小紫船的个人专页

今日係年衫三，夜晚出左香港仔行下，突然想食蒜泥白肉同皮蛋，就去買外賣返屋企食，到俾錢時先留意收銀身後貼左張：初二至初四消費要加一，開頭諗住只係堂食先收，到收銀姐姐話收幾錢時，先知外賣都要加一，連盒錢一齊收加一，收多成7蚊，如果知道外賣都收，不如堂食好過。。。到食物方面：四川青椒皮蛋今日質素比較差，皮蛋D味比較大，可能唔太新鮮，上次外賣都冇今次咁差蒜泥白肉 白肉口感較鞋，屋企人唔太鍾意，但D蒜泥搭救番，都可以接受所以新年都係去返D唔會有額外收費嘅店度消費好D…查看更多

選擇性喜歡嘗試新食物的我，當面對選擇時，總會有點困難。。。。。。，因為想試這想試那，但總不能一次買那麼多，怕會造成浪費。。。。。。。所以我昨晚托屋企人幫我買了兩杯飲品嘗嘗味道珍珠奶茶$19呢款珍珠奶茶的珍珠，比我嘗過的別家細小，又彈牙，就算用奶粉沖，奶同茶的味道好夾，好香百香綠茶$17果香味香濃，跟綠茶很夾，不會過份的酸，不似我喝過別家的差，喝下喉嚨會不舒服但美中不足的，就是份量有點少，可能我喝慣大大杯吧，有緣下次會試其他款式…查看更多

今天同家人前往西營盤，在想吃什麼好呢…結果打開了openrice搜尋一下附近有咩好食，見到呢間店評價同價錢都唔錯，所以就鎖定呢間店特意行過去品嘗下啦。但行到附近時，已經見到門外有一堆人等緊，開頭有點卻步，但又想試下喎，所以都排埋一份……但人真係太多，而坐位又不夠，我地3人都等左差不多45分鐘先入到去坐，真係肚餓又腳軟食物種類其實都唔算太多，不過都揾到自己想試的就已經足夠我地order左魯肉飯：一般飯碗size，其實都食得飽，肉味香濃，都唔算肥，唔錯焢肉飯：其實同魯肉飯差不多，只不過多幾塊肉雞肉飯：似手撕雞肉咁，上面放上雪菜，味道可口炸甜不辣：感覺似糯米糍般香軟，炸得夠可口，又唔會太油太肥，好味梅子綠茶：只是有粒梅子的綠茶，一般百香果紅茶：呢杯好香百香果味，唔似貢茶個d味道咁，喜歡呢杯飲品珍珠奶茶：淡香的奶茶味配上珍珠的口感，真係幾好飲其實要寫個人對食物的感想，都真係唔容易…所以，當係自己曾經光顧過該食店的感覺吧…P.S︰明明影左頭先order的食物，但就係唔見左兩張相…奇怪…唉，連手機都唔鍾意我…查看更多

今天來到這，係偶然的…因為家人在電話說 見到茶木，問想唔想試，咁我一直都想試下既，所以家人就上去探探路，不過聽餐廳職員話食飯有時限的-90分鐘，我地有d驚，因為我食得慢之餘，又鍾意相機食先，睇餐牌又慢，好彩職員話人唔多都可以慢慢食。。。個餐牌 好似本雜誌呀呢個炸雞排麵真係唔錯，雞肉嫩滑，炸得又香脆可口，麵條有咬口，湯底又夠香呢個肉燥飯都好食，不過我自己就喜歡炸雞排多過炸豬排啦炸蚵嗲，大到有點嚇人，以為細細舊，點知上枱原來係咁樣架，不過始終炸野，脆得黎油都唔少，連埋d蝦片一齊炸，都幾趣怪，蠔仔數量都唔太多，媽媽覺得唔抵食，因為似炸麵粉餅喎沙律，唔係我揀，所以只係食左小小，味道都唔錯的，份量睇落都ok呢個燉嫩牛腩，肉質係夠淋，不過我就覺得咸左d，而佢支匙羹真係好有趣，成支鐵鏟咁左：玫瑰星際特調 玫瑰夠香味道夠甜蜜，聽職員話有蘆薈/柚子汁/玫瑰花等等，好鍾意呀，飲品係燈光下睇到閃令令咁，唔知加左咩呢右：黑糖珍珠紅豆奶茶 珍珠彈口，奶茶味道適中，唔錯架整體來說：食物質素係唔錯的，不過炸野一次唔好叫咁多，唔係食完好快爆暗瘡價錢方面，款款都成六字開頭，係比較貴，好在有得用卡付款，都算係咁下次再試過…查看更多

