cuisine_revolution的个人专页

#cassiegotaipo -肥編今日要去大埔做啲嘢，中午時段搵食見到有唔少學生哥幫襯依間逸東小館，入咗嚟試吓。主打上海菜，有我最愛嘅韭黃芽茶炒鱔糊，午市套餐$72，包前菜同飲品。平時出面食炒鱔糊都好貴，所以我覺得性價比都唔錯。炒鱔糊都好有鑊氣。🍲-另外屋企人叫咗個醉雞米線，雞肉口感嫩滑，冬天食岩哂，食完成個人暖翻哂。飲品都有好多選擇，除咗普通汽水，仲有自家製花茶、樽仔奶茶、鴨屎綠檸檬茶等等。🥤-味道評分▶️🌕🌕🌕🌕🌗 (4.5)抵食評分▶️🌕🌕🌕🌕🌗 (4.5)回購評分▶️🌕🌕🌕🌕🌗 (4.5)-➡️ 逸東小館 (大埔)📍 大埔東昌街2號地舖…查看更多

#cassiegotst -肥編今次要推介一間連韓國人都幫襯嘅韓國餐廳。餐廳位於尖沙咀韓國街附近。餐廳菜單選擇唔算多，但係啲餃子真係好吸引。肥編同朋友揀咗一款蒸餃一款煎餃，食唔停口。餃子口味都有好多款選擇，我哋最鐘意就係牛小排餃子。🐮-另外我哋仲叫咗蔘雞湯，好重嘅人蔘味，加上口感嫩滑嘅雞肉，冬天食一流，食完成個人暖翻哂。餐廳大廚係韓國人，所以食嘅期間都好多韓國人嚟光顧，大廚都強調所有食材均不含味精和防腐劑，希望顧客食到「家」的味道。🇰🇷-味道評分▶️🌕🌕🌕🌕🌗 (4.5)抵食評分▶️🌕🌕🌕🌕🌗 (4.5)回購評分▶️🌕🌕🌕🌕🌗 (4.5)-➡️ 韓屋 (尖沙咀)📍 尖沙咀金巴利道69-71A號美園大廈地舖-…查看更多

#cassiegomk -牛大人絕對係同朋友打邊爐嘅首選。平日夜晚都會坐爆哂，通常我都會提早2個星期book定位，就安全啲。今次揀咗最近新推出嘅日本黑毛和牛A4+吃到飽 ，和牛好吸引，油脂分佈平均，入口即化。除咗有日本和牛任食之外，仲有四種不同煮法嘅鮑魚，我最鍾意炭燒鹽蔥鮑魚，鮑魚好爽口，唔會好老咬唔開。👍🏿-依個套餐另外附送一個海鮮拼盤有青口，聖子，帆立貝同鮑魚，仲有澳洲和牛牛丸。飲品同小食可以出去攞，有我每日都攞嘅冷泡茶或者qr code落單，有充滿台灣特色嘅珍珠奶茶、鴨屎香檸檬茶、鹽酥雞、梅甘酥脆薯等等。成個套餐絕對係物超所值，又有2小時同朋友一邊食一邊吹水！🧋-味道評分▶️🌕🌕🌕🌕🌗 (4.5)抵食評分▶️🌕🌕🌕🌕🌗 (4.5)回購評分▶️🌕🌕🌕🌕🌗 (4.5)-➡️ 牛大人台灣火鍋吃到飽 (瓊華中心) (旺角)📍 旺角彌敦道628號瓊華中心8樓…查看更多

