Pocaguri的個人專頁

在一間溫馨cafe同朋友共聚，今次揀左荃灣天地新開的Lizto，地點位置非常好，佢喺中庭旁邊，望住商場內園，可以靜落嚟，談談天，享受美食。我哋揀咗佢嘅set dinner，因為店員話今日soup係甘筍湯，我地都好喜歡飲。甘筍湯，蜂蜜般甘甜嘅甘筍湯通常質地細滑，色澤鮮橙，口感溫潤，作為開胃湯非常舒心。煙三文魚牛油果酸種包，煙三文魚香濃柔嫩，配上清新嘅牛油果肉質同酸種包微酸帶嚼勁，再加上醬汁，層次豐富，十分醒胃。如果份量可以大啲會更好。炸薯條，配的不是普通的茄汁，而是帶有特別酸味，問了店員，他說這是西瓜波椒汁。炸得金黃酥脆嘅薯條配上清爽帶辣味嘅西瓜波椒汁，甜辣鹹交織，令傳統薯條有新鮮感。牛臉頰肉意大利飯， 牛臉頰肉肉質好淋， 牛味十足， 每一口，任何部位都好嫩滑，只是芡汁有點多，米粒比較濕，意大利飯有蘆筍，醬汁濃厚，整體平衡且滋味。西京燒西班牙黑毛豬，甜甜的好好食。豬肉烤到表面微焦，肉質鮮嫩多汁，西京味道香甜微鹹，絕配黑毛豬豐富油脂，味道層次複雜。欣賞佢嘅擺盤，好似一幅畫咁，睇落就已經好有胃口。最後配上熱朱古力與熱伯爵茶朱古力作總結。 熱朱古力香濃醇厚，令人暖心；Earl Gray chocolate 則融合花香與可可香，味道清爽但富層次感，適合喜歡輕口味飲品的人。不經不覺就食到九點，原來餐廳只係開到九點半，好彩我們都坐左兩個鐘左右。好高興朋友分享去最近嘅喜悅，食完飯後，我哋見到金牛座滿月，一切都好完美地結束，又係一個開心嘅夜晚。滿分為10分（一分最低，10分最高）食物：9環境：9衛生：9服務：9價錢：8舒適度：9總分：8.5…查看更多

約朋友談天傾偈，佢唔介意過來中染食飯，我就帶他食平時中午或者OT首選的叄茶陸飯。 餐牌有好多種類可以選擇，有雞煲，烤魚，二人火鍋，十大台灣美食推介，仲有好多糖水選擇。 因為我好鐘意食鳳梨黑醋骨，單點都92，所以比佢二人套餐吸引了視線。 二人套餐，$278有一前菜，兩款小菜，二碗米飯，二杯飲品，可以加錢轉其他特色飲品。 他們上菜速度好快，點左一陣就有野食。 前菜就點左皮蛋豆腐，喜歡他在放上肉鬆，灑上甜甜的醬汁，夾著豆腐食，又軟又有咬口，真很配合。 皮蛋的蛋黃係流心的用來送飯也很不錯。 鮮味海鮮豆腐煲，用料十足，有大大隻蝦，蜆，尤魚，加埋西芹，香葉等配菜炒起，有鑊氣，味道重，用來配飯剛剛好。鳳梨黑醋骨，新鮮菠蘿粒加上炸好的一口排骨粒，均勻沾上黑醋汁，味道重，用來配飯剛剛好。食完又食，食極都仲有，數量好多。餐飲我推介朋友飲髒髒朱古力珍珠奶茶，因為平時我最喜歡飲這個，濃郁香滑的厚厚朱古力，配上軟硬適中的珍珠，好滿足。 我自己就點法芙娜朱古力珍珠奶茶，這款就是普通的朱古力加珍珠，比較普通。下次可以點他的海鹽系列，或者點十大推介的芋圓/豆花系列來試試。 兩個人的晚餐都係$350左右，餐廳樓底夠高，空間感大，無人趕你走，可以慢慢傾偈，係油尖旺應該好難搵到。 滿分為10分（一分最低，10分最高）食物：9環境：9衛生：9服務：9價錢：9舒適度：9總分：9…查看更多

