126yeung的个人专页

最近約咗朋友來到呢間QUE試新菜款，這間QUE在希慎商場地庫，位置非常易找。餐廳走日式木系風格，觀感好舒服，給人有一種寫意的感覺，餐廳主打和洋式美食。知道最近餐廳推出咗一系列秋冬季菜款，所以今日到來試試新菜。🍴 間八薄切佐京都水菜擺盤非常精美，中間鋪滿咗新鮮肥美嘅間八魚薄切，再配上京都水菜和魚子醬，再用土佐啫喱圍住，呢個頭盤已經好掂。🍴香煎帶子榮螺目柱蒜片意粉带子和荣螺目微微煎香，裡面仍非常鲜嫩多汁，蒜片微微焦香再溶入在意粉裡，非常香口兼惹味。🍴 燒春雞伴日本南瓜呢隻燒雞燒到皮脆肉嫩，日本南瓜烤到非軟糯而且極為香甜，再配埋特製嘅羊肚菌汁，每啖都食到濃厚嘅菌香味，真係好掂。🍴柚子雪葩無花果芭菲無花果非常香甜，柚子雪葩酸甜恰到好處，勁清爽，整體口感層次夠晒豐富。🍴 鴻楓糖乳酪奶蓋蘋果生薑伯爵茶淡淡清香嘅伯爵茶配埋綿密奶蓋，再加上楓糖嘅香甜和生薑嘅暖和，充滿冬日氣息。🍴楓糖乳酪奶蓋香橙伯爵茶同樣係用伯爵茶做茶底，配上香甜楓糖和橙香，夠晒暖和。…查看更多

最近聽聞屋企附近嘅東達中心開咗一間以燉湯馳名嘅燉湯奶奶👵🏻。今日星期五放工懶洋洋，又唔想煮飯，於是去咗燉湯奶奶買外賣回家吃。燉湯奶奶嘅自選套餐（蒸飯+燉湯）有多款選擇，今日我選了3款。🥢 土魷蒸肉餅飯 + 羊肚菌響螺燉竹絲雞湯土魷蒸肉餅飯 👉🏻 肉餅口感軟糯鮮香，軟硬適中，剁得極細的土魷與肉碎融合，土魷嘅鮮味滲透到肉餅中，令肉餅嘅味道更加濃郁，鮮味十足。羊肚菌響螺燉竹絲雞湯 👉🏻 入秋後，開始要補補身子，羊肚菌帶有浓郁嘅菌香，配埋鮮甜嘅响螺，再加埋滋補嘅竹丝雞嚟燉汤，非常滋味。🥢 梅子排骨飯 + 三椰燉竹絲雞湯梅子排骨飯 👉🏻 排骨吸收咗梅子嘅酸甜味，酸甜度亦恰到好處，能令到整個飯提昇開胃嘅效果。三椰燉竹絲雞湯 👉🏻 椰子嘅清甜配合埋竹絲雞肉嘅鮮味，令到呢個湯夠晒濃郁醇厚，飲起來更覺清甜滋潤。🥢 滋補黃酒雞飯 + 姬松茸螺片淮山燉竹絲雞湯滋補黃酒雞飯 👉🏻 黃酒本身嘅甜醇充分融入雞肉中，吃起來帶有淡淡的甜味和酒的香氣。姬松茸螺片淮山燉竹絲雞湯 👉🏻 姬松茸本身帶有濃郁嘅獨特鮮香，竹絲雞經過燉煮後，雞肉嘅香味融入到湯中，加埋滋陰嘅螺片更令整個湯變得勁鮮甜。…查看更多

呢間酒吧餐廳已經放在我想食嘅餐廳名單內有一段時間了。今日終於約到朋友來食晚餐。🍴 Hamachi crudo 呢個擺盤好靚，好有夏日清爽嘅感覺。主角係新鮮肥美嘅油甘魚刺身配上微燻過嘅香甜日本蜜柑和清新嘅茴香，而汁底係用咗蒔蘿尖和墨西哥辣椒做，更顯清新嘅口感。🍴 Lemongrass short ribs呢碟牛小排有兩種食法，一邊係慢煮牛小排，肉質非常鮮嫩多汁，另一邊係香葉柚子沙律配上牛肉粒，口感極為清爽，一道菜有兩款不同食法，顯得廚師頗有創意，值回票價。🍰 Truffle basque見到呢個巴斯克蛋糕係用松露做，非常有新意，再搭配埋松露味嘅雪糕搭配風乾火腿脆片，口感咸咸甜甜，非常頂癮。🍨 Peach delight睇到呢個甜品名已經好想食，果然不負所望，原個浸過酒嘅香桃，香桃裡面重有埋清爽嘅茉莉花茶味嘅啫喱，而香桃下面鋪滿荔枝味極濃嘅忌廉芝士，再加埋牛油脆脆粒，口感極為豐富。…查看更多

