shukxxitop的个人专页

同友人興奮地一試港版檸檬牛舌坐正bar枱對住廚房 望住師傅燒又厚又靚既牛舌 已經流哂口水因為對正廚房 餐又未到 所以忍唔住係咁望住個廚房就係呢個moment見到師傳唔小心跌左舊牛舌落地下 再夾返上網架 當冇事發生 準備繼續serve俾客友人擔心自己會食中呢舊跌左落地既牛舌 就向廚房員工提出呢個情況 員工才丟掉 我地最後都讚食物質素好但係廚房呢個情況絕對不理想 如果當時冇人見到 佢地可能就真係會咁樣serve俾人 既然餐廳設計得bar枱俾客人對正廚房 應該係對自己既食材 廚藝有信心 冇諗過會發生咁既畫面 另外一提 餐廳收加一 明白奈於地方位置同人手有限 水要自己加 但一張長bar枱只有一壺水 真的不知道可以點樣加水 其實價錢加左一後係接受到的 發現香港既餐廳根本冇提供到加一服務既服務又要收加一服務費 再加俾我地目睹廚房咁既處理手法 呢下真係令人唔舒服🤢…查看更多

好時沙嗲座落係一間舊式商場商場人流唔多 入親去既應該都係7-8成人係去食好時自己已光顧過好時幾次 間唔中都仍會想再訪一下佢地既新加坡菜式雖然本人未曾去過新加坡品嚐咩係地道既新加坡菜 但好時既味道係合我心意的今次同友人食個early dinner有辣星州炒米、加多加多、沙爹串燒、涼粉冰當時時間尚早 所以上菜速度都好快首先講左個辣星州炒米佢同平時港式既星州炒米唔同冇左陣黃色既外表 質地亦偏濕潤 唔似港式般乾炒一上菜就已傳出陣陣蝦醬香味 非常引起食慾雖然菜名有寫辣 但屬BB Level 不好辣的也可食😉當中配以芽菜 蝦 魷魚 魚肉片一齊濕炒 材料豐富佢亦充滿濃濃蛋香 食食下感覺有點像pad thai雖然同想像中既星州炒米有出入 但確實忍唔住一口接一口咁清盤推薦😍然後到加多加多以前常聽朋友講到印尼加多加多很好食而且個菜名都非常特別 因此我特別記得加多加多係一款沙律輕食沙律菜+蛋+薯仔+梨混合 再配上類似偏甜既沙嗲醬汁 加脆口既蝦片由於我冇概念到底係咩味道 第一口嘗試後便愛上了一開始以為是串燒沙嗲汁 點知係偏甜的味道 非常開胃 我可以一人清了一碟呢道沙律非常值得一試！最後再來串燒MENU有雞、牛、豬揀 一個order最少要半打 可混搭今次來了各2串一見到個沙嗲醬以為跟加多加多的醬汁一樣呢但仔細品嚐會發現串燒的沙嗲汁會咸返d同酸返d兩者有分別的！肉類方面 我同友人一致認為豬肉最好味有豬頸肉既感覺 非常香口總結好時沙嗲係性價比好高既東南亞菜 好多特別地道既菜式 而口味係合香港人口味的！溫提：6點前結賬飲品可獲半價優惠 除椰青和啤酒…查看更多

未到六點已見有5-6人係門口排隊等開門 當時未有晚餐頭緒又見快六點就即刻排埋一份入座後 面鋪位置唔算多 略迫 係正常既土地問題菜單選擇不多 所以好快就下到決定湯底屬濃稠多油類 重口味人士一定好愛湯底係豬骨魚介醬油 所以非常鮮味 湯底非常濃郁 味道偏濃 淡口味人士會覺得好咸 麵質屬一普幼身拉麵 但掛湯能力唔錯 每啖都配到濃濃湯底個人非常喜愛呢間拉麵店 推薦…查看更多

跑馬地近期最hit既cafe 見到好多附近做完運動/放狗人士都會入去chill下 門口非常打卡able 值得黎呃下like食物方面 不過不失 panini烘得超脆 有少少界口不過餡料係ok既雞翼好惹味 不過細仔左少少 但都推薦Cafe最重要既啡我個人覺得有進步空間叫左杯nutty既凍美 飲落偏酸偏fruity 苦味又出 有待改善環境寧靜 都坐得舒服 但留意一點既係 地址雖然寫跑馬地 但事實上近銅鑼灣多點 想去打卡既朋友可以留意下…查看更多

