肥髀媽的個人專頁

同肥髀去觀塘剪頭髮，訂左呢間新餐廳食飯，工廠大廈地下，晚上要經車道入大廈，門面是舊式工廈大門，入去地方幾大，臨近聖誕節有聖誕場景影相，被安排在近門口梳化位，簡約西式餐枱椅，用QR Code落單，很快便上菜蒜香白酒蜆肉意粉（$104）賣相不錯，意粉是我喜歡的有咬口嘅口感，蜆肉無沙唔腥，蜆肉份量夠，唔會有唔夠餸嘅感覺，味道鹹香唔膩，但整體粉量太少，對女仔都唔夠飽青檸檬梳打水（跟餐）走甜，味道清爽，解膩溫泉蛋卡邦尼意粉（$98）賣相不錯，撈埋蛋黃落意粉，幾香蛋黃味，意粉是我喜歡的有咬口嘅口感，煙肉比例高，味道好但份量太少，根本不可能飽（可能餐廳想客人叫多份甜品，但老實，我同肥髀兩個女仔，每人一份意粉+一份甜品都唔夠飽😅）Oreo忌廉沙冰（跟餐）肥髀飲法式檸檬撻（$26）肥髀食海鹽芝士牛角窩夫+柚子雪榚（$98）賣相不錯，牛角包窩夫外脆內軟，口感幾好，不過自己不太喜歡海鹽芝士醬（個人覺得味道好但太多）如果可以好似糖漿咁另上，自己決定落幾多就更好，雪榚另上，柚子味清新幾幼滑，味道偏甜用OpenRice 訂位有9折，本來我點了熱咖啡，店員通知暫時未能提供咖啡及熱飲，佢攞埋飲品餐牌來比我揀過飲品，服務有禮，會主動比埋細碟方便分享，收碟有先問過先收，收錢未有信用卡付款款，不過可以payme、Alipay、wechatpay食物味道不錯，不過以工廠區餐廳來講性價比不高，睇得出餐廳想營造出高級餐廳嘅努力，餐具及食物擺盤都不錯，但裝修格調不高，餐廳規劃及分區仍有工廠味，廚房與大廳只有一道布簾，廚房活動聲音都傳咗出來，而價錢偏高可以一試…查看更多

放假同肥髀逛街，先在無堂食前醫肚，揀左呢間日本刺身飯，去到唔使等位，門面似快餐店，店內簡單陳設，桌椅唔迫唔嘈雜，用手機自助落單，選擇不算多，食物好快上菜跟餐麵豉湯：夠熱濃味，是肉+紅蘿蔔麵豉湯，配刺身都夾嘅北海豐盛丼（$208）賣相很豐富，刺身款式多，牡丹蝦大隻新鮮爽口，帆立貝嫩滑，三文魚籽寶石一樣脹卜卜，左口魚燒過，很軟很嫩滑，海膽比較下就失色了，雖然濃味有點溶，珍珠米飯鬆軟，連墊底嘅紫蘇葉都很新鮮，刺身夠多新鮮好味肥髀食：炙燒左口魚裙邊壽司（$45）爆滿刺身，食左啲吞拿魚蓉，軟滑肥美！三文魚火山丼（$155）芬達汽水（$18）樓面得一位男店員一腳踢，唔多說話但勤快，會主動加茶！刺身有水準，值呢個價錢…查看更多

返工前午餐，揀左呢間日本菜燒肉店，今日是假日，多人排隊，等15分鐘入座，門口大豬🐷燈籠搶眼，日式淺木座位，桌椅唔會好近，唔嘈雜，主菜是燒肉，配搭食物款式選擇都多宮崎和牛+豚肉雙拼飯（$159）方盒上菜，賣相吸引，豚肉片燒得肥美，燒汁醬油鹹香，配飯好食，和牛肉片薄切，燒得剛好唔老，醬油夾味，珍珠米飯鬆軟，舞菇有用高湯煮過，嫩滑無草青味，夾雜青蔥絲解膩，份量對我剛好！整體好味，滿咀油香店員有禮有笑容，爽快唔廢話油香滿滿的午餐…查看更多

