嚐出千百味的个人专页

本來諗住搵日去 "Marco's" 食鵝肝牛柳餐 , 咁啱噚晚經過 "森美" 見佢又有得賣喎 !價錢平啲又免加一 , 咁咪第一次幫嚫試吓囉 ! 結論係 "森美" 味道同樓上間 "希奇餐廳" 差唔多 , 但係價錢貴過 "希奇" 一半 , 所以下次唔嚟 "森美" 啦 !我地叫左 鵝肝牛柳餐 $148 兩個 西冷扒餐 $78前菜 : 黑魚子煙三文魚 / 田螺酥皮盒 ~ 幾好唔錯主菜 : 鵝肝拼牛柳 ~ 極失望 , 鵝肝有少少紅即係未夠熟 , 所以肉質鬆散 . 牛柳OK , 個汁就好奇怪 , 居然係牛腩汁 甜品 : 木糠布甸 ~ 好正 . 芝士餅 ~ 一般主菜 : 西泠扒 ~ 好韌 "沙樂美扒房" 價錢同佢差唔多 , 但係 "沙樂美" 質素好好多服務 : 老闆娘非常好招呼 , 好有禮貌好有好笑容 ,可惜食品味道唔值呢個價錢 , 唔好意思啦 ! 老闆娘 !…查看更多

自從上次喺觀塘 青葉 食到反胃 + 流牙血之後 (詳情睇番我嘅食評)之後都唔係好敢再食佰幾蚊嘅日式放題 :( 但今次見係朋友推价 , 所以心口再次掛起個勇字 1月4日 sun食物 : 款式都幾多吓 ! 刺身幾新鮮 , 天婦羅超正 , 什菌菇 - 和風牛肉沙律 - 吉豬飯好味 , 吉列炸物 - 蟹粥 - 尤魚鬚一般 , 總括嚟講都ok 唔錯 ! 咁嘅价錢值得嚟食 :)服務 : 可能佢生意好 , 唔憂做 , 侍應態度都幾差吓 ! 你要叫佢先會過嚟收碟 , 有時連人影都 唔見一個 ! 就算你定左枱 , 有時嚟到都要等 ! 9pm 後開始幫全場埋單 , 如呢個時候 有客 walk-in 會問對方有無定位 , 如果無定位 , 侍應會明明有枱都話無枱 優惠 : 嗰日埋單時侍應推介我地以 $100 申請張永久 VIP , 即時開始有 8折 :)…查看更多

見呢間店係基督徒經營嘅 , 咁咪支持吓囉 !重點係晚餐價錢經濟嘛 ! $38 跟湯 , 蒜蓉包 , 飲品 . 仲免加一 .羊扒唔蘇 , 啲汁可以再濃啲 ! 菜嘅沙律汁好味黑椒牛扒 , 黑椒夠香牛扒唔老 , 薯角又好食下次會再 encore 試食佢嘅 心太軟…查看更多

大蝦丸子 $28/10粒 : 隻蝦都幾大隻 , 不過味道一般啦 ! 而且由於排長龍 , 所以佢地開大火嚟燒 , 變左表面熟 , 裡面仲係濕淋淋嘅粉醬 !所以一試無妨嘅 !反而我覺得葵涌廣場嘅 日之船章魚小丸子$12/6粒 仲好食過佢 , 又平過佢 .…查看更多

蛋撻 : 好香牛油味 ! 好食過總店沙翁 : 我嘅至愛 ! 唔會油淋淋 , 好鬆軟 , 不過就總店好食啲 !黃糖糕 : 賣相幾好 , 味道一般 , 勝在唔太甜 .…查看更多

環境唔夠愉景新城好 , 但勝在味道好過嗰邊 .肉醬薯蓉 : 正 !蕃茄忌廉湯 : 唔夠茄味 ! 飲完又口渴 , 可能多味精 !肉醬辣意粉 : 我唔食得辣 , 但都食得晒碟粉 , 即係 OK 幾好 !…查看更多

照燒牛肉漢堡 :醬汁較清淡 , 塊扒好一般 , M記嘅至尊漢堡塊扒仲好食過佢 , 又平過佢 .和風牛肉漢堡 :肉醬 + 漢堡扒好野味 , 不過又係嗰塊扒 , 所以都係唔抵食 .餐飲杯熱奶茶好唔掂 , 紅茶唔夠香 , 自己再加奶都係唔似奶茶味 , 似飲水多啲 !…查看更多

12月23日每次去都必食心太軟 , 因為幾好味 .今次去就試埋甜品拼盤 , 薑餅人 .甜品拼盤有三杯甜品 : 咖啡毛士 , 燉蛋 , 麵包布甸 , 味道都唔錯 , 不過偏甜 .…查看更多

