MS_VENUS的个人专页

想去台灣，不過仲未有時間，今晚就搵間台灣嘢食吓❣️喺粉嶺火車站隔離嘅名都商場搵到一間裝修得幾靚嘅台灣餐廳，又真係幾有台灣風味，入邊個layout同裝修都幾舒服。佢哋除咗有台式飯麵之外，仲有台式小鍋。不過唔係好肚餓，留返下次先打邊爐，今次就叫啲小食為主。初遇小食拼盤 (💰$82) 拼盤係九宮格，有鹽酥雞、牛肚、豬大腸、雞卷、滷蛋、香腸、地瓜酥、脆魚塊、麻辣鴨血。唔好睇佢每樣都係得兩件，食晒已經飽咗一半。最緊要嘅係樣樣都好入味，係一個非常好嘅餐前小食。古早起司芋泥肉鬆蛋餅 (💰$46) 食台灣嘢又點少得蛋餅，今次揀咗逢甲名物，古早起司芋泥肉鬆蛋餅。真係估唔到香港都做到好台灣嘅口味。個蛋餅皮夠晒鬆軟，包住嗰啲芋泥真係軟硬度剛剛好，而且個蛋餅即叫即整，所以入邊嗰啲肉鬆唔會淋晒，加埋少少醬汁，香芋控嘅你一定要叫！初遇紅燒半筋半肉麵 (💰$82) 呢個係勁厚切燒半筋半牛肉麵啲牛肉係勁厚切，牛肉本身係靚牛，又煮得夠淋，而且入味，絕對值得再嚟食過！個麵亦都好掛汁，夠晒香濃，推介！愛民芒果烏龍茶 (凍) (💰Set+$12) (💰$28)跟餐叫台式飲品飲特價，仲要唔細杯，真係幾抵。甜度本身廚師都控制得好好，冇叫少冰少甜都唔會甜得滯。除咗嘢食好味之外，店員亦都好有禮貌，好細心咁介紹特色美食，真係有啲去咗台灣嘅感覺。裝修亦都好有台灣風味。開業差不多一年都依然好乾淨，可見店員都做咗一番功夫。下次真係要試吓佢啲台式小鍋，一人一鍋衛生又方便一人一鍋衛生又方便。❣️…查看更多

公司附近就係駿業街熟食市場，一直都冇去過，但今晚真係太肚餓，又唔想食飯盒，即管試吓啦。一上到去1樓就見到呢間「泰串越盞」，就睇吓有幾串先🤭。泰式同越式嘅餸菜都有，而且款式仲唔少。鍾意食東南亞風味嘅朋友真係有啲難揀。📍 #泰式生蝦 (💰$78) 泰式生蝦而家都唔係度度有得食，梗係即刻嗌返個啦。生蝦夠新鮮，肉質爽嫩，加埋個醬汁少少酸甜，清新，推介推介！📍 #泰式鳳爪 (💰$58) 無骨鳳爪夠入味，而且分量十足，唔會好似有啲舖頭沙律菜多個雞腳🤣📍 #炭燒墨魚頭 (💰$88) 先頭都有啲驚炭燒會搞到墨魚頭好乾身，點知食落又非常之juicy。本身話冇乜興趣嘅同事都食咗好多，好彩夠大碟，滿足。📍 #越南春卷 (💰$58) 一碟四件，切開一半變八件。包埋生菜，入口size 剛剛好。即叫即炸，夠熱而且唔會好油膩，感覺一流。📍 #越式牛柳沙律 (💰$68) 牛柳唔會煮得過熟，一口size，加埋沙律口感都好夾，大碟夾抵食！雖然熟食市場嘅餐廳裝修都唔可以同商場比較，但係呢度都非常企理乾淨，識得放心。而且店員亦都好有禮貌，好細心。蔗渣價錢，燒鵝味道，呢度嘅性價比十足。真係唔好睇小熟食市場入邊嘅餐廳。下次多啲人要OT，就即管試吓個越式火鍋， $298兩個人份量，已經包咗好多餸，唔夠仲有好多火鍋配料可以加。又或者佢個午餐都好似幾好，$50樓下都有好多選擇，真係打工仔恩物。———————————————📍 泰串越盞 📍📍 觀塘駿業街67號駿業熟食市場1樓30號舖📍 Tel 4645 6699…查看更多

