lemongirl0000的個人專頁

見food court 有人食緊，亦都有人係food court個收銀口排緊隊，但職員就冇人。後來有個着黑色衫既職員經過個收銀口帶手套整粉，一路同原本整緊粉既傾計，完全唔打算理收銀前面條人龍。後來等到前面啲人唔耐煩走哂，我大叫落單，個黑色衫先話呢個口唔開，要入去叫。到入去又係冇人理，求其叫個職員淨係講普通話同淨識叫你等，原來佢係唔識落單。佢叫左個講廣東話，同佢講黑色衫叫我過嚟落單佢話嗰個收銀口唔開，我係food court嗰邊食。佢好似聽唔明，話要出去㩒飛。我話foodcourt有位係嗰邊食，佢就話要係呢度食。講都唔明，所以唔食。北上食都仲好過係香港食，仲話香港首間店，我諗應該係香港最後一間店。…查看更多

兩三年前第一次食呢間係無意中行過見好多人圍住個雪櫃喺度tick單食完真係發現新大陸咁，好好食所以一路都keep成日嚟買一人餐有次叫左半隻雞中辣返屋企加餸我家姐話好好食，食到lam lam脷平時我係唔食雞皮嘅但係食呢隻雞我係會食埋啲雞皮配菜多選擇之餘份量大，雖然有時會執錯執漏，見老闆年紀大都堅持密密剪密密撈都真係幾辛苦，所以一路keep住幫襯試過冇開門，好食到第二日都堅持要嚟買試過買返工食啲同事都搶着食仲可以加$5有杯豆漿都唔錯…查看更多

平時食開葵廣嗰間見新開又未食過就買嚟食下第一次買左半隻雞加左4個配菜粟米荀，青瓜，海帶，百頁豆腐，阿土醬味小辣要成$92，返到屋企即食雞柴，呀媽話有雪味，咁我就唔太食得出但配菜份量少得可憐，同配菜個size唔及葵涌店，所以剪完出嚟份量少平時葵廣店半隻雞$77已經有4個配菜，份量足，呢間$92 我唔知食左乜🔺🔺🔺🔺🔺🔺🔺🔺🔺🔺🔺🔺🔺🔺🔺🔺第二次想試埋另一隻味，就買咗一人餐，雞胸各半，要咗百頁豆腐，雞腎，魚片 原味小辣$45個職員一路撈一路同其他職員傾計，我拎嘅時候發現有拉麵喺入邊，我就同職員講我冇點拉麵撈嗰位職員就話撈左好難拎出嚟，另一位職員就話你食唔食拉麵食嘅話送埋比你問題唔係你送比我而係對住張單路都可以錯，當時得我一張單同我帶飯返工諗住加餸咁我就話唔食拉麵，佢就拎返啲拉麵出嚟唔知係咪呢個原因份量超小好似俾人食剩咁雞依然都係柴，返到公司請咗上次食過葵廣嗰間話好食既同事試，佢都話冇咁好食下次都係唔好貪方便去返葵廣買，仲可以揀全雞脾添…查看更多

食物質數不錯，可惜員工做事甩漏只適合3-4人光顧，今次一大班十多人光顧，叫了5個3-4人套餐，有湯，餐包，小食2款，温泉蛋米形粉再加多1款主菜。首先套餐不包餐飲已經有點怪怪，因為套餐價錢跟據選擇的主菜而定價，$358-$628。到上湯時，上左8個蕃茄湯，然後另外7個湯就遲遲都唔上，餐包又只上了2份(1份4片)。接著就上小食，小食食完了，7個湯同3份餐包都仲未上之中都追左職員幾次，回覆都只是說會跟一跟。之後到上了温泉蛋米形粉，都幾好食，蟲草味好濃郁，。接著終於見到7個湯上了，講緊係落單後1個鐘，但變了另一款湯，有同行者出聲話唔同左既，職員先答蕃茄湯賣哂。那為可不一早說呢，唔洗追到口都乾埋。不過餐包又只上了2份，又同職員說差一份，跟完之後最有趣是來了一片餐包，最終忍不住說是一份4個人都未食餐包。到上主菜已經是落單後2個鐘的事，西冷扒，太概煮到5成熟倒，偏韌同唔熱。不過等到已經唔肚餓不想吃。普遍熱食都不熱的，除咗小食的蕃薯條同芝士薯格。總括成餐飯都淨係記得係咁追野食，想同好耐冇見既朋友傾下計都唔得。如果唔改進，平日一餐飯都要食上2個半小時，真係好快玩完。…查看更多

時不時都會嚟食米線or紅薯粉！最愛食海帶，豬耳，豬脷反而豬頸肉麻麻，好"鞋"同雪味重，我叫左酸辣同掩蓋唔到陣味，雖然唔好食但畀左好多塊另外，魚肉春卷本來以為係似荃灣有間食魚春卷米線咁既魚春卷，但原來唔係，都好食就得4塊左右。另外，食辣一定加支豆漿價錢就偏貴，一個麵底都要26,28蚊，餸既選擇都多，價錢就6蚊,7蚊,12蚊。都係間唔中食，因為都貴，同荃灣都有好多平又好食既紅薯粉，不過佢勝在開到好夜，其他店通常2200就關門。啱哂我呢啲收工收好夜又未食飯既人…查看更多

嚟3次，3次叫野都唔順利！3次鐵板牛，火鍋都冇，講緊係6點幾喎。你冇就係出面示意返邊啲售罄，搞到好似畀佢呃左入嚟😤店員態度好差好激動，好似你得罪佢全家咁，冇鐵板牛叫另款燒牛肉飯，店員仲寸返你轉頭話都話鐵板牛同燒牛肉飯係一樣牛即係都冇，我實知一樣喇，餐牌又冇寫明。咁你不如話三文魚刺身同煎魚一樣。係都係我地激動先喇，我都係做服務業，日日都對住啲好激動既客，都冇呢個店員態度咁差。俾錢受罪建議佢入多啲貨，次次都冇貨真係等執。如非必要都係唔會再嚟食，食物又唔熱得個䁔字。…查看更多