返工前午飯，揀左呢間日本菜，去到唔使等位，安排左吧枱位置，對住廚師，餐廳半開放式，低調日本風，樓底高唔會嘈雜套餐選擇都幾多，落單之後食物好快到迷你雜錦魚生飯配天婦羅麵（$168）與餐牌圖片相符前菜：其實我都唔知黑色係乜野食材，醃過嘅，清清地醬油醃，清爽沙律：麻醬沙律，沙律菜新鮮，開胃魚生飯：細細碗，其實都好飽足，除咗魚生粒，超喜歡加左醃蘿蔔片+青瓜粒，帶酸爽口感，魚生新鮮，尤其魚子脆口鹹香，珍珠米飯索豉油好味天婦羅：兩隻蝦、一片蕃薯、一片南瓜，天婦羅炸漿薄脆，食材新鮮，沾天婦羅汁好味熱烏冬：細細碗清湯烏冬，烏冬軟滑微彈牙，簡單青蔥+海帶，魚蛋片彈牙，平衡下天婦羅嘅炸物油膩感甜品：最鍾意黃豆粉蕨餅，軟軟煙韌，甜甜的份量大好飽，每樣水準不錯，喜歡每樣食物用嘅碟好日式，有種樸實感，店員有禮斯文，唔會騷擾，走時會齊聲講日文嘅送客人，靜靜地享受一個午餐時間…查看更多

做完義工，回家前要去買外賣晚餐，呢間同事介紹比我，去到天橋下一間麵店，店內不大，茶餐廳格局，去到已下午5時多，堂食時間快完結，店內剩下一枱客，我去到最內圍吧枱位置落單，八達通比錢，等十分鐘就出菜！外賣袋企理，3份麵分湯都可以一袋攪掂！大腸刀削撈麵（$47）少辣，我回到家即食，一入眼是滿眼嘅蔥、芫茜、蒜，大腸份量夠，又是我喜歡的薄皮腸衣，半肥瘦，彈牙夠入味，好味，一程車撈麵有點結塊，我落左點湯（肥髀的）就揀鬆了，醬油味濃，麵是有厚度夠彈牙的，掛汁不錯撈埋啲蔥蒜惹味，雖然叫了少辣，但店員姐姐辣椒份量同細佬正常嘅一樣😅，所以我先𢳂走部分試下辣度再慢慢加到自己接受嘅辣椒份量！好味麻辣牛筋腩刀削麵（$48）細佬嘅清湯牛𦟌刀削麵（$35）肥髀嘅食物水準不錯，店員極爽手，不廢話，包裝企理值得encore…查看更多

肥髀放假，帶佢去逛街加午餐，揀左呢間拉麵店，要等5分鐘才有位（星期日已算快）正常日式淺木傢具，座位略迫，因防疫隔板關係就更迫了，而且餐具被隔開了，而店員上菜後又不為意，要出聲問才拿過嚟比我哋俺流鹽湯拉麵（$59）細細碗，鹽湯清澈夠味，幼麵有咬口，掛湯不錯，配料喜歡菠菜，索湯又清爽，荀絲正常，豚肉叉燒半肥瘦唔嚡口，好味玉子（$12）玉子蛋黃流心漿口，喜歡，蛋白彈牙好味肥髀食：墨汁魷魚豚角拉麵（$89）雪碧（$10）紫菜（$10）無唸到是炸紫菜，我與肥髀想要紫菜片，失望拉麵我最喜歡鹽湯…查看更多

帶耳機去維修，要等一小時攞貨，偷空食個下午茶，商場人多，揀左呢間唔使等位，店員安排坐內圍靠牆位置四人枱，裝修簡約美式設計下午茶餐選擇不多，落單後要等一會食物才到，應是即叫即做公司三文治配薯條（$62）賣相不錯，三文治麵包烘過，但麵包太乾，尤其近麵包皮嘅位置，所以影響了整體味道，餡料是多，不過煙肉比例太高，所以太鹹，若減少煙肉，加多生菜及雞蛋，味道會平衡一點，粗薯條夠熱，外微脆薯味夠，唔會有油膩感，點茄汁好味熱檸茶（跟餐）茶底很濃，但味道較澀，夠熱，加檸檬解膩不錯店員很忙，要舉手一會兒才有時間招呼，店員勤快，服務正常三文治麵包不行…查看更多

