Mountainhill的个人专页

大半年前嚟過呢度食burger，今次食過番尋味舊地重遊，水準依舊出色。今次見到有新burger，個外貌好吸引，就係磚塊芝士漢堡啦，同對面Lego店相映成趣，唔知店主係咪手對面嘅Lego店啟發嘅呢！Lego burger嘅麵包造成Lego嘅樣子，有三隻色，好可愛，餡料基本上係一樣，有漢堡扒、薰牛肉、芝士同生菜。麵包烘到脆脆的，但唔會乾身。漢堡扒、薰牛肉、芝士同生菜配合得好好，好有層次感。基本上呢個Lego burger都幾適合女士，食完個包唔會太飽，咁就可以食其他嘢啦！另外朋友亦點左軟殼蟹牛油果醬牛肉漢堡，漢堡勁厚身，要雙手才能拿穩。脆脆的軟殼蟹配上厚厚的牛肉，加上牛油果醬和熱溶了的芝士，每咬一口都有以上食物在口腔，濃濃的味道衝擊著味蕾，正！我哋仲叫咗個水牛城棒棒雞，個炸雞炸到脆卜卜，雞肉依然保持到juicy，我最欣賞其實係個醬，有Blue cheese 同埋甜酸醬， Blue cheese 尤其出色，我覺得食炸雞除咗個雞重要之外，醬汁其實都好重要！呢度既食物永遠沒有令我失望，下次一定再嚟！…查看更多

大小老闆唔舒服，一個話要食粥，一個話要食飯，大熱天時，我又唔想行，好彩記得西鐵站有唐記包點，落左車就衝去買。一去到見到有個蕃薯栗米粥，二話不說點左比小老闆，雖然係齋粥，但味道都OK，又幾足料。再幫大老闆點左個章魚肉餅飯加豆漿，清淡之選。自己就點左個新出既蒸飯套餐，呢個真係好抵食，一個蒸飯加一個點心，再配烏龍茶$45，轉飲品加$2，我揀左鳳爪排骨飯同鵪鶉蛋燒賣，加可樂。最後心思思 試埋個新出阿華田包，味道還可以，但就做唔到流心既效果囉。香港製造 值得支持!…查看更多

和朋友參觀完大館見到附近有間台式餐廳寫住我愛台妹😂，於是就入去睇下有冇台妹先。餐牌款式不算特別多，但也有不少特色食物。魯肉飯這兒的魯肉半肥瘦為主，鍾意吃肥肉的人就岩晒。魯肉配流心蛋，用來送飯吃真的非常一流。魯肉伴台灣A菜自己很喜歡吃菜，所以點了台灣A菜。　A菜吸收了魯肉的肉汁十分惹味。台豐牛肉麵我們要了刀削麵，湯底有濃濃的牛味，碗面有2舊好似油炸鬼的物體，乾吃很硬，點湯待軟身一些吃較好。麵很爽口彈牙，牛肉也很鮮嫩，很有特色。芋泥鹹蛋黃蛋餅去台灣食蛋餅多是鹹的，今次這個蛋餅甜的鹹的味道也有，夾在一起吃味道也不錯。奶奶麻糬非常煙靭，就咁食味道已非常不錯。當撈埋黑芝麻粉，更加驚為天人。望望餐牌介紹，原來冇糯米的，純麻糬加鮮奶，但QQ的口感至今仍難忘。最後飲埋薑汁撞鮮奶，為這頓晚餐畫上完美的句號。…查看更多