閨蜜外地返嚟搵我食飯，收工唔想出去咁遠地方，近近地搵咗間新都會廣場開在一陣子的The Pantry，開箱一下。店舖喺5樓，之前嗰間餐廳我食過，價錢貴，味道一般。the pantry價位都係中間，勝在多選擇又有梳乎厘食。菠菜忌廉汁意大利飯，米粒偏硬，正宗risotto煮法，白色係芝士碎，燒烤菇烤好香，菠菜汁混入忌廉汁，配搭非常清新。酸忌廉牛油果醬薯條，通常見到呢個小食都係一定會點，因為酸酸甜甜好開胃，牛油果油好健康，賠償炸薯條這樣邪惡的東西，減少罪惡感。這家店最得不錯薯條炸得香脆，sour cream，好好味。墨西哥taco，成個taco都係佈滿材料，拎起是連埋食物紙，乾淨衛生。煙三文魚粒，蕃茄粒，加埋sour cream，酸酸甜甜好開胃，值得一叫嘅小食。tiramisu pancake梳乎厘，這個賣相擺盤係我最喜歡的，有個海螺般的餅乾，焦糖楓葉，士多啤梨粒放在cream上面，切開中間會溶掉出來。味道唔會太甜，配上生果，份量兩個人食剛剛好。燒三文魚柳伴香草忌廉汁闊麵。奶黃色的忌廉汁去上點點嘅香草和車厘茄一起炒香，掛在一條條嘅闊面上，旁邊有烤過嘅檸檬，燒三文魚一條放在上面，擺盤甚為精美，忌廉汁和闊條麵係好配搭，但是如果闊條麵可以再淋一些會更好。Mint Chocolate，本來係想叫佢嘅芭菲，大店完告知所有都不提供，可惜了。所以我哋點薄荷朱古力奶昔，一日行薄荷胃口口腔清新嘅味道，加上朱古力碎粒，很好的配搭。滿分為10分（一分最低，10分最高）食物：9環境：9衛生：9服務：9價錢：9舒適度：9總分：9…查看更多

元朗有好多個商場，今日朋友帶我去咗元點即係Yoho Mix, 一間Pause it coffee shop 食返個靚靚下午茶，傾下偈。手打美國安格斯牛肉漢堡配薯條牛肉漢堡有兩三cm厚，連埋洋蔥粒一齊打，保持牛肉鮮嫩多汁，漢堡包上下都有烘過，就算中間夾咗好多材料，都一體成形。薯條炸得好香脆，上面哂咗啲味粉，咸道適中。All day breakfast ，炒滑蛋，沙律菜，茄汁豆煙肉，香草腸，牛油炒雜菇，厚切焗蕃茄，烘過嘅麥包。沙律菜配上柚子汁，酸酸甜甜，零舍開胃。用咗肉茄來焗長，蕃茄非常juicy。有唔同嘅菇一齊炒香，可以配埋煙肉一齊食，咁煙肉，就冇齋食咁鹹啦。不過我又鍾意煙肉配茄汁豆一齊食，別有一番風味。滑蛋一半就咁食，香滑無比，另一半夾埋麵包一齊食，味道又係提高去另外一個層次。黑芝麻拿鐵，店員送上嚟嘅時候，一啲都冇燙瀉，好佩服佢。仔細咁望個拉花，原來係一隻獨角獸，真心拉得好靚。夏日炎炎，真係好需要停一停，食過靚靚下午茶，飲杯靚靚嘅咖啡，舒緩一下。兩個人加埋320蚊左右，渡過一個悠閒下午，也是不錯。滿分為10分（一分最低，10分最高）食物：9環境：9衛生：9服務：9價錢：9舒適度：9總分：9…查看更多

