peterchan 736的个人专页

係附近返工，午餐唔知食咩好，於是係附近搵啦，跟住見到呢間餐廳，見到門口玻璃貼住既是日午餐都幾抵食下，36蚊加2蚊多杯嘢飲，於是就入去，餐廳環境正常冰室樣，唔大。然後叫左個黑椒雞扒炸帶子飯，感覺就係D黑椒汁唔得，得個辣，唔知點形容，同我食開果D相差勝遠，然後雞扒好乾，D飯係珍珠米，算OK，整體黎講，係唔好食，建議大家唔好選我呢個餐，其它幾款可以嘗試下。…查看更多

前幾日同媽媽去太子行街，經過呢間容記見到d海報入邊d菜款都幾吸引，然後入到去餐廳，環境都唔錯，好似酒樓咁，樓面都幾高，座位好闊落，然後d餐牌都幾多款色，照片都好吸引，跟住我地就叫左個鐵板原條茄子，味道都唔錯，不會好油，出邊果d餐廳係煮的特別多油，然後就係海膽醬脆蝦球，濃郁的海膽醬配上爽脆的蝦球，真係好好味，椒鹽脆皮鮮淮山，入口外酥里嫩，食過一啖又想食多一啖，呢間餐廳真係唔錯，價錢又合理，會在幫襯。…查看更多

今日約咗一班舊同事食飯，一大班人最後簡左既就係呢間日本料理啦！日本料理都有好多間 ，講真差別都可以好大，而家一係食貴啲嘅新鮮嘅，多數都要三四百蚊，如果平啲嘅，選擇就好類似。今日揀咗呢間餐廳，因為睇到有好多好評，而且選擇幾多 ，於是去試佢一試。諗唔到呢間店舖比左我一個良好既印象，首先， 店舖的環境相當足夠，唔會好逼；員工態度唔錯，食物方面，蝦食落有蝦味，質素都唔錯；天婦羅唔會好油，薄薄一層粉漿剛好；整體黎講都唔算幾好，下次可以再考慮平日過黎呢邊食。…查看更多

今日公司有同事last day, 所以我地諗住行遠D食好D, 順便同佢慶祝埋聖誕節。咁我地6個人,好在就早左落去,如果唔係遲少少都無位。呢到lunch都好抵食,我叫左個什錦魚生飯, 等左幾個字,香噴噴既魚生飯終於上黎了,d魚生仲要好新鮮,幾大件下,都唔會好薄身!係呢到除左個主食好好食之外,仲有個免費既自助沙律吧送埋,以呢個價錢係尖沙咀呢個地方黎講,真係非常抵食!相信今次之後, 我地都會好快再過黎試下lunch set既第二個餐XP…查看更多

帝王蟹前些天，和3個朋友上來這間店內試了它最近推廣的<半放題的火鍋套餐>。我們點了一個麻辣鍋，在火鍋未準備好之前，先上來了兩盆海鮮刺身，有鮑魚，扇貝，三文魚…等等，一個很大的冰鎮盆子裝著的，而且賣相相當不錯。試了一下，鮑魚味濃，很鮮，三文魚肉也很厚，吃下去特別有口感。火鍋配料是可以任添的，其中那個肉卷不錯，有層次感，而配料都是屬比較中上的。牛肉有幾款，雖然泡下去我已經分不清…只是覺得每款泡湯以後，肉質都很豐，可能是加了辣的原因，吃起來很野味。整體來說，這個海鮮火鍋的半放題值得一試。…查看更多

話說，響上個禮拜四收左工(果日番半咒)，果陣唔算餓都唔算飽，咁諗住就隨便食少少野就番歸啦，於是黎左呢到。叫左個淨水餃，36蚊8隻，試過後覺得肉餡多汁同埋餡料足夠多，食完已經好飽…btw,呢到d野食都唔差，味道幾好（對得起個價錢），下次如果淨係想食少少，都可以考慮呢到.  不過地方唔大，如果係d lunch時間過來食，應該就會無位坐.　（後來聽人講，好似like 佢地個faceebook會有野送，不過依家唔知仲有冇）…查看更多

上星期六朝早約左個fd飲茶,因為佢之後要過澳門玩,所以就去左信德中心入面既望月軒喇~~見佢平時夜晚做開川滬菜,又估唔到佢朝早有廣東點心食喎!入到去環境都唔錯2個人於是知客帶咗我哋去個半圓形卡位,靜靜地幾舒服‧叫左幾樣野,即叫即蒸上到檯仲熱辣辣,香噴噴! 超級推介既有呢幾樣:「筍尖原隻鮮餃」絕對係"皮薄餡靚"黎形容, 蝦餃皮做得夠薄, 蝦肉夠晒彈牙,每一啖滿滿蝦味道,好正「安蝦咸水角」外面脆口 內裡煙韌,而且入面既餡料,平時係酒樓食開既咸水角都係用豬肉,呢個就特別D,用蝦做成,食既時候仲有淡淡的香蝦味「黑椒金錢肚」爽口好食既金錢肚,吸收灑醬料既精華,好好食,咬落去淡淡都回味整體黎講,今餐都食得幾滿足下, 而且侍應服務好好,加水又快,值得讚賞…查看更多