今晚帶朋友去咗銅鑼灣一間頗出名嘅樓上酒吧飲嘢兼食飯，呢間酒吧位置很好找，位於時代廣場後面，酒吧走現代禪風黑色風格，頗有格調。🍴 Ikura Lobster Arancini師傅把龍蝦湯加入車打芝士，再炸成一舊飯團，咬落去感覺外脆內軟，極為香口，鋪在飯團上嘅三文魚籽令整個口感更為豐富。🍴 Tuna Tartare香滑嘅牛油果蓉加埋吞拿魚他他，再配搭埋香脆嘅炸米紙和炸紫菜一齊食，呢個配搭頗新穎，而且勁香口，食到停唔到口。🍴 Crispy Beef Short RibBeef Short Rib係用咗上等嘅牛坑腩，肥瘦適中，焗到外皮微脆，裡面嘅肉質還非常嫩滑，配上廚師特別調配嘅山楂紅酒汁，口感甜甜哋，非常開胃，重配埋綿滑嘅牛油焗薯蓉，口感極為豐富。🍴Drunken Crab Pasta廚師特別用上中式嘅花雕酒、蒜片和橄欖油煮成嘅墨魚意粉，每啖都能食出濃香嘅花雕酒味，另外蟹肉都非常鮮甜，夠晒足料。🍹 Koko Ringo用Gin做酒底，再用羅勒葉、班蘭、青檸調配成嘅cocktail, 上面再加上椰mouse, 清爽之餘又帶出陣陣椰香。🍹 Prohibition 端上時用火烧cocktail上的柑橘，儀式感十足，淡淡嘅伏特加酒配有百香果、番石榴、柑橘、青檸葉，口感極為清爽。…查看更多

知道朋友喜歡食素食，特意帶她嚟呢間「慈素小聚」試試。呢間「慈素小聚」位置頗好找，就在K11 購物藝術館對面。餐廳雖然面積較小，但光顧嘅客人頗多，好彩還有1張小桌給我們用餐。珍貴首蓿芽手卷呢個手卷賣相似足日本手卷，用上首蓿芽、牛油果和素三文魚組合而成，而外層嘅紫菜非常脆口，整個口感勁清新。北京片皮鴨似足真嘅北京片皮鴨模樣，夠晒吸睛。熱騰騰嘅素鴨皮再配上青椒、紅椒和青瓜，再加埋特製甜醬，口感勁豐富，食到停唔到口。日式芥辣蝴蝶蝦素蝴蝶蝦嘅外型似足真嘅蝴蝶蝦，蝦似係蒟蒻製成，口感頗為彈牙，而且外層酥脆，再沾上蜜糖芥末醬，更能豐富味蕾。琵琶豆腐呢個琵琶豆腐對比平日食開的略嫌硬了點，裡面有蔬菜做餡，外皮略炸，形成外脆內軟嘅感覺。素食串燒配秘製沙嗲醬呢款串燒包括有素魚蛋、素牛丸和素牛肉，外型幾可亂真，食落去真有點食肉丸嘅口感，點埋秘製沙嗲醬，夠晒香濃味美。山楂梳打呢款特飲，買一送一，超級抵飲，味道酸酸甜甜，極為開胃。New York Cheese Cake脆口嘅餅底加上綿密嘅芝士，口感層次頗突出。…查看更多

