emilycat的個人專頁

路過土瓜灣這間不起眼的懷舊小食店，門面簡單不起眼買了一件豆沙茶果試試，$6/1件，$11/2件出乎意料的超級煙靭美味，又不會太甜下次會再試埋其他，例如芝麻卷、白糖糕、其他口味的茶果😋…查看更多

女女星期六喺石門學跳舞，想起之前食過呢間海鮮火鍋嘅外賣送貨，食材好新鮮，即興就嚟咗晚飯。星期六晚六點幾，仲驚住冇book枱會冇位，點知居然冇乜人⋯⋯我哋兩大一細，叫咗二人份的海鮮火鍋餐，另外再加咗個女女鍾意食嘅菜心 (女女細食)隻蟹好新鮮、爆多膏，樣樣海鮮都好好味！女女最鍾意食蜆同蝦，爭住幫手放啲蜆落窩食唔晒嘅蟹膏、蟹腳煮熟之後自己起肉、蝦頭由得佢滾，做埋粥底食完火鍋，職員加個南瓜粒飯底落去，煮成海鮮粥，最後居然成窩食得晒叫埋支冰凍可樂，樽裝好似特別夠氣…查看更多

外賣「水餃、牛雜米走牛蒡」、凍咖啡返到屋企打開，發現變咗「走牛肚」老公知我最鍾意食牛肚(點知一件都冇)，屋企又冇人食牛蒡，於是膽粗粗拎返兩件牛蒡落樓，睇吓可唔可以換 (求生慾好強)店員話佢聽到「走牛肚」，但仍然禮貌幫我哋換，感激！講返食物：～牛什(特別係牛肚)好好味～牛腸爽滑冇渣～水餃好新鮮足料～有條菜～凍咖啡好飲之前喺呢間小店買過魚蛋粉、墨丸河都好味(傳統潮州粉麵味道)點知牛什、水餃更加出色！搬咗嚟馬鞍山之後，發覺原來好多好嘢食…查看更多

嚟到又一城唔知食乜好，OpenRice 一吓，就嚟咗呢間喺戲院門口/ 溜冰場隔離嘅餐廳店員安排座位，喺近大堂嘅開放式座椅二人平排坐，面向玻璃欄杆/ 樓下咖啡店，感覺頗輕鬆舒適太多野想食，怕眼闊肚窄，更怕居然食得晒變肥仔先嚟意式肉丸，番茄醬入口濃郁蕃茄味肉丸保持肉汁 Parma ham 火箭菜Pizza呢個要趁熱食！好味！火箭菜，食得出好新鮮甘香 最尾兩塊攤凍後，餅底有啲韌唔記得個意粉叫咩名(好似松露油？野菌意粉？)醬汁香濃，意粉好好咬口👍🏻當晚最印象深刻，係呢件Tiramisu 連唔太好甜品嘅老公，都同我爭住食…查看更多

呢兩日天氣涼返少少，心血來潮，想食打邊爐用app book枱，做緊半價優惠以試吓無妨嘅心態，一邊搭地鐵一邊㯲app旺角地鐵站B2出口，行去街市/花園街方向轉個彎就到店員姨姨講解：除咗海鮮、串燒同飲品之外，所有食品都係半價佢熱情推介海鮮鍋， around $390 (店員話呢個價錢接近半價)。我見食評推介椰子雞窩，只好婉拒店員姨姨的推介湯底～ 一打開窩蓋，係清甜嘅椰青味滾起後即刻試飲，非常清香，有好多新鮮椰子肉，仲要去殼去得好乾淨！店員走來幫忙，建議放雞肉滾起後再喝，湯會更濃郁！果然冇介紹錯雞肉多肉又滑，啱晒懶人老公(佢好評啲雞肉唔嚡)另外叫咗：～ 韭菜水餃 (皮薄、韭菜新鮮香甜)～ 皇帝菜 (配椰子雞湯，片走啲油再落菜)～ 芝心牛丸 (牛丸有牛味、芝心係大大啖芝士)～ 墨魚丸 (ok)接近尾聲，炸響鈴終於出場(我哋爭啲唔記得佢)係咁意浸一浸湯就食得！炸得剛剛好，裏面有紫菜，難得完全冇油益味 (食落甜甜地，似係落咗糖？ 但又幾好味喎)最後連湯都飲埋如果有機會，下次再試埋海鮮鍋:)留意：只收現金…查看更多

