kabikabi的个人专页

好耐無食韓國炸雞, 今日去開尖沙咀所以去左呢間炸雞老店!! 一上到去已經見到OPPA主理, 仲有韓國人都黎食, 一定相當有保證~MENU 設計好靚, 成本雜誌咁, 我地揀左牛肉飯卷, 一個海鮮煎餅, 同埋1份雙拼炸雞薯條~食韓國野我好鐘意叫飯卷, 因為好鐘意陣麻油飯香!! 呢到飯卷都好香, 而且都好多料, 不過飯粒稍為硬左少少。另1個海鮮煎飯熱辣辣好好食, 有蝦同魷魚, 個汁酸酸地好開胃~~重點來了, 份炸雞好大份!! 見到真係會哇出聲! 佢除左雞雞, 仲有薯條, 薯角同埋薯格, 好開心, 一次可以食到好多薯條, 不過我最鐘意都係食粗薯條, 而炸雞係無骨既, 熱辣辣超JUICY, 甜辣同蜜糖都好好食, 佢好多汁COAT住件雞, 食完都唔覺得熱氣!飲品方面我覺得藍莓乳酪好好飲, 因為酸酸甜甜, 仲有藍莓粒粒, 好正!食食下我地望到LIFT口位置有部PHOTO BOX機, 食完之後手多行去禁一下, 原來係WORK的! 仲會即時PRINT相XD雖然係熱感紙但係儀式感滿滿!!! 大家食完記得試下XXD…查看更多

住係紅黃土既街坊一定唔會唔識呢間讚好台灣, 開左咁多年仲係咁多人食, 因為水準真係唔錯, 又抵食!HAPPY FRIDAY 懶得煮飯又去到呢到食台灣野, 因為有麵有飯, 呢到個拌麵好好食, 可以揀口水汁/麻醬撈, 麵係用上幼麵, 不過質地滑得黎好彈牙, 又索汁, 口水汁既麻香味好重, 但又唔會太辣, 配菜可以揀鹽酥雞/排骨/牛肉等等, 我揀既鹽酥雞都炸得好香口, 唔會乾, 有大約8-10粒, SHARE就好好!!另1份我地叫左飯, 紅燒牛肉飯, 呢個會跟埋3款配菜, 份量都幾多, 牛肉就係牛肉麵果D牛肉, 所以炆得好淋好入味~另外我地叫左個菜同埋滷味拼盤, 滷味有3款, 有豬腸, 豆腐同埋滷蛋, 我最鐘意食豬腸, 好淋好入味, 又唔會太肥!飲品我地叫左珍珠奶茶同埋蜂蜜檸檬, 少甜都好好飲, 滿足又抵食! …查看更多

今日黎到厚福街食lunch, 之前黎過呢到食晚餐, lunch都有lunch set, 價錢相宜, 選擇都好多!我同媽咪叫左1個便當, 係辣炒魷魚便當, 另外加左d炸雞同芝士條, 2個人share岩岩好!!便當除左魷魚, 仲有2款泡菜, 魷魚唔算好辣, 不過好惹味, 超好送飯!炸雞等左20分鐘左右就來了, 係超級熱!!! 大概有6大件, 入面超JUICY多汁, 熱辣辣真係好正!佢個炸粉唔會好厚, 淡淡肉, 個甜辣醬好好味, 充份包圍住舊雞~~ 炸雞真係好大舊, 其實每人食左2件都已經好飽XD仲有一份炸芝士蕃薯條, 本身都唔係好知咩黎, 以為普通芝士條, 點知食落入面真係有番薯味, 咸香之餘仲有一陣甜味, 好好味, 值得一試!! 不過多D人SHARE會更加好~XD…查看更多

今日去開油麻地，順便同媽咪飲啖茶食點心！呢間點心店好光猛，又有卡位，坐得好舒服～我地叫左食點心必叫既蝦餃燒賣，金錢肚，雞扎糯米雞，一個湯同一個糖水～蝦餃燒賣可以叫2粒，岩晒2個人飲茶！蝦餃好大粒，蝦肉好爽口彈牙又大大粒～燒賣又係大大粒，好JUICY！卡通芋泥包好可愛，小朋友黎到一定好鐘意，入面芋泥香甜，又滑～金錢肚入味唔會太咸～雞扎又係好足料，有魚肚同埋大大舊芋頭，所有點心都唔會好油膩，同埋係熱辣辣唔會蒸過龍。個燉湯好大碗，入面都好足料，湯好甜好夠味，而楊支甘露好甜好好味，好多芒果肉～overall 黎講食物質素好好，新鮮熱辣，值得encore ！…查看更多