昨晚約咗朋友喺銅鑼灣食飯，知道朋友無酒不歡，特意帶她試吓呢間酒吧餐廳，讓她暢飲一番。🍻 手工啤tasting set (120ml x 6杯）🍺 Jasmine Wit 花魁 淡淡的茉莉花香，口感清爽。🍺 Peach Wheat 桃寶 蜜桃味勁香濃，較為甜口，非常適合女生。🍺 Golden Dawn 小二 入口有淡淡嘅水果味，屬微甜嘅啤酒。🍺 Deja Vu 似曾相識 啤酒味較為濃郁，微苦又帶丁點果香。🍺 Mocha 侍郎 x 2 勁香濃咖啡味，酒嘅濃度最高，帶點苦澀。🍕 芫荽香辣牛肉薄餅呢個pizza嘅餡料勁多，鋪滿香濃嘅牛肉片和氣味清新嘅芫荽，再配埋惹味嘅辣醬，好味到停唔到口。🍝 香辣油封鴨肉意粉油封鴨肉非常嫩滑，配上辣椒和獨突嘅醬汁嚟爆炒，香辣度夠晒刺激。🍟 爆炸薯仔切粒嘅薯仔炸到好脆口，再配埋四川嘅麻辣香料，夠晒香濃味美，絕對係佐酒一流嘅小食。…查看更多

今晚來到尖沙咀河內道K11購物藝術館3樓嘅火土燒肉食晚餐。知道呢間餐廳主打走露營風格，走入去餐廳已經充滿露營feel, 安裝晒露營應有嘅設備，有帳篷，更有露營煮食的爐具，甚有埋露營所用嘅餐具。全牛特選拼盤拼盤總共有六款，包括A5宮崎和牛三角腹肉、牛肋肉、牛舌、牛胸腹、雪花牛小排。當中以宮崎和牛三角嘅雪花分佈最均勻，只需輕輕燒燒，已經油花漂晒出嚟，入口瞬間溶化，超正！另外雪花牛小排嘅大理石紋勁均勻，肉汁豐富，瞬間在口中爆開，非常飽滿嘅口感。另外要贊嘅係鹽蔥薄牛舌，牛舌上面鋪滿勁多蒜蓉和香蔥，只需把牛舌輕輕炙燒，再將蒜蓉和香蔥捲埋一齊食，更能中和牛舌嘅油脂。蒲燒鰻魚最初諗住自己可以燒鰻魚，點知係廚師燒好端上枱，我只需把鰻魚在燒爐上加熱便可，鰻魚好肥美兼且外皮頗香脆。但如果可以自己燒，更有露營感覺。另外露營唔少得嘅甜品緊係燒菠蘿喇，呢碟菠蘿份量唔講得少，既超大件兼非常厚實，燒熱之後，咬落去勁清甜又多汁，絕對可解油膩感。最後再叫多個宇治綠茶雪山冰，呢個份量勁大，可以足夠2-3人食，抹茶味夠晒香濃，而雪山冰充滿奶香味，非常透心涼。…查看更多

前晚來到尖沙咀美麗華廣嘅翠亨邨食晚飯，翠亨邨是香港屹立多年嘅少數高質中菜食府。 這裡的裝潢優雅時尚，以柔和樸實的色彩為主調，相信很多顧客都是翠亨邨多年的擁躉，當然包括我在內喇。🥢 法式焗蟹蓋鮮拆蟹肉覆蓋大量嘅芝士和特製醬料。芝士在高溫焗烤後融化成金黃色嘅濃稠狀態，質地綿密。從蟹肉嘅鮮甜到芝士嘅醇厚，再到蟹蓋嘅焦香，口感極為豐富。🥢 竹笙燉白菜膽這湯頗有驚喜，最初以為素菜湯較為淡口，但飲落發覺非常鮮味。竹笙嘅自然鮮味充分融入湯中，同時也吸收咗白菜膽和冬菇的味道，令到整個湯嘅味道更為醇厚。🥢 墨魚子香芒貴妃蝦球4粒極大而厚身嘅蝦球上鋪滿黃色嘅香芒汁，再在上面鋪上黑色嘅墨魚子。除咗有鮮蝦球嘅啖啖鮮美，又有香芒嘅清新香甜，再加埋墨魚子顆粒嘅爆破感，口感極之豐富。🥢 桂花蟹肉炒銀絲呢碟菜用咗勁多鲜嫩弹牙嘅蟹肉，再配合埋大量蝦乾、雞蛋和銀芽，再加上主角銀絲，炒到好乾身兼勁香口。🥢 薑汁湯圓呢個甜品嘅薑汁有點辛口，啲薑煲到夠晒出味，而湯丸嘅软糯Q弹，一咬落去，啲香濃芝麻醬在口中慢慢散開，非常暖心。…查看更多

