神犬拉西的个人专页

油飯好好食～油飯好好食～油飯好好食講三次之後都想再講多三次行到嚟振萬廣場雖然有啲遠，但係呢度嘅海南雞飯真係我嘅comfort food，每次返工做到散晒嘅時候，隊返個海南雞飯就爽曬海南雞，用三黃雞，雞滑皮爽雞汁，除咗薑蓉黑豉油，仲有特製酸辣汁，開胃惹味必須要講嘅係油飯！呢個味道我喺香港好少見到，滿滿嘅蒜香味，加埋檸檬葉，香茅等等等等對於我呢個蒜頭愛好者，我完全覺得係滿分！跟餐仲有杯凍薏米水。清甜解渴，就係咁簡單。…查看更多

香港天氣忽冷忽熱，今日無啦啦又凍返黎見識下呢度嘅熱豆漿粢飯，好早7點幾就到左，食嘅粢飯新鮮，油炸鬼仲脆（難得）可惜份量忽較細，$20可接受加埋熱辣辣豆漿，小甜，豆味唔算重我覺得呢個早餐不錯，會回頭…查看更多

肆柒食堂一直都係我返工嘅食堂，基本上一個禮拜三餐走唔甩，但點解會話佢奇怪？原因係佢成日都有驚喜，你永遠想像唔到佢只係間工廈餐廳。例如佢日系裝修企企理理，但係有碟好正嘅海南雞；工廈食堂有燒到脆卜卜嘅雞扒飯，好多啲驚喜。但最驚喜係佢每日都有唔同嘅大廚推介，今日就食左個咖喱漢堡扒蛋蓋飯，呢個飯出邊最少都收88-128不等，當然視乎漢堡質素，用咩蛋等等。今日47呢個收$72，包湯包飲品，質素一啲都唔差，隻漢堡扒夠juicy，蛋又夠滑。咖喱亦都係一路食開嘅。加埋杯生薑蜜都係$84，呢個價錢，呢個配套，呢個質素，冇投訴啦！平時會見到有啲唔同款啲意粉都相當高質，所以話佢就一個奇怪而好食嘅存在…查看更多

新開觀塘食堂一入去裝修相當企理人唔太多，坐位亦相當闊落一個人食下午茶聽侍應講岩岩轉左新餐被推介叫左個吉列魚柳包大癲！！一黎到個包熱辣辣，一睇就知條魚即炸用刀開半，切落舊魚柳係有聲既一個字 鬆脆！魚柳肉係滑既有汁既包係熱既同其他同區茶記相比呢個吉列 冇！得！輸！真係比到家鄉日本既感覺我加埋有得揀梳打水 都只係加$3岩曬我呢啲又想偷食 又想扮健康既人回頭率100%因為想試午餐咖哩吉列豬扒飯成件事出色！性價比高！…查看更多

人氣叄拾士多魚肉燒賣 $35每人限買兩包 貴為燒賣關注組大熱果然無失望魚肉唔腥 口感彈牙配豉油三包辣油兩包豉油偏甜調得唔錯辣油有渣 但好可惜唔夠香整體性價比高有緣買到既話會繼續支持…查看更多

叉燒瀨 $46油雞瀨 $46難得既黃到金燒味店推薦 油雞肉質淋滑入味叉燒黎之前好多正評 但少少失望叫左兩碟 一碟半肥瘦一碟極瘦味道係好既 唔算偏甜叉燒冇過度醃製 半肥瘦果碟肉質好恰當但瘦果碟太硬咬唔到 最終勉強食曬瀨粉加條油菜正常表現提提大家餐牌係無寫粉麵選擇得好飽肚既碟頭飯 （差啲走左）開口問下啲靚仔靚女就有環境管理確實有好大既改善空間污糟碗碟擺出廳面地下油淋淋雖然係平民金黃燒味檔但堂食感覺比較差 必須要改善本人表示唔介意再叫外賣…查看更多

kombu clam soup $68fried cheese $50homemade fettucine, pesto, burrata cheese $138homemade tagliolini , carbonara $158DIY tiramisu $58先上枱好有驚喜既麵包黑麥麵包+湯種麵包🥯配上自家黑醋牛油橄欖油包身煙韌 內脆內軟黑醋欖油夠獨特 輕輕黑醋香令人食指大動昆布蜆湯採用新鮮番薯蜆湯底高質 蜆肉配合昆布效果清甜可惜蜆肉有沙炸金文拔芝士拉絲好玩小食 中規中矩自家製水牛芝士青醬闊條麵青醬加入hazelnut口感加強左 但味道唔算突出整體味道偏淡闊條麵麵身比較死實傳統carbonara醬汁加入意大利豬肉以傳統做法而成相當creamy可惜既係所用既Parmeson cheese帶苦味意粉口感比闊條麵好比較有筋度自己整tiramisu最後係玩味甜品將Tiramisu分拆開三樣元素芝士 手指餅 espresso店員指導唔好浸淋 要慢慢不落去效果未必係最好 但玩得好高興值得一提店員服務態度非常好每一項菜式都詳細講解walk-in坐到outdoor 環境相當舒服總之pasta有少許失望麵包同黑醋牛油令我有興趣takeaway…查看更多

下午茶叫左肉醬薯蓉，手掌咁大既份量，索價$38，似乎overpriced不過薯蓉味道好味，大大粒薯仔肉有口感雖然份量唔理想，但製作有誠意環境都相當闊落，適合朋友傾計，加分…查看更多