約個大忙人FRIEND 食雞煲，約左好耐終於成事。放左工就去左元朗警署附近一間叫圓老爺雞煲雞煲小廚醫肚。我地6:30PM到，人唔算多，坐地下個層，間鋪其實仲有上層，7:30PM後下層已經FULL 左，就開始安排客人坐上層。半隻雞煲價錢$128-178，價錢相宜。為食既我就點左半隻醬皇鮮味蝦蟹雞煲($178)，一次過滿足食海鮮同埋雞煲既願望。呢度既雞煲勁足料，蝦大隻又新鮮，蟹雖然唔係好大隻，但整到好入味。我地叫左微辣，食落唔算辣，下次可以點小/中辣，雞會再惹味D。朋友見到小菜餐牌，樣樣都話想叫，所以我地無用雞煲打邊爐，叫多左三款小菜。豉椒金不換炒大蜆$88香煎特色墨魚餅$72金銀蛋莧菜$68三個小菜入面，豉椒金不換炒大蜆係最有驚喜，個汁好好味，辣度適中，蜆肉真係大大粒、脹卜卜，最重要係完全無沙，一粒沙都無，我地秒速KO左碟炒蜆。食物同服務一流，價錢合理，今餐食得好愉快^^…查看更多

Lunch 和同事去元氣食堂，一打開menu簡單花多眼亂，好多套餐都好像很好吃，價錢又吸引，左諗右諗揀了刺身飯套餐。套餐性價比非常高，有刺身飯、炸雞及關東煮，再加杯野飲，夾埋都係$68，仲要唔使加一。先說刺身飯，有蟹子、帶子、三文魚及蛋，飯很大碗。刺身味道不錯，份量不多不少，但足夠送飯。😂炸雞有2件，入口非常熱，應是剛炸好的。雞皮很脆口，粉不多，咬入去我雞肉很嫩滑，仲會見到肉汁。關東煮都是平常見到的蘿蔔、腐皮物等，盡吸關東煮湯的精華，味道非常鮮甜。食完之後已經飽到上心口，呢餐真係好抵食呢！…查看更多

放工約左朋友睇mib，睇戲前想醫個肚，所以就起隔壁EXP吃。雖然拎飛之後要等幾十張，但由於地方大座位多，我地都係等左大約15分鐘就有位，跟住極速揀左2個main。泰式豬頸肉炒意粉豬頸肉幾大塊，炒得很爽；意粉煮得剛剛好，不易弄斷，口感很彈牙。而且用泰式醬炒非常惹味，辣辣咸咸的挺開胃。菠菜意式煙肉薄餅這個配搭還是第一次吃，但又幾夾喎，如果菠菜可以再多些會更佳。薄餅餅底夠薄，和配料的厚度相約，容易入口，惟獨左右兩邊的餅較厚較硬且有點燶，所以吃不下。整體而言味道不錯的。半個鐘左右完成晚餐，接著就趕回戲院睇戲了。…查看更多

聽講中環grappa’s 就快結業，所以今日lunch 特登同朋友一齊去吃。Lunch 有lunch menu or A la carte pizza ，我同朋友都眼闊肚窄，叫咗一個half chicken and regular 的pizza avocado e gamberi 來吃。Waitress 會一直拎住麵包籃周圍走，為客人奉上餐前包。lunch set 的appetiser 我哋叫了soup of the day, 唔記得叫乜名，不過係好濃郁的忌廉薯蓉蘑菇湯。waitress 知道我哋share ，好細心地拎多個湯碗嚟，抵讚！最先上的avocado and prawn pizza ，regular 的size 完全夠兩人吃，早知只叫pizza ! 上菜時個pizza 不斷冒煙，可想而知幾新鮮熱辣出爐！個pizza 我最欣賞的係佢嘅麵糰，焗得香脆但內裡煙靱，非常chewy !!另外half chicken 的portion 都唔細，面頭有garlic 、rosemary 、ginger 醃過，下面有grilled eggplant ，雞胸的地方唔太鞋，都已經好難得！不過有啲部分稍為咸咗啲。呢個lunch，都係食唔哂，最後打包。希望喺佢結業前可以再去多次食pizza !…查看更多

今天入了屯門找朋友，夜晚費事朋友煮飯，所以便出市中心找東西吃。見到稻成有很多家常菜吃，便點了4個菜。稻成小籠包性價比非常之高，size比其他店大很多不在講，而且皮薄餡靚又多汁，比好多主打上海菜的餐廳更好吃。排骨擔擔麵排骨肉質鬆軟，略嫌炸粉有點厚。擔擔麵麵條幼，盡吸醬汁的精華。而濃濃的醬汁亦十分開胃，和其他餸菜一併吃也十分夾。乾煸四季豆鑊氣非常夠，四季豆配合其他配料炒得十分香，我那時在想如果有一碗白飯就非常夾，可惜已經有點飽了。京蔥爆牛肉京蔥爆得很香，牛肉也炒得剛剛好，唯獨敗筆是大塊的牛肉有點難咬，不過味道還是不錯的。總括而言，除了等位耐了一點（因為較少2人位），其餘整體都是不錯的。…查看更多