今日返粉嶺娘家，抽空行吓街，發現到粉嶺中心開咗一間新嘅日式燒肉店 "米子燒肉家"，所以同屋企人試一試。未到七點，已經有人排緊隊，應該都唔錯。我哋點左$268放題套餐，可以任食任飲120分鐘。有豬、牛、雞、海鮮、蔬菜、日本飯麵、多款飲品，晚餐價錢嚟講都算超值。如果你係牛魔王，真係可以俾你食到返本。淨係牛都有10種。上等牛舌(厚切)、牛仔骨、牛腹肉、角切、肩胛牛肉眼、特上牛柳、牛板腱、鮮滑牛(壺漬)、美國牛脊肉、牛五花肉。肉質唔錯，唔會雪到硬梆梆，一浸雪藏味，不愧係Prime牛。點埋燒肉汁，味道再提升。豬肉同雞肉加埋都差唔多有10款，而且仲好鮮嫩。我最鍾意就係嗰個辣醬雞肉，肉質爽口彈牙，推薦推薦推薦。海鮮有青口，三文魚鮎，多春魚，同埋魷魚。海鮮都好新鮮，唔使怕腥味。估唔到放題嘅白飯都有四款，飯桶朋友絕對唔使驚淨係食燒肉 XD 亦有烏冬同埋麵。我自己就幾鍾意前菜嘅海蜇野菜沙律，海蜇非常爽口，而且平時出去叫都唔平。蔬菜有翠玉瓜、杏鮑菇、金菇、秋葵、菠蘿，另有芝士燒溶後變芝士漿，點金菇就一流。飲品方面，除咗一般都有嘅汽水同茶，竟然仲有啤酒任飲，唔係平嘢添喎！點嘢食好方便，同枱各自用電話scan QR code就OK，唔使爭iPad。餐廳非常之闊落，地方又乾淨，而且每個爐上面都有個抽氣扇貼近個爐，唔會成間舖頭都油煙味，值得一讚。服務員都好殷勤，好快清走枱面用完嘅碗碟，食都食得舒服啲。如果想食好啲，仲有個$398嘅A4日本和牛放題。而且佢哋仲有學生限定嘅燒肉套裝，真係屈機。喺粉嶺可以有一間唔錯質素嘅日式燒肉店，真係好開心，終於唔使就出去都可以食到好嘅日式燒肉！🍲 米子燒肉家🍲 粉嶺新運路33號粉嶺中心地下145-146號舖🍲 Tel 6390 9968…查看更多

終於到我食呢一間 Nara Thai Cuisine，喺曼谷連續10年被雜誌選為泰國最佳食府。想食好耐，但次次都見到好多人，我又懶得排隊。咁好彩今日朋友book咗位！未入到去喺門口都已經見到室內設計主打泰國風，比較多木嘅物料同埋泰國裝飾擺設，非常之有去咗泰國嘅感覺，好靚。🍤 Prawn Cracker (Snack) 蝦片 - $15餐前小食，蝦片加入左D黑椒嘅，有DD辛辣，非常香脆，而且唔油膩，難得。🥃 Fresh Mango Smoothie 鮮芒果沙冰 - $55叫得最佳食府，沙冰都係用100% 新鮮生果製造，唔係加顏色糖水。真正鮮芒果味之外又唔會太甜，呢排天氣熱熱地就最啱飲。🦐 Prawn Carpaccio 泰式生蝦 - $138性價比一流，因為啲生蝦夠晒大，而且隻隻蝦都新鮮爽甜。加埋酸酸辣辣嘅醬汁，冇得彈。而家唔係間間泰國餐廳都有生蝦食，有機會嚟到都記住試吓。🦀 Mango & Soft Shell Crab Rice Paper Rolls with Thai Spicy Herb Sauce 芒果軟殼蟹米紙卷 - $118六件米紙卷，原隻軟殼蟹炸得香脆之外，蟹肉非常多，唔係得條毛。入邊仲有好多菜、芫荽、芒果。厚度剛剛好嘅米紙口感煙韌，唔會一夾就爛。試埋個醬汁層次口感唔錯。🥗 Pomelo salad with Prawns 大蝦柚子沙律 - $108大小剛好嘅柚子加埋三隻大蝦，點返酸酸甜甜嘅醒胃醬汁，為夏天作準備！呢道菜值得讚嘅就係冇切到啲料碎濕濕，有返啲口感，出邊都好難食得到。🥗 Stir-fried Morning Glory 泰式炒通菜 - $68通菜嘅份量十足，而且唔係油立立，炒完都仲好嫩口。🐷 Fried Rice Noodle with Pork 泰式豬肉炒河粉  - $98即叫即炒泰式豬肉炒河粉夠晒鑊氣，分量十足又唔油膩，女士都冇投訴。店員有禮貌，室內設計非常有心思，Nara Thai Cuisine 環境寬敞，地方整潔。泰國風嘅室內設計真係有出走泰國感覺。佢仲有素菜餐單適合素食人士，一大班人嚟到聚會都OK。用呢個食物水準質素去比，價錢絕對比大部份嘅泰國餐廳平好多，10分推介。🐉Nara Thai Cuisine (新城市廣場) 🐉沙田沙田正街18號新城市廣場一期5樓507號🐉3188 1138…查看更多