#cassiegotaipo -肥編每次星期六日去大埔超級城都見到依間喫茶ちょうぼ 大排長龍，今次終於抽到平日午市去試吓。餐廳裝修係日式昭和風和洋復古風，木系裝橫，打卡一流。👍🏿-首先就揀咗招牌流心蛋包飯，見到隔離枱都有叫。黃咖喱白露蟹肉蛋包飯，個黃咖喱比想像中辣，食唔到辣嘅朋友仔建議揀其他。但啲蟹肉好嫩滑，飯都唔係普通嘅白飯，係炒飯嚟，成個組合口感好豐富。🍳-另外揀咗個焦糖洋蔥鳥取和牛漢堡配薯條，薯條新鮮炸起，好香口。和牛漢堡肉味濃郁，肉汁豐富，非常推介。甜品揀咗戚風蛋糕盛合桂花烏龍布甸，個布甸好香蛋味，配埋啲脆脆同杏仁，好有特色。🍔-味道評分▶️🌕🌕🌕🌕🌗 (4.5)抵食評分▶️🌕🌕🌕🌕🌗 (4.5)回購評分▶️🌕🌕🌕🌕🌗 (4.5)-➡️ 喫茶ちょうぼ (大埔)📍 大埔安邦路8&10號大埔超級城B區2樓276號舖…查看更多

#cassiegomk -今次要推介位於油麻地近廣華醫院附近嘅嘉寶漢堡 。之前食過尖沙咀分店都覺得幾好食，今次試埋旺角分店。成間店好多人流，短短十分鐘都有十個人光顧，應該真係好好食先有咁多熟客。👍🏿-我就揀咗黑松露芝士牛堡，加埋套餐要炸燒賣同支裝飲品。漢堡即叫即整真係好食過麥當當好多，加埋套餐$77，其實都唔係貴麥當當好多。依個黑松露芝士牛堡放咗好多黑松露醬好足料。牛肉都好多肉汁好juicy。套餐小食飲品都有好多選擇，以炸物為主，新鮮炸起都好好食。🍔-味道評分▶️🌕🌕🌕🌕🌗 (4.5)抵食評分▶️🌕🌕🌕🌕🌗 (4.5)回購評分▶️🌕🌕🌕🌕🌗 (4.5)-➡️ 嘉寶漢堡 (旺角)📍 旺角廣華街1號仁安大廈地下22號舖…查看更多

#cassiegomk -今日肥編同朋友想食韓式烤肉，但唔想去啲太嘈傾唔到計嘅餐廳。朋友介紹咗依間位於旺角T.O.P商場5樓嘅柞木炭家。餐廳裝修好高檔，地方較大，坐得闊落好舒服，方便同朋友食飯傾偈。👍🏿-餐單上有得揀2人或4人餐，亦都可以散叫。我哋就散叫，叫哂我哋想食嘅嘢。首選壽喜燒和牛西冷，打卡一流。店員會裝壽喜燒醬汁倒落棉花糖度，整好醬汁之後會再煮塊和牛西冷，最後配合蛋液一齊食，口感豐富！🥩-另外仲叫咗上等牛肋骨同大蝦燒烤，肉質好嫩滑，大蝦都好新鮮。餐廳菜單上有好多選擇，唔一定食韓燒，仲有其他傳統韓食可以揀，包括炸雞或者石頭鍋飯。最後杯飲品柚子檸檬梳打水都好出色，好開胃。🇰🇷-味道評分▶️🌕🌕🌕🌕🌗 (4.5)抵食評分▶️🌕🌕🌕🌕🌗 (4.5)回購評分▶️🌕🌕🌕🌕🌗 (4.5)-➡️ 柞木炭家📍 旺角彌敦道700號T.O.P This is Our Place 5樓501號舖--…查看更多