前排去完日本意猶未盡, 仲係好想食日本野, 咁岩搵到呢間係旺角既日本野, 好似相當抵食, 即刻約埋朋友黎食飯啦!!雖然係用qr code落單, 不過仲有一本menu比大家睇, 有圖片好方便, 而且圖片既野食仲相當吸引!前菜我地叫左個豆腐沙律, 只係$48, 份量都算幾大份, 豆腐又多, 沙律菜好新鮮, 爽脆, 豆腐都香豆味, 配埋麻醬唔會唔好食既!呢到有相當多款式既魚生飯, 而且價錢仲要超平! 呢碗有帶子/甜蝦/三文魚文同三文魚既飯都只係$128, 如果食粒粒魚生飯只係$78....帶子仲要估唔到咁鮮甜! 仲有3粒咁多!呢個牛油果軟殼蟹卷都係當日既必食, 我相信係即叫即整, 因為入面隻軟殼蟹仲係脆卜卜既, 牛油果既滑溜配埋沙律醬真係好好食! 因為想食d熱野, 朋友叫左個牛肉鍋, 湯底好甜, 牛肉份量都幾多, 同埋有好多菜, 都值得推介!!呢份炸雞又係超級抵食, 只係$48, 但係份量極多, 同埋炸粉好薄, 香脆, 人肉仲有好多肉汁, 又抵又好食!最後仲叫左個冷烏冬, 呢個就不過不失, 不過overall黎講呢到真係性價比超高, 同埋選擇好多, 而且質素好好, 以呢個價錢黎講真係無野投訴, 值得回頭!…查看更多

好人無去開太古呢頭, 見呢間小店都幾多人食, 就試一試!二人餐只係$338, 岩晒懶人唔洗揀~首先可以揀小食拼盤, 本身以為揀2款, 點知原來係3款! 真係超大碟!我地揀左蝦餅, 蝦多士同埋雞鎚, 個蝦餅雖然薄薄地, 不過好彈牙, 好好食!蝦多士都好鬆化, 雞鎚好辣不過好惹味!沙律係餐包埋既, 有大樹波羅, 好少係沙律上面出現, 好SURPRISE, 個沙律汁酸酸甜甜好開胃!主菜方面我地揀左炸雞脾配椰漿飯, 個炸雞脾超大隻, 炸得好香脆, 入面仲有汁既, 椰漿飯除左好香椰漿味, 仲有一陣班蘭味, 所以比平時既好食!另1款我地揀左沙律, 其實食完個拼盤已經好飽, 呢個沙律都係好清新, 雞胸亦都好大件!!飲品我地試左FRUIT PUNCH同埋呀參梳打, 飲落好似山渣, 酸酸味味~甜品本身想試咖央多士不過賣晒:( 試到最後一份糕點, 好香班蘭味, 都好好食!…查看更多

好耐無黎觀塘呢邊, 原來裕民坊靚左咁多!準備去大食會, 順便黎買D野食帶過去, 呢到有好多間外賣小店, 除左壽司仲有雞翼山!叫左1份12隻雞翼, 可以揀3個味, 仲叫左個飯, 因為驚唔夠飽~雞翼有好多味道, 我揀左咸蛋黃, 泰式酸辣, 同埋避風塘, 一路拎住袋野都覺得好香, 直頭覺得成架巴士都聞到咁!雞翼PACK得好好, 個盒亦都無令到D雞翼出晒油, 仲係好乾身好JUICY~ 咸蛋黃醬帶甜味, 好似奶王包, 所以比較鐘意泰式酸辣, 同埋避風塘, 酸酸辣辣好開胃, 避風塘仲有粒粒炸蒜超香口!另外既飯我叫左蝦多士磨菇飯, 上面仲有3隻雞翼! 個飯好大兜, 其實我覺得夠3個人食! 如果多D汁就更加正啦!!OVERALL呢到既雞翼真係好好食, 開PARTY一流!…查看更多