呢間cafe有兩個入口，開頭同友人行左去大街個入口，入到去一個人都冇，然後見到放左個牌寫住請轉彎進入所以下次如果再見到間鋪冇人唔洗驚 轉彎有多個入口入到去，空間好大，但枱與枱之間隔好遠，所以枱數圍返唔算好多，咁樣可以坐得舒服d傾計薯波炸到超脆既薯波 配返一個黑松露醬同一個茄汁 鐘意食香口野既人一定好愛推薦Berry smoothie呢杯真係必嗌！超級推薦！成杯都充滿雜莓 用料十足！酸酸甜甜好開胃解熱仲加左脆脆做topping 非常吸引！海鮮Pizza呢款Pizza餅底好似餅乾咁脆 我個人就不太喜歡呢種 topping就足料好食既 美中不足係餅底推薦卡邦尼意粉忌廉汁調得好香好好食 唔係多汁個款卡邦尼 係剛好掛哂係意粉上面 一入口就超滿足 推薦大家香蕉Oreo麻糬窩夫（半份）首先名稱講左係麻糬窩夫 同友人一齊食 大家都唔覺自己有食到窩夫 呢點係有d失望總括 食物方面不過不失 最推薦berry smoothie最讚係餐廳環境闊落 最適合同友人一路傾一路食 坐得好舒服…查看更多

假期黎個me time 上網搵到呢間位於突破書店內既cafe 果然係假日 估唔到幫趁既人都幾多 店內都坐滿哂 但有個店員非常幫得手 佢會幫忙分配座位 又好好服務態度 值得一讚呢度點餐係要自己到收銀處點餐同即時收錢Tea time我就order左個cake of the day加錢要杯Cappuccino本身俾左個號碼機 有得拎時就會響 但店員都太好人 直接幫忙送到我桌上 真係麻煩晒Tiramisu隻碟會畫花 幾有心機 芝士蛋糕幾挺身 芝士味唔算出 值得一讚係唔會太甜 略嫌鋪得太多朱古力粉搞到仲苦左dd …查看更多

一睇到店名 第一時間諗起「來自星星的你」既炸雞配啤酒 鋪頭有分室內同室外 方便想食煙既人坐戶外 店內裝修充滿住各韓星既poster 令人好懷念有得飛韓國既日子今次同友人叫左個海鮮煎餅同芝士辣章魚先黎芝士辣章魚一上枱d辣醬係鐵板上不停彈跳 令人食慾大增章魚size偏細粒但份量都唔少 芝士都落得好足 唔會食兩啖就冇哂 中間有一大舊用紫菜鋪滿左既飯 兩個人食哂絕對係飽哂！惟一缺點就係雖然成盤鼻係紅色但完全唔辣！都幾岩唔辣既朋友 但好辣之人就會失望喇食到差唔多到尾先黎既海鮮煎餅一上枱個份量都係大得驚人 總共分到8塊煎餅都最重要係要煎到夠脆邊 佢地做得到！但就咸左少少 所以碟魚露根本用唔著🤣…查看更多

同友人lunch time是但搵左間有位既食 開頭見佢靚靚地個餐牌又吸引 而且lunch time黎講仲要平均每道菜都over $100再加一 所以對佢味道都幾高期望我叫左個蟹肉小龍蝦意粉配龍蝦汁$138再加一首先黎左個餐湯先-羅宋湯 都足料好飲既 左懷疑裝定哂出黎唔係好夠熱姐:(到個意粉黎喇 見佢有廚師推薦以為應該唔錯既 同埋張圖都好豐富吸引咁 點知一上枱 嘩！咁齋既！好！圖片只供參考啊嘛！我食埋先再講！佢用得黎做推介我會expect係鮮味十足好濃郁 事實係非常淡味 完全同我期望既係另一回事:(小龍蝦有既 剝哂殼都有3-4隻既 至於蟹肉都食到啖啖有少少既 不過我唔會推薦食呢碟囉佢仲要好似係最貴個款菜 都麻麻地 lunch time黎講呢間都真係做得高價！…查看更多

呢間真係開左好多年 記得當年都係數一數二有日式抹茶雪糕甜品食既地方事隔多年 見天氣熱熱地就決定睇下仲係咪保持住個水準之前經過呢度都會見到有小人龍 但今次同友人可以咁岩即入店內位置唔多 所以繁忙時間只有30分鐘用膳時間今次叫左厥餅紅豆抹茶mix牛奶雪糕 + 黃豆粉白玉焙茶mix抹茶雪糕雪糕質地好厚實 所以一個人食哂係會好飽雪糕味道好濃郁！抹茶好有甘甘地澀澀地既味道 唔係低質假抹茶味牛奶味又勁香 好突出而我個人就最愛焙茶味！佢係冇咁甜 食到焙茶個種少少燶燶地既苦澀味友人稱係大人口味呢間既雪糕我俾好高分配料方面就不過不失 叫做有d野咬下冇咁寡 不過我就覺得厥餅唔太推薦 因為佢個口感做得唔好 太淋 完全唔煙un 但黃豆粉係香既 略嫌落得太少總結 呢間仍然做到日式既味道…查看更多