觀塘附近好多上樓餐廳，公司附近最近又開咗一間新嘅西餐廳 House FiftyEight，即刻試吓先。上到去有啲驚喜一入去見到飛鏢機同桌球枱😂地方非常之闊落。侍應安排好座位之後，亦都推介左點午餐。我同同事就一人點咗一個餐。套餐包括餐湯餐包同埋一杯熱飲，凍飲就加$3。另外仲可以加$10升級選配飯、意粉或者沙律，男士女士都照顧得到。法式牛柳配黑椒汁 (💰$138) 法式牛柳性價比好高，非常之厚切！而且火候控制得好好，夠Juicy之餘又唔會血淋淋。黑椒汁亦都好香濃，唔係茶餐廳嗰啲。香煎加拿大豬扒配燒汁 (💰$88) 我呢個加拿大豬扒都好大塊，而且煮得好好，唔會有一半豬扒通病，煮得太耐硬得滯。個意粉都非常之正，落足蒜蓉，非常香口。粟米忌廉湯南瓜湯兩個湯都好濃郁，唔會開水咁樣。除咗員工服務好，地方闊落又整潔之外，呢度嘅裝修都好有心機，由顏色去到燈飾都非常之特別！最有趣嘅係張長梳化，你哋又覺得似啲乜呢😉？下次放工真係可以落嚟happy hour，之後再晚餐。=====================🔘 House FiftyEight 🔘🔘 觀塘駿業街58號4樓🔘 8118 3888…查看更多