返工前午飯，揀左呢間上海海菜，去到唔使等位，坐大堂中央卡位，在玻璃天花下，很光亮，樓底又高，無壓迫感，卡位很大，手機自助落單，午餐選擇都幾多，落單後很快上菜午餐$130.9（連服務費）涼拌溫室小黃瓜：很青爽，爽脆又唔會太鹹！好食灼津白（半份）太太太油膩，我食唔到（個人口味接受唔到）熱豆漿：唔會過甜，熱度夠，有淡淡荳味，ok酸辣湯拉麵：幼麵微彈，掛湯不錯，但酸辣湯較浠（唔知係比淥麵嘅水溝浠左/本來煮得較浠）荀絲、豬紅絲等材料也不算多，有點失望，湯底味道也較淡，獨立飲是夠味的，但一連埋麵一起食就變得淡，失望店員有禮斯文，中間主動加茶，加茶收碟前會問一句先做，服務幾舒服以咁嘅價錢，食物水準是失望的…查看更多

今日幾了家組，去佢家附近的拉麵店，去到唔使排隊，店內坐四人枱，店家裝修有點現代日本feel，座位唔迫，樓底高無壓迫感，牆上日本畫搶眼，落餐紙麵食選擇簡單，落好單食物好快到清湯半熟卵拉麵（$78）加紫菜（$10）賣相不錯，紫菜爽脆，沾湯好味，半熟蛋好正，是我喜歡的蛋黃狀態，流心漿口又唔會太生，蛋白彈牙，荀條有咬口，叉燒片好食，半肥瘦肉味夠又唔嚡口，幼麵掛湯不錯，湯底清澈鹹香清爽夠味，整體好味，價錢合理自家製餃子（$30）有點黏皮，皮有彈性不錯，餃子底煎的夠脆皮，肉餡唔會乾，幾好丸京拉麵（$78）家姐食，試左一啖湯，湯底有漿口感，濃味香口店員勤快斯文，不多說話！廁所要去對面商場，比較遠及難搵值得encore…查看更多

與好友行山前，先去醫肚，我倆都係咖啡人，揀左呢間咖啡店，去到要等位，因為店面細，座位不多，等了半小時才有位，坐在最外圍高腳櫈位置，店家是工業風，餐點選擇不多，先去櫃檯落單，攞號碼，出菜叫號碼，因只有兩名店員廚房一腳踢，出菜都有點亂，佢哋都再問我落左乜嘢飲品，無比收據全日早餐（$74）很豐富的一個全日早餐，哈密瓜是亮點，已切件很爽甜，煎雞扒多肉汁肉嫩好味，滑蛋嫩滑，茄汁豆、煙三文魚正常，醋汁沙律菜新鮮爽脆，麵包我走牛油，外脆內軟夠麥香，好味美式咖啡（$34）喜歡瓷杯，存熱又唔辣手，咖啡夠熱，濃黑甘苦，解膩一流朋友飲：Flat white($38)食物好味，店員有禮斯文，店員只負責廚房，店面都是客人自助服務，唔會催客，食完我與朋友執好啲餐具交去櫃檯，店員笑笑講唔該價錢合理，悠閑感受咖啡店…查看更多

約了好友去旺角，我倆都係咖啡人，揀左呢間咖啡店，去到等了5分鐘，坐向街高腳櫈，雖然向行人路，幸好呢個位不是巴士站，行人唔會停留都可以接受，一間小小咖啡店，田園feel，樓底很高不會侷促！食物是日式西餐，落單食物陸續到南瓜湯（跟餐）幾濃及滑，熱度不夠，很喜歡可愛瓷湯杯！美式咖啡（跟餐）粉紅色瓷杯很可愛，存熱又唔辣手，咖啡不會酸，夠熱酥炸生蠔明太子扁意粉（$98）賣相靚，生蠔炸粉不會太厚，鬆脆，生蠔🦪多汁唔腥，蠔味夠，意粉忌廉夠稠，明太子鹹香，意粉有點偏淋（可接受）好味！朋友食：慢煮溫泉蛋卡邦尼扁意粉（$78）Iced Dirty食物不錯，男店員有禮斯文，而我哋食緊時，門外店家木櫈有個伯伯在休息，男店員攞左杯水比佢，很窩心窩心小店朋友請客無收據…查看更多

