思加米的个人专页

阿女考完試，老婆大人鬆一口氣，終於可以兩公婆撐枱腳，又去返年前去過嘅南洋酒店二樓嘅君好䬸㕔歎番餐石燒晚餐，入到餐廳，原來改咗Menu，唔單止有石燒，仲有生蠔、薄餅咁，多元化咗，正喎！開咗支白餐酒，唔貴($198)！先嚟生蠔半打，揀咗法國和澳洲，老婆唔食生蠔，益哂我，好新鮮耶！連三文魚刺身($48)都有，啱哂老婆大人！鮮蠔青口濃湯($68)，真係第一次飲，青口味濃郁兼有質感，原隻蠔肥美，應該係用新鮮蠔至連湯都帶有蠔嘅鮮味，連平時唔食生蠔的老婆都食淸哂，呢個湯真係好得！要讚！久違了的蒜茸包，仍然落足料，少咗黑松露都無相干。到石燒出場，韓燒就成日食，石燒就無乜幾間有，叫咗餐廳推介嘅10安士紐西蘭肉眼牛扒，真係好大件，好厚肉，自己燒零舍唔同，煮幾熟都得，話咁快搞定，熱辣辣，可配燒汁或黑椒汁，仲附送沙律和焗薯添。再嚟海鮮薄餅($128)，餡料都幾豐富，有帶子丶青囗、蝦、魚丶三色椒和洋蔥等，餅底好脆，味道適中，不錯！最後食埋Movenpick 雪糕($24)，很滿足的一餐！呢間餐廳招呼唔錯，以酒店餐廳嚟講，價錢真係唔貴，食物味道中上，地點可能唔係咁就腳，但係我又覺得值得走一趟！…查看更多

來到沙田區，阿女話要試綠茶甜品，所以選了這間吃午餐，顧名思義，這間是以抹茶為主題的食店，提供多款以抹茶為主的飲品及甜點，也有各款拉麵和烏冬選擇，還有飯類配有菜湯，等了約20分鐘才能入座。特級黑蔴油濃厚豬骨拉麵，叉燒厚切，湯汁太濃味反而吉列豬扒咖喱丼和滑蛋牛肉丼味道不錯，還有菜沙律伴碟，一貫日式作風。甜品選了和栗子忌廉綠茶雪糕銅鑼燒可惜令人失望，除了綠茶巴菲和雪糕ok味道之外，燒餅質感真是接受不來，試過便算了。…查看更多

鴻星是我喜歡常去的飲茶聚脚地，早茶就去得多，見這間新店新開張了一段時間，仲推廣緊阿拉斯加蟹，咁就叫齊人馬去試一試，為咗食得更著數，我地專登響夜晚八點半後入座食八折6人套餐。先吃過小食：一口和牛和北海道白蝦，白蝦炸得鬆脆不膩。套餐菜式中，阿拉斯加蟹真係夠大隻，我地全隻蟹改哂凍食，肉質新鮮又美味；凍頂烏龍茶皇燻乳鴿：乳鴿改用烏龍茶浸，肉汁滲有烏龍茶味，味道獨特；自家醬炒蝦仁：醬汁味道適中，蝦仁肉味好又彈牙；洋薏米響螺羹：好有口感不過味精太重。花菇羅漢素卷：OK喎，不膩口。加埋大大個蟠桃壽包，又是飽足的一餐。廳面環境舒適開揚，貫徹鴻星風格，服務員態度親切，一定會繼續捧場。…查看更多

