apz5gwnr8jnc的个人专页

朋友推薦我去食呢一間串燒店，今日決定過黎買宵夜試下佢地嘅串燒。位置都幾隱世。但係味道真係好好食。💯 因為住得比較遠，買外賣拎番屋企食都要半個鐘。佢嘅包裝全部都係用錫紙包住嘅，返到屋企都仲溫熱。串燒抵食之余量大。肉類食得出係非常新鮮。肉都燒得啱啱好，有焦香嘅味道但係又保留左肉汁。建議大家一定要試下燒五花肉同埋豬頸肉。五花肉佢地係厚切嘅，咬落去又嫩又多肉汁，外皮脆脆地，我爸爸食到停唔到口！🥹而我最鍾意嘅就係佢嘅燒豬頸肉，令我非常驚喜！咬落去又脆又鮮甜，啲肉汁好似爆開咁🥹🥹味道真係好特別！大家一定要試下。不過我覺得啲肉新鮮點燒都好食…😎 新鮮燒生蠔⭐️⭐️⭐️⭐️⭐️推薦指數滿分💯大家一定要去試下，老闆娘自己屋企養殖嘅生蠔。生蠔正常即燒即食先好食。但係我拎返屋企差唔多半個鐘車程先食，都可以保留到汁水。啲生蠔又大又新鮮🥹🥹下次一定會再食👍🏻👍🏻👍🏻 蒜蓉燒茄子⭐️⭐️⭐️⭐️⭐️平時食燒茄子食兩淡就已經好漏😅但係呢個茄子我差唔多一個人食曬，連皮都食左幾淡。都幾大條，係抵食嘅。鍾意食茄子嘅一定要試下🤤 屋企人食完都比好高評分，連我媽媽呢個健身人士都話食完啲串燒唔會覺得好鹹同埋口渴，調味岩岩好！極力推介！🤤…查看更多