之前係深水埗舊舖食過一次，見到旺角旗艦店開張，即刻要同屋企人回味下，睇吓會唔會開咗分店有影響。我個人好悶，入到去一定係食嗰幾味，結果質素係完全冇問題啊！1. 砂煲老鼠粉- 一如以往，有獲氣，重口味2. 㗎央多- 即黎一定要即食，熱辣辣脆卜卜，㗎央夾住極邪惡既鮮油，完美3. 肉骨茶- 一字骨冇乜特別，但個湯底可以講係全港最好，藥材味夠曬，飲完成個大暖曬，仲可以無限任添4. 蝦麵- 有馬拉風味，湯底夠濃，比較油膩5. 娘惹炸豆卜（試新野）- 好食，炸豆卜好脆口，個汁甜甜地6. 愛他愛他（試新野）- 伏左，好辣既一pat野，食唔到整體黎講，食正宗馬拉野你肯等位既就一定去呢間…查看更多

比門口既抗疫期間限定吸引左我點知自己眼大睇過龍，只限外賣一個人叫個滑蛋豬扒飯頂下癮$68呢個價錢，算平等左大概十五分鐘，賣相唔算吸引味道普通，無乜汁，比較乾身份量唔少，但要乾啃白飯就差啲如果加返飯汁，效果會好好多街坊日本餐，可接受…查看更多

新達試新野 - 八番屋新店主打拉麵丼飯，小弟當然樣樣試下豬軟骨野菜拉麵 $62有野菜既拉麵。香港少見。豬骨湯底夠濃夠熱，加埋野菜湯底份外甜豬軟骨炆得夠淋，溏心蛋亦相當入味網燒牛月見丼 $76月見丼係咩黎？一問個店員佢答係有溏心蛋同牛蒡雞肉既丼飯牛蒡雞肉。有興趣。呢個配搭相當新奇食落有啲似偏甜既台灣肉燥加埋牛蒡，減低飽滯程度網燒牛肉，肉質一般，但不得不提上面果pat蔥汁，酸酸地，撈飯一流香橙冷泡茶 $3幾清新，橙味濃，唔會澀口，重點係加$3整體黎講，性價比高，會再黎試…查看更多

自細係土瓜灣大，舊區小店係固有印象。隔左幾年再返去，桃花依舊，人面全非，想搵啲野食都要撳下openrice竟然比我發現金鶴拉麵係度開左分店，點都要試試兩個人入黎，環境相當唔錯，好有日式小店feel，分開兩部分，一入門口bar枱，上半層既普通餐枱，型格舒服一望個餐牌，定價都幾高，一個鰻魚飯竟然索價$198，雞白湯拉麵$98心諗土瓜灣咋啵，不過一場黎到，食就食啦！就叫一個麵一個飯！個鰻魚飯強調3cm厚，製作需時，所以一早叫左，等左真係成25分鐘開蓋後啲香味攻出黎，特登都睇下塊鰻魚有冇吹大左，3cm，唔夠都唔爭幾！有份量食落鰻魚燒得好透，但有小小美中不足係條尾略嫌燒燶左啲，有苦味！至於拉麵，第一次食雞白湯，好食個湯好creamy好滑，放面既炸牛篣好吸睛點湯食好夾，就咁食就有啲酸不過個叉燒就有啲雪味，呢個價錢黎講，爭啲啲！整體味道都可以接受，係有啲貴…查看更多

呢排多左機會入大埔，今日一個人係新達廣場搵野食，點知商場裝修，得返大家樂，老麥同牛氣，冇得揀就唯有大家樂啦一去到都好熱鬧，成場都係人，越坐越多人兩點鐘下午茶，狗衝買左個$29叉燒瀨粉$29有碗粉跟汽水仲有兩條菜，呢個份量都冇乜好投訴，填飽肚抵食！瀨粉都好夠滑，快餐黎講都收貨啦！只係一樣野係美中不足，就係個叉燒好騷，不過冇辦法，平食係要忍下啦下次會考慮食下燒鴨瀨，避開豬騷味，最重要係同價$29有交易…查看更多

幾個月之前黎過呢度食拉麵，今日又經過尖沙咀，翻兜佢一次先！記得上次食麻辣拉麵，今次就唔好咁重口味喇，食豐富D叫左個鹽味叉燒豬骨拉麵，加多份5隻餃子，其實淨係食碗麵已經夠飽，但係今日又好想食餃子，因為見到前面有個靚女都叫左份，個賣相好吸引，忍唔住+$25其實唔算貴，個麵加埋小食$100岩岩好，平時一個麵已經係呢個價仲要！質素唔差！碗麵即叫即煮，湯底夠溫度，3塊叉燒又夠曬份量餃子多汁皮薄，一個人食完5隻想encore！…查看更多

放假約埋成班朋友入將軍澳踩車，踩到腳仔軟就去Popcorn搵食成身汗味都係係Food court回下氣穩陣辛辛苦苦攝到張卡位就成班各自搵食喇想食辣野，見到呢間8番好得意，有麻辣牛肉拉麵，相當少有有個朋友叫左個喇沙海鮮拉麵，大家都加左小食，分別有餃子同芝麻雞翼兩個小食都好出色雞翼脆口多汁，餃子都煎到個底好香脆拉麵就麻辣比喇沙出色，嬴在D餸牛肉份量好驚人，堆左個山仔雖然喇沙海鮮好足料但牛肉確實係比較吸引以後係popcorn想簡單食既話都係一個好選擇！…查看更多