落雨濕濕，週末又係帶阿媽出嚟食好嘢嘅日子，最近老豆唔舒服，阿媽要留喺屋企照顧佢，所以同佢食返餐好嘅慰勞下佢。因為落雨所以我們揀咗沙田新城市廣場，因為屋企去到沙田都唔使驚淋濕。上網見到呢間餐廳係米芝蓮推介的泰式餐廳，所以今日就揀呢度。商場喺新城市廣場三期二樓，對面就係一田。餐廳店舖很大，因為假日客人眾多，所以我們坐在餐廳最入面的吧檯位置，牆壁是投影泰國船街的相片，餐桌的擺放都是木枱木櫈，讓我們尤如置身泰國船上用餐。餐廳的menu像報紙一般，上面有介紹主廚是亞洲50名最佳主廚之一，服務的泰國高級酒店餐廳曾經獲米芝蓮推介。食泰國餐一定要點個冬陰功湯，這間的特別之處是冬陰功湯裝在茶壺裏面，服務員在我們面前把湯注入已放好海鮮的湯碗入面。海鮮有帶子，青口，蝦。這樣的做法可以保留海鮮的新鮮和爽脆口感，冬陰公湯有點辣，但天氣潮濕，飲完出出汗，排排濕，正好。羅氏蝦炒金邊粉，起初唔明咩叫羅氏蝦，但係見到佢上來有五蚊咁大的蝦，而且有埋大大的蝦頭，這隻蝦應該成本不便宜。金邊粉炒得嫩滑，配上放在旁邊的芽菜和辣椒碎，十分惹味。海南雞拼燒雞飯，配椰子雞湯，雞味濃，椰子味淡，媽媽比較喜歡食海南雞飯，她覺得雞肉嫩滑，他的黃油飯比較乾身，海南雞的雞油，慢慢瘦肉飯粒，味道很好。我個人就比較喜歡燒雞，因為他送上來的燒雞醬，有點酸甜，味道非常匹配。另外每台有八款的調味醬料放在枱上面，應該是用來食船面用的。香茅木瓜沙律，這個木瓜沙律真的很辣哦，咁就算我食得辣，食完都要飲多幾啖椰子雞湯。如果喜歡食辣的你，記得一定要嗌這個哦。泰式椰奶咖啡，咖啡味香濃，想不到和椰奶非常合拍，泰式手打檸檬茶，檸檬茶底是泰式紅茶，有別於英式紅茶，特別香濃，飲完會再想添上一杯。因為佢沒有lunch menu，所以我們都是散點的，價錢會比其他有lunch menu的貴，下次可以再過來試試他們的船麵。食完午飯，逛逛一田，又是一個愉快嘅中午。滿分為10分（一分最低，10分最高）食物：8環境：8衛生：8服務：8價錢：8舒適度：8總分：8…查看更多

最近工作繁忙，約咗好耐冇見嘅朋友係旺角食飯。係openrice搵到呢一間近都好平嘅餐廳，今日就揀佢啦。餐廳為咗做咗啲生意所以啲枱好逼，但張凳嚟講都算舒服。Sea Urchin & Scallops Linguine海膽和扇貝意大利麵是一道奢華的海鮮佳餚。新鮮的海膽與嫩滑的扇貝相互交融，搭配意大利麵的彈牙口感，形成了完美的搭配。這道菜的風味濃郁，令人回味無窮。羊架羊架的烹調恰到好處，肉質鮮嫩多汁，散發出誘人的香氣。搭配適當的調味料，讓每一口都充滿了豐富的風味，是肉食愛好者的絕佳選擇。Matcha Cream Pancake這道抹茶奶油煎餅是一道令人驚艷的甜品。松軟的煎餅融合了豐富的抹茶風味，搭配香滑的奶油，口感絕佳。每一口都散發出淡淡的茶香，讓人陶醉。餐廳用餐嘅多數係女士，好多人都會點個pancake食，食下甜品，即刻開心下。滿分為10分（一分最低，10分最高）食物：9環境：9衛生：9服務：8價錢：8舒適度：8總分：8.5…查看更多

