or#Tm65493016的个人专页

呢兩日涼返，想食個雞煲，見又有串燒，價錢又抵食，食評又好，40比0, 入去一試。有2位服務員同食客一齊飲酒傾計玩骰盅，都唔知叫唔叫佢落單好，唔叫佢又唔主動幫手，叫佢又好似阻佢同朋友飲酒玩骰盅。叫左半隻雞煲，肥牛一碟，串燒牛舌，雞翼，白飯一碗。等左20分鐘乜都未上檯。見到雞煲到左，唔上餐，繼續飲酒吹水。忍唔住催單，拎個爐又唔上雞煲，牛舌上檯已唔熱，白飯又無上，原來間舖無晒白飯，去隔離舖拎，真係甩漏多。最嬲係叫左碟$98既肥牛，得幾塊，無牛味，超市買仲靚過延，仲要最後上檯，未解凍，冰左黏住響碟，即係一早切定放雪櫃，咁點解遲遲未上檯。你話嬲唔嬲。…查看更多

好地地一碟沙爹肥牛炒銀針粉，炒到無色無水。食落無乜沙嗲味，加上不夠乾身，不了不了，淡而無味，鑊氣不足。其他翠河分店食物質素，未知是否一樣。過去該店開張，賣相和味道，真係不錯，而且大排長龍，現在都水靜鵝飛了。…查看更多

去開果邊行過見到d 擺設幾地道，似正宗泰國菜。睇睇menu, 價錢還可以，款式種類都算好齊，就試試佢，叫左燒豬頸肉同紅咖哩雞外賣自取。當時5:50pm, 員工話要等耐d 因為6:00 廚房師傅先返，6:10就已經拎到，算快。半個鐘之後先食，豬頸肉仲好香好脆口，紅咖哩雞d 汁好椰香。份量都合理，可以再encore. 惟一唔係住果頭，去開一定會再幫襯。…查看更多

叫左 辣豬肉炒飯外賣。一打開 有蛋 有紫菜 同飯。又幾香，諗住夾舊辣豬肉食。d 辣豬肉呢？？頂！無既！$68??? 憑咩。。。呃錢。。。仲未計運費。成盒飯 只係得一塊$5銀都大過佢既肉。仲有d 下欄咁既肉碎，得幾粒。係咪肉同飯分開載起左丫咁正先？問下同事有冇拎錯左。無喎！真係無喎，辣豬肉炒飯得一舊辣豬肉？無野丫！擺明偷工減料，搏外賣人地唔返轉頭投訴。d 辣豬肉放多幾塊值幾錢啫！依家一文不做！呢間店d 營運手法真係rubbish. 唔會再有下次，…查看更多

疫情下想lunch time 搵雞煲食，好多都2:00後先開，呢間12:30就有得食。仲有配料半價，叫左牛小排，半價左都係$160,份量又ok 喎，2個人食真係好足夠重點係雞煲，叫左半隻雞，份量合理，有肉有骨有翼有腳，唔似d 低質店求奇比d 頭頭尾尾。店員有禮貌，反應快。果日坐窗口位，23樓望落街真係幾唔錯。食得開心。…查看更多

Lunch time 去食，入到去睇下張menu, 侍應話「無鮑魚雞煲，因為鮑魚無入貨」。鮑魚雞煲做招牌無鮑魚。最後叫左半隻雞麻辣雞煲。上到檯，賣相都可接受。但d 雞既量就少得好交關，又多骨，雞背雞尾無雞腳無雞翼，舊舊都無肉咁滯。疫情生意唔好，慳成本都唔係咁做生意，差不多$300食骨頭，又多碎骨。性價比好低。。。無下次！…查看更多

晚上１０點多，去到門口有２個伙記話可以入座，有得食。入到去個女待應話：我地ｌａｓｔ　ｏｒｄｅｒ左﹗見你坐低左咋﹗１１點ｃｌｏｓｅ架啦﹗你鍾意坐你就坐啦﹗擺明唔想做，態度惡劣。周圍有其他食店，大把選擇，唔洗受佢氣，未食都知唔掂。…查看更多