mcat1001的个人专页

就算係💛店都搞唔掂，係中環間唔中見人有買就諗住試，見本身都唔少負評都抱住試試既心態比次機會佢，點知⋯⋯1. 員工態度極有問題尤其有位女staff, 無禮貌都算叫左杯野飲，等既人都係2-3個，但佢出左杯野係唔會同你講，我同佢有幾次眼神接觸都無理我。 最後我等左5分鐘，行埋去睇，先知杯野一早整好，但佢完全無視，又唔叫number。 呢個我都算2. 杯白桃烏龍有唔少人話正，但我真係唔識欣賞，叫左少甜都好甜，隻味勁假😰😰😰完全無茶味，飲左兩啖頂唔順掉左😵‍💫拜托有心做既就由員工入手先。…查看更多

從餐廳裝潢去到拉麵既presentation,都同中環跑馬地某間雞白湯拉麵非常相似！ 分別係人地賣$150 碗而呢度用openrice promotion就大約$75，價錢足足平左一半！當日係星期日十二點半到，排左約廿分鐘，入到去就show 個promotion page啦 , 不過個經理好似唔係好識咁，同埋order 要講兩三次先抄岩，最後講左要暖茶但黎左凍茶 感覺好唔pro。不過重點都係拉麵，呢個價錢黎講算ok，但你問我，我會寧願比多一倍食返另一間，至少個湯真係濃好多同creamy ! 呢間飲落有少少似史X生雞湯。…查看更多

睇返我食評，對上一次食就係上年九月，個次真係食左五舊水換黎成肚氣，因為全部都無味！今次想再比多次機會因為：1. 其實新開張個一個月真係好味，見openrice 仲咁多人正評，可能咁岩食個日真係唔好彩，唔知點解無味2. 某E app 有優惠，星期日十二點有七折！所以就訂左位再試試，今次就諗住兩個人叫8-10件唔同既試下先，如果好食先再叫，唔好食就拜拜好喇，結果係，仍然無味，刺身感覺唔新鮮又唔凍，元氣都好過佢試左既有三文魚，三文魚子，金目鯛，帶子，火灸左口魚邊，蟹棒，甜蝦。。只能夠講得三文魚子同火灸左口魚邊係ok, 其他真係無味咁滯！亦都肯定咁多正評其實都係....你懂的！ 真心想試既，我比你既意見係叫幾舊試先。。…查看更多

琴晚食左個小伏既廣島辣沾麵後，想食返餐好少少既，就諗起呢間立食壽司。係佢上年年尾新開，fb係咁宣傳既時候就做左先鋒去試，個陣覺得真係唔錯，價錢同千兩差唔多但魚生係多選擇同新鮮！可惜，事隔十個月，極失望而回，無下次！唔係唔好味，亦都無冰味，不過全部都無味。。。賣相仍然幾好，但食落第一舊既時候心諗，係咪我味覺有問題呢？ 即刻飲啖茶，sun sun鼻涕(in case塞左) 再食多舊，唔係wor真係無味！望望友人既表情已經知道中哂伏！ 連三文魚，甜蝦都無味。 係得鰻魚同三文魚子正正常常。 海膽唔臭不過唔係鮮個隻。其他都係無味。。比完錢覺得$500 唔知食左d乜，唔明點解香港咁多餐廳都係一開頭明明好好，但時間一長就會差左勁多，最後執笠收場。睇返食評仲有唔少人話好正，唔知係我唔好彩 咁岩星期日lunch中左伏定 打手太多。 點都好，下次咁既價錢我寧願食返千兩，或者連元氣都照殺-_-…查看更多

一心一意去以Crumbs作為飯後甜品，點知真係有d失望。1. 味道其實都OK同以前無乜分別，都係偏甜，但夠凍！2. 配料少，我見好多食評都已經提到，呢個係真3. 衛生有問題。 當就食完既時候，見到入邊透玻璃既唔知倉定雜物房入邊有兩隻小強！！！ 仲要係d茶壺度走來走去，即刻無哂胃口，即走！ 如果要飲茶類既朋友自求多福喇。。其實真心想佢做到落去，但眼見員工又無心機做，狂玩電話，質素又差左，仲要面對潮流既淘汰，我諗都好大機會重蹈覆轍。希望可以改善啦，話哂都童年回憶。…查看更多

平時行過見都算多人食，先諗住試下點知。。。中哂伏湯底唔知似乜 酸辣湯底唔知點解油到好似變左麻辣湯咁 賣相差唔緊要，飲落去仲有種臭味 嘩 真係未食過咁難食既麵，兩啖就掉左！想做勇者王可以試試挑戰。…查看更多