見天氣又再凍凍地，即刻搵個地方打邊爐先。咁啱見將軍澳廣場嘅馬祖做緊全日120分鐘放題，唔使趕頭趕命，係咁放啲嘢入口，正👏👏👏！原來佢哋係全港首創台灣藥膳養生火鍋放題🍲即管入去試一試。淨係藥膳湯底已經有10款，仲有香港人鍾意嘅日本壽喜燒，同埋芫荽愛好者嘅爆漿熔岩芫荽湯😅。最好嘅仲係一人一鍋，唔使驚撈亂，又夠晒衛生！套餐方面就有六款，平貴任君選擇，一個價錢無限追加，唔使驚要係咁食丸填飽個肚😛。最後就揀咗中價嘅「極上牛頸脊」套餐， 加 藥膳蟲草花桃膠雞湯 同 日本壽喜燒Sukiyaki湯 。「美國Prime Grode極上牛頸脊及西班牙伊比利牙黑毛猪放題套餐」(💰成人 $298 / 小童 $218)極上牛頸脊Prime Grade肩胛肉眼西班牙伊比利亞黑毛豬 & 西班牙無激素豬肉片藥膳蟲草花桃膠雞湯淨係食呢啲極上牛頸脊同Prime Grade肩胛肉眼都已經回本。睇相你可以見到質素好高，肥瘦剛剛好。兩款豬肉 (西班牙伊比利亞黑毛豬, 西班牙無激素豬肉片) 都唔錯，幾新鮮，唔會好似有啲舖頭雪到硬梆梆，食落都好嫩口。除咗牛同豬，我都推介大家試吓 深海魚柳 同 雞腿肉，好少見其他打邊爐嘅地方有。而且仲有超過30款其他配料。嘢飲仲有兩個大櫃加埋超過15種俾你揀，呢個套餐嘅性價比一流！雖然天氣凍咗，但係打完邊爐熱辣辣，食返啲雪糕降下溫先。最驚喜嘅係佢呢度嘅 🍦Movenpick 雪糕🍦係任食。平時唔捨得買㗎，真係要留肚食多幾杯🤣🍦🤣🍦🤣🍦餐廳面積都好大，座位寬闊。店員好有禮貌😄上湯底同埋肉類都好快手，值得一讚。唔似有啲餐廳等成個字先至有，煲得水嚟都冇咗三個字😏。好彩習慣早食飯，好快已經坐滿人，證明冇揀錯。馬祖嘅120分鐘先至係真正嘅食到飽，捧住個大肚腩返屋企。🍲 馬祖 (將軍澳) 🍲🍲 將軍澳唐德街1號將軍澳廣場1樓1021-1023號舖 🍲 Tel 6060 7292…查看更多

放工好肚餓，忍唔住要食埋飯先返屋企，就拉咗同事去附近嘅工業大廈搵嘢食。喺永興工業大廈搵到一間良心小店，係香港人開嘅台灣菜，都數唔到幾耐冇去過台灣，即刻入去支持下👏！可能有啲難搵，可以睇下張相。除咗招牌嘅牛肉麵，仲有幾款乾拌麵同埋台式便當。當然仲有好多唔同嘅台灣地道小食同台式滷水。真係好似喺台灣夜市咁樣，五花八門。🍜 清燉半筋半肉麵 (💰$75) 一嚟到梗係飲開個湯先啦，湯底香甜順滑，而且有濃郁嘅牛味。牛肉嘅份量亦都唔少，一口肉、一口筋，好滿足。佢哋用咗幼身嘅台灣麵，好處係容易吸到啲湯汁，麵香而且有咬口，推介！🍜 牛肉蔥油拌麵 (💰$56) 其實一路都唔係好敢食拌麵，因為覺得好油膩🙊，不過同事叫咗就食一口啦（一大口）。點知又真係有驚喜喎，入到口唔覺得好油膩，而且啲撈麵係用闊條麵，比較寬同厚，有嚼勁，一流。而且啲牛肉煮得剛剛好，而且半肥瘦，嫩滑！🦑酥炸魷魚 (💰$48)我嘅台灣夜市指定菜式，即叫即炸好香口，如果多啲唔同嘅調味粉就好啦！🍞 起司肉鬆蛋捲餅 (💰$40)呢個真係值得推介嘅菜式，餡料充足而且個皮唔會厚揼揼，賣相都非常之好，有台灣水準！🥤 桂圓紅棗茶 (熱) (💰$10，凡惠顧飯或麵類， B區飲品可享半價優惠。原價 💰$20)唔好以為跟餐半價就偷工減料，入邊啲紅棗非常之多！🧃 荔枝綠茶 (凍) (💰$15，凡惠顧飯或麵類， B區飲品可享半價優惠。原價 💰$30)咁嘅天氣我就飲番啲凍嘢啦，廚師真係知道香港人嘅口味，冇嗌少甜嘅甜度剛剛好，細心！餐廳地方雖然唔係大，但裝修簡潔，地方乾淨企理，食得好舒服。店員好禮貌，有耐性推介下食品，唔錯唔錯。值得一提嘅係佢哋仲可以外賣自取， WhatsApp落單，可以嗌咗先去拎，唔使等咁耐。🍜 日月堂 🍜🍜 觀塘興業街14號永興工業大廈4樓C2室🍜 Tel 6371 9639…查看更多