最近工作好忙，點都要約朋友出去聚聚，傾下偈散下心。朋友係沙田住所以建議在沙田市中心城市廣場食晚飯。我哋約的是七點半，餐廳店外排滿人，我哋慕名而來，等了15分鐘左右，就可以安排入座。餐廳採取大膽用色，招牌是用上鮮豔的橙色，今日我身穿墨綠色外套，dress code好配合餐廳的環境，餐廳內部以墨綠色、奶白色和木色為主調，牆壁掛著幾面似窗框的墨綠色框鏡子，放的高度剛剛好，只會讓我看到餐廳環境的倒影，而看不到其他食客的面容，增加空間感，餐廳頂部也用了似木槺來鋪襯的天花，點綴餐廳的特色。餐牌主要是英文，就算不會英文也沒有所謂，因為餐牌的圖片很大，而且食物跟圖片一樣。由於同事四點才食完下午茶，我就因為工作時太過用腦，要靠食零食來補充能量，所以晚餐時份也是沒太多肚餓感，所以今日點的也是清淡一點的菜式。最近因為要為老豆控糖，所以每餐一定要食菜先，所以今晚我都習慣食飯前食沙律。Sesame Salmon & Kale Salad，三文魚切片鋪滿在滿滿的沙律菜上面，賣相好吸引。Chicken Mexicana這道雞肉墨西哥菜色帶有濃郁的香料風味，雞肉嫩滑多汁，搭配清新蔬菜和墨西哥香料，讓人一口接一口。辣味適中，適合喜歡刺激味蕾的食客。Triple Cheese Chips這道三重起司薯片簡直是起司愛好者的夢想。薯片酥脆可口，淋上熔化的三種起司，口感豐富，搭配香草和香料，令人無法抗拒。非常適合作為開胃菜或分享小吃。Banoffee Cream Brulee Pancake這道香蕉焦糖奶油布蕾煎餅結合了柔軟的煎餅和香甜的焦糖，口感層次分明。煎餅底部柔嫩，搭配香滑的奶油和焦糖脆皮，甜而不膩，讓人回味無窮。Special Menu: 開心果奶昔這款開心果奶昔清新可口，帶有淡淡的堅果香味，奶昔的濃郁口感和開心果的獨特風味完美結合，是炎熱天氣中的絕佳解渴飲品。整體而言，這頓餐點充滿了多樣的風味和口感，讓人感受到廚師的用心。無論是主菜還是甜點，都值得一試。滿分為10分（一分最低，10分最高）食物：9環境：9衛生：9服務：8價錢：8舒適度：9總分：8.5…查看更多

今年犯太歲，星期六嘅早上去拜太歲，黃大仙廟太歲殿犯太歲者可以免費入場，參拜完成後帶住老豆去隔離商場食早餐。一入嚟就見到牛奶冰室，好多人喺度排隊，全場full House，所以我哋都等咗十分鐘先有位。為咗唔使老豆企喺度等，見到隔離餐廳未開，就叫佢坐住喺啲櫈度等。等到有位嘅時候，我再接佢喺旁邊入返餐廳，剛剛好有一台客準備離開，店員就話不如你坐呢度啦，方便咗行動不便嘅老人家，服務太好喇。牛奶冰室早餐選擇多，㨂都㨂左八分十分鐘。我哋點左兩個一齊分享食。餐肉滑蛋三文治，厚切餐肉煎香，熱辣辣嘅滑蛋夾係烘到金黃色嘅方包入面，就快好似爆瀉出來。佢已經切好左一半，一人食一半剛剛好。鮮奶炒滑蛋吉列魚柳，成條魚柳有隻碟咁大，分左一半比老豆，烤粟米，有四份一條。滑蛋是炒到剛剛熟，上碟嘅時候仲有啲蛋液未熟透。丹麥麵包，滿滿牛油香味，細細塊，已經好夠食。食緊早餐時，見到佢地有用機械人送麵包。機械人穿梭繁忙嘅店鋪，從容不迫地把麵包送到前台，面帶笑容， 這樣科技與日常運作結合都係一件好事，可以減輕店員工作量。滿分為10分（一分最低，10分最高）食物：9環境：9衛生：9服務：9價錢：9舒適度：9總分：9…查看更多