12月23日味道 :一般啦 ! 千色店隔離嗰間分店好味啲 !服務 :嗰日唔算多人 , 仲有好多枱 . 見啲侍應行嚟行去無嘢做 .但後幾次叫人埋嚟 , 幾次都睇唔到喎 :( 因為佢地掛住傾計 .後尾過度嚟態度又差 …查看更多

去過三次 , 三次都必食麻醬拌麵 .但係每次味道都唔同 , 今次去食就好多花生醬好漏 .同價錢嘅餃子一碟可以叫雙拼 , 所以試過幾種涵後 ,覺得茴香餃子最好食 , 其他都好淡味 .店內有一味叫 土豆絲 , 都幾好食架 !總括嚟講越食越一般 :)…查看更多

UnoUno 係由工廠大廈內嘅一個單位改建成食店 , 上一層樓梯就到裡面地方睇落唔算大 , 但係可以俾人包場開 party :)咁啱我去嗰晚就有約三十人包左半邊場 , 成班年輕人玩到過晒位 :(嘈到其他人都傾唔到計 , 枱枱客人講嘢都要鬥大聲 , 仲嘈過街市 / 茶樓 UnoUno 大字標題寫 $88 任點任食好似有啲取巧 , 情況其實係 ... 一個晚餐主菜定價由 $88 起 , 然後什菜湯 , 蒜容包 , 檸檬茶 , 幾款沙律 , 多款甜品任食即係話 UnoUno 係半自助餐廳囉 , 千祈唔好以為 $88 食 buffet 呀 整體味道 OK ! 呢個價錢食得過架 ! 尤其係鍾意食甜品嘅人 :)…查看更多

因電視節目蔡生介紹 , 所以認識土耳其雪糕 .有得試食 , 你可以揀啱先買 . 羊奶 + 蘭莖粉做嘅雪糕 , 黏黏地又唔會蘇 , 幾得意 .至於味道無乜特別 , 都係生果味 & 果仁味 ...如果可以淡少少就最好喇 ! 事關好甜 !一個人食單球就啱啱好 , 食雙球會好流 !雪糕仲可加配生果粒 , 果汁 或糖漿 , 又另一味道 .單球 $28雙球 $45三球 $52…查看更多

星期一至四每位 $158 , 7pm前入座九折 , DBS 再有折星期五六日每位 $168 , 7pm前入座九折真係一分錢一分貨 , 咁嘅價錢食 任食餐 , 你真係要有心理準備 :(全部食物個賣相都好正 , 可惜一入口就知真相 ...炸物 / 天婦羅 : 炸多春魚個皮好硬 , 炸蠔粒蠔肉細到 ... 食蕃薯 / 茄子天婦羅最穩陣刺生 / 壽司 / 小食 :希靈魚 , 三文魚 , 吞拿魚可接受 , 其他好腥鰻魚壽司難食, 卷物OK , 蟹子沙律OK燒物 : 串燒雞軟骨好蘇好腥一品料理 : 牛肉火煱啲牛肉蘇到入唔到口 , 啲湯係清水味湯麵飯 : 牛肉鳥冬唔使多講梗係唔得啦 ! 飲品 : 清水 + 藥水味 , 所以飲茶好過甜品 : 食過以上嘅野 , 諗住食豆沙煎堆仔安慰吓啦 ! 點知啲煎堆硬到掟死狗 , 仲食到流牙血 唉 .... 都唔想再講落去 :( 你地自己去試吓啦 ! 就知我有無誇張 !…查看更多

味道無以前舊舖咁好食囉 ! 但係以中環地區 , 佢勝在價錢夠經濟 :)新舖搬左去街市巷仔裡面 , 唔顯眼比較難搵 !…查看更多

花生豆腐 : 好特別 , 有D花生味 , 沾D冷麵汁好味 ! 口感咬落似食灼蛋白 , 總之唔似食豆腐啦 !海葡萄 : 必食 ! 事關好好味 ! 記得要沾D柚子醋 . 口感似蟹子一粒粒卜卜聲 !黑豚肋骨 : 黑豚(黑豬)味道普通肉質韌 , 反而件紅 / 白蘿蔔索晒D湯汁勁好味 !朝日啤酒 : 好易入口 , 啱晒唔多飲酒嘅女士 !刺身拼盤 : 吞拿魚赤身 - 好食過其他地方 ! 鮮帶子用片檸檬放底倍感清新 ! 其他嘅刺身好普通 ! $380 就真係唔抵食 !海鮮火煱 : 呢個仲貴 $ 480 ! 材料就係咁 .... 嗰三隻蝦仲係梅添 ! 唉 !綠茶雪糕 & 鹽雪糕 : 好普通 , 唔夠牛奶香味…查看更多