假期前夕來一個漫活lunch, 呢到環境舒適, 好光猛, 坐得好舒服! lunch set百零蚊起跳, 仲可以加$58食埋出面既自助bar, 有2款熱食, 沙律, 甜品, 糖水等等~~我同媽咪叫左2個main, 再加左自助吧, 佢揀左蟹肉忌廉意粉, 我揀左西冷牛排, 店員好好會比埋碟我地share~之後就出左去拎沙律菜, 都幾多選擇, 除左菜/粟米/菇之外, 燒南瓜都值得一試, 好粉好甜, 而且仲有幾款cold cut, 同煙三文魚, 其實淨係食salad bar都夠食!蟹肉忌廉意粉估唔到咁大碟, 意粉煮得岩岩好彈牙, 忌廉汁好掛汁, 唔會太漏, 好香, 仲有好多蟹肉, 相當唔錯!西冷牛排又係好大份, 2個人share比較好, 因為都幾厚, 5成熟整得剛剛好, 牛味重, 唔韌, 好吃! 旁邊既烤薯條都好香脆新鮮!最後試了幾款甜品, 瑞士卷小小的一口不錯, 芋頭西米露都好吃!…查看更多

近排香港好似開咗好多唔同蛋包飯嘅餐廳，今日去開大埔超級城見到呢一間人氣好高嘅餐廳排哂隊咁，餐廳風格好似日本嘅咖啡廳，門口已經好靚好啱打卡🤭<紅酒燉牛肉蛋包飯>蛋包飯外表滑嘟嘟咁樣，店員會即刻幫你界開佢，然後入邊滑溜嘅蛋漿就會蜂擁而出😂然後再淋上醬汁，蛋好好食，而牛腩好淋，成個配搭都好豐富。<玉子蟹肉炒烏冬>本身以為係炒烏冬，不過嚟到原來係類似龍蝦汁嘅烏冬，蟹肉好鮮味，配埋醬汁好滑溜好掛湯！<月見炸雞>本身唔知乜嘢係月見炸雞，所以就試吓，佢係炸雞再配上一個酸酸地好似燒汁嘅醬汁，然後仲有一隻玉子，個醬汁好好味，同炸雞好夾！<布甸>賣相超級可愛！☺️布甸好滑溜，好香好味😋…查看更多

呢間宴．鐡板燒除左鐵板燒之外仲有OMAKASE SET! 不過我地太耐無食過鐵板燒, 今日就試呢個SET先, 其實就算係鐵板燒SET, 前菜都有壽司同刺身, 當日既刺身係營光魷魚同埋深池, 營光魷魚細細隻, 入面有膏既香味, 好岩送酒! 深池就唔洗講, 魚香十足, 肥美!壽司既食材都相當新鮮, 師傅仲好識運用食材, 適當利用黑松露油/柚子, 令壽司味道更豐富!開始鐵板燒既環節, 先來一隻大虎蝦, 一路整既時候都聞到好香蝦膏味, 煎好之後會有個醬/檸檬比你配埋, 但我覺得原味已經最好味了!爽口彈牙!接下來的牛油帶子係我全晚最鐘意既一道, 師傅特調既牛油汁真係好香, 北海道帶子口感幼滑, 煎得岩岩好!美國牛肉粒雖然油花唔多, 所以無咁油膩, 驚喜位在於隔離既洋蔥沙律, 本來以為配蒜片已經係極致, 但之後發現洋蔥先係神道, 洋蔥不辣,配柚子醋好FRESH, 夾住牛肉一同食就非常清新最後就是炒飯同炒菜, 飯粒分明, 香口, 非常滿足的一餐, 特別欣嘗店員同師傅在每道菜認真既介紹, 閒聊間得知餐廳對食材用料既堅持, 非常好的用餐體驗! 下次再來希望睇埋日落!!…查看更多

