玩食家的个人专页

睇到食評見幾好，節日都仲可以訂位，唸住試下，點知中伏… 特色下午茶，全場有5-6檯訂位，佢係等齊全場先一次過上菜，d食物上台係凍嘅。最唔得係只蝦：霉嘅😓 d甜品算係所有嘢裡面最好，不過都唔好期望過高，任何一間西餅店都做得好過佢😆景色… 直望住獅子山and東鐵鐵路，不過塊玻璃唔乾淨，而且玻璃唔係全幅過，d駁口位大煞風景。周圍d建築都唔靚，所以其實真心唔係靚景🤪至於服務，前台小姐非常有禮貌👍🏻 從確認訂單、到帶位、到落單、到幫手上菜、最後到埋單都好好態度。不過… 如上所述，所有嘢佢都要做，即係說明人手嚴重不足啦🤣 坐低點完（其實只係確認飲乜）等咗半粒鐘d嘢飲先上到。我絕對有理由相信之前d食評係槍手來㗎囉😆😆…查看更多

揀呢度係貪佢可以訂位。環境安靜（可能因為唔平所以人唔多）。點心出品唔錯，古法粉果係近年食過最佳，皮薄餡靚😋不過腸粉同酸菜魚就完全唔掂。👎🏻腸粉皮好削（粉皮唔成型，一夾就散曬），牛肉切到好碎，冇乜味。酸菜魚連半粒椒都無落（無論辣椒、麻椒、胡椒乜都唔見）而且太酸，魚亦唔夠滑。全盤魚只撈到手指咁大條粉皮，都唔知係咪鍋底痴到🤣🤣$448真係唔掂。服務品質就好好，落單圈錯咗水煮魚，15分鐘後發覺通知部長都仲改到俾我，真係要👍🏻食環境係ok，一分錢 一分貨。星期一至五早市（12點前埋單）有85折。…查看更多

唔會再去有幾個原因，最主要唔係d嘢好唔好食（雖然都真係唔好食），主要係餐廳嘅待客態度：點兩個lunch set跟嘢飲，另外一個正餐，嘢飲單點，我地兩杯凍啡一罐可樂，凍咖啡$24/杯，可樂$14，落單嘅姐姐唔醒目，將可樂同凍啡跟餐，單點凍啡+$24我就同姐姐講，你兩杯凍啡跟餐，可樂單點我咪唔駛俾咁多… 姐姐走去叫人改單，轉頭返黎話「唔好意思吖，其實你改唔改都一樣，因為可樂單點都係$24」先唔講我記得見過餐牌寫住可樂$14，我心諗你間咩餐廳夠膽收$24一罐可樂？我去隔離檯拿份餐牌，可樂明明就係$14，再搵阿姐講… 死死地氣改返俾我，唔好意思都冇句… 今時今日咁嘅服務態度，必須讓大眾市民知道啦最後講下d嘢食：燒牛肉撈檬，d牛肉完全唔係燒係煮，濕立立，所以d檬粉撈幾多魚露都冇未個$108火車頭，上檯嗰一刻我覺得係響隔離香港仔魚蛋粉order個八寶河加幾條金不換就拿過來，完全唔係火車頭…查看更多

第一次幫襯，d位好窄（茶餐廳feel），個餐牌好多選擇，揀咗兩樣特色嘢➕幾樣普通嘢試試特色之一：蝦多士，唔油，個沙律醬好食，不過麵包太厚，唔脆，冇多士feel… 傳統蝦多士好食d特色之二：紅豆冰奶茶，奶茶好飲，紅豆好棉，不過舊雪成冰塊的紅豆冰有d多餘，阻住筆底下d紅豆添普通嘢之一：餐蛋治，正常，冇驚喜冇投訴普通嘢之二：鹹魚雞粒炒飯，雞肉多、飯少，鹹魚有炸香，算ok普通嘢之三：凍啡，最唔掂，咖啡帶酸總體來講都算OK，價錢係奧海城入面餐廳收費（合理，畢竟唔係街邊茶餐廳），下次可以再試其他嘢…查看更多

