十二*花花的个人专页

真係唔係有朋友帶，都唔識搵到嚟呢度，朋友住喺附近成日幫襯，超正宗越南菜，店主係越南人嫁咗嚟香港，兩公婆開咗呢間小店，串燒材料新鮮， 越南撈檬夠地道，朋友今次仲特登叫店主，留咗個辣雞檬畀我哋， 因為好早賣曬，堅係夠辣又惹味，一路流住鼻水一路話正，重點係個價錢仲要係超級街坊， 份量足，店主話最主要係過下手癮， 打發時間又唔想同人打工受氣，所以賺錢其次， 今時今日仲有呢啲小店真係要支持💪💪…查看更多

諗唔到天后有間咁出色嘅酒家， 燒鵝皮脆肉香泊得住深井的水準， 片皮鴨師傅手勢超好，厚薄適中，冬瓜盅夠清甜， 燒腩肉多數下午已燒好，夜晚叫已經唔新鮮，嘩！個皮仲係脆嘅，叉燒指定要邊位，帶點香口成咬落成口肉汁 街坊價錢，環境舒適，以後去香港島搵嘢食呢間一定走唔甩…查看更多

地舖雖然係坐得唔舒服， 但係廚房嘅出品好過對面樓上店， 土肥豬潤，惹味到不得了，所有出品有大中小辣俾你揀， 炒豆干個豆干又入味又夠滑， 酸酸辣辣椒超級開胃， 回鍋肉有水準，三絲炒米粉，諗唔到個蛋可以咁香，米粉夠乾身， 唯獨是杯飲品， 木瓜珍珠奶茶同芒果珍珠奶茶真係差咗啲， 飲得出係用粉開出嚟嘅，珍珠又唔新鮮， 建議飲品都係飲罐裝嘅算，聽講話佢個煎餃子亦都做得好出色， 全部自家包，下次一定要再嚟食…查看更多

第一次食摩洛哥菜， 諗唔到咁有水準，頭盤羊奶無花果， 羊奶唔會太騷配無花果堅掂，唔係好識叫，其他嘢食都係由侍應介紹，個烤雞好入味，食到停唔到口要食夠兩碟先得， 個蝦夠新鮮，食落彈牙，個汁酸酸辣辣好野味，薄餅易做得出色， 以前以為非菜大部分啲湯,飯都係用豆蓉整冇乜味道， 今次食完完全改觀... 最後店主仲送咗我一杯飲品 真係實在太開心 完完全全感受到摩洛哥人有幾熱情…查看更多

頭盤乳豬做得最出色皮脆肉香， 第二度菜上湯龍蝦伊麵已經開始出事，龍蝦食得出唔夠新鮮， 龍蝦肉咬落散散地，炸蟹鉗粉漿太多，配竟然唔係甜酸汁，而係一隻酸到爆似醋味嘅汁，條班又蒸過龍， 炸子雞好似炸完一段時間先攞出嚟囉皮已經唔脆， 期待單尾的臘味炒糯米飯 點解好似蒸飯咁，濕淋淋仲要冇味，齋睇個樣顏色都唔夠， 乾燒伊麵...算吧啦 睇到個樣都知道唔對路， 之前食開都唔錯，今次真係失望了…查看更多

韓迷朋友極力推介，旺角分店不用等位，就試吓啦，成間店燈光昏暗，似酒吧多過餐廳，7:30左右只得3-4枱客，叫咗個原味炸雞，可惜又乾又無味，芝士排骨，唔...個芝士除咗拉到絲，堅唔好味，海鮮餅又係乾爭爭仲硬，係硬唔係脆韓式芝士飯，個芝士碎仲多過d飯，成餐飯最好味竟然係送嘅紫菜飯團...下次咪預我…查看更多

老友食飯，最緊要係可以開懷暢飲，大聲講大聲笑， 揀選地點好重要，小型中菜店最合適，呢間上湯雞煲翅夠足料，價格合理， 仲有啲手工小菜例如蝦子柚皮， 堅係食師傅嘅心機，咕嚕肉食得多， 今次叫咗個咕嚕蝦球都唔錯， 煎藕餅簡直係頂呱呱， 仲有個蓮藕炆五花腩， 蓮藕咬落去仲有一絲... 炆得夠好淋夠入味，五花腩入口即溶，八個人食咗十幾款小菜， 整體水準不俗，唯一係生炒糯米飯太濕身🤔 如果改善咗更正…查看更多

