siupakcheese的个人专页

一行四人book咗6:00pm 食飯，諗住舒舒服服慢慢坐, book位嘅時候冇講到90分鐘用餐. 坐低叫咗茶之後佢就話得90分鐘用餐時間, 跟住我哋問如果你唔係有客, 我哋係咪可以坐耐啲? 佢話係呀, 點知到個半鐘頭之後就攞張單嚟叫我哋埋單，但係我哋見到仲有一枱無人坐而門口係冇人排隊嘅. 食物質素都係好一般而且價錢偏貴，不過價錢都預咗係咁上下. 個waitress 仲要狂sell你叫燉湯又叫你嗌套餐, 總之就要你叫一啲貴價嘅嘢. 可能因為我哋冇叫到貴野，只叫片皮鴨小籠包呢啲普通餸. 跟住佢就啱啱好90分鐘埋嚟話叫我哋埋單. 唉⋯ 又話香港食肆生意唔好？ 其實餐廳服務同食物質數可唔可以做好啲？ 搞到自己香港人都唔想再去幫襯你囉, 做食肆既老闆會唔會都反省吓先？…查看更多

今日book 咗13人大枱飲茶，去到只安排得12人，叫個女侍應開多個位佢叫我哋自己過隔離攞張凳！個轉盤上面有殘留食物同埋冇抹枱！碗碟筷子匙羹全部污糟邋遢！同個女侍應講換咗幾次都仲係有跡，佢換既時候仲要掉隻碗落枱發脾氣！！叫碟炒米隻碟又係污糟又有跡！服務態度超級差，衛生程度非常惡劣！真係貼錢買難受！…查看更多

日本大熱炸牛朳嚟到香港，一定要試下啦. 點知中伏！牛扒un又油，個炸面淋pei pei！無切牛肉刀比你，環境迫又煙，地下跣，唔明白點解有咁多好評，絶對唔會有下次囉！…查看更多