SothylalaYeung的个人专页

路過已經比佢既名吸引左 坡椰坡囉咪 好似施法術咁 好有創意呀😆終於有機會黎試試餐廳係灣仔地段 晚市套餐都只係75蚊起餐廳環境寬敞光猛又企理仲有d小佈置 感覺多添一份小清新海南雞飯套餐 $75加8蚊就可以轉雞脾 正呀🤤 雞肉嫩滑肥美 雞皮爽滑 雞肉摻雜肉汁又嫩滑 配埋 薑蓉 辣醬 甜醬油 正宗色香味爆燈💡肉骨茶套餐 $75湯底好濃郁，濃香既藥材味，有肉骨 杞子 桂圓 冬菇肉骨質地口感相當爽滑 完全唔似煲湯肉咁乾爭爭同我曾經係星馬食過正宗既肉骨茶不相伯仲 感覺到個湯底係心機之作 一啖湯 一啖肉 一啖飯 仲有油炸鬼 食到唔同既口感 真係好好味🥣爆泡拉茶 $15真係爆泡嘔泡mode 好搞笑 好搶眼 好打卡able🥰 而且好濃茶味同奶香味 椰汁沙冰 $20 果味沙冰飲得多 椰子味道比較特別好椰好香又消暑滋潤既沙冰🍧斑蘭千層糕 + 芒果西米千層糕 $18斑蘭好香甜係我至愛 芒果西米口感更豐富一點但唔係普遍千層糕咁一層層好分明呢個係比較黏稠帶點煙韌口感 我覺得有homemade既感覺甜品口感人人喜好唔同 加埋椰醬同紅豆我就覺得真係好唔錯 搞笑既小插曲 有個哥哥仔入到黎問老板乜野好食老板未回應之際 哥哥仔話 唔好同我講乜都好食 🤣之後裝到佢地點左蝦麵 同 咖哩包 下次一定要試埋佢😍老板店員都好好人架 即管問下佢地有乜推介啦💯…查看更多

老豆生日試試元朗既帝豪海鮮酒家，提前預訂左皇宴全包宴 $5288，包括：1.乳豬全體2.帶子花姿片3.玉環瑤柱圃4.窩貼大明蝦5.花膠雞絲燴生翅6.蠔王北菰扣鮑片7.清蒸沙巴龍躉8.一品燒雞9.蛋白海皇炒飯10.鮑汁炆伊面11.鴻運團圓露12.壽包13.生果拼盤當晚撞岩有公司搞晚宴，雖然坐得有點逼，但都叫間左個小角落比我地。基本上所有餸菜都有水準，乳豬香脆，明蝦鮮甜，燒雞最出色，外脆內軟，咸度適中，炒飯同伊面都用心之作，由頭食到落尾，真係好意外，好出色，好適合一家大細聚餐，值得一試。…查看更多

