Rainvi.life的个人专页

成日經過呢間cafe都感覺好Chill好舒服！Cafe主打手工意粉，星期五晚雖然人比較多但氣氛都好放鬆 ☺️★̆̈ 冬蔭大蝦意大利麵 $158 大蝦鮮甜彈牙，帶有燒烤味，意粉吸晒酸辣嘅冬蔭公汁，每啖都好惹味，適合鐘意食辣嘅朋友叫咗意粉仲可以+88升級套餐，有埋前菜同是日甜品✐ （前菜）煙燻三文魚牛油果沙律沙律汁再酸甜開胃，煙燻三文魚加埋三文魚籽嘅鹹香，配埋清爽嘅牛油果，味道豐富又健康✐ （是日甜品）TIRAMISU咖啡味濃郁，口感綿密，甜而不膩…查看更多

朋友喺英國返嚟，帶佢嚟呢間充滿懷舊風味嘅火鍋店，地道又有特色，滿足晒佢對香港嘅思念！ ★̆̈ 石橄欖椰子雞湯 (去骨大跣雞) $298 湯底清甜帶椰香，飲落好滋潤！雞肉煮2-3分鐘就食得，蘸埋店家自製嘅靈魂醬汁，嫩滑彈牙得嚟帶少少辣，好開胃★̆̈ 生醃廣島蠔 $118 廣島蠔大隻又creamy，食落鮮甜多汁，醃完之後仲多咗一份酸辣嘅感覺★̆̈ (大）手切肥牛 $398 肥牛油花均勻，嫩滑多汁，牛肉味都好濃郁，唔小心就2個人食哂成碟🤣★̆̈ 鬼馬蝦膠 $80 油炸鬼包住蝦膠，估唔到淥完之後油炸鬼仲保持脆口，而蝦膠亦好彈牙好，真係盞鬼！ ★̆̈ 招牌三拼餃 $138 雲吞、韭菜餃同黑松露蟹肉餃皮薄餡靚，仲要好足料！黑松露蟹肉餃食落好香，好令人回味🤤★̆̈ 竹蔗茅根 $40 打邊爐必點，清甜降火，仲可以解膩…查看更多

呢間餐廳真係抵到爆！只需$268就可以享受超豐富嘅［爐］烤魚盛宴，仲有驚喜生日蛋糕！ ★̆̈ ［爐］烤魚盛宴 $268 我哋揀咗四川麻辣烤魚，魚肉煎香後開邊去骨，嫩滑惹味，麻辣香濃！套餐仲送咗個時令刺身拼盤！除咗烤魚同之外，仲有好多嘢任食：✐ 美國精選肥牛✐ 頂級牛板腱✐ 美國黑豚肉✐ 黑豚豬腩片 ✐ 香脆炸物✐ 自助火鍋配料 （蔬菜，丸類，麵等）✐ 三文魚刺身✐ 飲料、酒類最誇張呢個價錢竟然可以任飲啤酒（1664，Sapporo，藍妹）、清酒、白酒，超啱成班朋友一齊聚會🥳朋友仲同餐廳講咗我生日，準備咗三文魚生日蛋糕比我，好靚阿，超開心🥰…查看更多