又要喺公司附近食晚飯，食完返去做嘢。行咗嚟觀塘宏利中心，原來一樓開咗好多餐廳，有好多選擇。始終位置有少少吊腳，所以唔使點樣等位。見到一間裝修好有日本居酒屋風味嘅餐廳，思鄉咗咁耐，就即刻走入去試吓👏！🍶 川海老唐揚 (💰$52) 黎居酒屋坐低，梗係要叫啲小食咬下啦，炸蝦仔係我嘅最愛。即叫即炸，非常脆口，而且大小剛剛好，如果唔使食完返公司做嘢，一定叫杯啤酒送小食。🍶 鮟鱇魚肝 (💰$68) 今晚真係大開眼界，我無接觸過嘅食材。鵝肝就食得多，鮟鱇魚肝真係第一次 (鮟鱇魚肝屬於日本高級食材，有「海中鵝肝」嘅美譽)。佢口感細滑柔嫩，入口即溶，搭配小蔥醋汁，簡直一流。🍶 牛肉他他燒 (💰$88)老闆真係癲咗啊，呢個價錢有咁大碟，未食已經覺得抵返晒！牛肉非常之鮮嫩，加埋個醬汁帶出個鮮味，呢個天氣絕對適合食呢啲咁開胃嘅菜式。下次嚟一定要encore呢碟菜式！🍶 雲糖壽喜鍋(安格斯牛小排) (💰$208)上面嗰舊雲係棉花糖嚟㗎，唔好以為佢淨係拎嚟打卡。一開爐佢就會慢慢變成壽喜燒嘅甜豉油嘅一部份，令到個湯甜度剛剛好，成個過程好得意。安格斯牛小排夠新鮮，脂肪分布均勻，薄切得來又大碟，用嚟壽喜燒一流。壽喜燒入邊仲有好多餸菜 (金菇菜、冬菇、豆腐、紅蘿蔔、粉絲等)，滿晒一鍋！可以打卡又好味，性價比一流。🍶 北海刺身丼 (💰$118)食日本嘢又點少得刺身呢，呢個刺身丼非常之新鮮甜美。$120有找但絕無欺場，六款刺身！唔好睇個蟹鉗細細隻，但勁多肉。餐廳面積唔係好大，但座位寬闊，有幾個好有日本風味嘅卡位，想坐嗰啲卡位真係要book定或者早啲嚟！日式裝修加上清酒酒樽、燈籠、紙傘裝飾，杯杯碟碟襯埋一套，加上餐廳店員又有禮貌，地方又整潔，真係有啲去咗日本嘅感覺。🍶 鶴崎居酒屋 🍶 觀塘鴻圖道78號宏利金融中心1樓7號舖 🍶 Tel 2628 6682…查看更多

天氣咁熱, 想坐低飲杯野, 又唔想坐咁迫黎到荃灣仁濟醫院附近有間隱世酒吧可以食FUSION野佢地主打西餐同泰菜,靜靜地坐得幾舒服等野食黎既時候會有蝦條, 比你地慢慢摸下酒杯底先黎頭盤, 自家制泰無骨鳯爪 $98SIZE 岩岩好 唔會食到太飽,酸酸甜甜咁幾開胃黑松露薯條 $98松露味不算太出, 有芝士撘夠Seasonal cocktail:Cucumber cooler $68 (HH) $88 (N.H)Gin, Cointreau, F.Cucumber, Elder Flower Syrup, Soda好易入口, 感覺清新Plum Meng’s Soup  $68 (HH) $88 (N.H)Plum gin, pimm’s , Lemon J , Oolong Cordial八重口感, 有齊甜酸苦辣; 好過隱黎到MAIN DISHESBuffalo Pizza  $118岩晒鐘意芝士既我. 佢係傳統意大利PIZZA, 薄底, 食多幾件都唔會太膩Truffle Mushroom Risotto $118口感creamy, 超濃truffle 味, 食到停唔到最後黎多個: 香脆德國豬手 $198即叫即整,唔係講笑, d皮堅脆但肉又唔會太乾, 仲好juicy完美~…查看更多