今次同最愛試好野既小親親黎到位於中環鬧市Stanley11既一緒一番酒場試下佢地既omakase. 係網上已經見到佢地好有創意，定期都有唔同既套餐推出，有春酒配對晚宴，清酒特色晚宴，節日套餐，期間限定咁，真係令人充滿遐想，好有衝動試下😍一緒一番廚師發辦套餐，午市晚市都可以食到，晚市除左入門$880既套餐，仲有極上同豐盛級料理可選架。食omakase最特別既當然係同師傅可以有交流，每一道菜都會介紹同講解一番，食得特別滋味同有層次。🤓一緒一番既食材係每日新鮮直送香港，師傅有超過20年日本料理經驗，按季節同時令食材，巧手妙製食得又睇得既精美菜式，包括 先付 燒物 壽司 煮物 湯品 甜品，為客人設計完美豐盛既套餐。酒場環境非常開揚，樓底極高，好寬敞舒適啊，加埋個270度中環景色，感覺高質又夠晒儀式感。🥗先付： 海膽豆腐配紅酒蒜頭+芝麻牛蒡豆腐幼滑，海膽甘甜，蒜頭爽脆，牛蒡咸香，多種口感同味道刺激味蕾，非常開胃！😋🐟刺身：深海縞池魚配柚子酸汁，口感非常鮮甜柔滑，淡淡柚子酸份外清新。手握壽司：🍣紫蘇葉墨魚： 墨魚爽脆配紫蘇葉既獨特香味，好特別🍣金目鯛： 魚香濃厚，軟嫩多汁 🍣帆立貝： 肥美彈牙，青檸汁仲有提鮮效果 🍣鰤魚： 魚脂香甜，肥而不膩🍣烏梅子赤蝦： 口感爽脆鮮甜，鹹中帶甘香🍣九州鯖魚： 配埋芝麻同蔥花，一d都唔腥🍣活北奇貝：肉質緊緻彈牙，輕輕燒一燒增加內裡鮮甜同燒香味，加咗柚子汁，份外鮮甜清新🍣中拖羅： 夾雜適中既魚脂，口感軟綿，入口即溶🍣海膽馬糞： 鮮甜冇澀味，回甘濃郁🍣碟魚裙邊： 面頭輕輕燒香既碟魚裙邊，口感好有嚼勁，魚油香甜濃郁，好有層次，食既時候要小心d油啊🥣一緒特色湯： 非一般味噌麵豉湯，新鮮滾熱辣，用料十足，仙氣滿滿。🍢燒物： 🐖麵豉豚肉 有少少辣 豚肉香脆 🐔雞翼嫩滑唔會太乾🫑秋葵中間釀左啲肉，好特別，口感豐富🍰甜品： 蘋果＆白桃吉士卷 ：連小小甜點都有兩個口味，香甜清新，d cream好柔軟，為豐盛滿足既一餐畫上完美句號。🫶性價比極高值得一試既omakase ，只需$880 ，大大大滿足+回味無窮既一餐，辛苦招呼我地既師傅，用心製作，絕不欺場，好睇又好食🏅👍👍👍…查看更多

荃新天地2日本風美食街，諗住同朋友仔去觀摩下，的確好多選擇，最後揀左呢間試下，咁岩有位唔洗等位。菜式多樣仲非常精美，隨心揀左幾款試下。三文魚沙律配toast， 三文魚好鮮味，配埋沙律菜帶點酸味好開胃。醬燒魷魚墨汁意粉，賣相很討好，意粉口感不錯，有淡淡墨魚汁香味。最欣賞佢地既咖啡，絕對係用心之作，見到個unicorn已經加左分，好靚呀。由於乜都好靚，掛住影相😂有一道菜唔記得係乜，咁精美既菜式，好值得一試，性價比極高。…查看更多

場地裝潢好靚又闊落，好有氣氛，好適合鐘意唱歌既人士去既好地方。唔止可以唱歌，估唔到野食既質素都好超卓，而且選擇唔算少，小食，前菜，海鮮，牛扒，燒雞，pizza，一應俱全，價錢唔算平，但份量好大。Parmaham pizza係薄脆pizza，新鮮即製的，好好味。 德國豬手配酸菜，仲有薯條，豬手脆卜卜，咸度適中， 兩個人share食都ok。孜然烤肉串，肉質鮮嫩。連飲品都特別精美，一邊食一邊傾下計等唱歌，好有feel，有機會一定會再去。 🪩🪩🪩…查看更多

朋友生日聚餐，揀左呢間好特別既黎巴嫩餐廳 RUE DU LIBAN，黎巴嫩野第一次食，滿心期待。店內環境好靚，滿佈花海，充滿異國風情，岩晒一班女人打卡。😍整體覺得黎巴嫩菜味道配搭好特別，味道都算濃，所有菜式都幾開胃，食落都唔會覺得太heavy。松露鷹嘴豆蓉，係凍既 ，沾面包同脆片食 ，好冇口感又開胃。香烤8爪魚，雖然份量唔算大 ，但好彈牙 ，好鮮味， 值得一試。雞肉乳酪煮飯，第一次食帶咁refreshing 既飯，有乳香但帶少少甜酸味。慢燉牛肋骨，意外地香軟幼滑，仲好入味啊。…查看更多