入到聯和墟搵好嘢食， 呢間泰國餐廳開咗一段時間， 住粉嶺的朋友經常幫襯讚口不絕， 今日我有機會去食好嘢， 泰式生蝦個汁冇得頂， 椰汁飯原個上有驚喜， 芝士蝦丸😂堅係爆漿， 泰式拼盤乜都有，最喜愛就是春捲，份量又足，飲品芒果沙冰堅係用芒果打出嚟，真係啖啖芒果香， 再配埋個甜品芒果黑白糯米飯.... 四條友喪食10款嘢連飲品，肚皮滿足到一個頂點，重要係勁抵食，每位都係200多 下次入粉嶺唔使諗，一定要再嚟…查看更多

今日又凍咗，一大班朋友諗緊想食乜，有朋友建議不如食煲仔飯，即刻諗起呢一間大角咀嘅川菜小店， 臘味煲仔飯又香又惹味，份量又足，水煮牛肉，牛肉夠滑好掂，仲有好多串燒選擇，唯一有點失手，燒茄子略嫌油份太多， 燒牛脷食完一碟唔夠喉😂仲要叫多兩串，最重要價錢平民化，每人平均食兩款菜色均消都唔駛$200，啱曬大食嘅朋友🤗…查看更多

路過太子見到一間好日式的小店， 重點介紹芭菲甜品， 見佢賣相靚到好似裝飾品咁， 已經食完晚飯飽到上喉嚨，都畀個機會佢啦， 叫咗一個乳酪芭菲同抹茶拿破崙， 抹茶拿破崙個抹茶cream實在太甜， 芭菲裏面加入咗火龍果紅豆，綠茶蒟蒻， 講真唔係好夾， 叫做大堆頭乜都有啲， 如果只係相機食，應該贏曬😑…查看更多

腸粉唔滑成口粉， 臘腸卷個皮係濕嘅， 鵝掌拼盤得幾件..碎上， 鳳爪成口都係調味醬， 鮮竹卷好似唔記得落調味料係冇味嘅， 只有生菜同煎藕餅係最正常， 成間店最後生嗰個客人，都超過40歲， 唔通呢啲係老人家口味😱😱…查看更多

朋友個個口味唔同，最好嘅選擇就係食buffet，呢間仲有個主菜擇， 200多一個人頭，諗住都差不多，有朋友鍾意食羊揀咗羊扒， 前後兩隻羊扒 一碟太熟，另一碟又太生😣， 牛扒特別要加錢的， 肉質又鞋口， 煎魚同海南雞味道普通，buffet其他選擇也不太多... 今次真係中伏了…查看更多

過農曆新年， 親朋戚友一大班人，少不免一定會選擇去飲茶， 要等位實在所不免， 不過只係等咗半小時就有位喇，呢間街坊酒樓價錢合理，選擇又多， 合桃馬拉糕又香又鬆化唔錯，啱曬啲老人家，腸粉夠滑，春卷又香脆， 蝦餃皮好薄， 唔會成口粉👏， 可惜今日漏單比較多， 除了我們漏了幾個點心，其他在也不停催促， 不過唔緊要啦，過年最緊要食得開心…查看更多

早前去韓國shopping，食過呢一個鳳雛雞，超級好味，估唔到香港咁快就有， 雖然雞明顯不是韓國來的， 但味道不俗， 個汁仲可以食幾碗飯， 最窩心的地方就是有飯焦提供😍😍😍 芝士蛋亦不錯，裏面加了蔥粒，食落夠香蛋又滑，今次食住咁多，下次加碼，食多幾款，再同大家分享下…查看更多

潮州鹵水拼盤，鹵水汁堅掂， 唔會過鹹啱啱好， 梅羔骨唔會一味只有酸味， 又香又開胃， 芝士龍蝦伊麵底更加冇得頂，只可惜伊麵份量比較少， 其他小菜水準也不俗，5個人食6個餸，每人也只係消費約150蚊，超抵食👏👏…查看更多