如果再去一定叫A la carte，因為set除咗冇跟麵包，配嘅沙律或湯&茶啡質素都麻麻，set比A la carte多出成百蚊，性價比低。逐樣點評：📌檯好密，所以都幾吵🙈📌頭盤沙律係「假凱撒」因為冇麵包粒😂📌南瓜湯太甜🙈📌冇麵包籃，西餐來講係敗筆👎🏼📌薯條新鮮，份量夠👍🏻📌牛扒靚、燒得都啱啱好👍🏻📌咖啡好苦好苦，普通咖啡飲出espresso嘅感覺，要request先俾奶，啡糖有跟一粒上📌檸茶檸水茶餐廳質素，糖水另上📌上菜速度一般般，飲完湯等10幾分鐘先上扒整體來講，想食扒可以再幫襯，不過一定會單點…查看更多

懷念台灣小吃，上網查到呢間咁多好評，就來朝聖… 📌d檯密到行都驚掃跌人嘅食物📌牛肉麵牛肉多到食唔曬🤣🤣所以menu有得揀「少肉」，人地第一次來唔知嘛，下次必須少肉囉🤣🤣📌黑糖珍珠奶茶，如果條飲筒粗返dd會和諧d，下下嘬唔到好掹憎🙈📌鹽酥雞、花枝丸… 只能講不過不失📌香腸，太乾📌冬瓜茶，淡到呢… 📌梅子綠茶（佢唔係叫呢個名，不過我冇相機先食嘅習慣，所以唔記得佢叫乜）太鹹，冇茶味📌肉鬆蛋餅，太太太多肉鬆，各人覺得唔好食整體來講，我覺得鐵x好食d… …查看更多

失望至極！回想第一次打算幫襯係週末中午，餐廳空空如也，但係因為冇訂位，waitress叫我地等… 梗係走人啦。今次係book咗位前往，見到個menu已經好失望，食物選擇少（亦可能係因為唔啱食）我地全部點熱門且安全嘅菜色：黃金海膽意粉、卡邦尼意粉、凱撒沙律、辣肉腸芝士pizza、和牛肉丸，全部鹹到暈！冇錯，連個沙律都鹹到死🤪🤪 意粉又硬又杰撻撻，海膽意粉完全冇海膽味… 個pizza係現做，不過師傅功力太弱，個餅底好韌… 和牛肉丸未食過咁鞋😞😞唯一唔需要差評係個提拉米蘇，叫做不過不失，但係都絕對唔會因為佢而再次幫襯。…查看更多

堅失望！之前來過幾次都唔係咁嘅，係咪易咗主，點解食物質素、價錢、服務都同前幾次食完全唔同！因為之前來過，入門見到個殼仲係咁，都冇留意waitress已經轉曬人，諗住呢行換人好平常... 坐低見到個menu有得揀「放題」都覺得瀨瀨地嘢，正常質素好嘅韓燒唔會做放題🤔佢個放題仲要得45分鐘... 搞笑唔幽默啦！我地冇order放題，食返之前點開嘅全牛套餐，價錢貴咗，圖片一樣，以為經營成本增加加價好正常，冇諗過有詐...一路點嘢一路覺得所有嘢都同之前唔同：1️⃣冇水或者熱茶供應，要飲請俾錢買樽裝水或飲料！熱茶$20/位，飲唔飲都照人頭收😒2️⃣可樂盛惠$20/罐！3️⃣6個人只serve一set Kimchi等小食，每人冇一件... 仲要冇得免費refill，要➕錢先有第二輪！呢下真係O嘴，韓國燒肉店冇得追加小食我都算係第一次聽！4️⃣原本有嘅芝士粟米邊（mapo特色來啊！）完全冇出現過🤨以上都算了，價錢嘅嘢你情我願，當我一廂情願冇留意餐牌唔知你偷偷轉咗規矩... 我覺得最離譜嘅係5️⃣6人套餐中嘅西冷扒，得4小件... 大佬，你寫住六人套餐，切細舊d都片開6件吖... 我諗係因為已經細件到無可再細🤦🏻‍♀️6️⃣4個大人（絕非大食）+2個細路，點6人餐+一份牛舌+3碗白飯，居然全部人都只係半飽，你話份量係咪多到你唔信？Waitress又係極品，上菜唔俾碗唔俾碟，問佢拿都等超耐先拿來！➕完錢refill Kimchi小食，逐d拿來... 其實咁做會有回頭客嗎？定尖沙嘴店宜家打算加入「殺遊客，做一輪就算」以後都唔駛來啦～～…查看更多

iSquare 3樓，睇個名以為台灣嘢，點知中伏！最簡單最難失手嘅珍珠奶茶，居然係冇味嘅，奶茶冇茶味、珍珠亦冇味，好似食粉團咁... 叫鹵水鴨舌，48蚊要+1，得5只，仲要係苦嘅... 麻薯窩夫都係帶苦味... 拌碟的核桃、榛子也是「益」同苦嘅，天啊～～～究竟呢間嘢係咪撈亂咗鹽同糖，d咁難整得難食嘅嘢都整到咁嘅質素最唔like係d員工個個黑口黑面，今時今日咁嘅食物質素+咁嘅服務態度，我一定唔會再返來幫襯囉…查看更多

