糟溫的麥方包的个人专页

轉來金鐘工作已近半年，小妹最不習慣就是眾所周知的 - 搵食難。午飯時間人多不在話下，幾間連鎖式快餐店的外賣部的人龍總是神龍見首不見尾。除此之外，我到目前為止在金鐘都沒有找到一間粥店，但今天有了新發現！今天腸胃有點不妥，午飯打算買一碗粥或粉"填肚"。本想坐叮叮到灣仔去，但太陽又猛，叮叮站又人多無車。結果放棄，到海富、遠東一帶逛逛看。當我發現這間果汁店竟然有粥賣！喜出望外！我外買了一碗雜菌燕麥粥+半份三文治，$25 - 在金鐘區來說是很便宜的了...雜菌燕麥粥 - 煮得很綿，可能是有用南瓜吧，粥是橙黃色的。雜菌可不欺場！真的有很多菌︰金菇、鮮菇、秀珍菇、木耳等等。:)芝士蕃茄治 (半份) - 沒甚特別，與一般快餐店貨色相近 (因為怕只吃粥不夠飽才會加份三文治，不次應該只會買粥了)下次必會再光顧，…查看更多

間CAFÉ唔算大，大約只有20個位左右。我地一行三個人由七點幾坐到差不多十點鐘間CAFÉ都未試過滿座，但都keep住有三、四檯客。o係商業區晚市黎講，生意算唔錯。整體環境氣氛都幾好，牆上掛左幾幅畫，亦有一個掛牆吊櫃，入面有好多可口可樂既精品。燈光唔算太暗。我地本來係坐四人位，個STAFF主動幫我地“泊”多張檯，等我地坐得鬆動D，抵讚！跟住我地就落ORDER，個STAFF都好好，有問必答。最後我地每人點左一個廚師精選套餐。3個套餐包左︰1. 餐湯 (三文魚忌廉湯) -OK唔太杰，但略嫌三文魚得幾粒少左D，一般。2. 餐飽 (牛油多士) - 我LIKE呢樣多過D嘉頓餐飽仔，正！不過其中一塊食個時已經唔多脆LU…3. 頭盤 (試左︰烟肉焗生蠔、鴨胸凱撒沙律) - 友人 J 話好鐘意佢隻蠔搵D薯蓉墊住，可以好易切易食，唔會轉黎轉去，而且都幾好味~ 最驚喜係前菜居然都有主菜既蠔咁大隻。而我同友人 K 都覺得D鴨胸好新鮮，加埋凱撒沙律個SAUCE真係好正﹗4. 主菜 (試左︰野菌唔知咩煎豬扒、法式羊膝配芥末汁配薯菜) - 友人 J 勁讚佢D豬扒好淋, 淋到好似唔駛切咁, 又好大塊(仲有兩大件！)，而我同友人 K O既兩個羊膝都好嫩。仲好細心咁起埋骨，D肉仲切埋粒粒，啖啖肉，好味！而我最鍾意佢個汁，似係燒汁(我估)加上黃色芥辣煮，好得！仲有值得一提就係佢地有MINT JELLY提供架！用黎配羊肉一流！ 5. 甜品 (青檸啫喱 / 芒果慕絲餅) - 友人 J 個青檸啫喱顏色好靚，味道OK。而我地兩件CAKE都唔錯，唔太甜，岩我。仲有我好鍾意佢個消化餅餅底！6. 飲品 (凍奶茶、熱檸水) - 一般茶餐廳餐茶貨式，冇乜特別。最抵就係唔駛加一！環境舒適，SERVICE好，食物質素幾好。算係好超值！最適合三五知己聚一聚吹下水。(個STAFF仲好主動咁幫我地影相添！)P.S. 多謝兩位老友 J & K 請客，萬歲！…查看更多

我一向都係粥精。無論春夏秋冬都係咁鍾意食粥，夏天熱死辣辣都會一個禮拜至少幫襯一次食粥。但係一向都好怕食到味精粥，“精”住個口成晚好辛苦！但係呢間舖d粥真係好得！又綿、食得出冇加師傅！抵讚！我地星期日兩個人晏晝5點半到，冇乜人，可能未係食飯時間… 我地叫左︰1. 生滾田雞粥1碗 – 粥底綿，但田雞得1隻，令到個粥淡左d，食到田雞啖粥就會好甜，但齋食粥就淡左些少… 下次試下問佢加多隻田雞幾多錢… 不過都係賣 $21，算係好ok！2. 淨雲吞1碗 – 皮簿餡靚，size適中，正！3. 通菜 - $10 都算幾大碟，bf 話d腐乳好味。4. 蟹皇粥1煲 – 又係粥底綿、蟹雖然唔算大(煲仔飯size)，但勁新鮮！有好多膏！攪勻之後d粥好鮮甜。$26 咁既價錢同質素，95分！食完都唔覺口渴，非常好！我飯堂list又多一間，多謝openrice各方好友報料！…查看更多

每次過開佐敦o個頭，每次都會去幫襯鋮記食粥，但又次次都見隔離亞龍咖喱咁多人，入面爆哂棚，門口又企滿人！都心郁郁想去試，加上我一向係openrice擁躉，見有咁多好評，就同 bf 一齊去試試。老實講，唔係好慣食d咁稀o既咖喱囉… 而且份量其實都真係唔多夠，如果跟飯都仲ok d，如果跟個餅就唔係好夠食。我地點左︰1. 咖喱牛腩跟白飯 (小辣) - 牛腩好淋，唔錯！:) 但份量好少2. 咖喱雞跟鹹餅 (小辣) - 個雞唔係好得，好似雪雞，白"shy shy"，冇黎雞味，好似冇醃過咁… 而且得兩件，成四十蚊好唔值！3. 油餅、甜餅各一︰好奇怪！ 甜餅個面唔知點解仲油過個油餅！味道一般過得去，我覺得d酒店buffet o個d naan 仲好食。總括而言，冇預期咁好啦！:( 返到屋企o個晚個口"精"左成晚！…查看更多