-今日肥編去咗佐敦永安中心入貨，行街買嘢買到攰想飲啲野，見到一間好特別嘅飲品店，紹香園 X 南本草，將涼茶草本元素帶入西方咖啡，推廣無負擔嘅咖啡茶飲。睇個Menu有好多特別嘅咖啡組合，好似fusion菜咁，例如有火麻仁拿鐵、銀菊咖啡等。🥤-我就試咗個金羅漢果美式咖啡，味道其實同平時飲美式咖啡差唔多，中間帶少少羅漢果回甘味道，好潤喉，做到提神加養生嘅效果。重點係無添加糖，糖尿病患者都適合飲用，最近市面上都多左好多適合糖尿病患者嘅產品。👍🏿-另外朋友就試吓雲泡開心果堅果奶拿鐵，最近好hit開心果嘅產品，依杯飲落帶有天然的堅果香味，比較似開心果燕麥奶嘅味道。除咗飲品仲可以以半價選購紹香園烘焙小食，我哋就試咗碧根果仁塔同夏威夷堅果塔，有得即場加熱，奶香味十足，配埋果仁好有咬口。除咗新鮮一件裝，仲有紹香園盒裝購買，送俾同事食或者做手信一流。😋-味道評分▶️🌕🌕🌕🌕🌗 (4.5)抵食評分▶️🌕🌕🌕🌕🌗 (4.5)回購評分▶️🌕🌕🌕🌕🌗 (4.5)-➡️ 紹香園 X 南本草 (佐敦)📍 佐敦彌敦道345號永安九龍中心地庫FB1號舖-…查看更多

#cassiegotst -今日肥編約咗朋友係尖沙咀食飯，去咗小魚兒食雞煲。依間小魚兒肥編已經食第二次，上次食咗烤魚，今次就試吓雞煲。因為肥編同朋友都唔食得辣，所以揀咗蟲草花膠雞煲，有得選擇辣度同麻度，非常細心。🥘-雖然依家天氣較熱，但係晚市都唔少人過嚟食雞煲或者係烤魚。大家夜晚嚟食記住訂位。雞煲味道好惹味，而雞件都好高質，啖啖肉。花膠好大舊，蟲草花都好足料，食完雞煲之後又可以加湯打邊爐，餐廳有好多邊爐料選擇，例如火鍋肉片、手工丸、蔬菜等，超過60款選擇。除咗雞煲、烤魚同火鍋之外，仲有唔少串燒選擇，真係好岩同朋友聚會，邊食邊吹水。🍻-味道評分▶️🌕🌕🌕🌕🌗 (4.5)抵食評分▶️🌕🌕🌕🌕🌗 (4.5)回購評分▶️🌕🌕🌕🌕🌗 (4.5)-➡️ 小魚兒 (金馬大廈) (尖沙咀)📍 尖沙咀金馬倫道16號金馬大廈1樓--…查看更多

-今日肥編去咗荔枝角同朋友去工業大廈參加workshop，上完堂之後當然要去醫肚啦。去咗位於荔枝角同長沙灣中間，鄰近明愛醫院嘅韓國餐廳會長之間烤肉。週末午市嘅時間都見到有幾台客人食緊韓燒烤肉，好吸引，但望完個Menu見到有釜飯覺得更加吸引！🥘-釜飯系列有超過9款選擇，價錢由$78至$108左右。朋友就揀左蟹膏蟹肉石窩釜飯，肥編揀左特級牛頸脊石窩釜飯。蟹膏蟹肉好新鮮，配料仲有蝦。而牛頸脊嘅肉質都好嫩滑，好易入口。🍚-重點係因為用到石窩，所以會有飯焦，增加左個口感，撈埋一齊食好出色！另外飲品就揀左百香果梳打同柑桔檸檬汁，夏日特色飲品，解渴一流。🥤-味道評分▶️🌕🌕🌕🌕🌗 (4.5)抵食評分▶️🌕🌕🌕🌕🌗 (4.5)回購評分▶️🌕🌕🌕🌕🌗 (4.5)-➡️ 會長之家烤肉 (長沙灣)📍 長沙灣福榮街506-510號榮發閣地下A1號舖-…查看更多