聖誕夜唔駛等位，都應該sense到有唔妥... 上環嗰間食個好多次，好食所以就照入座。點知真係唔掂，Taco係凍嘅，舊beer battered 得半舊，都算了，fish finger腥到食唔到，薯條居然冇ketchup，問佢拿仲好似好驚訝咁（麥當勞食薯條都有茄汁啦，唔係啊哇）間店都冇乜客人，waitress仲掛住響open kitchen食薯條唔落單，叫加杯嘢飲食完都未來... 完全唔係路。估唔到尖沙嘴分店差咁遠... 唔會再幫襯尖沙嘴分店囉…查看更多

如果唔係搬來附近，我諗要搵豆漿粢飯做早餐都幾難。呢度d粢飯同我以前食嘅有d唔同，佢用脆脆肉鬆，即係橙紅色嗰只，又出奇地夾味啵。建議order熱豆漿，因為凍豆漿好細杯好味早餐27蚊（粢飯18+豆漿9）都算抵食…查看更多

行過諗住食個tea，見佢冷氣夠就坐低試試。唉！今時今日咁嘅餐廳真係唔明點吸引人再返來d嘢唔難食嘅，不過好食都冇佢份。下午茶餐炸雞髀，只雞髀可以係冇味嘅連點薯條嘅茄汁都係淡而無味味菜牛柳絲炒麵，味菜又係冇曬味都幾難估佢點可以煮成咁最有誠意杯雜果濱治，有加利賓納，比起齋落7喜或者糖漿要好味。唔會再來囉…查看更多

真係完全唔掂，通常唔好食都算，從來未試過咁有衝動要專程登記做會員為咗寫食評 :( :( ！真心唔希望再有其它人被「昆」來食呢間嘢！我今晚2千幾蚊點只3斤幾龍蝦（上湯伊麵底），全台人都話未食過咁難食😖😖龍蝦乾到「韌」但係d伊麵「水浸」咁，而且無論d龍蝦又好，d伊麵又好，全部都冇味😓😓完全ruin咗只龍蝦 ！枉佢自稱漢堡集團😏😏最離譜係我已經點好曬餸（7個大人兩個小朋友，點咗7個小菜、1個炒飯+3斤幾龍蝦伊麵底），部長仲行埋來話「新鮮燒起只燒鵝好靚，要唔要返半隻？」（心諗，你冇嘢啊？半隻點食得曬吖？）不過新鮮燒起，難得，要個例牌啦... 結果，新鮮燒起嘅燒鵝，等咗一個鐘頭都未上到台囉🙄🙄🙄！只燒鵝又「鞋」又「韌」，衰過茶餐廳 仲有，叫個一魚兩食，其中一食我食埋甜品都未上（話說已經食咗個半鐘有多）我話唔來就取消佢買單，個部長居然叫我再等等，就得😒😒 大佬，我食完甜品喇，點返轉頭食魚吖😞😞😞order龍蝦嗰時，個個好殷勤招呼㗎，跟住成餐飯，普普通通啦，上菜慢d，都唔算離譜嘅。不過一話取消個上來上去上唔到嘅菜，個個黑面囉😤😤今時今日咁嘅服務態度，唔係吖哇 最後講埋環境同衛生，個Layout好古怪，間嘢係全層，不過冇大堂位，一出電梯就係餐台，d人食完等電梯走就企喺你張台隔離囉... 🤔🤔🤔埋位慣手勢先用滾水淥下d餐具啦，其中有一隻碗仲痴住條伊麵囉😑😑😑d所謂招牌菜，個紫薯牛柳，d牛肉「那」得好犀利，冇乜牛肉味，仲有d配菜有少少「叔」味嘅🙊🙊 個南乳雜菜煲就完全冇南乳味囉😐😐 其他小菜都係非常一般... 如果一定要講一樣可取，個椰王燉奶係做得唔錯嘅😋不過唔至於為咗個甜品再來囉，因為話唔錯，同d好食嘅糖水舖比，佢又未至於優勝過人😆😆😆…查看更多