夜咗放工，乘地鐵在旺角跟老公會合。用手機訂枱實在太方便了邊乘地鐵，邊用app找餐廳、訂枱，預啱時間，去到餐廳已經可以入座，不用等位地鐵站B2出口，行幾分鐘已經到。餐廳在大廈頂樓，幸運地被安排坐在窗口位 環境舒適，枱同枱之間不會太近。是日餐湯 — 周打蜆湯加入青紅椒，不是我杯茶😅 味道清淡有鮮味，老公話唔錯牛扒(七成熟)，非常香口但又保持肉汁，好味！伴碟的薯蓉，有奶/忌廉香，口感柔滑超級有禮貌的店員妹妹，介紹吃這個手卷意粉。少少辣又惹味，意粉有咬口(好有鑊氣的感覺)甜品心太軟+雲呢拿雪糕暖暖的，朱古力味非常香濃！配香滑的雪糕，perfect…查看更多

今晚老公夜咗放工，搵個中間地點 - 旺角，一齊晚飯 (咁夜食應該叫做宵夜先啱)。OpenRice 見呢間日本菜收2am，而且熱食、壽司、小食都好似唔錯，11pm 搵定位 order 定嘢食等。旺角地鐵站E1出口，朗豪坊對面，KFC樓上就係。食完搭車走都好方便！凍凍地唔想食生冷野，於是叫嘅全部都係熱食親子丼(滑蛋雞肉飯)餸同飯嘅比例差不多1:2，蛋同雞肉都滑，最鍾意夠肉汁同夠熱大阪燒為咗減輕夜食飯嘅罪疚咁，叫咗少醬。味道剛剛好燒多春魚(一客四條）燒得夠香又唔燶，趁熱食好好味。如果乾身少少會更好。串燒冬菇估計冇落調味料，但燒得啱啱好，菇味OK又唔會太乾。舒舒服服食完，仲可以慢慢行去搭火車(唔使趕尾班車)。…查看更多

第2次嚟呢度食韓式烤雞 第一次同朋友食，叫咗有骨嘅烤雞，醬汁酸酸甜甜，非常好味。今次路過encore~見餐牌有新出嘅蜜糖香滑烤雞，叫咗「冇骨」嘅。非常有驚喜！雞肉如其名，又香又滑，仲要非常夠熱。雞皮烤到香脆，充滿蜜糖焦香。冇骨啖啖肉，啱晒唔鍾意「倫」骨嘅懶人老公海鮮煎餅，非常足料！印象最深係魷魚好新鮮爽口，煎餅香香脆脆再飲埋杯芒果沙冰一個人飲晒一杯太邪惡，同老公兩份飲，啱啱好埋單時，店員送咗個好可愛嘅公仔儲物袋 啱哂囡囡，新年用嚟𢭃利市…查看更多

芝麻街50周年，旺角家樂坊、雅蘭都有芝麻街嘅佈置。呢一日下午仲有芝麻街嘅角色出嚟影相！為咗帶2歲囡囡搵佢最鍾意嘅Elmo，1家3口book 咗枱12點午飯，食飽飽去影相。入座時大概坐咗1/5，食物係OK嘅。店員服務都好好，因囡囡細，店員都有講解返邊啲食物會辣。直到叫餐飲，問題就嚟啦⋯⋯唔知關唔關芝麻街活動事，食到一半，餐廳忽然好多人，滿座 但人手得3個後生仔女。帶位、落單、沖飲品、上菜、埋單、執枱一腳踢。見到清潔嬸嬸都有出埋嚟幫手執枱。但可能餐廳新開未有經驗，眼見佢哋上菜托盤都無，飲品要逐杯逐杯拎，不停走來走去真係見到都替佢哋覺得辛苦餐飲叫咗2杯cappuccino，等左超過30分鐘。見店員咁忙，本身都唔想催⋯⋯ 但眼見遲我哋好多嘅人客都上飲品，而囡囡等到冇哂耐性 只好催單雖然店員工作超忙，仲可以維持到禮貌，不得不讚另外杯咖啡好好味臨走忍唔住讚一讚沖咖啡嘅哥哥仔！希望佢地老闆快啲請人啦…查看更多