今天放工和朋友逛完朗豪坊後，便到附近找東西吃。貿然看到朗豪坊後有一間燈火鮮明的餐廳，便被吸引著走進去。打開餐牌一看，發現除了普通的常餐愛愛，還有很多中式小炒王碟頭飯，我們便揀了三款。黑椒安格斯牛柳粒伴蜂蜜脆薯蜂蜜脆薯真的值得一站值得一讚，脆薯焗得剛剛好，配上蜂蜜吃甜上加甜十分美味。牛柳粒炒得很嫩口，醬汁也很美味。除了有一舊有點生外，整體味道也很不錯。西蘭花海蝦炒龍躉球海蝦和龍躉球炒得很有鑊氣，海蝦口感很爽，而龍躉球都炒得剛剛好。西蘭花則吸收了海鮮精華，十分惹味。椒絲腐乳通菜我們還點多一碟通菜，一上碟已聞到香香的腐乳味，腐乳和通菜真的絕配，真係點煮都好吃。熱檸賓檸檬味很出，配上甜甜的利賓納，一甜一酸熱熱的，很好喝。最後想說的是這兒的菜式名字挺有趣挺有心思，大家可留意下。…查看更多

夜晚同朋友去青衣戲院睇8點場，由於7點已到達青衣所以周圍睇下有咩食，見到間Tiger San 門口寫住憑戲飛全單可85折，咁緊係入去試試。Tiger San 主打火山石燒，第一次吃，愛牛的我當然會揀牛。牛都有4款選擇，有牛肉薄片！牛扒、牛脷及和牛。第一次，就選擇了中庸之道的牛扒。加30蚊會配有沙律、麵豉湯同白飯，但就無跟飲品。端上來的石板好熱，牛扒只係輕輕煎過，內裏紅淋淋，方便你自己選擇你想煎熟的程度。今次我們把牛扒煎到全熟，但牛質無因此變到靭，依然好稔同有牛味。另配有3種醬汁，麻醬、芥末及燒汁。但個人覺得就咁食塊牛扒先係最好味。另外，我們也點了叉燒豬骨湯拉麵。拉麵份量不少，而叉燒味道正常，配合濃濃的湯底，雖然不是很有日本風味，但在香港來說也算是中上水準。85折後埋單大約200元左右，跟住就捧著肚子去睇戲了。…查看更多

Lunch和同事去了吃王家沙，因為佢想食上海野。擔擔麵每次吃擔擔麵我都必先試湯底，幸而這兒的湯底沒有令我失望。湯底很濃，並配有濃烈的花生醬、麻醬，而且麵條幼細，每條麵都盡吸醬汁的精華。一碗非常邪惡的擔擔麵，吃完唔知要做幾耐運動減番。醉嘉美雞份量比想像中小，不過味道挺不錯。一上碟已問到酒的香味，雞肉一入口已嘗到濃濃的酒味，而且肉身很嫩滑，最後還忍不住喝了數口浸酒呢！招牌東坡肉配蝴蝶包這個菜式較為失望。首先，五花肉雖然半肥半瘦，但肉質非常「鞋」，質感好似食緊煲完湯的瘦肉，沒有入口即溶的感覺；其次，味道一般，煮得不夠耐，完全吃不到紹興酒和冰糖的味道。另外，我們也點了小籠包，味道挺不錯，不過忘記了影相🙈整體來說，也是不錯的。…查看更多

