AlexYip7549的个人专页

有日行過旺角，諗坐買野飲，點知行下行下見到呢間奶茶店，見到又係黃店，當然要支持下，睇咗下menu 全部都好吸引，最後叫咗杯抹茶鮮奶，杯野出嚟嘅時候，會有上綠下白咁分層，個樣勁打卡，飲落唔會太甜，大約係平時珍珠奶茶嘅一半甜度，茶同奶嘅比例調教得唔錯，杯嘅size適中，唔會太細杯，最重要係佢個蓋好特別，唔同平時嘅一樣茶飲一樣，佢個蓋好似平時罐裝汽水咁，要自己再打開，夠晒特別，行過旺角中意嘅朋友不妨可以試一下！☺️…查看更多

本身間餐記都算遠離深水埗，要搵都唔係太就腳同方便，但都算係隱世茶餐廳啦😂，第一次去，竟然要排隊，仲要係下午茶時間，大家都係為咗一樣野而去，先講環境，雖然唔大，但都裝修得唔錯，擺設都有，野食種類都好多，有車仔麵，3餸自選飯，有平時掃街會食到嘅小食，睇到都各有特色，最後當然環介紹大家不悉要排隊都要食到嘅食品，就係爆漿阿華田多士，佢係由阿華田多士在中間加阿華田，營造成爆漿的效果，是好出色和驚喜的甜品！有興趣的朋友記得試試啊！😍😍…查看更多

一開始發現呢個餐廳係因為佢可以玩board game，其實都好特別，因為我都好少去呢類型嘅餐廳，所以搵咗晚同女朋友上去試試，點知而家由於疫情問題，所以冇board game玩，但唔緊要，因為他的食物都出色，飲品無論係佢個名，或者係杯野本身都好特別，環境嚟講，因為本身可以玩board game ，所以啲枱都好大，好闊，最後食完正餐叫埋個芝士蛋糕🍰，無論係裝盤或其食物本身都好出色，我相信唔多好甜品的朋友都可以試下！…查看更多

呢間我係上網睇到下午茶時段有得打折，好吸引到我去嘅，凈係啲點心啲賣相已經好精緻，好靚咁，所以決定同女朋友去試試，一去到，其實就起美孚地鐵站附近好近的位置，到鋪之後，首先發現鋪頭裝修好有特色，係足以俾人打卡的程度，睇得出係花過心思嘅，坐但點餐嘅時候，店員都好細心同我地講解唔同嘅點心野食可能會有唔同折扣，以免有不必要的誤會，到啲野食上桌，我同我女朋友都哇一聲，野食個真實賣相係靚嘅，食物質素都好高，特別係果個麻雀椰汁糕，真係十分驚人！🤤🤤…查看更多

我係朋友介紹去嘅，初初聽到個價錢同份量都唔信嘅，抱住試吓嘅心情去try下，咁地址都算好搵同就腳，一坐低餐廳環境唔錯，好有西餐嘅feel，地方唔大，但光顧的人多，但上菜速度都快，我同女朋友叫咗兩個意粉都食唔晒要打包，同埋啲意粉配料都好足，同埋個玫瑰雞翼都好有特色，服務方面都好好，叫中見到佢地都忙，但都好友善咁落單介紹返啲菜色特點，呢樣係要贊嘅，野飲都好有特色，有幾款好好嘅選擇，仲有季節限定，總體而言值得一試！…查看更多