尖東P3出口，在鹿鳴春對面馬路，根據食評的提示在AVA酒店旁邊。地點果然隱密 室外的氣氛好好，微寒天氣下仲有暖爐！可惜頂唔住隔離枱的二手煙，唯有調返入室內。星期三晚上九點，坐了大約一半的客人。環境舒適。螢幕不停播着K pop video。食物係喺韓國食到嘅味道飯卷因為好友唔食牛，叫了吞拿魚。淡淡紫蘇葉嘅香氣，好味！排骨餃子order後，店員告知原來係牛。太想食所以照叫 餃子皮煙煙韌韌，肉味好香！泡菜吞拿魚煎餅，滿口泡菜非常足料！食唔出吞拿魚，當泡菜煎餅食，煎得香口+爽脆泡菜韓國炸醬麵，豉油汁甜甜地配上煙韌嘅麵，係韓國食到嘅味道期待下次再嚟，食埋佢嘅燒肉…查看更多

以前厚福街有間超好味嘅雲吞麵，雲吞大大粒，蝦肉新鮮彈牙😋 幾年前結業後，以為從此食唔番咁好味嘅雲吞⋯無意中見到營養師分享，原來當年嘅麵店搬咗嚟赫德道😍 急不及待，第二日即刻嚟食！鮮蝦雲吞依然好味，牛肉口感啱啱好，麵爽口👍🏻 下次嚟會記住走油😅…查看更多

本身好鍾意媽咪雞蛋仔嘅夾餅同雞蛋仔，外脆內軟又熱辣辣！紅磡店未搬前成日買來食😋點知最近兩次喺尖沙咀店嘅夾餅，都好失望，唔會再試⋯個幾月前，個夾餅係燶嘅⋯黑到仲以為出咗朱古力味😑同收銀姐姐講，佢即時掉咗換過一件俾我，仲話整夾餅嗰個店員，點可以畀件咁燶畀客人。換咗嗰件有水準，好味！星期四6pm左右，咁岩路過，梗係買夾餅啦！門口已經企滿俾咗錢等拎嘢食嘅人。等左15分鐘，滿心歡喜拎住個夾餅，點知⋯平心而論，今次冇上次咁燶啦！但係凍嘅⋯硬嘅⋯乾嘅⋯就連裏面嘅牛油都係凍嘅一pat⋯我等左個夾餅15分鐘，但我估個夾餅已經等左我起碼60分鐘⋯好有衝動想同收銀姐姐講但係⋯唔想浪費食物算啦⋯當＄20買個教訓，唔會再喺尖沙咀店買夾餅或者下次去返紅磡店至好買🤔…查看更多

開左戶咁耐都冇寫食評今日同男友講我地咁鍾意呢度個炒蛋同奶茶不如寫啦點知佢話:你唔驚佢紅左你黎食要排隊呀?又係wor...夜晚上黎open rice睇下居然有成廿個食評wor!望望下...居然有一讚一鬧o既食評都唔係呢間茶餐廳ga事關相中d杯碟...仲有枱都唔同樣ga (呢度o既碗碟係屋村茶餐廳o既淨色膠碟)可能係個名普通撞名?!anyway呢間35年o既茶餐廳佢開o個陣我未出世,不過真係睇住我大除左杯奶茶同奄列都好好味之外呢度份人情味外都係留住人客o既主要原因呢^__^…查看更多

今晚同男友食完個唔飽o既打邊爐路過山林道見到呢間之前想食但驚食唔飽o既夜燒店員一再強調佢地o既強項係燒海鮮於是就冇叫本來想食o既雞翼,羊架,豬頸肉改叫燒聖子王,燒白鱔,同燒冬菇燒冬菇 - 同一般o既燒冬菇冇咩分別,個汁幾好味咁啦燒白鱔 - 呢個超級好味!! 連怕骨怕腥o既我都話好味!!仲要皮脆肉甜^^燒聖子王 - 店員推介. 未燒o個陣見個殼超大隻, 上枱時見佢d肉"碎上",面頭有d蟹子,仲以為唔會好乾唔好食... 點知竟然好juicy好鮮甜wor! (男友話一對聖子o既價錢=平時食一碟有找,但佢話真係好食wor!)臨埋單忍唔住問店員個聖子點整. 佢講左幾個步驟...好似好複雜咁...男友話下次再黎食咪得lor P.S. 等佢D燒海鮮都真係幾耐下...不過今晚睇住無線大結局拍住拖都幾開心丫…查看更多