朋友提議去銅鑼灣揾食，原來幾年前嚟過，唔駛等就可以入座，環境幾清靜，經服務員介紹，都係做緊半自助餐，主菜是食石燒，仲多咗石鍋燒和石春鍋燒，先選好石燒主菜，有扒類或海鮮，價錢當然有唔同。我鍾意有湯汁，我揀咗石鍋燒－蟹腳和龍蝦尾，朋友選食石燒－無骨牛排和龍蝦尾。其中凍蝦和青口，夠晒新鮮，非常好味每人加送焗湯1客，焗湯香噴噴，不過，最正都係蒜蓉包，新鮮焗起熱辣辣，配埋黑松露醬，保持水準, 味道出色，超正！好喇，主菜出場，著好餐廳提供嘅圍裙，龍蝦尾和牛排好大件，蟹腳都好足料，服務員先幫我地將海鮮和牛排放在石上，仲好有耐性教我地點樣煮，點樣控制時間，又教我地落咩調味，朋友嗰碟配上熱配菜，直情好似自己係大廚咁！牛排煮到七成左右，OK喎，好有肉味又唔韌；龍蝦尾啖啖肉，石燒鍋嗰龍蝦汁好好味，蟹腳不過不失，食到好飽足！仲有甜品，都有10款選擇，法式焦糖燉蛋和紐約芝士餅最好味，其它還可以。最後歎埋杯即磨咖啡，飽晒！整體嚟講，食物質素保持水準，環境清靜，座位寬敞，服務員態度親切，如細心咁留意到客人進食速度，剛好食咗沙律才上焗湯，然後再上主菜，使食物出品能夠保持好味道的感覺，抵讚！服務員提我地，提早1天訂超過4位的話會有蛋糕送，當月生日仲送多支酒，啱晒慶生gathering。…查看更多

每次經過都想試吓，不過都好多人，早兩個星期路過見有位，即刻入座，我地叫左四人餐，做緊八折優惠價$338，每道菜式都係二選一，可供客人彈性選擇，可能時間比較早，服務很OK，出菜時間逐碟逐碟上，好enjoy。上星期又去多一次，由於人多，等左45分鐘才入座，都係叫番四人餐，基本都係揀番上次個Ｄ（因為亞女鐘意食），食物保持水準，不過，出菜次序亂哂，幾款菜式一齊上，份量又比上次少左。值得推薦的有是油爆元寶蝦，連蝦瞉都好有味；虎皮素鵝香脆；薺菜豆腐羮也不錯，亞女叫我番屋企煮比佢食，但當我見到Ｄ豆腐要切到好似芝蔴咁細，我都係話出街食會好Ｄ；但係老上海炒麵（上一次食過）就好味過津白肉絲炒年糕（今次）；甜品係豆沙鍋餅，因為兩次都係一上枱時即刻掃清，來不及影相，所以相片欠奉。整體質素唔錯，價錢也合理。…查看更多

兩星期前有同事去過呢間餐廳食石燒話唔錯，咁啱同亞女响時代廣場City Super買完書包順路去試下，好彩朝早訂左位，晚上七點到左經已有好幾枱坐滿，我地一家有叫石燒，又有叫精選晚餐。成個Set包括有：1．餐前飲品／餐後甜酒：細路要咗汽水，大人揀咗餐後甜酒，因為個餐有紅酒送，我地先飲紅酒。2．自助沙律吧：好多款食物揀，比較出色有青口，凍蝦和煙三文魚，沙律可自己配上唔同沙律醬，餐湯有兩款，同時，每枱都有蒜茸包，新鮮焗出黎，真係非常得，亞女叫我返屋企整比佢食，問左服務員Ｄ蒜茸包點整，原來用左八款香料黎一齊焗，嘩！响屋企點整呀？咁好味嘅蒜茸包，仲即刻落多一個柯打，我地趁熱食清哂。3．主菜：食左約半個鐘沙律後，服務員過來講解點樣食石燒，都介紹得好詳細，要我們要記住密密反轉，蝦要煮耐Ｄ，有薯菜和醬汁自由配搭，仲有圍裙比我地，唔駛驚整污糟件衫。好明顯石燒比精選晚餐來得精彩，始終自己落手煮梗係好味Ｄ，尤其是大蝦，真係好大隻，有蝦味又彈牙，鮑魚都唔錯，小牛排比牛柳的味道較好，好有肉味，值得推介！亞女話下次再嚟嘅話都要叫石燒，真係好好玩。4．自助甜品：有Cheese Cake, Tiramisu, Mousse, 布甸和生果等，味道唔錯喎。不過，食到呢道已經好飽，唔係每款都有試過。5．咖啡／茶：服務員教用甜酒溝落杯咖啡度好飲Ｄ，又無介紹錯喎，Ｄ甜酒帶出咗咖啡香味，以前真係未試過咁飲法。其實，個餐真係幾抵食，平時食開Set都有餐湯，沙律，主菜，甜品和飲品，依家連餐前飲品又有，紅酒又有，聽服務員講一日前四位訂座仲有蛋糕送添。…查看更多

