yhotin的个人专页

呢間已經喺九龍城好多年 細細個已經去食，以前喺大鋪，而家搬咗去細鋪。而家舖頭環境比較窄，出入有幾唔方便。之前一直都有食，每次都要排隊等入坐。不過食物風味 咁多年都冇變，仲有keep住水準。粥粉麵飯 腸粉炸兩，仲有公仔麵 都好好食，不過價錢比其他茶餐廳收費高，而且冇得跟餐叫嘢飲，所有嘢都要單叫。…查看更多

星期六 七點入坐唔使等位 一行三人。而家係會員制度，正常要有卡先可以進入。叫咗三個餸一個炒麵，食物質素唔錯。特別係豉油雞，淡淡玫瑰露香，雞肉嫩滑 冇雪藏味。其次係炒麵都高質，好乾爽 唔油膩，仲幾大碟。最後仲有一碗糖水送，綠豆沙滿分 溫度夠熱，煲到起沙。整餐都幾好…查看更多

平日早上11點左右，唔洗等位。安排左坐卡位，因為疫情關係 所以有板隔開。早餐選擇多，基本上港式早餐都齊。叫左沙嗲牛肉麵配炒滑蛋 牛油方包，飲品凍熱同價。滑蛋炒到好靚，完全唔老。另外沙嗲牛肉幾濃味，單食會偏咸，配公仔麵岩岩好。埋單$33，對比其他茶餐廳，呢間早餐唔錯。…查看更多

平日下午同朋友兩個人入咗去食，叫咗個二人餐，兩碗面 一碗水餃(有雲吞/水餃) 一碟油菜 $175。面嘅份量比較少 兩三啖已經食完。雲吞名不符實，口感一般，仲有好重嘅胡椒粉味。油菜唔錯 新鮮翠綠 有豬油香。不過食完唔算特別飽，價錢偏貴。…查看更多