🎀🎀🎀🎀🎀🎀🎀🎀🎀🎀🎀🎀🎀🎀喺上水食商場餐廳食到厭，即管向舊墟發掘下新餐廳，估唔到而家上水舊墟開咗好多新嘅餐廳。今晚就選擇支持本地小店 - Little Pepper 胡椒仔 ♥️。原來佢都開咗差不多兩年，但真係好少去呢邊搵食。聽個名就知佢哋以胡椒做主題，仲係融合咗本地同台灣嘅煮法。晚飯小菜同炒粉麵飯都非常之多款，選擇困難症嘅人真係唔知點算，唯有請店員推介一下。🎀胡椒豬肚湯飯 (💰 $59)本來想試吓個招牌胡椒豬肚雞煲，不過又想試多幾款菜式，店員就推介左呢個湯飯，可以試到招牌菜式之餘又唔使太大份。個胡椒湯辣得好過癮，非常香口。怕辣或者食得辣嘅朋友可以揀少辣或者大辣。豬肚同竹笙火候剛剛好，份量都唔少，大滿足呀！🎀潮式炸蠔餅 (💰 $98)呢個炸蠔餅嘅整法同傳統有啲唔同，夾起上嚟細細件，方便入口。同傳統蠔餅比較，啲豪大隻好多，而且非常鮮嫩，加埋個魚露一齊食，簡直係絕配！份量十足，下次再嚟一定要encore ！🎀梅菜扣肉煲 (💰 $88)梅菜扣肉煲而家都唔係間間餐廳都有得食，因為煮起上黎真係太多功夫。睇相都見到啲肉密鋪咗個煲面，雖然點都係肥，但唔會話成大嚿豬油膏咁樣，加埋啲肉非常鬆軟，口感一流！而且仲有啲小白菜喺下面，唔使專登嗌多個菜都得。🎀緣分咖啡 (！隱藏Menu！💰$38)話明緣份咖啡，原來真係要有緣份先至可以點到㗎！呢個係喺Menu搵唔到嘅一杯咖啡，多得店員推介先知道有呢樣嘢。不過有興趣嘅你都可以留意返佢哋嘅IG，不時有驚喜款式。講番杯咖啡，一睇都知味道非常有層次，一共有四種咖啡結合，千祈唔好撈埋一齊飲呀！店員話啲咖啡豆都係喺本地炒製，真係要大大力支持本土產業！有興趣嘅朋友都可以透過佢哋訂購。🎀凍檸茶 (跟餐💰$10)裝修係輕工業風之都有家的感覺，座位闊落，輕鬆舒服，而且仲有幅好靚嘅壁畫。店員亦非常殷勤有禮。呢個價錢加上呢個份量，性價比真係非常非常高！遲啲再黎試吓其他嘅隱藏Menu先得！🎀🎀🎀🎀🎀🎀🎀🎀🎀🎀🎀🎀🎀🎀🎀 上水新豐路4-10號順利樓地下B2號舖 🎀🎀 Tel 5713 3588 🎀…查看更多

