or#ta66806082的个人专页

係油塘站已經落定單，去到將軍澳廿一堂諗住應該攞得啦，點知要企喺餐廳度等咗15分鐘先有外賣拎😑我叫嘅只係一個關東煮烏冬，唔係叫三四個人嘅份量，唔明點解出餐咁慢，去到餐廳見到好多人都喺度等緊外賣。好耐之前成日都食呢間，都唔覺得佢出餐速度咁慢，依家差咗，其實煮烏冬真係可以幾分鐘搞掂，唔係叫你整意粉焗飯，真心唔明點解可以咁耐。無下次…查看更多

本人好鍾意食椰子產品，見到以椰子為主題嘅手搖飲品舖點可以可以試吓呢！💕第一次係飲生椰拿鐵，好重椰子味同奶味！我偏向鍾意重椰子奶味多過拿鐵味所以呢杯我都好中意飲！第二次飲試過佢嘅玄米椰子茶！一試就不得了❤️佢即刻成為咗我最愛嘅飲品!飲落去重椰子味同埋有淡淡嘅玄米茶味！成個口感好smooth😝呢杯我比好高分！幾乎每次都係飲呢個玄米椰子茶～另外有試過海鹽椰子朱古力，都好濃椰子味，質感好滑，同朱古力都幾夾～不過可能有少少甜，但整體嚟講係好飲嘅！仲有優惠+$8試埋椰凍，就比較普通，如果出椰子布甸會比較好啲～…查看更多

職員嘅疏忽令我地有不愉快嘅用餐經驗😑之前食過幾次呢間都覺得ok咪念住再幫襯囉。今次有個女職員落左單又唔比張單我地即時對下有冇錯，嚟左野食就念住食啦，點知原來佢幫我地落錯單😑要我地硬食佢幫我地落錯左單嘅食物..完全好似唔關佢事咁😑餐廳唔係落左單就即刻比客人核對單上嘅食物有冇錯嘅咩？結果要我地食左唔係我地叫嘅野食，就算啲野食好食都好，都一肚氣。仲有今次食，份量縮左水，細左好多，但價錢無變。下次唔會再幫襯呢間餐廳。…查看更多

叫咗一杯爆檸四季春少甜，我張單係320號，前面嗰個人同我叫同一樣飲品，但佢冇少甜，佢係319號，我行咗一陣返嚟拎飲品，見到只有一杯319號嘅飲品，咁就繼續等⋯等咗10分鐘左右見到遲過我哋Number嗰啲單都攞咗，忍唔住問女員工我哋320號嘅單做咗未？跟住個女員工就指住枱面嗰杯319號飲品就話呢杯係我哋⋯冇錯的確係爆檸四季春，但張單好明顯係上一個人，上個客人拎錯咗我哋嗰杯飲品，我哋就要攞返佢杯嘢飲？攞返都唔緊要，重點係我哋杯嘢飲有叫少甜，上個客人嗰杯嘢飲冇叫到少甜⋯嗰兩個女員工竟然可以話個杯冇寫住少甜嘅飲品嘅甜度啱我哋㗎啦～（有影到319號係冇寫少甜嘅）呢兩個女員工完全冇確認過客人係咪拎啱飲品就任由佢拎錯飲品而且嗰段時間係非繁忙時間只有一兩個人等緊，嗰兩個女員工淨係做完飲品就放出嚟，客人埋嚟拎完全冇對過嘢飲啱唔啱就由得佢攞⋯就算整好咗嘢飲個女員工從來都唔會叫號亦唔會叫客人拎嘢飲⋯只係擺晒啲嘢飲出嚟，啲客人梗係拎錯啦！喺我哋等候期間已經見到出面整嘢飲嗰位戴眼鏡紮一條辮嘅女員工，搞錯咗人哋嗰杯嘢飲上面加嘅材料，同埋差啲比錯其他嘢飲個外賣車手⋯完全係錯漏百出⋯其實果段時段真係唔多人㗎，個女員工俾多少少心機就可以改善到呢啲問題⋯希望貴公司可以再培訓呢個女員工，嘢飲還可以，只係服務真係有待加強～…查看更多

