pop先生的个人专页

約左班同事喺度聚餐環境雖然逼夾，都將就算了但一坐低就成肚氣侍應太冇禮貌，黑口黑面話我坐到阻住人，有冇搞錯？自己地方逼夾，仲諸多要求要人地要点坐点坐。到左点菜，換左另外一個侍應又係黑面神，口燶面燶，間餐廳燈光黑孟孟姐，估唔到侍應面色仲黑！叫左份渔人碼頭脆卜卜炸魚柳（$57），仲有杯熱奶茶（16）奶茶普通水準，鱼柳就真係幾脆卜卜，味道都唔错，可惜心情勁受影響，其實食乜都冇乜味啦，成肚氣亦難消化，況且，喺黄大仙呢個地方黎講，咁個價錢唔算便，但態度就就真係……唉！好地地一間餐廳，就因為侍應既態度極差令人留下陰影！…查看更多

今日一個同事出trip返黎，成個月冇見緊係要出街食飯啦，聽同事話公司附近有間韓國料理整得幾好，叫韓正屋，就約左黎呢度試下齋睇餐牌都花多眼亂，好多野食，小食嗌咗炒年糕、海鮮煎蔥餅，年糕唔會癡牙，口感唔錯海鮮煎蔥餅火候控制得幾好，食落煙韌口感唔錯，年糕、泡菜餃子都有少少辣，好食主食點咗個鐵板燒牛仔骨，份量足，厚肉，上枱果陣時仲滋滋聲，香氣撲鼻令人垂涎，食落腍滑入味仲有嗌咗個韓國料理最常見嘅石頭飯，五彩繽紛嘅食材鋪係米飯上，賣相都好好，飯的軟硬適中，撈左醬汁就啱啱好，惹味湯就揀咗海鮮豆腐湯，入面有蝦、墨魚仔、金菇等，好足料D湯飲落好鮮味聽聞韓國人特別鐘意養身，特登點咗杯人參茶試下，食唔出同我地自己D參茶有咩不同，不過消滯都幾唔錯嘅。呢間餐廳既環境尚算舒適，食物味道出色，價錢亦合理，值得推介。…查看更多

呢排都係出邊食多左快餐，想轉下口味食d家常菜，就經朋友介紹搵左間私房菜約姊妹去食，真係唔搵都唔會發現有間私房菜系度，喺銅鑼灣耀華街33號三樓樓上，食個飯都好有返屋企feel，初初入到去，見燈光溫和，氣氛優雅，都幾warm，仲有好舒服既梳化添，最啱放工同姊妹relax傾計。跟著無幾耐就上菜啦～第一味南瓜湯，加左d芫茜，松子做點綴。味道食落忌廉味好濃，南瓜忌廉配搭比例啱啱好番茄片，d皮都去埋，切得好均勻，清清地，幾可口蝦多士，同樣有野菜系面頭點綴，賣相OK，多士味撲鼻而香，口感軟熟，三兩下就食晒，仲想再食添韓松子沙律，蔬菜切得好均勻，沙律醬都夠，青菜洗得好乾淨，好開胃蜜糖雞扒，扒皮都好完整無爛，比d蜜糖去煎雞皮都脆d，雞扒份量適中木魚鴨胸意粉，平時食開蕃茄肉醬意粉，今次呢個都幾新鮮，木魚鴨胸切絲，味道夾得黎又唔膩綠茶布丁，d綠茶粉鋪滿晒成個布丁，入口即溶私房菜既菜式都好岩我地口味，仲頗有創意，擺得好精緻，環境系我地入門既第一好感，門面功夫做到足，服務態度都好好，比人感覺好close。又多左個談天說地既好地方，值得再幫襯。…查看更多