家庭成員有人生日，梗係要買個蛋糕慶祝下，吹下蠟蠋先至算完美。老婆專登去左Awfully Chocolate買左個六吋香蕉味朱古力蛋糕，就咁睇完全無特別，黑實實的朱古力鋪面，又無Cream，又無卡通人物和生果陪襯，响餐廳食飽哂之後，攞左個蛋糕出來，Ｄ小朋友經已扁哂咀，吹完蠟蠋後便四散去玩，仲話唔駛分比佢地食，心唸發達啦，可以食得大件Ｄ。食左第一啖，估唔到咁得！真係唔好比外表 "坤” 左，好濃郁既朱古力味，又唔太甜膩，真係好好味，話食飽左唔想食蛋糕既外甥仔，試左一啖之後，仲成件比佢食清哂，搞到佢爹地無得食，呢D蛋糕真係唔好做得太大個，如果唔係，唔覺唔覺係咁食，唔變肥佬至奇。６吋香蕉味承惠198元，朱古力味178元，下次再叫老婆買多個再試真Ｄ。　…查看更多

記得上一次食鐵板燒是好幾年前的事，由於飯局放飛機（其實主人家病咗），於是同老婆去咗二人世界，行過旺角看到宣傳牌好似好吸引，味去試試囉，看過Menu後，揀選左北海道帶子皇套餐 (二人前)。套餐共有9道菜，包括：麵鼓湯 – 偏鹹荳腐沙律 – 無特別, 份量少北寄貝魚生 – 很新鮮, 正!魷魚筒 – 新鮮，幾彈牙帶子 – 夠新鮮，味道鮮甜，由於廚師切開燒，唔知實際有幾大隻牛柳粒 – 有牛味但少少靭，唔夠黑椒味三文魚炒烏冬 – 味道麻麻地，烏冬鹹左D日式炒菜 – OK啦甜品 – 芝蔴雪糕 + 布甸 餐廳較細，抽氣唔夠。佢地仲有招牌菜式大大隻虎蝦，不過無試，因為每隻要$108，超左Budget。…查看更多

適逢有家庭成員生日，特別去左Fat Angelo’s慶祝，主要係日前收到送贈薄餅一個的優惠券，我們一行十人揀選了以下食品：迷迭香燒雞 ($118) – 雞肉嫩滑, 正!醬燒豬肋骨 ($158) – 味道好正!蟹肉天使幼麵 ($132) – 普通忌廉三文魚闊麵 ($128) – 味道不錯, 三文魚味道較淡自選薄餅 – 洋蔥, 免治牛肉和蘑菇 ($138) – 略嫌淡左D辣肉腸薄餅 (免費贈券) – 味道一般，腸肉太咸多客兒童套餐 (每客$68) – 抵食, 包括意粉, 飲品 (除果汁外可無限添飲), 雪糕新地 (好大杯) , 小朋友獲贈汽球, 廚師帽, 臘筆和畫冊。原來叫左主菜會送麵包和田園沙律，可無限添食，麵包有三款，可隨意配黑醋和橄欖油一齊食，田園沙律有洋蔥, 蕃茄, 生菜, 橄欖 配上特製沙律油, 愈食愈開胃, 剩食呢兩樣都夠飽。食完哂後，佢地會把生日燭台 (有5支蠟燭) 和生日蛋糕 (點好蠟燭) 由專人送到餐桌上，仲同埋一齊唱生日歌和拍手，都好有氣氛，自携生日蛋糕可免切餅費，或者免費送一件Cake比壽星仔女。不過，服務員Ｄ笑容就少咗Ｄ。…查看更多