#cassiegotko-今日肥編去咗將軍澳搵朋友玩，先係尚德商場翠華餐廳食個飽肚午餐。午餐系列有5款常餐選擇，包餐湯同餐飲，其中3款係鐵板系列，可以自己揀要薯菜、飯定意粉。鐵板系列就比較岩肥編同朋友，想食多啲蛋白質，少啲碳水。🥘-鐵板系列有得揀牛扒、豬扒定雞扒，肥編揀左照燒牛扒配天婦羅大蝦，肉質嫩滑，好香口，唔會咬唔到。另外配埋新出嘅手打檸檬茶系列，唔使專登再去買飲品，係翠華就飲到手打苦瓜檸檬茶，非常爽快。🥤-味道評分▶️🌕🌕🌕🌕🌗 (4.5)抵食評分▶️🌕🌕🌕🌕🌗 (4.5)回購評分▶️🌕🌕🌕🌕🌗 (4.5)-➡️ 翠華餐廳（將軍澳）📍 將軍澳唐明街2號尚德商場地下1及2號舖-OP: cuisine_revolution (Lv4)TripAdvisor: cwycassie-…查看更多

#cassiegotst-今次肥編同朋友約咗收工之後係尖沙咀係西餐。依間The Grill Room其實係肥編第3次去，頭2次都係去銅鑼灣分店。餐廳位置好方便，近尖沙咀地鐵站出口同K11商場。👍🏿-前菜揀咗北海道刺身帶子沙律，除咗帶子之外仲有啲三文魚子，食材好新鮮，簡單開胃嘅前菜，攞盤都好靚。主菜叫咗個好特別嘅煙燻香脆乳豬配焦糖菠蘿，個煙燻箱好特別，燻出嚟嘅乳豬有一陣好香濃嘅煙熏香味，一咬落去外層好酥脆，肉質軟腍，好好食。🐖-甜品叫咗個提拉米蘇同心太軟，開頭好驚會唔會太甜，食落口又ok，唔會話太甜。心太軟個朱古力蛋糕外層好香脆，配埋裏面朱古力漿，食唔停口。提拉米蘇食落質地都好柔滑柔順 。🍫-味道評分▶️🌕🌕🌕🌕🌗 (4.5)抵食評分▶️🌕🌕🌕🌕🌗 (4.5)回購評分▶️🌕🌕🌕🌕🌗 (4.5)-➡️ The Grill Room (The Humphreys)📍 尖沙咀堪富利士道6-6A號爵寓2樓-…查看更多

住粉嶺屋企附近嘅餐廳都食到七七八八，所以今次肥編去下太和廣場個邊試吓其他餐廳，試咗一間台式餐廳嘅午市任食火鍋「別忘了」，有得揀90或者120分鐘。我哋平日中午12點去到都已經幾多人，但都仲有位，去到1pm就開始要等位，都好多街坊嚟食，感覺口碑唔錯。👍🏿-今次揀咗澳洲M7牛餐，未係最貴嘅價錢，但係啲肉已經好高質素，包括有澳洲卡樂beef、鹿兒島豚梅肉、西班牙豬梅片等等，全部肉質都好嫩滑，油脂分佈平均。湯底有得揀鴛鴦鍋，可以揀兩種鍋底。我哋揀咗椰皇雙子鍋同惹味沙茶鍋。店員介紹沙茶鍋同平時嘅唔同，係用台式配方，我平時唔食沙茶鍋都覺得依個幾好食。另外個椰皇鍋好正，好重椰子味，非常推薦！🍲-除咗各種肉類之外，出面同手機落單都有好多其他食物選擇，包括熟食小食、火鍋配料、甜品、台式飲品等等。台式飲品都有成超過十種，肥編試咗兩款，珍珠奶綠同雷萌蜂蜜綠茶，味道幾好，又有得揀甜度同埋冰嘅數量，依家出面買兩杯都成$60，超值回本。😝-味道評分▶️🌕🌕🌕🌕🌗 (4.5)抵食評分▶️🌕🌕🌕🌕🌗 (4.5)回購評分▶️🌕🌕🌕🌕🌗 (4.5)-➡️ 別忘了 (太和)📍 太和大埔太和路12號太和廣場西翼2樓227號舖…查看更多