土瓜灣有好多小店美食 但由於以前冇地鐵一直都唔會有人特登黎 依家多左個交通工具更加方便啦呢間小食店既炸雞髀係神級美味！首先佢地唔係即炸既而係炸定放係保暖櫃保溫 拿！係咪以為一定淋哂呢？大錯特錯！真係唔知佢地用左咩技術 次次買親一咬都係脆到爆！超邪惡超滿足！個味道係甜甜地既後勁 雞肉係juicy會標肉汁既再加埋超脆既雞皮 做下午茶小食一流而且大大隻都只係$18 性價比算高…查看更多

本來一心想食另一間鋪 但友人俾個門口叫賣既哥哥仔吸引左 佢話佢叫得好落力想俾d鼓勵佢咁話喎叫左個慢煮牛肉飯同海膽三文魚帶子飯講左魚生飯先都尚算新鮮同有魚味既 但海膽就少左D到個慢煮牛肉飯 都算係佢地招牌菜個賣相一黎就好打卡先個慢煮牛係配薑味既燒汁隔離再加左堆檸檬奶酪(?) 我見識少就未試過咁既配搭所以覺得怪怪地 但友人就覺得好fresh好好味至於牛肉係滑既都好好食可以試下啦不過店內好多貌似冇咩經驗既員工 都係呆下呆下唔係好識招呼同應人 仲要收錯錢 建議賣單同俾錢後要check一check銀碼…查看更多

好難食！叫左個炸蝦飯團+小食（薯條）+飲品（黑糖豆漿）首先個餡即係炸蝦係好食既 但係！飯團舊飯同紫菜係唔合格！講明先我係即食！D飯淋到食緊糊仔咁 所以搞到紫菜都淋哂 成個口感一pat野咁 講得衰d真係要學過煲飯 我唔知係咪咁岩失手煲衰左定點啦 喂！你整個了不出黎都feel到d飯咩質地狀態啦下話！真係接受唔到飯團做成咁！薯條就炸得好食既 但個醬就真係冇咩味囉…查看更多

約友人食飯約左去試一試麗姐 順便都素一下清一清個人午市係6個餸揀3連湯連飯 $55係灣仔區呢講真係算係咁嫁喇由於友人係常客 所以麗姐俾既餸特別多益我地 但我望見其他普通食客既份量都唔少！我欣賞佢既地方係味道好真實好居家 唔似出面其他素餐廳咁化學用好多假肉 又唔油膩 所以食落好舒服 當中我推薦佢地既炸物！炸得極脆極香口！好好味個老火湯係飲得出自己煲 應該都冇落味精 好清！仲要俾足湯渣環境好大又乾淨企理！超級推薦！…查看更多

話說以前網民成日俾一大堆負評 我自已就係負評時期都有食過2-3次 唔覺難食到左今時今日佢地改革廚藝 最近呢3次食返都覺得真係好食！之前食過乾炒牛河真係一絕！好耐冇食過有鑊氣既乾炒牛河 個份量仲要勁大份！兩個女仔食一碟都會好夠飽今晚就試埋暗然銷魂飯同瓏瓏雞煲首先講左暗然銷魂飯先，用沙煲上 有幾條菜芯+兩隻太陽蛋+鋪滿半個煲面既叉燒 然後海量既飯 成碗野係滿到唔知邊度夾起好 味道方面 太陽蛋爛左一隻 叉燒唔肥 望落好瘦但咬落係好淋 有筋位所以好彈牙！又唔係死咸既cheap豉油味 係有驚喜既！$67仲連杯熱飲真係好抵然後到個瓏瓏雞煲就相對失色左D份量一樣好大份又熱辣辣+白飯+油菜+熱飲 $69性格比黎講係好高嫁喇！不過個雞煲似炆雞多過係雞煲 佢冇個種惹味既感覺 仲咸左DD 同埋係整定一大煲再不出黎咁 因為我食左幾舊雞翼🤦🏾‍♀️同埋個雞皮都炆到淋哂 個感覺好唔新鮮不過佢都唔係唔好食既 係同我相像既雞煲有出入強烈建議大家食乾炒牛河好過叫雞煲😉…查看更多

平日既下午時段都好full house就知佢幾難book呢度既pizza即叫即整 最開心係有得雙拼由於得我同友人兩個人 所以只係食得落一個pizza冇叫其他我就一早諗好要食My Parma因為好鐘意ham and 火箭菜同比較少地方有呢款pizza 至於友人揀果個就普通d 只係記得有菠蘿 個菠蘿係新鮮菠蘿所以口感好唔同同埋唔會食到罐頭糖水味批底係薄批型 唔會好漏同濟 兩個人食哂成個就岩岩好 …查看更多