見到呢間好多like咪念住試下囉，點之伏到媽媽都唔認得😂呢間餐廳啲like一啲都唔可信~嗱！大家睇路啦😂講返個麵先，叫左明太子八爪魚撈麵，睇賣相好似唔錯，呃到下人，但食落就咸到痴線⋯唔係越食越覺得咸，係食第一啖已經咸到頂唔順🥲重點係我食嗰下係未撈埋明太子入去啲麵度，可想而知，撈埋明太子會再鹹10倍🫠同埋初初食我以為撈唔勻啲醬所以咸，結果並不是⋯係本身都已經勁鹹😅再講，個醬汁加咗好多芝士，本身我都鍾意食芝士，但食耐咗麵覺得好漏⋯醬汁偏杰，啲麵好快就已經黐埋一舊⋯仲叫咗個虎蝦拉麵，同樣啲面索晒湯底，都係超級鹹，但都叫做還可以啦下⋯起碼好過明太子撈麵嘅😅呢間應該無下次了😅…查看更多

星期六夜晚只有3枱左右，我地叫左拿破倫意粉同鵝肝飯，凍朱古力同薄荷朱古力咖啡～杯薄荷朱古力咖啡等左好耐都未有，吹佢先話依家整緊，其實就唔記得左整，食完個飯等左陣先有野飲⋯已經係唔多人嘅時候都可以等咁耐～員工真係貫徹咗90後懶惰嘅精神食物都可以嘅，但薄荷朱古力咖啡幾乎飲唔到薄荷味～之前食過旺角店各方面都唔錯先會想再去荃灣店，但呢間新開分店就真係麻麻，唔會再食第二次～希望呢間分店員工質素可以改善一下～…查看更多

今晚9月26號去美中鴨子食飯，但食物真係好一般，而且侍應都幾無禮貌😑叫咗擔擔麵同埋北京填鴨，首先講講北京填鴨先，我哋等咗好耐，跟住問個侍應食物幾時到，侍應就好惡咁同我哋講話烤鴨要耐啲先整好😑好啦終於都上咗菜啦，我地叫左半隻北京填鴨，上到嚟根本就小過半隻😑😑咁佢就唔好標明係半隻啦！欺騙消費者！仲有呢間餐廳完全係冇濕紙巾，但有北京填鴨，啲人都可能會用手食，整污糟咗冇提供濕紙巾😑餐廳管理唔細心。另外叫咗個擔擔麵，有落辣醬，但竟然冇落麻醬！成碗麵淡茂茂，好似普通嘅辣湯麵咁😑同擔擔麵一啲都扯唔上😑呢間嘢以前好食，依家多人食咗服務態度同食物質素都差咗好多！失望！…查看更多

於9月9號1:30入座，真心唔推介呢間餐廳！🤮🤮上第二籠點心（小籠包）果陣，見到個點心籠邊有死曱甴🪳，中型size🤮🤮廚房同出菜嗰個男人完全冇留意到，上菜嗰陣見到就即刻同個男人講😑但佢完全無歉意，一句說話都無講就拎走左籠點心。😑已經無心機影相，因此得2張相片。呢間餐廳已入我嘅blacklist名單，以後唔會再食呢間餐廳！🤮🤮祝大家睇到我呢個食評就算下次要去呢間餐廳食唔好遇到曱甴。…查看更多

下午茶時間念住食得邪惡啲，見呢間雞蛋仔屋都幾多野食選擇喎，就決定食呢間啦！我叫左個薯餅同炸燒賣仲有薯格，超級好味😍本身我都中意食炸嘢，呢間小店整嘅炸燒賣好好食，唔會炸到好硬，炸粉唔算厚，脆脆地幾好食👍🏻薯餅外表就燶左少少但都好好食！薯格都係好好味，外賣自取返上嚟食都唔會淋哂！最重要係好平好抵食，係出面呢個價錢無可能食到咁多野食，仲可以打電話去外賣自取，好方便呀👍🏻👍🏻下次一定再幫襯過❤️…查看更多

知道近期呢間餐廳幾受歡迎，就想試試～ig上寫要用whatsapp book位，好啦，send左book位資料,念住問下果個時間仲有冇位，點知不讀不回再send訊息問，都係不讀不回，如果無位都可以覆一覆掛不會再光顧…查看更多