終於可以到星期日，今日係我的運動日，早上打完羽毛球，趕住轉場打排球，中間冇休息時間食嘢，只係買咗個飯團頂下先。喺馬鞍山體育館，打完波沖完涼，即刻過返馬鞍山廣場搵嘢食，行咗一個圈，見到呢間韓樂要等位，就食它的下午茶啦。韓樂有多款嘅下午茶，太肚餓了一定要食飯，豚肉溫泉蛋飯（$41），加18蚊有柚子蜜糖雞翼三隻。喜歡將溫泉蛋與米飯融合一起食用，溫泉蛋嘅蛋汁包住珍珠米，份外好味。豚肉用醬汁煮過，咸道適中。配上柚子蜜糖炸雞翼，酸酸甜甜，零舍開胃。下午茶的溫泉蛋飯不夠做完運動又無吃早餐的我食。飲杯特濃熱朱古力，韓國直送。佢係有朱古力碎，都好香滑，甜度有八九分，但係做完運動就放肆一次啦。真係太肚餓，所以後加一個芝士火腿吐司，佢可以免費升級紅豆冰。因為飲緊熱野，所以叫左店員幫我落少少冰，唔好太凍。另外要左杯熱水，倒返去朱古力杯添飲一下。火腿吐司有三件，麵包烘底，脆卜卜，熱力讓芝士溶掉，拉絲的讓人喜愛，火腿和芝士很配合，如果想食一個輕量嘅下午茶，呢一個係好嘅選擇。紅豆冰好冧，好綿，我好努力地把紅豆都食光，好好補充剛剛運動燃燒嘅脂肪，大滿足。滿分為10分（一分最低，10分最高）食物：9環境：9衛生：9服務：9價錢：9舒適度：9總分：9…查看更多

中午過開嚟荃灣廣場，食午飯去B1找餐廳，行到盡頭見到呢間木兆小品，睇下餐牌都幾吸引，今日午餐就選佢。餐牌有好多款式，粥粉麵飯都有，今日點咗午市推介避風塘艇家炒麵。充滿水上人家避風塘風味嘅炒麵，有炸蒜、魷魚、魚蛋和蝦，大火炒麵，配菜有洋蔥同辣椒非常惹味。通常人哋話食辣驅風去濕，所以避風塘風味一定有辣，如果食唔到辣嘅話，就要考慮清楚。因為食完真係火辣辣。飲品就加六蚊點左枱右下角推廣的冷壓檸檬可樂。店員為我送上一個冰底同埋330嘅原味可樂，沒有見到檸檬，把可樂倒落到入去，飲一下，嘩，好酸呀。原來係將檸檬汁嘅精華放在冰底下，不用很用力撞檸檬片出汁，而且檸檬可樂配避風塘炒麵，非常解辣，可以降下火。滿分為10分（一分最低，10分最高）食物：9環境：9衛生：9服務：9價錢：9舒適度：9總分：9…查看更多

就快完結2024，為左慰勞自己，所以食返個放題開心下。朋友住屯門推介左一間平靚正嘅放題。這間放題位於屯門時代廣場二樓，喺平時商場與商場通道嗰層，要落一層，即係麥當勞扶手電梯落一層。這間放題麻雀雖小，五臟俱全。枱好大，就算兩個人都可以坐卡位，都好舒服。入去之前店員為我們點好湯底，我們點咗最貴個C餐，最多野食，食足120分鐘。這間放題主打台灣食品，同埋飲夜茶，啱曬平時飲唔到早茶嘅我。落咗單之後出去巡下，見到有熱葷，台灣肉燥飯，香鹵豬手，五香牛腩，蘿蔔牛肚。還有不少甜品，如椰汁紫米露，香芒布丁，黑糖仙草，鮮桔愛玉，法式燉蛋，椰汁紅豆糕。第一時間夾咗法式燉蛋同椰汁紅豆糕試試。他們甜而不膩，質量好，而且不算細件，份量不錯。到最後食完晚餐，每一款甜品都有試下，每一款都唔會令你失望。他的甜品真係要讚讚。朋友同我都好鍾意食點心，而且對點心又一定嘅要求。今晚所點各款嘅點心，即叫即蒸，分量十足，所有點心都係平時食開，有啲唔喺孖寶入面，已經好耐冇食奶黃包，他做得特別香滑，十分推介。香滑奶黃包/大良炸鮮奶/菜苗餃/蝦餃/粉果/燒賣/芒果糯米糍/叉燒包另外佢都可以點一啲台灣嘅小食，酥炸杏鮑蔬，椒鹽四季豆，麻辣鴨血，豬血糕，台灣香腸，梅香地瓜條，甜不辣。其中杏鮑蔬和四季豆有驚喜，第一口咬落去杏鮑菇，好彈牙，不會好油膩。四季豆原來同椒鹽可以咁配搭，令人停唔到口。梅香地瓜子我都好鍾意食㗎，酸酸甜甜，老少皆宜。食完呢啲台灣小食，覺得好似去完夜市咁，滿載而歸。P.S.豬血糕係炸起嘅，所以好硬，在一嚿之後，我把它們放落熱湯，浸返淋，最後先食。雖然好好食，但始終因為係糯米，所以食兩三件就已經脹胃。如果像我沒有朋友可以分享，要慎點豬血糕和食用次序哦。講返個主打澳洲和牛火鍋，店員一上來就為我地送上肥牛和牛板腱。朋友同我都覺得牛肉鮮甜，絕對係一個好好嘅開胃菜。另外我們點了好多海鮮，有海蝦，鱸魚片，扇貝，魷魚，蝦滑，墨魚滑和青口。我特別推介他的蝦，真係好大隻，每次只可以點四隻，我地點左幾輪，最後都係要點它做終結，可想而知，今晚蝦蝦係我哋嘅主角。同時希望2025年，大家都可以哈哈大笑。滿分為10分（一分最低，10分最高）食物：9.5環境：9衛生：9服務：9價錢：9舒適度：9.5總分：9…查看更多

