先.羊眼湯好似食緊魚眼窩周邊既肉同脂肪咁既感覺.]似乎係羊睪丸 .切左片既羊睪丸,口感有d 似豬腰切片.羊鞭??有d 似牛筋咁樣既軟組織羊腦湯.軟綿綿羊腦,一夾就爛,口味就好似有羊羶味既豬腦咁.今次獵奇係咪好奇呢,又唔算好奇,反而羊肉同羊餃似乎整得最好,其他都普通d,不過香港少有同類食品,一試無妨.入門口果時阿姐係咁叫我秀貞卡,原來叫我掃針咭XDDD幾時食飯先唔洗搞咁多野?…查看更多

明記吹雞去飲野,問準大人立即出發,西營盤飲野咁鬼奇怪,原來明記約左女仔,冇所謂啦,係屋企醃左咁耐出去行下都好,其實又唔係好遠,西營盤站出行個零字就到,生啤有yau,asahi,同guniness,明記都係第一次黎,過海係著人字拖,哩度感覺都幾舒服,明記唔賣花,今日係唏噓既豬肉XD人字拖派對,女仔既荔枝martini,啤酒都係啱口味多d飲飲下肚餓,叫左個mix grill,雞牛羊各2串,都唔細串,仲有naan 同哩種叫hummas 既中東食品跟埋,hummas 其實係鷹咀豆蓉,味道唔錯,好彩人多share, 唔係食埋d naan 同hummas都真係會飽到飲唔落酒.聞落有炭香味,調味唔錯,肉質有咬口又唔韌,最鍾意羊同牛肉,可以單叫肉串就好啦.仲有鏢機,下次約腳玩下先,青春呀. …查看更多

有咩好得過等客果時搵野食呢?記得哩頭有間細細間舊式麵檔,讀書果時都會同同學黎食,平到食兩碗都夠錢比,今時今日價錢雖然加左,但都係咁抵食,隔近士多買到罐經典啤酒,入去搵位坐低,必叫一定係薄豬扒,佢絕對係恩物,大大塊,幫你切埋條,方便食,就係因為塊豬扒薄,所以真係炸得好脆,同埋一定熟,唔洗食生豬肉.一啖豬扒一啖啤酒,係爽既.整多碗牛筋魚蛋河,牛筋滷到好焾,一啜就滑入口中,夠曬入味,魚蛋就普普通通啦,河粉都ok,整多碟郊外油菜先健康架嘛,自家製腐乳醬好鬼好味,哩個價錢,食到飽,又好味,正呀.…查看更多