聽講位於中環渣打銀行總行地面嘅ODDS最近推出咗逢星期六、日和假期嘅Dinner Feast，仲可加埋free flow drinks，絕對啱晒我朋友，所以就帶佢來試試。呢個放題包括有勁多嘅free flow沙律、串燒、卷物、炸物、串燒、鐵板燒、茶碗蒸和甜品，另外每人再可選一個主食。首先打頭陣當然係沙律，我哋揀咗辣味牛油果沙律和海鮮沙律，兩款都非常清爽。跟著叫咗幾款刺身小食，包括有海膽魷魚、北海道八爪魚配香草汁、帆立貝配香蒜橄欖油和香脆吞拿魚脆米餅，當中以吞拿魚脆米餅最為出色，超級好味。再來就係串燒系列，包括有雞軟骨串、雞腎串、免治雞肉棒、汁燒雞肉串、魷魚串和燒粟米，每款都燒到勁香口，當中以免治雞肉棒最正，雞肉非常滑嫩，配上燒汁味道更出色。接著就係鐵板系列，我哋叫咗鐵板牛油太子貝和鐵板芽菜，兩樣都頗香口。當然唔少得炸物喇，我哋叫咗日式炸雞和唐揚魷魚，兩款都唔錯，正常發揮。呢個時候卷物出場了，呢個天扶良蝦卷細細件，啱晒已飽了一半嘅我。輪到主食喇，我哋揀咗特選刺身八款和A4黑毛和牛三食。黑毛和牛肉質非常嫩滑，入口即化，再配以三種食法👉🏻原味、配日本芥辣和蒜片和茶漬飯，頗為特別。最後叫埋甜點，包括有日式蛋糕同埋和果子，卷蛋好香甜，而蕨餅非常軟糯，兩款都好好食，好食到覺得唔夠喉，最後仲叫多一round甜品作終結。…查看更多

前兩天朋友帶我去銅鑼灣食鐵板燒，呢間位於銅鑼灣希雲街街尾嘅日本餐廳「旭」，地點有點隱蔽，但絕對不難找，餐廳裝修低調又帶點奢華，劃分咗omakase和teppanyaki兩區。今日我哋揀咗$1280鐵板燒套餐，包括有刺身、壽司和鐵板燒。 🥢 沙律·前菜🥢 時令刺身2點海膽左口魚刺身·鰆魚刺身兩款刺身都非常清爽鮮甜🥢 時令壽司4點平政魚🍣·野生拖羅🍣煙燻過嘅平政魚帶點淡淡油香野生拖羅油脂如雪花般油潤綿密北海道馬糞海膽🍣· 銀鱈魚🍣馬糞海膽肉質細嫩柔軟銀鱈魚非常清新鮮甜🥢 季節鮮魚師傅把馬友魚煎到兩邊表面勁香脆，面裡面嘅肉質仍保持柔嫰，再配上師傅特製嘅柚子汁，令到口感更為部清新。🥢 鐵板蝦師傅用咗蝦頭嘅蝦膏煮成濃郁醬汁，而蝦嘅肉質非常彈牙，再配埋特製嘅XO醬脆脆，令到口感更加豐富。🥢 季節貝類師傅把帶子煎香，再放在熬製成嘅松茸湯裡，帶子吸收咗松茸湯嘅鮮香，更可突出帶子嘅鮮甜彈牙，口感層次豐富。🥢 煎鵝肝師傅把鵝肝煎到外焦內嫩，口感細膩，搭配埋藍莓醬汁嘅酸甜，能中和鵝肝嘅油膩感，再用蜜柑做配菜，極清爽。🥢 美國特級牛肉薄燒師傅把薄片牛肉卷埋蔥和蒜再香煎，再配埋XO醬脆脆，味道更加豐富。🥢 鐵板炒飯·炒雜菜🥢 味噌湯師傅用咗蝦頭熬煮成嘅味噌湯，又唔會太咸，重有陣陣蝦膏香氣添。🥢 甜品紅豆綠茶奶凍，口感非常綿滑，甜度適中。…查看更多