昨天晚上, 收工後雖然拖著已經累垮了的身體，但慶幸的是終於可以和很久沒聚的大忙人L小姐到這間餐廳共晉晚餐，真的非常感恩! 喺平日的晚上，人客唔算太多，只係等左一陣就有位了，估唔到座位幾寬敞闊落，坐得舒適食嘢都滋味D。選擇相當豐富青口、鮮蝦新鮮大隻首先攞左一D青口黎燒，由於我對於生熟程度的控制非常不理性的關係，大慨8成熟多些我就夾起放進口了，口感當然非常好啦，因為是我嚴密監控的嘛，哈哈！但是正因為這樣，才證實到食材是相當新鮮的，一入口就知了海蝦，也是真的非常有咬感，鮮味十足，食完一隻又一隻，食食下都唔知食左幾多隻來韓燒，當然也要試試我最愛吃的肥牛金茹啦！一咬下去，味道果然也不負所望，絕對是值得一試的！之後也試左牛仔骨，肥牛，牛味濃郁，必食仲有各樣前菜，芽菜、青瓜、沙律，雞腎更是我的最愛，冇雪味仲好爽脆仲有好多生果、糕點、甜品，最緊要飲多幾罐韓國汽水啦......很快，便到了晚餐的尾聲，結束了這頓美味的韓式放題，我和L小姐開心還開心，也是要回歸現實生活。希望，很快又到下次和L小姐再來韓燒啦! ^_^…查看更多

放假最鍾意同老公周圍去，今日就黎到灣仔，經過呢間「新高麗苑」，老公話呢間開左好耐嘅韓國餐廳，佢以前都有幫襯過，服務態度好，食物質素唔錯，係一間充滿人情味嘅餐廳！ 佢地嘅菜式選擇都好，冷盤涼菜、 壽司沙律、各類熟食應有盡有，最愛豬腳薑，D醋夠濃，夠入味及腍滑各類燒物都好新鮮，牛仔骨肉質好嫩滑，醃得好入味。雞扒燒完肉質嫩滑，冇雪味。蝦好新鮮，仲切左個蝦頭，燒完食起上黎更方便。魷魚我就鍾意燒得乾身D，口感好D同香口D。最後食埋糖水、生果、湯圓及啫喱，非常滿足的一餐！美中不足係D飲品要另外加錢，不過價錢尚算合理。一如既往咁服務態度及食物質素都仲保持到水準，下次會再幫襯…查看更多

上星期黎到觀塘辦事，順道約喺APM返工嘅朋友食lunch！我哋黎到位於 OPC 三樓嘅 Fish & Chick Plus，一間主打炸魚和烤雞的西式餐廳！店面不大，但充滿歐陸風情，座位亦寬敞舒適，難怪朋友話，佢同D同事都好鍾意黎呢間餐廳食野！我哋叫左個二人套餐，另外加左個小食餐飲升級點左雜果賓治，用新鮮生果製成雜果碎，飲落甜味適中，冰的份量也剛好！頭盤：炸鮮蘑菇沙律，炸漿薄而脆，菇身充滿水分，食落多汁又保留菇的香味 小吃：白酒汁煮鮮蜆，隻隻蜆都脹卜卜，相當肥美，而且乾淨冇沙小食，（另外加）雞肉球配燴雜菜主菜：升級格陵蘭島大比目魚配粗薯條，魚塊炸漿薄脆，內裡的魚肉香滑多汁，原汁原味，醮點海鹽食更可以充分提鮮。而薯條醮上帶點微酸的他他醬就最好食橄欖油炒香蒜片辣椒，份量適中，味道亦是非常可口…查看更多

