TomatoT的个人专页

粉嶺高性價比cafe🙌🏻依間cafe有大埔同粉嶺兩間分店，今次就去咗粉嶺嗰間🤭佢位於一個住宅樓下嘅小商場，可能因為時段嘅關係，人流唔係好多，完全唔洗等位就可以入去🤣餐牌上嘅菜式都算多，有沙律類、湯類、肉類嘅主食、意粉/意大利飯、pizza同小食🤤蕃茄仔今次叫咗一個主食、一個意粉同一個pizza🤭本身以為咸豬手嘅份量唔會太多，點知黎到嘅時候真係忍唔住「哇」咗一聲😲比想像中多，份量超十足😍而意粉食食下都覺得佢嘅份量比出面普遍cafe多，超抵食🥰🍅軟殼蟹蝦頭醬忌廉意粉 $108炸過嘅原隻軟殼蟹再配上蝦頭醬忌廉汁，成個味道好夾🥰意粉嘅醬汁份量都啱啱好，可能因為蝦頭醬有少少油份，所以成個意粉食到尾都唔會乾之餘仲好creamy😋上面塊toast蘸埋啲蝦頭醬忌廉食都好好味👍🏻美中不足係塊toast淋咗，所以個口感麻麻，但整體上無礙🤣🍅德國咸豬手 $178咸豬手嘅味道醃得好好，有鹹味但唔會太鹹👍🏻表面夠脆之餘又唔會硬😋份量仲比想像中多！側邊跟咗好多薯蓉🥔同埋兩款薯菜(?)正好可以refresh一下豬手嘅少少油膩感😆下次再訪嘅時候都一定會再叫🤣🍅83雜錦Pizza $80 (+28 套餐)Pizza嘅味道正常，有三色椒、辣肉腸、火腿、菠蘿、牛仔腸做配料，但唔知係牛仔腸太少定係真係落漏咗，好似食唔到有牛仔腸嘅存在🤔但整體都係好味嘅同埋好抵食😙+$28轉套餐，跟餐可以選擇要是日餐湯/迷你凱撒沙律，同埋會有一杯熱飲。蕃茄仔就揀咗是日餐湯，係南瓜湯黎🎃味道正常，口感唔算好creamy，所以冇咩特別🙈然後餐飲再+$3要咗杯凍檸茶🤣好味指數：🍅🍅🍅🍅/5…查看更多

價錢親民外賣煲仔飯🍲依間位於佐敦嘅煲仔飯專門店係一間外賣嘅小店，所以不設堂食，但味道絕對唔輸俾堂食嘅煲仔飯，而且好足料，價錢仲好親民😽另外佢哋嘅煲仔飯選擇都好多，除咗有唔同配搭嘅臘味煲仔飯之外，仲有豬肉、牛肉、雞肉同海味類嘅煲仔飯可以揀，總有一款啱你🫶🏻蕃茄仔叫咗1款臘味同1款牛肉嘅煲仔飯，每個飯都會跟一盒仔蔥花、菜圃同甜鼔油，所有包裝都好方便之餘個飯仲好保溫👍🏻加分位係個臘味煲仔飯嘅香味比想像中更加香，未打開錫紙蓋已經聞到好香臘味味🤣食到底仲有少少飯焦😍🍅和牛雙窩蛋煲仔飯 $68有一隻蛋穿咗🥹不過反正都會整穿佢黎撈飯所以唔緊要🤣個和牛係好似日式漢堡扒咁，大細適中，同埋都算幾厚🧐雖然係好簡單嘅配搭，但味道唔錯😋🍅如意吉祥(臘腸、潤腸)煲仔飯 $58依個煲仔飯超足料，有原條潤腸同2條臘腸😍未開蓋已經聞到香噴噴🤤臘腸同潤腸都唔會太瘦，亦唔會話好硬，同飯一齊食真係一流👍🏻味道亦比想像中好味好多👍🏻最開心係食到底有少少飯焦，完美還原煲仔飯應有嘅口感，但又唔會有焦燶嘅味道😋好味指數：🍅🍅🍅🍅/5…查看更多