知道位於中環嘅燒烤堂食物質素好高，於是今晚約朋友來試試，這間中環店坐位好寬敞，重有酒吧位置添。餐廳還會提供暖爐烘住啲串燒，唔使驚啲串燒會放涼，極為窩心。🍢 芝士年糕呢個年糕燒到非常軟糯兼熱辣辣，再鋪上勁多紫菜，重點係把年糕放入一杯熱騰騰嘅奶香味芝士蓉裡，好味到頂點。🍢 黑糖燒菠蘿大大件甜到流汁嘅菠蘿，再在上面燒了一層黑糖，極為香甜。🍢 清酒煮蜆蜆肉脹卜卜兼無沙，配上蒜蓉牛油汁清酒煮勁入味，再配埋個香噴噴嘅蒜蓉法包，真係冇得頂。🍢 惹味三黃雞全翼呢隻三黃雞全翼燒到好惹味兼肉質極為嫩滑，絕對值得推介。🍢 鹽燒豚肉荔枝卷 豚肉經鹽燒後，表面微焦，裡面加埋果肉飽滿多汁嘅荔枝肉，勁好味。🍢 鹽燒A4宮崎和牛 A4宮崎和牛嘅肉質勁嫩滑，加埋鹽燒，口感極豐富。🍢 厚切牛舌拖羅勁厚嘅牛舌拖羅油脂極豐富，再加上鹽燒，極為入味。🍢 鹽燒白鱔 燒到外皮夠咸香脆口，而裡面嘅魚肉重好細膩。🍢 鹽燒雞軟骨 脆爽嘅雞軟骨配上咸香嘅味道，口感同味覺都一流。🍢 欖角蒜蓉粉絲燒蟶子 粉絲充分吸收咗橄欖菜嘅咸香和香濃嘅蒜蓉味，令到蟶子嘅口感更顯豐富。🍢紅蔥油蒜蓉粉絲燒元貝極香濃嘅紅蔥油配合埋香口嘅蒜蓉鋪在元貝和粉絲上燒，好味到難以形容。🍢 孜然茄子香辣嘅蒜蓉味鋪在軟糯的茄子上，再微微焦香，夠晒香辣可口。🍻 日本生啤 🔥優惠價 買一送一🔥…查看更多

昨晚跟朋友來到太古城中心嘅「天天海南雞飯」食晚飯。火焰石燒沙嗲串串呢個串燒係必點嘅小食，雞、牛、豬各兩串，串燒表面微微焦香，但裡面肉質仍很軟嫩，再配以特製嘅沙嗲醬，令到口感更為豐富。天天燒雞 呢碟燒雞好大份，雞嘅外皮燒到好脆口，而裡面嘅雞肉重好滑嫩，配埋豉油膏、薑蓉、辣椒醬等配料，更能提昇雞味。黑胡椒羅氏蝦粉絲煲熱爐暖住個煲上枱，打開煲蓋，4隻超大羅氏蝦鋪在香噴噴嘅粉絲上，羅氏蝦嘅肉質好彈牙兼鮮嫩多汁，吸收咗黑胡椒嘅香味，好味到難以形容。而粉絲夠晒軟糯又富彈性，每一口粉絲都掛上滿滿蝦肉汁和黑胡椒嘅香氣。…查看更多

昨晚跟朋友來到銅鑼灣邊寧頓街嘅本命鐵板燒食晚飯，朋友訂咗第一個時段6:00-8:00，入到餐廳已經坐滿客人，非常旺場。我哋安排嘅位置坐正師傅面前，成晚欣賞住師傅即場烹調表演，絕對係一件賞心樂。職員告訴我們凡惠顧滿$1500，即送斑馬瀨尿蝦一份。咁我哋就揀咗$888嘅晚餐。首先來到我面前，就係爆晒膏嘅斑馬瀨尿蝦，呢隻瀨尿蝦非常大隻，而且爆晒膏，師傅控制火喉剛剛好，肉質非常鮮嫩多汁，頭盤已經拍爛手掌。跟著就係開始晚餐的旅程，頭盤係炙燒鏗魚，帶出陣陣煙燻味，配埋醋汁，特別醒神開胃。跟著就係澳洲黑金鮑魚，呢隻飽魚size大過我手掌🖐️，重係識郁，非常生猛。師傅把鮑魚切薄片，肉質勁嫩滑鮮甜，再配埋特製鮑魚鵝肝醬，更加滋味。接著係澳洲龍蝦🦞，龍蝦肉質非常彈牙，配上龍蝦膏特製醬汁，味道更加升級。跟著師傅把北海道帆立貝煎到兩面金黃色，再配埋特製嘅菠菜忌廉汁，味道立即Level UP。下一碟出場係烏魚子聖子，師傅把聖子燒好後，再灑上烏魚子碎，味道更加突出。跟著就是黑豚肉薄燒，師傅把豚肉切絲，再加入洋蔥絲炒香，最後用春卷皮包裹著再煎香，極具創意兼且夠晒香口。炒飯 + 吸物師傅把炒飯炒得非常香口，而吸物係用鮮魚熬製，非常鮮甜味美。最後係甜品，呢個甜品 👉🏻 焦糖多士，係我從未食過，夠晒香甜脆口。再配埋開心果雪糕作為完美嘅終結。…查看更多