繼韓式海鮮塔大熱後，蒸氣火鍋也如雨後春筍般在港越開越多，而且間間都人氣旺盛！前兩日就聽朋友介紹，佢話喺佐敦文苑街新開左間“私房御約”，主打優質生猛海鮮，喺呢個月新張期內幫襯仲有七五折，非常抵食，叫我必定要去試下！趁就到父親節，一家人就提前出去食餐飯啦！因每人的份量已set定，唔使煩點菜，從餐單上睇加埋甜點有十幾款咁多！餐廳的豉油係經過師傅調味，茶水也是别有心思的雛菊，杞子，龍眼肉泡製而成，飲落清甜 主角先上花甲：新鮮肥美，而且乾淨冇沙，係一個好嘅開始！跟著係日本放養豬梅肉：比普通豬肉的肉味稍為重D，唔覺得油膩，口感唔錯！蝦：夠大隻有咬口！龍躉：厚切大件，食得出非常新鮮！扇貝：火侯啱啱好，相當鮮甜！蟲草花紅棗冬菇蒸雞：揭開盖香氣撲鼻而來，雞肉吸收左蟲草花及冬菇的香味，而肉質亦保持到嫩滑！象拔蚌：爽脆彈牙，相當鮮甜食完蔬菜仲有粥，底粥吸收左海鮮及肉汁的精華，食落甜到惹口！最後食埋生果甜點，非常滿足的一餐！折扣後每人都係二百零蚊，有十一道菜，而且食物質素有保證，服務方面亦做得相當到位，朋友果然冇介紹錯，有下次！…查看更多

韓燒放題一直都係與好友聚餐的最佳選擇之一，是日就隨友人來到旺角登打士廣場的韓城～兼具韓式燒烤和中、日料理！呢度的食物種類十分豐富，先睇下燒烤類方面，有好多選擇，牛、豬、雞、羊、蔬菜等等，食物質數也不錯，覺得牛仔骨好滿意, 烤熟後的牛仔骨，鮮香入味，肉質軟腍， 其他肉類也十分美味。魷魚鬚也值得推介, 香口彈牙，非常惹味。 三文魚新鮮且供應充足。按人頭奉送的蝦及扇貝，相當新鮮，蝦鮮甜爽脆，扇貝清潔的相當乾淨，花早脹卜卜熟食方面亦有好多選擇，味道亦有水準。 雞翼很嫩滑，炒粉也很不錯。仲有壽司、甜品、糖水、和生果，啤酒汽水等任飲任食，食物之豐富，真係抵食的一餐  …查看更多

呢排成日喺尖東做野而尖東亦出名多餐廳多野食今日放工就隨意黎到呢間活魚和串燒都幾出色的日式小店～沃川。餐廳位於南洋中心嘅一樓，店面不大，我就揀左個窗口位坐低，可以俯瞰窗外的街景  店內除左有固定餐牌，也有當日店長推介的新鮮食材，方便客人點菜頭盤先黎個日本蕃茄，有芝麻汁和柚子汁兩種選擇，我就揀左芝麻汁，非常新鮮的蕃茄，配合芝麻汁，清爽又開胃。縞鯵池魚是日本直送鮮魚！池魚薄切，刀工不錯，賣相精致，食落仲正，肉質鮮嫩，入口爽滑帶脆，毫無腥味，可以搭配酸汁，令鮮味更加鮮明。亦可配蔥或捲芽蔥食，提昇口感  鐵板炒宫崎A5和牛粒，和牛脂肪不俗，肉汁保留著，非常軟腍，牛肉味濃郁鮮美。日式清酒煮硯，蜆好大隻，沒有沙，肉質鮮甜且帶有清酒的香氣，不過要趁熱食！佐酒類串燒、天婦羅也不俗，厚切的牛舌，口感彈牙，鮮嫩多汁。白膳，肉質細致鮮爽 ，外皮少少脆，有著魚油甘香。日本南瓜、舞茸、日本一口蕃薯等都好甜！餐廳食物款式不少，每款都很出色，不失為吃日本料理的好地方！…查看更多

