misset的个人专页

食物: 朋友叫左份牛扒, 鵝肝.我叫左番茄汁帶子angel hair.兩份套餐包埋餐湯, 麵包同飲品.麵包: 好熱! 牛油都溶晒. 好味!份扒好厚身, 我試左少少, 覺得唔錯, 多肉汁. 我個angel hair就有d乾, 不過帶子好大粒! 但得2粒.我杯飲品係熱奶茶, 個人覺得好淡.服務: 我地坐得較僻, 想叫埋飲品/埋單都唔見有侍應. 佢地係另一邊行黎行去. 隔離檯情況都係咁. 環境: 唔錯, 好靜, 同隔離檯既人都有番d距離, 食野傾偈好適合.…查看更多

味道: 蝦腸: 普通, 無平時食到既好味炸兩: 唔錯, 裡面好脆!熱豆漿: 好味, 好香! 要趁熱飲! 最後幾啖凍左, 飲落就係另一回事.雞粥: 朋友食既, 見到熱辣辣, 佢食晒成碗, 應該唔錯.環境: 食食下有人搭檯, 不過都唔迫, 坐得好舒服. 服務: 阿姐好快手, 又有禮貌! …查看更多

朋友想食扒, 就黎到扒王之王.服務: 本來揀忌廉湯, 到上菜個陣就上左兩個羅宋湯, 話無晒忌廉湯. 咁落單個陣可以直接同我地講, 俾我地揀完又話無.有兩份扒餐送到, 準備食個陣發現兩份餐具都無叉 =.=個別侍應好似發緊夢咁.味道: 點左一份雞一份牛, 配薯菜. (唔記得個全名)牛: 有點難切, 乾同硬. 旁邊有幾條薯條, 一大堆粟米.雞: 較好味 (我偏愛雞多過牛 ), 雞肉有鮮味, 起碼無咁乾. 我一食雞扒, 就將我未食既牛扒分晒俾朋友食 食完後成個下午都好飽肚, 晚餐都遲左食.環境: 其實環境唔錯, 雖然我地坐近門口, 但人流唔多, ok.食下野傾下偈都唔錯.本來當日決定只食一次就夠, 但事隔幾日再修改食評, 如果服務好一d, 就一試無妨啦…查看更多

同朋友慶祝生日, 一大班人訂左檯, 平日既7.30pm, 早左上去等, 門口推滿晒人. 加上不停有人搭電梯上黎, 大家就不斷移位, 移黎移去俾剛到既人走去拎位, 好迫...本來訂左10人, 少左個人黎, 朋友就叫侍應改番9個人, 唔夠一分鐘, 就走黎扯走我地多個張櫈, 話我地少左個人黎, 佢地唔夠櫈.無問題, 我地眼見真係好多人, 我地就攬住自己既外套同袋一路食, 好迫, 不過都預左.刺身: 一大盆, 叫左兩次, 吉列蠔: 我食左好多件沙律: 我地叫完又叫另外有d熟食: 例如牛肉, 就差d, 食落怪怪地, 我地一人試完一啖都無人再食單靠刺身, 就夠我俾"笑評"當然仲有其他地方要改進:侍應: 我坐最側, 見到侍應行黎行去好忙. 侍應A就同佢同事講: xx檯問xx信用卡今晚有無折, 你去答佢ㄚ. 侍應B: 邊區既xx檯 (d檯好似係分區, 再有檯號)侍應A: (火都黎, 好大聲) 同你講得梗係x區啦!當時個侍應A就係我隔離, 大聲到我地成檯人都望住佢...地面: 我行入去食野, 同走個陣行番出去, 都覺得地面好滑. 我就扯住我朋友同我一路慢慢行...今次每人貴少少, 因為俾埋生日個位既錢…查看更多

之前食過多次外賣菠蘿油+熱奶茶, 每次都好滿足.今次就係睇戲之前黎食金華.多人就預左, 阿姐不斷叫我地行入去啦行入去啦, 入到去有位阿哥幫我地塭到位.當然係搭檯啦.朋友點左早餐set: 麵+奶茶, 加蛋撻, 我就食菠蘿油+奶茶.菠蘿油: 唔熱既...突然就變得好普通. 有少少失望, 前幾日試過買走拎到返屋企食都熱熱地. 如果係熱既, 就係"笑評".我最愛既奶茶: ok!我俾"ok"我地差唔多快食完個陣, 朋友加點個蛋撻, 所以我地就空晒碟空晒杯咁等個蛋撻.唔夠一分鐘, 阿哥見我地唔係食緊野, 就問係咪有野食未黎齊, 就幫我地追個蛋撻. 感覺上, 真係食完就要走, 眼見咁多人出出入入, 咁多人等位.…查看更多