rulesdeadppllive的个人专页

平日黃昏時間 5點半 不算多人。叫了一個肉燥撈麵。39元。麵的質地軟硬度剛好，咸味足夠。可以問店員拿水來洗餐具及飲用。廁所在商場內，相當整潔。客人留名字及電話的紙張更可以選擇 WhatsApp 做會員! …查看更多

Beetroot salad 顏色令人眼前一亮! 食落感覺清新。我試了少少lasagna,有濃郁嘅蕃茄味。溫度良好。另外叫左個期間限定嘅辣肉腸pizza。皮邊只有少少燶，值得一讚。Pizza 整體軟硬度適中。材料新鮮。Pizza 係由一個鐵架支撐住。幾慳位，好啱我當日坐嘅細檯。水杯、餐具都清潔。店員好關心我地對食物嘅意見。會埋嚟主動問。…查看更多

店員有禮。我叫左一個鄉下佬炒飯。50蚊。好夠飽。可以揀豬肉或牛肉。我揀左豬肉。飯內有咸蛋黃碎、蔥碎、叉燒粒。叉燒粒軟硬度適中。飯粒乾爽而且好食。雖然係堂食，但水係由紙杯載住。餐具，檯面都乾淨。…查看更多

叫左一個雙拼刀削麵(魚腐加香蔥豬肉餃)。52蚊。有一杯豆漿。麵內嘅蔥粒集中響一隻匙羹方便忘記叫'走青'嘅客人。麵嘅軟硬度適中。份量好夠飽。咬開餃子，入面有啲湯好似小籠包嘅味道。湯底不錯，食落似用左牛肉來熬製。座位有啲太窄。想飲水可以叫店員拎。餐具都乾淨。…查看更多

叫左個lunch set 係88蚊。A2 同埋 B1個set 入面仲有麵豉湯加沙律。湯內有蜆肉，幾好食。我叫左棒餃子烏冬。棒餃子形狀有趣。而且輕輕炸過嘅。口感特別。烏冬軟硬度適中。仲有一個炙燒魚生飯。啲飯本身溝左豉油。幾好食。另外我加左兩粒章魚小丸子。溫度有啲熱。咬落外脆內軟、皮薄餡靚。有爽口嘅章魚粒。食完幾滿足! 女廁乾淨企理。…查看更多

大家樂嘅午餐荷葉飯。價錢係37蚊。我叫左一杯熱檸茶，有4片檸檬。我覺得太多了。因為個紙杯大約8cm 高。可能因為疫情關係，堂食都會提供即棄餐具。飯入面有蝦米、冬菇、豬肉粒。飯嘅溫度夠暖，但係啲蛋絲有啲凍。將啲蛋絲撈埋啲飯一齊食就會夠暖。我食完之後都相當之飽。Food court 嘅燈光有小小暗。啲枱櫈都算乾淨。執枱嘅人員執得幾密。…查看更多

我一個人去。當時係下午1點40分。唔需要等位。我坐響面壁嘅位。店員主要係姨姨。佢地有做足量體溫同埋請客人填紙仔留資料。我叫左一個韮菜餃子上海麵。46蚊。等左大約8分鐘就有。麵嘅軟硬度剛剛好。湯底有少少咸味。店舖有提供紅醋、辣醬、豉油、牙籤等等。碗麵仲有少量生菜。整體份量對我嚟講係夠飽嘅。想飲杯水可以問店員拎。…查看更多

我12點到。一個人食唔使排隊。店內環境與堅尼地城果間相比，呢間更加寬敞。入店前有做足量體溫，同埋可以透過scan QR code 填電子問卷來代替寫紙仔留低個人資料。啲燈飾都幾靚。女廁同時係傷殘人士廁所。乾淨企理。店員主要係嬸嬸。我叫左一個台南擔仔麵。等大約十分鐘就到喇。價錢係36蚊。我覺得份量對細食嘅女仔嚟講剛剛好。麵嘅軟硬度適中。肉味咸度都係。隻蝦有啲唔夾。甜品我叫左一個酒漬葡萄奶酥餅。呢樣野需要預先比錢(13蚊)。個餅有少少rum 酒嘅香味，有吉士做餡，仲有幾粒提子乾添。口感不錯! …查看更多

店員講英文為主。落單個位男士都識一啲廣東話。所有pizza 都係即叫即做。我叫左一個 pepperoni pizza 同埋一個 nutella doughnut。大約十五分鐘就做好了。店內有兩張高身 bar 枱供客人放低雜物等外賣。紙袋同紙盒嘅設計幾好。紙袋有一個 qr code, scan 左佢再填啲資料就有一張電子卡可以儲印章。儲夠十個印章就可以有一個免費 pizza。Pepperoni pizza 溫度良好。厚度大約零點五cm。三分一嘅批皮太燶。大部分嘅料都痴得實。Pepperoni 咸度OK。…查看更多

星期日下午約一點來到，都有唔少人幫襯，好在有位。座位有室內同室外。陰天坐室外都OK。無人食煙。所有野都係自助嘅，因為佢係舊式茶樓。有菊花茶飲。食左好多野，包括叉雞飯，山竹牛肉，豆沙茶果，馬拉糕，豆腐花，等等。我掛住食，所以無乜影相。臨走時有大大碟西洋菜，不過我已經太飽喇，無食到。客人可以自己帶寵物來。廁所係踎廁，需要自己帶廁紙入去。…查看更多

店員態度親切﹑有禮貌。店內有量體溫嘅儀器。座位整潔，有卡位。廁所需要大力開門先入到。入面都乾淨。我叫左福洲魚丸﹑通菜﹑粗麵。麵嘅軟硬度剛剛好。湯底鹹度﹑濃度不錯。…查看更多

店員主要都是友善的師奶。我和媽媽從遠處望向店舖時，以為沒有堂食座位，走近一點才知道有座位！我們被安排坐在一個俗稱「沙頭角」的位置，十分搞笑。喳咋很足料。不過需時十分鐘。臘味飯香噴噴而且暖笠笠，飯的口感不錯。魚蛋﹑蘿蔔充滿牛腩汁味。豉油皇炒麵也OK。…查看更多

座位同埋檯面都乾淨。每張檯嘅櫃桶都有齊餐具﹑紙巾﹑糖包。我叫左嘅脆皮雞中翼湯米粉係屬於「精選推介」。脆皮雞中翼嘅顏色幾靚，溫度剛剛好，味道唔太鹹。米粉嘅賣相普通，軟硬度適中。星期日早上比較繁忙。座位比較逼。…查看更多

我叫左一底雞蛋仔。店員勁快就已經比左我。我可以唔使要膠袋，剩係要紙袋，環保啲。溫度OK。立眼睇，顏色偏啡。食落去，有2/3太脆，剩返1/3可以勉強叫做外脆內軟。聞落去無乜蛋香。…查看更多

店員盡責﹑有禮﹑友善，有幫手量客人嘅體溫。店內檯凳都企理﹑乾淨。燈光光線充足。黃色燈光令人感覺更加溫暖。杯麥茶嘅濃度適中。前菜有甜甜地嘅薯仔粒，爽口嘅芽菜，同埋泡菜。泡菜嘅辣度只係小小辣，啱晒我呢啲唔食得辣嘅人！紫菜湯略為鹹左小小。天氣凍凍地食石鍋飯真係好正！石鍋飯材料新鮮，唔落辣醬都好好味。石鍋飯好暖笠笠，我搞左十零廿下，就可以令到隻蛋變成熟晒嘅蛋碎。就算過左大約廿分鐘，個鍋都仲係暖嘅。啲飯焦亦都未至於凍晒。正呀！…查看更多