老香港傳統點心，裝潢好有老香港味道可以打卡一番。每次去都大排長龍，一定有原因，全部點心即叫即做，新鮮滾熱辣，今次4個人食左 ，小籠包 +牛肉球 +潮州粉果 +蒸排骨鳳爪+ 蘿白糕+ 腐皮卷+ 叉燒包 +米皇腸+ 肉餅飯+桂圓紅棗糕。每款都好好味， 小籠包皮薄餡靚又多汁，牛肉球彈牙，潮州粉果餡料好多， 羅白糕稍為遜色，有d死實，米皇腸厚度適中，好嫩滑，肉餅飯好有家的感覺，食埋個甜品桂圓紅棗糕，好香薑汁味，煙韌彈牙，好滿足嘅一餐。…查看更多

以日本直送雞蛋為卓頭，烹調創意玉子料理，選擇多樣，有沙律 全日早餐意粉 蛋包飯 梳乎厘等，好適合一家大細，環境尚算寬敞，但坐位唔多。意粉不過不失，對得住價錢，每次去食都係為左食個梳乎厘，白桃梳乎厘，香甜清新，唔會太漏，第二最愛係tiramisu，喜歡甜既必試。…查看更多

一間喜出望外既日式鐵板燒 地方唔算大 目測坐到大約10人 一定要預約啊睇住大廚係你面前準備食材同煮既過程好療癒 所有海鮮都好生猛 大蝦 龍蝦 蜆 鮑魚 帶子 牛 鵝肝 炒飯 蔬菜 湯品 連甜品都一絕 自家焦糖多士加雪糕 全部心機之作好大開眼界咁食左一餐滿足既海鮮鐵板燒之餘 仲偷師大廚點煮野食😍😍仲好貼心會仔細問食客有乜唔食 閒話家常咁 真係好chill😎😎鐘意食海鮮既朋友一定要去試下 逐樣煮當然需時 平日生活咁趕急 放下腳步 忘記時間 好好享受 好完滿 食材優質 大廚有料 2千令蚊2人set 但絕對值！ …查看更多

環境不錯 有outdoor seats平日teatime去人唔算多而且選擇多樣 今次試下個煙肉無花果沙律同香蒜芝麻吞拿魚意粉意外地好食 食材新鮮 無花果沙律很特別 仲有煙肉同新鮮既沙律菜 同黑醋 好清新開胃 吞拿魚好有口感 意粉唔會太油膩份量也不少啊 lunch set配埋沙律同飲品先$88 性價比很高 試埋佢地既梳打ice cream 好creamy既vanilla味 入口即溶 賣相一流 很可愛岩晒打卡連hightea都有 下次一定要去試試。…查看更多

朋友生日飯，揀左呢間去試試，晚飯時間人唔算多，地方寬敞，價錢當然同台灣夜市冇得比較啦，相對比較貴。鹽酥雞扒魯肉飯，雞扒不夠酥脆，魯肉飯偏淡不夠惹咪。胡麻小菜爽口鮮甜。麻辣豬耳香辣爽口開胃。台灣腸拼墨魚腸稍嫌不夠火喉香脆，肉碎韮菜花不過不失，三杯雞比較遜色，淡而無味。糯米飯反而不錯，有蝦米香而且口感不俗，有點黏，很Q彈，就是當然會油膩。 蛋黃炸雞單骨很香蛋黃味，但炸粉有點太多。想同朋友一聚又想坐得舒服又想食台式料理，可以選一試但不要有期望，要食到台灣夜市既風味當然還是親身去台灣食吧。…查看更多

已經去過幾次，出名服務態度好，環境尚算ok,weekend預左唔會少人，最緊要食到好野。沙律菜水果冷盤多樣新鮮，魚生壽司多樣精緻，有各類面包餅乾芝ham,lunch buffet黎講真係好多選擇，海鮮係我最喜歡的，有蝦，小龍蝦，蜆，蟹腳，青口，非常鮮甜啊飽肚熱食有粉面飯，當然唔好食咁多，留返個胃食甜品，榴槤本人唔食的😆，但其他甜品都好不錯，好鐘意食甜野， 基本上全部都試晒，唔食榴槤的千其唔好攞錯😂去左已經有幾個月，已經唔記得食左d乜甜品，大家睇相啦😋呢度既甜品選擇比其他buffet比較多，最完美就係最後食埋個軟雪糕，大滿足。呢間buffet暫時係我最推薦既lunch buffet之一，不妨試試。…查看更多