之前曾經有不太愉快的經歷，已經有一段時間過門而不入但家人今天突然想來吃個午餐，於是便來了是日午餐，點了蔥花家常薄餅$52 ❨喜歡❩呢款小食，雖然價格比較高，但味道真係唔錯，香噴噴，口感唔會太硬，但又唔講得脆三絲春卷❨3條❩$32 ❨喜歡❩呢款，正呀，雖然餡料只係蔬菜絲❨應該冇吃錯吧…❩，但係又香又脆蔥油餅$32呢款比上面個蔥花家常薄餅，外皮略為油同餡料較咸，唔知係咪廚師重手左婆婆粗炒$68呢款係香，但食到尾，真係太多油，有點後悔…排骨拉麵$52麵條都OK架，唔會太淋，而排骨其實係豬扒咁大塊，再切條上碟，我覺得味道一般整體黎講食物方面：味道係唔錯收費方面：都預左上海菜價錢唔會平得去邊，而且每位茶芥要收$5服務方面：員工太過給力，每食完一碟，就黎收走隻碟，其實可以唔洗收得咁密，定係想俾壓力個客，有咩暗示！？ 總括黎講，只有服務呢樣，令到我同家人有點不滿，吃了餐有壓力的飯，看來又有一段時間唔會再去lu…查看更多

今日特登經過見到唔太多人，所以入去買黎試下，原本諗住買2個原味芝士撻，但經店員介紹下，終於買左原味同綠茶試下食過後，個人覺得原味幾好食，撻身脹卜卜，又大個，賣相幾吸引，芝士味幾香，綠茶我就唔多like，有幾會都係買番原味~另外左下圖呢件好精緻的西餅$45，唔知叫咩名，但價錢就記得相當貴，食落 件餅幾香橙味，餅底內有拖肥，所以整體都比較甜，試下都還可以吧…還有草莓布雪$15，餅身鬆軟，cream又唔太甜，淡淡草莓味，好食，下次試埋其他口味先…查看更多

其實見過其他人評價呢個芝士蛋糕，都話佢攞返屋企打開時，會水濕濕，但都冇影響我想試的慾望…，我之前認識呢間店，係網上雜誌介紹過，都成3個月前，一直都想試，但都冇機會，今次終於俾我試到啦~~~因為人唔多唔洗等其實我覺得味道都唔錯呀，質地似泡沫般鬆軟又輕身，淡淡的芝士味，食落唔會太甜太黏口，價錢又唔太貴，都食得過，要求唔係太高，都係一個唔錯的選擇。另外蛋糕仔$18-2個，我自己覺得都係芝士蛋糕好食d，呢個試過就算…查看更多

其實覺得香港仔上海婆婆食物的味道，是不錯的，可惜上次ac抽獎抽中兩張$50券，想一次用晒，我地都清楚條款寫明"一枱用一張"...但入去坐底前同門口職員講過，我地要用晒兩張券，可以點處理！？，佢開頭帶我地去卡位坐底，之後佢有問過高級點的同事，其實一早唔得，可以搬我地分枱坐，但坐近點都好呀，最後我地睇完一輪餐牌想order, 先過黎話我地知一枱用一張，最後家姐獨自一人被搬到2人枱度，我地繼續坐卡位…總之我地食左一餐好無癮的午餐，超級唔開心，家姐都話以後都唔黎食…原本諗住開心食餐好，如果處理好一點，我地食得都開心點吧…好失望 總結： 絕對唔關食物事，食物係唔錯只係職員處理方面唔太好，導致食飯都食得唔開心而已:( 那天只點了圖中下面的兩款…查看更多