#cassiegomk -平時去深圳成日都食烤魚，但始終來回深圳都最少2小時，唔可以個個星期都去。如果突然間係香港好想食烤魚嘅話，推介大家去依間「我要烤魚」。-依間烤魚有4種味道可以選擇，我同朋友就揀咗酸辣金湯酸菜烤魚，可以同店員講想要bb辣，店員會幫手同廚房講少啲紅椒🌶️食落味道都ok，有少少辣又有啲酸，好開胃。-因為烤魚都要少少時間整，未食得烤魚之前叫咗啲串燒做前菜。燒生蠔同燒茄子都好惹味，燒生蠔開頭驚燒完會好細仔，但嚟到又ok啵。茄子燒得岩岩好，好嫩。條烤魚本身都會有啲配菜，包括金菇、豆腐卜、娃娃菜、萵荀片等等，都好抵，所以我哋剩係再叫咗少少配菜就夠啦。條鱸魚都好多魚肉，唔會好多骨，食落好方便！飲品方面，日本生啤仲做緊買一送一，抵到爛，啤酒配烤魚一流！-味道評分▶️🌕🌕🌕🌕🌗 (4.5)抵食評分▶️🌕🌕🌕🌕🌑 (4）回購評分▶️🌕🌕🌕🌕🌗 (4.5)-➡️ 陀地燒 X 我要烤魚串燒烤魚專門店 (旺角)📍 旺角通菜街1A-1L號威達商業大廈Deli2 1樓1A號舖-OP: cuisine_revolution (Lv4)TripAdvisor: cwycassie…查看更多

#cassiegomk -打邊爐或者食放題都開始食到有啲厭，想試吓啲新嘅嘢，留意到依間泰金鍋，泰式火鍋加放題形式都幾特別，肥編就同朋友過嚟試吓。我哋揀咗B餐，$268一位，包澳洲產極選肩胛牛小排同80種食物放題。首先揀湯底，有8款湯底選擇，我哋揀咗青檸椰奶雞湯鍋同泰金冬陰功鍋。2個湯底都好正好鐘意，冬陰功鍋唔係好辣，偏酸，我依啲食唔到辣嘅都食到，大家可以放心。-各種食品飲品真係有好多選擇，大家唔使驚會唔會唔岩食，反而係要驚試唔哂咁多款式。由前菜、火鍋料、熟食、醬料、甜甜等等，每樣都有好多款同埋補充得好快。-我自己最鍾意就係流水蝦同刨冰區，好少有新鮮蝦食，店家仲要好有心機整咗個流水蝦區同刨冰區，非常加分。夏日炎炎打完邊爐之後仲有刨冰食，真係好爽！依間絕對會再嚟食！-味道評分▶️🌕🌕🌕🌕🌗 (4.5)抵食評分▶️🌕🌕🌕🌕🌑 (4）回購評分▶️🌕🌕🌕🌕🌗 (4.5)-➡️ 泰金鍋 (旺角)📍 旺角彌敦道601號創興廣場6樓-OP: cuisine_revolution (Lv4)TripAdvisor: cwycassie…查看更多

依間餐廳真係好伏 大家真係要小心！首先同朋友叫咗兩個午市蒜香牛柳粒飯定食包一杯熱飲 我哋就揀咗熱蘋果茶送到嚟杯茶同熱水無乜分別 完全無蘋果味個底有幾粒蘋果粒咁 唔知想點定食包一個沙律 一碗麵豉湯個麵豉湯都係完全無味 衰過用湯包沖得個沙律正常 其他無樣掂個蒜香牛柳粒都好fail勁重味精味 食完個口好辛苦狂飲水都搞唔掂 成口味精味最好笑係埋單 間餐廳居然要收加一但唔可以收電子支付 只收現金完全無服務 但居然收加一 真係中哂伏！…查看更多