🎀🎀🎀🎀🎀🎀🎀🎀🎀🎀🎀🎀🎀🎀今日過開嚟觀塘印刷廠做嘢，就睇吓附近有乜餐廳食個晏。估唔到而家充滿印刷廠嘅工廈都真係開咗好多餐廳。今日就試咗一間新裝修嘅台式料理小店 - 伊甸。台式木系文青裝修風格，店舖入邊仲有好多靚靚打卡位，未食嘢已經見到店舖心思♥️。🎀台式香菇肉燥 配 涼拌小食 (💰$77)[台式香菇肉燥, 乾拌新竹米粉, 鹽酥豬排, 涼拌小食]超大塊鹽酥豬扒，即叫即炸，非常香口！除咗鹽酥豬扒，仲可以揀雞扒，雞中翼同埋醬炆豬軟骨。台式香菇肉燥可以配珍珠白飯、新竹米線湯、乾拌新竹米粉。我自己就揀咗乾拌新竹米粉，軟硬適中，份量重非常之足夠，而且啲肉燥鋪滿面，大滿足呀！🎀古法印度咖哩燉牛肋條飯 (💰$79)台式小店有呢個古法印度咖喱，即管叫你試吓。估唔到有驚喜喎，咖喱香口得來唔會好辣，亦都唔會油冧冧。個飯都好軟熟，分量剛剛好。除咗牛肋條熟度剛剛好，啲薯仔亦都夠淋，可以見到廚師技術唔錯👍。🎀鹽酥花枝丸(3粒) (跟餐+💰$20)🎀鹽酥雞中翼(3隻) (跟餐+💰$25)炸物雖然通常都穩陣，但好多時唔係太鹹就冇味，伊甸佢哋做得唔錯，口味健康！而且跟餐價錢亦都唔貴，值得選配。🎀凍/熱柚子蜜 (12oz) 糖度 (冰量固定, 不設少糖) (跟餐💰$0) 台式飲品冰涼固定，不設少糖，都幾少見，唯有信廚師啦。估唔到冷熱都掌握得好好，唔會太甜，女士亦都唔使怕肥！想轉其他嘢飲亦都可以加$15 ，有好多唔同嘅台式飲料，嗰啲就可以揀糖度同冰量。店入面整潔，店員禮貌。除咗台式食物，佢哋仲有All Day Breakfast同埋Pasta，想打卡又食好西嘅朋友都可以嚟試吓。🎀🎀🎀🎀🎀🎀🎀🎀🎀🎀🎀🎀🎀🎀🎀 觀塘官塘道436-446號官塘工業中心第四期1樓C室 🎀🎀 Tel 9685 5957 🎀…查看更多

喺觀塘碼頭附近開完會，順便睇吓有乜餐廳買埋外賣返屋企做晚餐，喺振萬廣場見到呢間御品·千之味。咁耐無返過鄉下，即刻試一試先。未入到餐廳，已經見到教主喺門口歡迎👏可以用手機落單到簡單方便，落完單師傅即時製作。🐟五色丼 (💰$98)[三文魚2件 吞拿魚赤身2件 油甘魚2件 赤蝦1件 三文魚籽1份]性價比滿分嘅丼飯！睇相你已經見到啲魚生密鋪平面，好新鮮，好味。睇落去以為好少飯，估唔到下面都唔少，男士都可以食得飽飽！🐟火炙壽司餐 (💰$105)[北寄貝, 八爪魚, 龍蝦沙律, 玉子, 吞拿魚沙律, 火炙三文魚腩, 火炙左口魚邊, 火炙三文魚, 火炙鰻魚, 火炙熟蝦]唔鍾意食刺身壽司嘅朋友就一定要嗌呢個。唔生之餘又唔會燒得熟得滯，師傅手勢好好👍！龍蝦沙律同吞拿魚沙律足料到嚇親，直程可以一件做出邊嘅兩件！🐟雙色三文魚丼(💰$65)[三文魚刺身, 火炙三文魚]睇相就知係三文魚刺身加火炙三文魚，生食熟食都好正，厚切之餘又夠晒肥美。三文魚愛好者必選！🐟沙律&螺肉(+💰$8)🐟吉列生蠔(2隻, +💰$20)我仲分別加咗沙律&螺肉(💰$8)同埋2隻吉列生蠔(💰$20)，即叫即炸，新鮮脆口！除咗魚生非常新鮮，火炙手勢好，啲飯軟硬度剛剛好，值得一讚。一個set包一罐飲品，除咗一般嘅可樂雪碧，當然仲有教主代言嘅OOHA！店入面整潔，店員禮貌。值得一提嘅係佢哋除咗午餐晚餐set，仲有好多刺身同壽司盛盒，絕對適合開party食，絕對唔失禮，價錢有優惠。御品·千之味有外賣送貨，而且有會員儲分。啲積分可以當現金用，而且有效期係180日，真係叫多幾次都唔怕。🐟 觀塘榮業街2號振萬廣場地下G號舖 🐟🐟 Tel 2669 4726 🐟…查看更多

