or#Tm65777828的个人专页

OpenRice 出咗推廣片皮鴨只係$430 ，即時prepaid同時已經訂埋位👌🏻入座當日唔算好多人，可能因為預先訂座嘅原因，留咗張海景嘅枱俾我哋，等咗一陣就上菜。片皮鴨係足一隻！😱雖然係優惠價，但估唔到都係比足全隻！師傅推出嚟喺客人面前即刻片，冇花冇假☺️刀工唔錯，唔會話片到好似鴨胸咁剩係得肉，皮脆之餘肥而不膩，而片皮鴨嘅底座會加熱水蒸住嬤嬤皮，所以食到最尾都仍然軟熟，亦唔會黐埋一舊👍🏻本身冇諗到係比足全隻，所以仲叫咗小菜—拔絲菠蘿黑豚肉，炸麵皮非常脆，新鮮菠蘿都有燒過，本身已經好好食😋而且有誠意。招牌炒飯又係推介，粒粒分明，大蝦爽口彈牙，配料惹味有咬口晚市有驚喜，呢個價錢、呢個環境、呢個質素，侍應仲非常有禮，包辦曬斟茶遞水、𢳂飯等，基本上完全唔使郁，坐等投餵😍…查看更多

將軍會館係新派版本嘅海港酒樓，感覺有啲唔同平時去嘅傳統酒樓，菜式多咗啲創新元素，連手搖飲品同蝦多士呢啲都有提供，真係幾得意。清蒸長腳蟹今次叫咗隻5斤蟹，蒸得啱啱好，食落去每啖都係蟹肉嘅原汁原味，蟹肉可以點蟹膏食，又可以撈飯，真係汁都撈埋！蝦多士平時去酒樓都冇見過蝦多士，但呢度竟然有，炸到金黃香脆！黑毛豬叉燒叉燒肥瘦啱啱好，連埋摩摩一齊食，又有唔同感覺。小炒王火喉十足。碌鵝好惹味，有芋頭墊底，索曬鵝油，超香！前菜叫咗酒香鴨舌，唔係好多地方有。…查看更多

順德公午市有$6xx 六人餐、$4xx 4人餐，當日叫咗個4人餐，分別有三個點心、一個主食、三個小菜。特別出色真係舊式芋頭糕，煎得好脆好香！小菜點咗浸河鮮、污糟雞、生炒骨！大碟夾抵食，亦都冇將價就貨，係晚市小菜水準！…查看更多

去完動漫節食個late lunch，過咗銅鑼灣試試新開嘅海港薈利舞臺🧐酒糟鴨舌坐低梗係要整個前菜先啦！呢個 擺盤好得喎，仲有朵花仔🌸，相機食先是常識吧！鴨舌爽口彈牙，酒糟味好香醇，唔會太嗆，食落好開胃！😋金絲炸芋角＆和風鰻魚餃＆黑松露野菌餃估唔到點心有驚喜！有啲日式feel 嘅fusion點心食🇯🇵。唔好睇佢黑媽媽，其實係和風鰻魚餃，有鰻魚嘅油香加埋，好特別！💯雖然好似潮州粉果，其實係黑松露野菌餃 🍄一上枱個黑松露味已經勁香，菌菇嘅鮮味同松露香喺口入面爆發，超Rich！🤤長春卷係我至愛，咬落去「索索」聲，外層超鬆脆，入面芋絲又夠熱又夠滑，完全唔油膩，高質！👍呢間海港薈叫得旗艦店，都幾有驚喜，真係不妨試試！…查看更多

睇到IG話出咗新點心菜單，趁去開西九又試試，同咗店員講想試下新點心，即場咗推介藤椒雕魚餃 (3/$68)🥟同黑麻石獅子(2/$58)🦁️，藤椒雕魚餃雖然同松子珍菌外型一樣，都係金箔皮，但味道上就好唔同，麻麻辣辣🌶️的口感，加上魚肉香味，十分惹味！黑麻石獅子造型好可愛😍，似十足大貓銀行門口對石獅子咁！味道就冇咩特別，有啲似芝麻卷，但可以好似布甸咁騰騰震。其他就唔詳述啦，可以睇我之前嘅食評，都有食過璟瓏軒…查看更多

🦀️啖啖肉嘅清蒸長腳蟹，睇見都流口水🤤！呢個size，一睇就知道係正斗！💯 啖啖蟹肉鮮甜彈牙，海水嘅鹹鮮味喺口中爆發🌊，簡直係人間美味！😋 再加上簡單嘅清蒸做法，完美咁保留咗蟹嘅原汁原味，真係令人回味無窮！♾️仲有呢個蟹膏炒飯🍚！金黃色嘅飯粒粒粒分明，吸收晒蟹膏嘅精華，仲有薑嘅味道，每一啖都充滿濃郁嘅香味👃，簡直係極致享受！😌 將炒飯放喺蟹蓋🦀️入面撈埋啲蟹膏仲正😍早個星期食做緊$298一斤，六斤蟹雖然價格唔算平，但係絕對物有所值！👍 其次仲叫咗燒鵝、椒鹽火箭魷，都係唔錯，難怪全院滿座~No…查看更多

想搵有任食薯條嘅牛扒，咁啱見到呢間，可能平日早入座，一去到竟然冇人，但就好好服務，時刻關注我地需要，即刻比到refil、紙等，好彩慢慢開始有人入。加咗兩個南瓜湯，唔係典型忌廉湯，南瓜味重啲，如果唔要湯亦可以轉沙律，當日係藜麥沙律，不過我就唔食藜麥，所以都係湯。叫咗今日精選同平鐵牛扒，今日精選係慢煮牛同煎大蝦，可能我食唔慣慢煮，係好稔同入味，但都係覺得似煲湯肉。。都係鍾意價錢平啲嘅平鐵牛扒，有啲焦香，比較吸引啲。任食薯條refil咗一次，好新鮮，同埋有啲松露味，都幾香口。…查看更多

趁住長腳蟹特價，即刻試試佢。提前訂咗蟹，經理會預早請我地去魚池稱蟹，然後叫先起菜。一上菜，勁大隻！仲有店員幫手剪腳方便老人家食，肉質鮮甜，啖啖肉。而蟹膏就放入蟹蓋到蒸，差唔多裝滿一半蟹蓋，所以都幾老實足料。趁蟹季推薦要食海港長腳蟹。…查看更多

一直都想試下鼎鼎大名嘅故宮精品手工點心，果然名不虛傳！特別印象深刻嘅係招牌金魚餃，好食又好睇！精緻嘅金魚造型絕對係打卡之選。人蔘湯蝦餃，好足料嘅蝦餃配以濃郁嘅人蔘湯，未喺出面見過，係一個新鮮嘅配搭，兩者係出奇地夾！最後，嚟過金箔燕窩芝麻撻，作為午餐嘅點綴，除咗有奶滑嘅芝麻餡，仲有燕窩鋪面。無論係創作定係出品，都非常有心思，對得住手工菜呢個招牌。因為最近有推廣活動，折後相對算係抵食，下次再嚟西九亦都會有take two！本身個篇，唔知點解出唔到，試吓重出…查看更多