apmjqhmys6w8的个人专页

原本食樓上，但樓上服務太差！雖然臨時轉場，但有驚喜！！呢間識做生意，職員有禮貌，客人有要求都盡量安排，咁先留到客人架嘛，食物又好好食！熱食/刺生都好新鮮好好味😋。乳鴿好juice!!刺生好新鮮！煎烤鵝肝好正！甜品款式多，牛奶布甸好正，又有清酒飲，呢間值得一試，試完再試😋😋😋😋淨係食個服務都抵食，仲要物超所值！不單止服務好，食物都超級好食！好抵讚👍🏼👍🏼👍🏼👍🏼👍🏼👍🏼…查看更多

未見過啲服務態度咁差。完全唔在意你食唔食咁，book咗枱去食，一開始就俾咗張超細枱我哋，我會形容嗰張枱理應係一個人坐，職員唔留意下客人拎得多野衡量俾咩size嘅枱，同朋友拎得多野想坐舒服少少，望到有細卡位，要求坐個啲，帶位唔俾轉，叫個客自己問門口職員，ok我行去問，我已經講明係轉邊張枱，講堆好無理嘅理由話係四人座位？話我得兩個人係坐咁細張？我望張枱都已經set up兩份餐具，前後隔離嘅卡位一樣size但都係各兩個人食嘢，點解人哋得我又唔得呢？成場咁多位又唔full，近過半場都吉嘅，客人要求都唔俾轉！完全唔在意你食唔食！掂啦咁嘅態度食得💩 即刻走落去一樓，寧願食第二間，人哋態度即刻型成天與地嘅對比！問有冇卡位人哋即刻話無問題，人哋都識講未滿可以揀位，人哋門口個職員咪識做生意囉！難聽講句，我會介紹啲人食樓下 一樓，都唔好食五樓！俾錢無服務執得啦你，難怪話香港咁多舖頭執笠，服務態度咁差，又唔平，真係貼錢買難受，有一定嘅價錢，就唔該俾返啲服務態度啦！唔怪得啲香港人都唔留香港食，又貴！又無服務！搵鬼食！…查看更多