Aurora523的个人专页

好少真係要寫食評讚下！呢間真係北區少有嘅正統西餐！試咗好幾次，個risotto真係做到米芯7成熟度啱啱好，冇出面其他西餐咁重cream味，可以直程話冇cream，食落口感唔厚重，好乾爽！食咗兩次南瓜蟹肉比目魚飯，比目魚夠新鮮，外皮夠酥脆、肉汁鮮嫩，配埋個南瓜汁好match！蒜香蜆肉露荀意粉同茄汁bb帶子意粉，都幾值得一試，意粉好煙韌，蘆筍好新鮮，意粉夠乾爽第一次飲青檸梳打有少少偏酸，但係試多幾次係呢間食之後，青檸梳打有做返個甜度balance返然後，真係食得出冇落味精，食完唔口渴，唔使灌水飲😂😂😂冇用調味料揦肉，所以啲肉唔會實，呢一點真係好respect🫡最後，服務態度好好，侍應好有禮貌，我覺得淨係呢點都好抵讚，更何況食咗幾次個水準都保持得好好，真係真心推薦！…查看更多

首先，服務態度一般。男侍應口齒不清完全聽唔明佢講嘢。女侍應帶位帶到一半，走去比餐牌第二台，比指示極度唔清晰。然後，Menu選擇唔多，如果食甜品的話還好，但係鹹點真係唔多，尤其係飯只有一款。再者，個飯好難食。叫咗個日式炒麵炒飯，份量好少，就係炒麵剪碎佢再撈埋啲飯，再加隻煎蛋，個燒汁la喉。最後，去到個burger，側邊啲菜極度唔新鮮，明顯就嚟爛，塊肉似係素牛肉咁冇肉冇汁。題外話：佢比杯水好似Filter唔乾淨咁，有浸水杯唔乾淨嘅味，今次淨係食咗佢啲鹹點，唔知甜品好唔好食，但係真係下次唔會再去食。…查看更多