bcaabc123757的个人专页

強烈強烈強烈推薦呢間餐廳！！！個海鮮薄餅好多海鮮！好有海鮮味，同青醬配合得好好，餅皮又脆。人蔘雞湯好有人參味，飲得出好足料，都煲得好夠時間，但雞肉又唔會老，師傅盡顯功架。仲食咗芝士牛柳粒，佢個芝士應該係用唔同嘅芝士撈埋一齊，味道好有層次，又有唔同口感，多重享受！牛柳粒唔會好銀，雖然唔係和牛，但係都好有牛肉味。強烈推薦！餐廳服務唔錯，侍應好有禮貌，用餐體驗10分良好，環境亦都唔錯，有俾心機裝修，又衛生，強烈推薦！…查看更多

我哋五點幾就到咗，點知餐廳六點開門，一入到去感覺好乾淨好新淨，燈光有少少暗幾有情調，嗰陣冇太多人 人手安排十分充足，一坐低就有人話俾我哋知要用手機寫嘢，好方便，手機一scan就得。食物種類選擇好多有飯有麵，最基本嘅台灣嘢都有。嗌咗鹽酥雞扒，炸得啱啱好，椒鹽味香。最好食都係個蛋餅，但嗰層唔會太薄唔會太厚，配埋蟹肉， 十分滿足。最後兩杯嘢飲都好好飲，個奶蓋好濃，比起好多奶茶專門店都濃好多，茶底亦相當唔錯， 十分甘香。…查看更多