無無聊聊路過見到新開又仲有位就入去一試 不抱期望更有驚喜選擇多 小食 蔬菜 肉類串燒價錢合理 仲有燒聖子 扇貝 龍蝦 連薄餅都有通常食串燒都會覺得唔夠火喉 仲會唔夠滾熱辣我地叫左金菇 京蔥 四季豆 尖椒 雞翼 牛柳 雞腎 豆腐 茄子 魷魚 牛舌 秋葵 白酒沙白意粉 墨西哥芝士雞肉薄餅 蒜蓉+芝士燒蝦 愈食愈滋味 不斷再叫再添 金菇夠晒分量 白濃牛油味 京蔥 四季豆 尖椒等蔬類串燒都馬虎 有燒汁伴味 色香味俱全 雞翼係有調過味的 不會淡而無味而且熟度剛好 好juicy牛柳 牛舌 雞腎就啖啖有口勁 又唔會太硬 白酒沙白意粉絕對驚喜 滿滿是大大隻沙白 冇沙架 好鮮甜墨西哥芝士雞肉薄餅都冇令人失望 脆卜卜 仲有黃椒 紅椒 十分惹味最後既龍蝦 真係好出色 仲可以分半 揀唔同口味 蒜蓉同芝士 記得係做緊優惠 好抵食 絕唔係劣質海鮮 搶住食既狀態🤣餐廳地方唔算大 晚飯時段需要等下 裝潢簡單尚算坐得寬敞舒服的 真心抵食 真心有heart既串燒店 一定再食!…查看更多

小店新開一試 名字特別 裝潢潔淨 價錢相宜 故不抱大期望午餐選擇算多 有咖哩 燒汁 黑椒汁 有沙律 有烏冬 有中式炒飯等 亦有佐酒小食 但價錢比午更貴 今次點了蒲燒鰻魚飯 賣相不俗 味道尚可接受 但鰻魚有硬骨 食時要份外小心 如可多點鰻魚汁會更好 白飯唔夠熱 另外 咖哩雞扒烏冬 咖哩感覺係不是黃咖哩 都不是日式咖哩 味道似胡椒味很重 烏冬口感比較林 沒有口感 好唔好味見人見智 但價錢大眾化 岩晒要快要平既學生哥吧 附近既餐廳都食嫌左 叫有多個選擇 下次有機會都會再試試炒飯 …查看更多

今次朋友生日 去試下Rosewood 入面既西班牙餐廳Bayfare Social，地方清幽 又寬敞，繁忙時段都唔會太嘈太迫，外面仲有望海露天座位，太chill了。我地點左weekend set lunch ($598each)1.seafood platter: 波士頓龍蝦，生蠔，老虎蝦2. Scallop tiradito 酸汁帶子3.Tapas: 炸火腿可樂餅4. Sea Salt Padron pepper 海鹽小椒5. Chorizo a la sidra 蘋果酒豬肉腸6.Cochinillo asado 燒乳豬7.Seafood paella 西班牙海鮮飯8.Neapolitan 拿破崙千層酥海鮮盤無可挑剔，大愛，龍蝦鮮甜彈牙，生蠔好juicy, 老虎蝦都一樣新鮮鮮甜。西式酸汁帶子， 帶子鮮甜，醬汁帶微酸，開胃非常。西班牙炸火腿可樂餅，外脆內軟，好香口。海鹽小椒又係我其中一樣至外，水準可以媲美我係英國同法國食既西班牙小椒呀，好有椒香同清甜，加埋海鹽，真係好好味。豬肉腸都好有口感，陣陣蘋果酒既味道，唔會太heavy。西班牙燒乳豬係幼嫩既燒豬仔，個皮燒到卜卜脆，只係個醬有d咸，個人比較喜歡甜一點的，但都冇影響整體味道。seafood paella 又係另一驚喜呀，飯粒軟硬度剛好，有蝦，蜆，魷魚 每人每樣一件，好貼心，食唔晒真係會覺得好徙呢最後係最期待既拿破崙千層酥，去親都必點，係全香港最好食既dessert, cream口感幼滑唔會太甜都唔會太林，入口即溶，仲有好香濃vanilla味，個脆脆好有層次，烘焙時間剛剛好，帶一點香甜，100分！冇野挑剔，味覺視覺極度滿足，一定要再去食！ …查看更多