　富臨這間店,從無想過會來吃,因為家人不太喜歡飲茶．．．今次有緣來試試,都是團購的關係$38富臨脆皮片皮鴨！足4斤重雖然我地一早預約了,省卻等位的時間,但入座後等片皮鴨製作過程,都超過半小時以上:(入座時見到這茶杯,忍唔住影番張:)因從未食過片皮鴨,看字面說：足4斤重,完全想像唔到有多少最後等得太耐都未黎,餓了．．點左瑤柱銀絲節瓜煲$56 雖然料唔算多,但粉絲好入味,頂下肚都唔錯主角終於黎啦．．．．一碟大少不一的片皮鴨,加兩碟甜甜的白色麵粉包,兩碟爽口的切條蔬菜同兩碟醬．．．D皮厚薄不一,刀工確係差了點,味道又唔係難食,只係有D會較肥．．反面最飽肚同好味的係白色甜麵粉包,仲要係熱熱地,包住D片皮鴨加配料同醬汁,都係唔錯的,不過食完成手都係粉雖然只係$38,但又加一,又茶芥,仲另加酸菜收費$10．．．酒樓食飯,我會覺得幾貴當我地食到差不多的時候,部長端來果盤 真係有D疑惑,究竟是否要收費呢??最終問左部長,佢話不用收費先放心,如果唔問清楚,最後吃虧的只有自己總結黎講：食物係唔錯的,但看看下次仲有無緣再去品嚐下~…查看更多

平時我和家人去這店,總是要等位,今晚卻不用等呢..非常好~一入坐,我們就拿起餐牌睇睇睇~~~相信我們點餐所需時間是俾別人的多,因為好多野都好想order,但事實是不可能 我們今次點了數款東東薯仔年糕餅 $28 (我每次黎都會點,因為真係好好味,但價錢竟然由$18跳升到$28,真係好貴..雖然係平過和民o既..)蕃薯南瓜天婦羅 $38 (蕃薯次次食親都覺得正)魷魚燒 $38 (家姐點的,我就唔太喜歡了:()滑蛋豬柳飯 $38 (D滑蛋同飯都唔錯的,但豬柳略嫌韌得滯,而且份量真係唔太多,好似俾人食左D咁)明太子滑蛋烏冬 $38 (家姐話試錯野,雖然烏冬係滑,但係冇料到,仲不如過碗飯)蝦天婦羅飯 $48 真係不知不覺,咁就食左兩百大元有多啦...雖然唔係話差得太離譜,但抵唔抵食就見仁見智啦…查看更多

今早同家姐及朋友行完山後,落左去香港仔食飯...可能時間未夠,想去茶樓,但佢地準備開晚市,我們唯有轉去美心MX食...下午茶餐......!?食完都真係唔夠飽...呢個時候,我就可以去大佳B堂食啦,好開心~~~~大佳B,我同屋企人都食過幾次,我覺得價錢合理,味道又ok..比起價鏝較貴的許留山,我會支持大佳B多D~~我地一入到黎,即刻就睇下餐牌有咩好食..雖然好想食凍野,但最後叫左三個熱糖水陳皮紅豆沙 (D豆幾大粒,又唔算太甜,唔錯)香草綠豆沙 (家姐話好食喎@.@)黃金蕃薯糖水 (我冇問朋友呀,不過睇D蕃薯好似幾好味咁)之後朋友叫多個香蕉船 我同家姐就叫多兩個外賣 -- 耶路撒冷同芝麻糊 (同樣的好味~~)…查看更多

記得有一次同屋企人行開海怡,行到肚餓,唔知去那裹吃才好...剛岩見到元氣,又冇咩人,就入去吃番餐....平時我地去開香港仔o個間食,都覺得唔錯架,今次第一次黎海怡呢間,反而覺得差左..唔係話食物質數差,而係食落口既感覺唔多好(因為送黎既壽司,上面o個片魚生,好似從雪櫃剛岩拿出來就上枱,入口時o個種冰凍感覺....:()其實除左有魚生部份外,其他的都可接受~ 可能未到晚市,人客少的緣故吧...…查看更多

對於這間店,我從沒想過會光顧,若不是好耐冇見的朋友提意到此,我應該冇機會會試...首先,我同家姐先到,不用等位,非常好呢~~店員的服務也不俗,餐牌也很漂亮,食物款式也算多,可惜價格偏高..等了一會,朋友亦到來,便開始點餐了...但我今次不是著重食物方面 (因為我覺得食物屬一般...),而是著重工作人員...在我們等食物其間,有位服務員送餐來,但不是我們點的,他禮貌地問了一句: 你地係咪叫左呢個,才開口不久,他身後的經理便大喝一句 :個餐咪有寫枱號囉(真的非常大聲,我們三人亦被此舉嚇了一跳)我覺得,經理就算要教訓,都唔好在客人面前咁做呀,唔顧下屬感受之餘,又嚇親我地 所以我對呢間店...冇興趣想再光顧lu…查看更多