中午喺荃灣廣場食飯，原來b1有好多嘢食，行到盡頭，見到一個廣告牌寫住人參雞湯，凍凍地今日就佢啦。餐廳裝修簡單，金屬櫈金屬檯面，就如他的名字雞廠一樣，流水式作業。我們喺收銀點單，但是找不到外邊的人參雞湯，店員指一下貼在旁邊洗手盤的廣告旁邊，我們就分別點咗人參雞湯，花膠蟲草花雞湯。本來我們想點熱飲，但係店舖上沒有，店員為我們推介一瓶瓶的凍飲，柚子柑桔派對，水蜜桃冰茶。由於店舖沒有卡位，我們今日面對牆壁食飯。過了十分鐘左右，店員為我們送上湯飯。可能店舖是以外賣為主，所以他們都是以紙兜紙碟，承載食物。他每一款湯飯也配有泡菜，份量不是兩三片，而是一半的小紙兜。人參雞湯上面見到糯米，新鮮人參紅棗都見到，飲一口熱湯，成個人暖曬。雞都有小半隻，雞肉鮮嫩美味。白飯起碼有平時食開嘅碗半飯，係珍珠米，配湯一齊食，好快就食完一碗。吃到最後人參嘅鬚好多。朋友的花膠蟲草花雞湯，香味濃郁，花膠都好大塊，加埋蟲草花，滋陰補腎，美顏佳品。見到店員不斷為Keeta出單，所以好多人都應該係中午叫外賣。臨走嘅時候見到佢餐廳入口位有好多唔同嘅餐牌，種類繁多，下次可以試下去其他嘅菜式，例如海南雞，炸雞等等。滿分為10分（一分最低，10分最高）食物：9環境：9衛生：9服務：9價錢：9舒適度：9總分：9…查看更多

難得週末無節目，同媽媽去葵興行下，記得惠康上面改變咗好多，以前銀行同酒樓已經冇咗，依家變左gym room 同幾間食肆，望左一輪，我哋就選擇咗最多人嘅牛奶冰室。入到去剛好兩點三四，店員忙碌地上菜寫單，找不到下午茶菜單，便問問店員索取。第一眼就見到西多士，好吸引。阿媽點左個黑糖漿雪糕西多士 $43配熱咖啡。黑糖漿加去雲呢拿雪糕，可以填補左maple糖漿的甜味，如果夾埋雪糕食，一冷一熱，感覺好得意，這樣的西多士好味。我就點左一口豚肉蔥油撈麵 $45配菠蘿冰。豚肉切到一舊一舊，可以分兩口食，蔥油撈公仔麵一讚，蔥花保持鮮嫩綠色，公仔麵軟硬適中。菠蘿冰，以前茶餐廳的菠蘿冰係一粒粒罐頭菠蘿再加冰，呢一杯一送上嚟係全杯黃色的，飲落去就係打碎的菠蘿汁。味道其實更加出色，但是他的冰底有一半，雖然個杯都大，但係唔見得好多，下次可以叫小冰。枱角有廣告，爆炸拉絲菠蘿包$15，我們又點來試試，菠蘿包鬆軟，外皮好脆，中間似係奶皇包的醬，甜甜的。幸好是share來食，一個人吃哂未免太飽。價錢比起其他大集團可能貴10左右，但係比較起上來牛奶冰室質量好又大份，CP值較高。滿分為10分（一分最低，10分最高）食物：9環境：9衛生：9服務：9價錢：9舒適度：9總分：9…查看更多