歷史悠久的俄國，自然沉澱著豐厚的飲食文化，而這幾年海派俄國菜也受港人的喜愛，麥田廚房當屬其中佼佼者。如故事般的麥田廚房，演繹兩代人為俄國菜的傳承而精益求精。父親做了幾十年的俄國菜，廚藝了得，今生最大的願望就是開間屬於自己的俄國餐廳，兒子為圓父夢，辭去白領職位，開餐廳前，父子倆還特意去俄國嘗遍俄國菜式，領略正宗味道。麥田廚房，在傳統的俄國菜融入海派做法，為的就是迎合港人的口味。餐廳牆上葉師傅父子的海報餐牌羅宋湯，吃俄國菜必然少不了點份羅宋湯，色澤誘人，濃濃的香味立刻四溢，濃縮的湯汁酸中帶甜，甜中飄香，鮮滑爽口，味道獨道醇厚， 很有層次的口感，的確是一道經典名湯，再配上一片香脆的多士，簡直係完美搭配招牌烤羊架，用特制的秘方佐料，均勻撒入羊架上，保證每一塊羊肉都能吸引烤料的精華，鮮嫩的羊肉絲絲入味，肉嫩鮮香，汁多味美，不膻不膩，越嚼越香。俄式凍魚，雖然係涼菜，但入口酸甜可口，肉質很嫩，醬汁包裹得厚度也適中，在嘴裡混合的香氣濃郁。凍檸茶Chocolate brownie with ice-cream，雪糕香滑，蛋糕就比較乾身D，食落似曲奇，但朱古力味濃郁！呢間餐廳背後的故事令人感動，服务態度親切，用餐氣氛很好。每樣食物也令人感受到大廚的用心製作，值得推介…查看更多

中午Lunch時候，到處都人山人海，尤以旺角為甚，所以我同幾個同事就行遠少少去覓食，經過彌敦道726號呢間Running燒，一睇就知係食韓菜，但見佢有lunch set，就入去一試，我地等左一陣就有位，環境都唔錯，幾舒適！餐牌上午市套餐有好多選擇，我哋就一人点左份set試下！！我點左果份係“滑豆腐海鮮煲”，配白飯、面豉湯、三款小菜，煲裡面材料豐富：有隻生蛋、蝦、魷魚、大蜆、豆腐等，份量十足！味道：蝦仁爽甜有蝦味，蜆新鮮大隻，而且乾淨無沙，豆腐好滑，啖湯好鮮甜！同事就點左“石鍋牛肉飯”，牛肉份量都好多，熱辣辣香味撲鼻！另一個就點左“石鍋雞肉飯”，雞肉無雪味，好腍味道好香，食落佢地都話好好食！呢間餐廳雖然離公司遠少少，勝在有質素，價錢亦合理，D staff好nice，下次食Lunch 會再黎！！…查看更多

香港歷來開放，日式料理亦大行其道，正宗不亚于其本國，所以美食絕不浪得虛名。偶然的機会，與好友到了平成二十二日式料理放題。刺身，壽司，串燒等這裡都齊全。首先，頭盤來了刺身，三文魚鱼味濃郁，帶子大隻冇渣，花螺鮮甜爽脆，馬刀貝入口爽滑，極有韌性和彈性！刺身每款都很新鮮。其中最值得讚嘅係特大甘老蝦，透红鮮亮的外殼，格外誘人，口感更是鮮甜富膠質感。串燒有羊鞍，日本冬菇，鹽燒豬腸，鹽燒牛舌，羊鞍無膻味，牛舌肉質鮮嫩又有嚼勁，最愛係燒豬腸，微脆而滿口甘香👍。還有放題里較少有的鵝肝，表皮煎得微脆，入口細膩，醮上醬汁，香味更加濃郁！餐廳為每位客人奉送一客海膽，好新鮮，口感豐腴，味道濃郁👍壽司的飯團唔大，一口一件，火炙三文魚有入口即溶的口感，天使蝦、鰻魚、松葉蟹腳壽司同樣鮮美，味道亦剛剛好！CHOYA梅酒，入口甜甜地好開胃😂天婦羅我哋每樣叫少少試下，有炸蝦、秋葵、自家制南瓜，雞軟骨等，每款都好香脆，雞軟骨層次感分明，天婦羅炸漿薄，口感酥脆！香港的食肆大大小小，各有各做，每家都有每家獨特的味道，只求特色不求齊全，這家食物質素高，值得推薦。…查看更多

