bobbbc的个人专页

第3次去貓cafe, 呢間感覺最高質。店舖服務態度好，食物質素高，貓貓很乖很親人。之前上網search過係緬因貓cafe, 長毛貓以為好惡好高竇，但隻隻都摸得，又幾乖。一入門口已經有鞋套機，十分衛生乾淨。場內有好多隻貓，同我地距離十分近，近到你坐佢隔離都ok。點了幾款食物，質素很好Margarita Pizza $68份量很充足，賣相很好😋味道也很夠味，好多芝士同香料Matcha Latte $24香濃的抹茶味，上面仲有拉花，好靚好高汁脆炸牛油果 $24有4件炸牛油果，很香口，不錯酥炸大啡菇 $39正常味道，都係即整的上菜時，店員還會貼心提示你先回座用餐，食完繼續玩貓。服務體驗和食物質素都好好👍🏼會再來訪…查看更多

菜式味道不錯，服務很好，上菜速度也很快。點了個set dinner, 魚肉很嫩，另外又點了朱古力窩夫，賣相很好看，餅底很綿密 很足料。可惜日落了，海景位沒有景色看，下次都會再過來…查看更多

果日同屋企人諗住好耐無鋸扒，特登早d 下午5點就去金鳳食。一入到去 伙記呼呼喝喝，冷氣又滴水都算，卡位就坐晒一兩個食客，環境已經相當擠迫。我地有4個人唯有坐張圓枱，仲有中間有塊膠隔住，變左兩個搭枱咁。未落單 見到後面卡位有人結賬，我地4個人當然想搬去卡位一齊坐，伙記完全當我地分開坐無野，叫遲入黎果兩個人坐過去，話佢地出聲先。我地早到 仲有唔夠位坐都已相當不忿，講多幾句，個老板娘好有老細架子，問我地係咪想坐卡位，叫我出返去等 有位先再入黎，直頭大大聲趕客走。好彩未叫野食 都即刻走，費事食餐飯 又貴 仲要受氣。連老板帶頭都做得咁差，呢間野無咩希望。金鳳出名服務態度不好，但今次踩到上心口實在太過份，以後不會再比機會呢間野。…查看更多