放假同肥髀去牛頭角買日用品，揀左呢間上海菜快餐店，去到唔使等位，店員安排了靠牆二人枱比我哋，像茶餐廳格局，餐廳是電子自助落單，食物好快到生煎包（$20/2個）皮較硬，湯汁夠，肉餡唔乾，芝麻香，幾好雞絲粉皮（$30）粉皮彈牙，青瓜絲爽脆，芝麻醬不會太濃，撈埋好食秘製厚切豬扒上海粗炒（$70）賣相不錯，上海麵很粗彈牙，醬汁很濃，掛麵不錯，椰菜爽脆，豬扒夠厚而不會乾，半肥瘦索晒汁好味灌湯小龍包（$18/2個）夾起皮穿了漏湯，少失望，皮有煙韌感，湯夠多，肉唔乾，ok食物水準ok，喜歡有小份量嘅選項，我們人少都可以試多兩款食物水準不錯上海快餐…查看更多

返工前午餐，揀左呢間咖啡店餐廳，唔使等位，餐廳在商場扶手電梯下，商場走道行走嘅客人會望到食客食相，私密感不足，店員安排我坐二人枱，落單後先上湯，再上餐飲，主食要幾廿分鐘才到龍蝦湯（跟餐）第一很浠，水感嘅湯，一啲忌廉湯嘅滑都無，龍蝦味淡，失望，跟上嘅迷你牛角包就酥脆，不錯熱美式咖啡（跟餐加$18）瓷杯存熱，咖啡夠熱，味道甘苦，解膩不錯燒芝爆布牛堡配薯條（$178）賣相不錯，麵包烘過，幾鬆軟，不過牛漢堡太乾，雖然淋上芝士醬都挽救唔到太乾嘅問題，最後食唔晒一個，粗薯條外脆內軟，點茄醬好味，拌碟酸瓜開胃解膩講真食物水準，以呢個價錢我是失望嘅，店員有禮但指示不足，我望住嗰盤芝士醬唔知點食，要再舉手問男店員，佢有講解我知！唔會再試…查看更多

去元朗做檢測，預埋食午餐，揀左呢間日本炸豬排餐廳，去到唔使排隊，店員安排一個二人位，淺木和式傢具，落左單十分鐘就上菜，落左單店員先比芝麻我磨，上菜後有簡介醬汁相配嘅食物！吉列豬扒拼日本生蠔定食（$208）上菜食物好靚，豬扒很厚，皮脆有肉汁，點芝麻酸醬開胃唔膩，生蠔店員有提醒要快食，預防出水，生蠔外脆內多汁，完全唔腥，蠔味濃，配沙律醬好食，白飯珍珠米彈牙，生菜絲爽脆多汁，淋上醋汁開胃減膩，我都添左生菜一次，蜆肉麵豉湯很濃，夠熱，飯後西瓜很爽多汁，食完炸物消膩一流店員有禮斯文，食前提示足夠水準高貴一點都值得…查看更多

肥髀生日staycation第二日，去食酒店嘅自助早餐，都係去海景咖啡廊食，早餐分兩個時段，揀左遲粉少嘅0930（訓晏啲）去到唔使排隊，比左離食物區較遠嘅2人枱，有自成一角嘅感覺，食物選擇都幾多我最喜歡是雞蛋🥚煮法多，麵包款式都有好幾款，食左西式早晨全餐，乳酪及果醬都有幾種味道飲品有果汁及奶自斟，熱嘅可以搵店員，我飲熱齋咖啡，夠熱夠濃中式點心是大竹籠蒸的，試左蝦餃、燒賣、牛肉燒賣，味道正常，腸粉就較乾硬還試了即淥粉麵，生麵爽口，魚蛋正，湯底我加了辣油很香口，好味店員有禮斯文，收碟勤快正常酒店早餐肥髀食…查看更多