是日放假, 既然夜晚無得出去食, 就晏晝同媽咪去行街食下野~行過誠品見到呢間NINETYS, 入面仲有個超靚海景, BRUNCH都係128起~除左平時既單點BRUNCH, 仲有BRUNCH BOARD~可以揀4-6款sides, 再配麵包/飯~叫左1個4sides brunch board同piggy piggy試下, brunch board 揀左coconut yogurt mousse, 龍蝦, crab meat, 同櫻花蝦炒蛋~其實4sides已經好大份!! 見到果陣都呆左, 真係會食唔晒!! 龍蝦有半隻, 配左個咸蛋醬, 我將個醬配麵包都幾好食! 龍蝦肉彈牙, 好鮮!crab meat 淡淡肉, 我放埋上麵包上面食又係好正, 佢仲有青檸, 感覺很fresh~coconut mousse都值得一試, 佢地將個yogurt打到好creamy又airy, 好清新!!另外piggy piggy既賣相超靚!!! 仲要好大份!個豬排係slow cook, 好厚但係都超淋, 好好食!! 入面除左菜仲有青木瓜沙律, 增添脆卜卜口感, 好fusion但又好夾,呢個burger相當驚喜!!!…查看更多

柯士甸路入面愈黎愈多野食, 見到呢間有sushi roll食, 價錢都唔貴, 就試一試!佢除左sushi roll, 仲有poke bowl, 同埋1d 便當~~我就叫左個鰻魚卷, 佢可以跟set, 仲可以揀蕃薯條!!!!強烈推介蕃薯條, 因為好甜好脆好好食!鰻魚卷入面有芝士同牛油果, 口感好creamy, 醬汁唔會太多, 岩岩好, 成個組合都好夾, 100分!朋友叫左個三文魚poke bowl, 有辣同唔辣既三文魚, 都好好食, 而且份量好多, 男仔都夠飽!…查看更多

近排長沙灣愈黎愈多CAFE, 最令我感興趣就係呢間BOHOLIC! 因為佢有個波希米亞風既吊椅,真係好靚好岩打卡!去到發現都幾多人, 不過唔洗驚, 因為原來每層都有唔同既打卡位, 除左門口, 樓上都仲有, 連室外AREA都可以影下相!我同媽咪叫左2個BRUNCH SET SHARE~ 之後加多1個甜品!呢到既食物份量都幾多, 有D估唔到, 而且質素唔錯!媽咪都話好食! 仲係咁影相!不過最驚喜就係梳乎厘PANCAKE, 上枱既時候令我地O晒咀, 因為真係超大份!!!成隻碟咁大, 仲係震TUN TUN, 好SOFT咁!食落蛋香味濃, 口感鬆軟, 唔會好漏架原來! 藍莓醬加埋CREAM都好清新, 好好食!!!…查看更多

星期五又到外吃聚會既日子, 諗起之前一年去幾次日本, 2020年之後已經無再去過, 點知黎到呢間日本餐廳真係好有日式風味!超似日本D 居酒屋!所以好岩大家一班朋友慢慢坐, 事關佢地上菜都比較慢, 一路飲酒一路食就岩晒啦!玄米茶好香, 見到好多玄米粒粒, 都飲左好多壺~叫左幾樣野食SHARE, 味道都唔錯!刺身沙律好新鮮, 個汁帶酸, 好開胃, 白身魚都好爽口有口感, 唔錯!另外仲試左個秋刀魚刺身, 唔食魚既朋友就覺得好腥, 我就覺得好有魚味~呢到既壽司卷都幾好食, 值得一試!…查看更多

韓燒就食得多，韓式扒房就第一次試。朋友話公司附近有間正野，坐得舒服都係$348去到真無超滿座 原來仲有VIP房 下次多D人可以試下BOOK！夜晚MENU有個OMAKASE SET會有韓式前菜 蒸蛋 1個韓式FUSION料理 燒肉拼盤 同埋一個主食 同埋甜品睇MENU都覺得好抵食又超豐富！！韓式前菜有好多款 仲可以REFILL泡菜好好食！韓式料理我地試左和牛他他 配埋紫菜做一個前菜都好合適 唔洗食太多重點就係燒肉拼盤除左牛肋骨仲有和牛同熟成牛肉，呢到既牛肉味道都好好，而且油香十足，又淋滑，真係好好食好滿足！最後主食要左雪濃湯，好飽好夠食！…查看更多