🎀🎀🎀 好耐冇過嚟上水舊墟食飯，估唔到馬會道開咗好多新餐廳。今日就試咗呢間日式料理店。一入去已經有喺日本居酒屋食嘢嘅感覺，裝修好靚，主打拉麵同串燒。👍🏻一鳴拉麵💰$75淨係飲個湯已經覺得質素一流，味道非常濃郁，細麵軟硬適中，叉燒半肥瘦，一啲都唔覺得肥膩，而且非常大碗。性價比一流！👍🏻 野菜牛肉丼飯💰$88除咗主菜之外，仲有炸雞、飯、沙律，分量十足到男士都覺得飽。即叫即整熱辣辣，牛肉同炸雞都好嫩滑，非常正。👍🏻鹽燒鯖魚💰$46👍🏻岩鹽燒羊架💰$56👍🏻汁燒厚切牛舌心💰$56👍🏻唐揚北海道池魚仔💰$38呢幾樣串燒都係賣飛佛，師傅時間掌握得好好，魚同肉都好juicy，唔會燒或者炸得太韌，可以見到技術十足。餐廳有好多唔同飲品，如果我可以飲埋酒就Perfect，可惜今日揸咗車。店入面都幾整潔，店員有禮貌，餐廳有好多唔同選擇，值得encore ！🎀🎀🎀一鳴屋台料理（上水)♥️上水馬會道180號 ♥️Tel 2612 0100 …查看更多

同朋友尖沙咀行街，行到K11到咗食晏時間就係K11搵嘢食！ 喺門口望上去已經望到呢間餐廳嘅室外座位，好似幾chill就呢間！呢間餐廳望上去就好似好容易搵，原來個入口都幾隱蔽，都來回搵咗好多次先搵到！店入邊嘅裝修似賣衫多過似餐廳，好多位置都適合打卡👍🏻下晝基本上係嗌套餐會比較冇咁複雜，不過佢個午餐Menu睇上去真係比較複雜🤣有個底價再on top depend 你選擇唔同嘅嘢再加錢！覺得無圖既menu好難睇🤣🤣🤣基本午餐$78 加上伴食同飲品+$40辣蕃茄年糕 +$20和牛韓式飯 +$50泡菜煎餅韓式炸雞 +$10冷泡咖啡凍朱古力辣蕃茄年糕： 酸甜嘅蕃茄汁加上辣味令到平平無奇嘅年糕更加惹味，但覺得可以加返少少肉類，或者其他後咁嘅嘢，增加返整體嘅口感！和牛韓式飯 ： wo! 牛肉鋪滿晒成個飯面，和牛口感軟熟又有肉汁，就算個飯無配汁，d牛肉都好好送飯！泡菜煎餅味道正常，炸雞外脆內軟但略嫌份量小左小小，但佢係伴食黎，正常份量應該會多啲！…查看更多

荔枝角冇乜邊間酒樓近地鐵站可以選擇，屋企人話富臨抵食咁就富臨啦！行到埋門口職員仲話羊腩煲都係28蚊😱咁真係幾抵喎！除咗羊腩煲原來佢仲有其他優惠，一蚊叉燒、一蚊雞、$10乳鴿。不過一檯只可以選擇其中一個優惠，最後共識因為凍凍地岩食羊腩煲所以都係嗌咗羊腩煲！羊腩煲 $28大概兩三人份量，眼見佢都幾足料，除咗羊腩之外仲有枝竹、粉葛、冬菇、馬蹄。羊腩方面一人都有兩三舊，而且好冧好入味，當然仲要點埋佢嘅靈魂腐乳！個汁好正，如果有得加埋生菜就好啦🥳！清蒸富貴班 $198屋企人鍾意食魚所以叫條魚比佢食，呢條應該係沙巴龍躉，條魚都幾大條，蒸得啱啱好啱啱離骨，魚肉軟滑又唔腥！酸菜豬手 $98豬手軟滑彈牙，而且好夠味，相信應該炆咗好耐時間！浸住豬手嘅鹹菜湯都好正好惹味，就算明知係味精都飲咗幾碗！菠蘿生炒骨 $85生炒骨炸到外脆內軟，個甜酸汁甜味同酸味嘅比例啱啱好！係經典必叫嘅開胃小菜。去酒樓食，幾個人每人$100左右，又有魚又有羊咁都真係幾抵既！…查看更多