大角咀精緻日式可麗餅✨早排見到好多人介紹依間位於大角咀嘅可麗餅專門店，但蕃茄仔每次去都要等最少35分鐘以上，所以次次都冇食到☹️今次終於食到了，仲唔洗等好耐，只係等咗大約10分鐘😍依間小店以鮮明嘅橙色裝潢為主，非常搶眼🤣而內部主要以白色同淺木色為主，俾人一種簡潔嘅感覺🤍門口仲有透明玻璃可以望到入面嘅製作過程，不得不讚嘅係製作環境同過程都好整潔👍🏻可麗餅嘅款式好多，仲有鹹嘅款式可以選擇，不過個人認為鹹嘅款式有啲偏貴，所以今次淨係叫咗2款甜嘅可麗餅🙇🏻‍♀️可麗餅嘅大細都好適中，作為飯後甜品啱啱好😆餅皮好夠軟身同煙韌，蕃茄仔覺得唯一美中不足嘅係可麗餅入面嘅餡太少，2款可麗餅除咗cream上面嗰啲之外，基本上唔係好食到餡料，淨係食到忌廉同餅皮🫢🍅香橙朱古力可麗餅 $48賣相真係好令😍好適合打卡😆整體味道比想像中好味🤤加分位係啲cream打得好滑，又唔算太甜，所以食完唔會覺得膩😋可麗餅入面有少少橙味嘅粒粒(?)蕃茄仔估應該係果乾，但唔太肯定🫢中間仲有少少脆脆🙈食到尾好似有一舊仔橙😂🍅抹茶紅豆白玉可麗餅 $48依個可麗餅嘅特別之處係佢個餅皮都係抹茶味🍵加上自家製嘅香濃抹茶忌廉，完全係出面食唔到嘅味道🤤所以蕃茄仔對依個可麗餅充滿期待🥰抹茶味濃郁得黎又唔會苦，好好味😋不過如果可麗餅裡面可以多返少少餡就好🥹因為食食下會覺得自己好似淨係食緊抹茶cream同餅皮同埋兩三粒脆脆咁，性價比唔太高嘅感覺🥹好味指數：🍅🍅🍅🍅/5…查看更多

海港城fusion韓國菜🇰🇷依間店主打韓國菜🇰🇷但佢同普通食部隊火鍋、拌飯等等嘅韓國菜餐廳有少少唔同🤔佢係好似摻雜咗少少西方菜式嘅製法嘅一間fusion嘢🤣所以無論係外觀定係菜式都夠曬特別同吸引😝食物方面，佢哋都有好多唔同嘅款式，而且每款都有好多口味，尤其係韓式炸雞，超多選擇😆但個人認為小食係最吸引嘅🤣有炸蕃薯條、炸午餐肉同薯格，而且每款都各自配唔同嘅醬汁，勁想試勻全部😍蕃茄仔2個人叫咗1個沙律，2個主食，1個小食同埋1杯飲品，飽仲要打包走🤣🍅醬油元蹄香辣沙律 $138感覺上依個沙律有少少似泰式嗰種沙律，口感上偏濕，少少酸酸地但好夠辣，反而唔係好食到醬油味🤔元蹄嘅份量都算合理👍🏻但下次未必會再encore，因為唔係好啱蕃茄仔嘅口味🫢🍅醬油牛肉炒年糕 $138牛肉份量唔會話好少，年糕亦好煙韌，而且醬汁味道好特別，帶少少甜味，個人推薦依個💕🍅三文魚子海膽忌廉烏冬 $198依個烏冬好creamy，三文魚子都唔會腥👍🏻但海膽有少少黑黑地🤔味道就都冇乜嘢嘅，所以覺得可能係擺耐咗導致(?)😶🍅炸午餐肉條配芝士醬 $68少少脆口嘅午餐肉嘅鹹香再配搭埋芝士醬，唔需要多形容都知道好味🤤雖然食到最後有少少膩，但絕對值得一試💗🍅奶醬多奶昔 $72即係花生醬煉奶奶昔😆唔會話甜到打冷震，但有好香花生醬味🥜面頭仲配咗一塊仔好脆嘅toast，點落啲奶昔到食，真係有少少似食緊奶醬多😂好味指數：🍅🍅🍅.5/5…查看更多

即叫即製✨爆餡三文治🥪依間小店原本位於窩打老道嘅一個轉角位，搬咗出彌敦道之後，裝潢上以淺木色系為主🪵，俾人一種簡潔、企理嘅感覺✨雖然細細嘅一間店，但食品種類非常多💕除咗有唔同配搭嘅爆餡三文治之外，仲有鹽酥雞、炸燒賣、蛋餅等等嘅小食，同埋飯類供應🙆🏻‍♀️而且全部價錢都好合理🤎蕃茄仔今次揀咗3款三文治試下，款款都份量十足😍2個人食3份三文治真係好飽😂🍅鮮芋泥肉鬆三文治 $33佢哋個芋泥係用新鮮芋頭整嘅，所以芋頭嘅味道好濃郁，完全唔會太膩👍🏻再配合鹹香嘅肉鬆，無論係口感定係味道上都好滿足🥰🍅鹹牛肉滑蛋三文治 $25鹹牛肉同蛋嘅份量都好多，所以真係爆餡🤣絕對唔係好似出面咁得少少鹹牛肉，加上啲蛋炒得好滑，所以依款係3款入面嘅最愛💕🍅牛油果碎蛋三文治 $28切片嘅牛油果加埋碎蛋沙律雖然係一個簡單嘅配搭，但味道真係冇得輸😆味道雖然比前面兩款三文治清淡，但如果做早餐就好perfect了😋好味指數：🍅🍅🍅🍅/5…查看更多