經過一日的辛勞工作，最想約個朋友，揾處清淨的地方，一邊聊天一邊食串燒，舒緩一下工作的壓力！位於銅鑼灣樓上鋪的“深宵食堂”就係一個不錯的選擇！店內地方唔大，但裝潢雅致，吸引左好多情侶前來幫襯，原來拍拖唔一定行街睇戲，食串燒也是一種情趣香草燒羊架，一向都好鍾意食羊架，但就最怕佢大大件食起來毫無儀態，呢度就切定一件件，好易入口，仲要切到每件都有少少脂肪黏著，醮上秘製醬汁更是滋味無窮！汁燒帆立貝，帆立貝好大隻，食落無渣好鲜甜生燒牛脷芯，黑椒和炭香的混合，更令牛脷爽脆惹味咋眼睇落真係似八爪鱼仔，食落脆卜卜好香甜！雞泡魚干，燒完鮮甜香口美味！奴豆腐本來應該係頭盤，但本人鍾意食完一輪熱辣辣嘅串燒後再食佢，感覺清涼“墜火”，豆腐好滑溜，酸酸甜甜的秘製醬汁更是惹味非常，最後連D菜都全部食晒。今晚食過的呢幾味燒物皆出色，服務亦周到，下次會再黎！…查看更多

今日約左個朋友食晚飯，我就帶佢去公司附近間韓國餐廳“金羅道”！呢間餐廳是我同成班同事最愛的飯堂，雖然偏僻左D，勝在食物質素有水準，而且間餐廳標榜唔用味精調味，感覺比較健康！坐底後店員奉上棗茶及三款前菜，芽菜、泡菜、甜薯仔，每款皆好味。有美容養顏功效的自家制棗茶，少少甜，味道可口，而且無限添飲😄！燒牛肋骨，一上枱香氣撲鼻，燒完切定一件件的牛肉，醮上秘製醬汁，放生菜裡，再加蒜片、尖椒包住食，生菜爽脆牛肉香甜，滋味無窮😉！部隊鍋，(落單時向店員說明要最小辣)， 好足料 ，有蝦、青口、八爪鱼仔，韓國午餐肉、年糕等！其他餐廳的部隊鍋好少有海鮮。擺設精緻，食落微辣，湯底好正👍韓國原裝直送醬油蟹經秘製醬汁生醃的醬油蟹，蟹肉鮮味黏糯，蟹蓋好多膏，但就咁食味道有些少鹹，配上白飯紫菜撈埋一齊食就更好味，因為白飯可以襯托出蟹膏的鮮香，令人回味無窮，唔錯😀每次黎食，無論食物喺質素或味道上皆有保證，服務方面也周到，金羅道不愧為我地班同事最愛的食堂！…查看更多

臨近年尾正係朋友聚會嘅大好時機，但一班人吃飯總係各有意見，難以選擇聚會地點，所以一家菜式選擇豐富，質素又上佳的餐廳，绝對係解決煩惱的幫手。前幾日我地就揾到個好去處，位於觀塘駿業街的“Genius”，間餐廳以多國菜、海鮮、無肉餐單、西餐及露天茶座為賣點！最近仲推出半自助餐，供應多款海鮮、沙律、糕點、水果等，而餐廳亦奉送刺身及即開生蠔。真係啱晒貴精唔貴多嘅我哋！冷盤海鮮：大蝦爽脆啖啖肉，好鲜甜，青口肉質嫩滑無渣，味道鮮美，翡翠螺爽甜彈牙！沙律，甜品，凍品，炸物小食一應俱全！魚生刺身：有三文魚、日本雪鯛魚、北寄貝、甜蝦，每款皆新鮮甜美！法國生蠔，入口爽甜，蠔味軟濃，甜美中带點少少的海水味！主菜就係呢個燒烤拼盤：有燒菠蘿，粟米，羊架，大蝦，雞亦，腸仔，叉燒，砌得精緻，但有少少燶！羊架醃得夠入味，唔羶又好香羊肉味，大蝦燒得肉汁保留，爽甜多肉，燒菠蘿、粟米好甜，食到宜家巳經好飽啦，其他就由朋友黎解決！…查看更多