朋友啱啱外地返嚟，約食晚飯比手信我，我係openrice選左兩間葵芳餐廳佢㨂，佢話想食泰國菜，所以今晚就揀左呢間茶泰。大大的餐牌滿載多款食物，最吸引的是烤魚，我哋揀咗一半冬陰功湯底烤魚，睇見佢相片好大，諗緊兩個人應該夠食，可以點多個菜，應該可以好滿足。店員話我問下單，原來我哋點咗三個都係晚餐有三杯野飲，她介紹我們可以加八蚊有冬日特色飲品，所以我哋叫左兩杯熱飲，一杯凍飲。芒芒椰椰，由芒果汁椰奶打成，同埋粒粒爆珠，飲完都半飽，食完烤魚咁熱，飲呢個啱啱好。黑枸杞桑椹茶，調和氣血、滋陰補腎、養肝明目，對於平時用電腦用得多嘅我哋，好適合。荔枝桂園紅棗茶，在冬天提升元氣、促進新陳代謝、養顏美容， 女仕佳品。係眾多款菜入面，我地揀左飛天通菜。店員首先為我們送上菜，他的份量十足，用一座小山形容不為過，最近睇很多健康養生貼士，他建議外出食飯要食蔬菜先，之後食肉類，再食澱粉質，所以好高興這間餐廳可以先上飛天通菜。通菜上來時依然翠綠，非常爽口，配上蒜蓉碎，指天椒，醬汁，炒到剛剛熟，通菜才不會變黑。泰式冬陰功烤魚，目測條魚起碼一斤以上，我喜歡它放上芫茜，打芫茜浸落冬陰功湯，煮一會，帶出芫茜獨特香味。同時，平時冬陰功湯有嘅蕃茄仔，雜菌等材料，這個湯依然會有，加上魚本身嘅鮮味，香味匯聚，朋友不斷叫我飲湯先飲湯先，話個湯好好味。魚肉非常鮮甜，只是食嘅時候要專心，小心細少魚骨。以168蚊這個價錢，絕對係物超所值。泰國菜我通常都會食金邊粉，所以點多一個泰香金不換炒金邊粉。 他五蚊大細嘅鮮蝦非常吸睛，也有豆乾，炒蛋，芽菜，金不換等配料和金邊粉一起炒乾身，味道帶點甜，上面灑上少少芝麻，增加香味。食完魚，再食金邊粉，飲埋杯芒芒椰椰，非常飽。七點半來到只可坐高枱，但高枱的位置細，點完條魚就無辦法放到好多其他菜，店員非常配合上菜擺位，盡量讓我們食得舒適。食下食下又到九點半，快樂嘅時光過得特別快。滿分為10分（一分最低，10分最高）食物：9環境：9衛生：9服務：9價錢：9舒適度：9總分：9…查看更多

做完運動，好肚餓，從體育館行返出來經過新都廣場見到呢間牛奶冰室，晚飯時間道道多人，見佢可以即入就佢啦。雖然打完波個身體仲熱熱地，但係今晚想食咖哩，點左佢個咖哩巨人雞扒飯。送到上來，他的咖哩汁是另外用碗裝起的，雞扒果然夠巨人size, 外皮煎到金黃色，切開時，雞扒香味撲鼻。咖哩汁有幾舊連皮焗薯仔粒，咖喱汁偏鹹，所以用嚟送飯啱啱好，咖哩份量也很準確，最後一口飯都可以撈到汁。呢個咖哩食完即刻火辣辣，要飲返杯西洋菜蜜中和下。等上菜途中有一個小插曲，剛好我在邊個位置係四人座位，有對夫婦斜角對坐，部長為佢落單時禮貌地問佢有幾多人，佢話得兩個，部長回他們繁忙時間，要坐埋一邊，因為出面好多人等緊，個男嘅就起身話唔食，唔好阻住人哋做生意。我作為一個旁觀者，我認為店長態度誠懇，表現專業，食客都有佢自己嘅選擇權利。滿分為10分（一分最低，10分最高）食物：9環境：9衛生：9服務：9價錢：9舒適度：9總分：9…查看更多