今日想去食下點心，先發現原來呢間粵廚點心係同香港仔魚蛋粉係朋友，入面menu 除咗點心，都有粉麵。燒汁雞扒大碗飯睇相好吸引，即刻忍唔住叫，不過嚟到係有少少失望，無相片咁澎湃。話雖如此，個燒汁雞扒係唔錯，如果厚身少少會更好，飯汁亦可加多少少。流沙奶皇包點心係即叫即蒸，上桌熱辣辣，奶皇好有蛋黃香，亦好流沙，食到差啲漏奶皇，哈哈。牛肉球都係熱辣辣！呢個牛肉球比較特別，係混合咗生菜嘅，都幾有牛肉味。唯一覺得有啲貴，係呢度會收5蚊茶錢。…查看更多

今晚同友人試下天水圍一間新餐廳，一出天水圍站再行幾分鐘就到，位置方便。我地點左兩個晚餐，一個沙律，再加兩個小食我點左黑忟忟墨魚意粉，雖然墨魚份量唔算多，意粉口感未夠彈牙，不過勝在墨汁整得幾好味，救番少少分朋友叫左黑松露野菌意大利飯，佢話味道係唔錯，但放沙律菜係飯上面，個配搭怪怪地🤣🤣我追加左個煙三文魚藜麥沙律，半份洋蔥圈同黑松露薯條，三樣都好味，同埋價錢相宜。 食左咁多野，埋單唔駛200蚊，都係超值實惠之選😊…查看更多

今天lunch 去了又一城的穴蔵吃飯。午飯時間非常多人，基整上全院滿座。打開餐牌，選擇非常多，我點了蔥吞拿魚腩飯，因為套餐的關係，還附有沙律作前菜。吃過沙律，侍應很快便奉上主食。一見到已經心心眼，吞拿魚可以鋪滿整個碗，還有一隻生的鵪鶉蛋給撈飯，自己還是第一次見。影完相打完卡終於開始吃，第一口吃下已覺驚為天人。第一個感覺是吞拿魚非常新鮮，而且魚蓉令吞拿魚的味道更突出，基本上不用再下任何調味料已吃到吞拿魚的鮮味。第二個感覺是份量很多，廚師不是簡單鋪滿整個碗，而是很厚的一層，幾乎有一節手指咁厚。每一次用匙𢳂飯，幾乎都是吞拿魚多過飯的。吃完主食還有紅豆糕作甜品，再歎杯日本茶，又可以充滿精神去上班了。…查看更多

今日係荃灣番工，約左好耐無見既荃灣朋友仔食飯聚舊。 朋友想食西餐，我地行行下去左楊屋道個邊，見到有間餐廳暗暗地，幾有格調，望落仲有d懷舊feel，又啱傾計，就入去啦。間餐廳叫Catee, 成間餐廳佈置充滿住貓既裝飾，雖然我地唔太好貓，不過都覺得裝飾幾有心思。 我最好鍾意佢地用好多木既原素，有木枱、木椅仲有木製餐牌。 我地兩個人點左4樣野：頭盤：煙三文魚蟹肉波波，賣相幾得意，厚厚煙三文魚包住蟹肉，口感唔錯，如果蟹肉多番少少就perfect ！Pasta : 烤大蝦龍蝦汁長通粉，個龍蝦汁值得一讚，濃度剛剛好，食落唔會好漏。我本身一般長通粉，好多餐廳都會煮得好淋，一pat pat 唔好食。但侍應提議我地揀配長通粉，話絕對唔會令我地失望。長通粉果然煮得恰到好處，仲好有咬口，讚👍🏻！main course: 烤美國極黑豬扒，睇個名「極黑」有d驚驚地，但朋友想食黑毛豬，就試一試啦。豬扒幾厚身，食落口感好好，肉質嫩，同個汁好夾，朋友都話幾驚喜！Snack: 英式薯條配黑松露醬, 點呢個snack 純粹滿足我呢個黑松露怪haha.水準不過不失！我地仲加左50蚊轉set，真心抵，有新鮮果汁、沙律、鷹咀豆湯、同埋是日甜品朱古力旦糕👍🏻👍🏻呢間餐廳最令得欣賞既係佢地服務一流，好體貼客人，侍應知道我地share 食物，就話幫我地逐款食物上，咁我地可以慢慢食慢慢傾，真係好窩心!!…查看更多