昨晚跟朋友來到九龍站ICC 101樓嘅Odyssee食晚餐，餐廳內嘅落地玻璃可以盡情飽覽靚絕嘅維港夜景，再加上餐廳嘅美食，絕對係完美嘅選擇。今晚點咗6道菜嘅menu 👇🏼Amuse-Bouche剛焗起嘅芝士泡芙，非常香脆味美。跟著係熱騰騰嘅麵包配以特製嘅salted butter和chilli butter, 份外滋味。最後端上枱係三小碟，分別係芝士春卷·牛肉他他·紅菜頭泡芙，三款都非常精緻。Burrata CheeseBurrate cheese配上無花果醬和榛子，底層係無花加柑桔醬，充滿層次感，酸酸甜甜，非常醒胃。French Union Soup端上枱即場加熱嘅洋蔥湯，非常有睇頭，洋蔥湯煮到非常鮮甜，再配上火腿多士，多重享受。Brittany Blue Lobster來自法國嘅藍龍蝦，肉質勁彈牙，配上芹菜，而醬汁就用咗龍蝦膏加埋檸檬汁打至泡沫，更能突出龍蝦嘅鮮味。Threadfin 用上濃厚嘅魚湯配以香煎嘅馬友魚，再配搭上西蘭花和蜆肉，食落魚香十足。Seafood Risotto呢個意大利飯用咗蜆肉、八爪魚、碗豆煮成，個奶油醬汁極為濃厚，整個飯好有口感。Prime Tenderloin 呢個頂級牛排肉質極為鮮嫩，而伴碟嘅牛尾芹菜包，做得更加出色。Soufflé 呢個熱辣辣嘅疏乎厘配上極之冰凍嘅士多啤梨味雪葩，再落埋忌廉汁，口感層次極為豐富。Petits Fours最後以蛋糕仔、馬卡龍、果仁糖作為整頓晚餐嘅總結。…查看更多

今日經過銅鑼灣世貿中心，見到La Vina推出咗新黑芝麻蛋糕系列，於是入去試試先，店員話除咗黑芝麻蛋糕系列，重有黑芝麻Latte，呢個Latte更加令我好想試試。☕️ Black Sesame Latte呢杯黑芝麻Latte非常濃厚，入口時已感受到濃郁醇厚嘅黑芝麻香氣，隨著牛奶嘅絲滑和淡淡苦澀嘅咖啡味，形成咗一種獨突嘅口感。🧁 黑芝麻麻糬巴斯克蛋糕有著濃郁芝士味嘅巴斯克蛋糕，口感綿密，而香氣濃郁嘅黑芝麻和香甜煙靭嘅麻糟嘅加入，令到口感更為豐富。🧁 黑芝麻提拉米蘇杯濃郁醇厚嘅黑芝麻融入到提拉米蘇中，食起來既有提拉米蘇嘅綿軟，又有黑芝麻嘅濃香，非常有滿足感。🥧 黑芝麻麻糬吉士撻把黑芝麻醬、麻糬加入吉士撻內，除咗感受到吉士嘅細膩，麻糬嘅煙靭和黑芝麻醬嘅濃香，最重點就係撻皮做到非常酥脆，甜而不膩。🥧 黑芝麻忌廉泡芙甜度和口味拿捏得非常到位，泡芙皮夠晒香脆，再配上濃厚醇香嘅黑芝麻忌廉，非常絲滑，口感一流。…查看更多