之前朋友請我去食Omakase 慶祝生日🥳 餐廳嘅裝修好別緻，除咗Omakase之外，仲有鐵板燒🍳食食吓飯嘅時侯，突然熄晒燈，原來係燒龍蝦🦞★̆̈ 焰月Omakase $980晚市Omakase 嚟講算平，總共有20品，一齊睇吓有咩食🍁 京都湯葉腐皮加津菜同埋三文魚籽，腐皮滑到好似食緊魚咁 🍱 前菜✐ 沖繩白粟米：比平時嘅粟米更鮮甜✐ 日本水母配柚子酸汁：好開胃✐ 蟹膏豆腐配柚子麻醬：豆腐好滑 🦪 北海道生蠔生蠔食落超creamy，配搭埋沖繩海葡萄同酸汁啫喱，口感好豐富🍥 蜜柑鯛卷魚肉自帶蜜柑味，中間卷住芽蔥，配埋啫喱食好fresh 🌀岩手縣粒貝日本響螺切片，食落有嚼勁，落咗麻油同山椒，帶有辣香但食落唔辣，加埋芥末仲惹味 😍🐠 北海道喜知次喜知次好嫩滑，蒸完之後再燒香返個魚皮，逼返啲魚油出嚟，上面沈咗烏魚子，配埋超creamy嘅甘筍汁一齊食，突顯咗魚肉嘅鮮甜🥓 煙燻拖羅師父即場煙燻大拖羅同赤身，再燒一燒大拖羅！最後夾埋紫菜，沙甸魚魚乾同埋紫蘇葉一齊食，一咬魚油出哂嚟，超香口🥰🍜 梅子素面食落酸酸甜甜，呢個天氣食好涼快🍣 壽司✐ 石垣貝✐ 北海道劍魚腩配日本尖椒✐ 富士山三文魚配煙燻梭魚籽✐ 油口魚配燒香嘅裙邊✐ 北海道小川馬糞海膽 啲魚生好新鮮，魚油味勁香同埋平時都比較少見！最鐘意係海膽超鮮甜，仲要份量好多，一放入口超級幸福🥰🥬 中拖羅手卷呢個手卷係用沙律菜包住中拖羅，吞拿魚蓉，芽蔥同飯，食落爽脆得嚟帶有好香嘅吞拿魚味🍲 魚湯奶白色嘅魚湯好濃香 🍨 甜品✐ 江戶前玉子蛋糕✐ 香蕉味雪糕 ✐ 抹茶蕨餅用蘭王蛋同帆立貝焗嘅蛋糕好香，再配埋香蕉味雪糕同蕨餅，好滿足😌…查看更多

同大家介紹一間我嘅加餸飯堂🤤記得第一次買係喺社交平台見到post，之後就變咗成日嚟買★̆̈ 豐味窯雞 $168 食雞最重要係滑嘟嘟，呢隻雞即叫即做，新鮮滾熱辣～外賣用兩層錫紙包好，用咗一個鐘返屋企，依然熱辣辣💯 店家仲準備咗勞工手套同膠手套同辣粉，非常貼心💕打開錫紙嘅瞬間超香，即刻餓了🤤 雞入面釀咗好多洋蔥同香料，令到隻雞好惹味🐥成隻雞都好滑，一撕就爆汁，仲好易拆到骨🍖雞肉食落入口嫩滑又多汁，就算係雞胸都唔會鞋颯颯，越食越上癮❣️📣 溫馨提示：由於製作需時，記得同店家預訂好先過去拎雞。過到去都需要等一等，但絕對值得🥰…查看更多

最近牛大人推出咗「炎夏椰樂祭」，以椰子做主題，除咗一堆椰子味嘅嘢食同嘢飲，仲有椰子味嘅MÖVENPICK雪糕🍦鐘意椰子嘅我當然唔會錯過🤤★̆̈ 「日本黑毛和牛A4+ 」餐（20:30入座） $498🍲 湯底✐ 木瓜椰皇嫩雞鍋雞好嫩滑，個湯清甜又消暑✐ 牛大人秘方麻辣鍋 我最鍾意叫呢個湯底，香辣得嚟又惹味🍱 套餐主打呢個餐除咗日本和牛任食，雞尾酒同指定啤酒都係任飲㗎🍻 （「澳洲極上和牛」餐都可以+$68 升級酒類𣈱飲）✐ 日本黑毛和牛A4 ：和牛依然保持高水準，油花同肉質都好靚，入口嫩滑✐ 澳洲M9和牛牛丸：多汁彈牙✐ 海鮮拼盤：有蠔，鮑魚，扇貝，魚，好豐富🏖️ 炎夏椰樂祭：✐ 椰酥跳跳豬 ：食落有啲似鹽酥豬，加埋椰子味同爆炸糖，新奇又好玩✐ 黃金椰絲蝦丸 ：蝦肉彈牙，炸完之後好香脆✐ 香椰火焰醬：椰香味帶少少辣，食落似紅咖喱嘅感覺，同和牛都幾夾✐ 椰汁美奶滋：個醬食落甜甜地，同炸嘢好夾✐ 香芋椰漿脆脆：芋頭加埋椰漿同脆片，甜入心✐ 藍調微風 ：薄荷味，飲落好涼爽✐ 椰奶蓋芒芒爽 （$25）：椰奶奶蓋上面有少少椰絲，飲落微甜，入面仲有芒果西米露同芒果粒🥭 而家follow牛大人 IG / Facebook / 小紅書 / 大眾點評仲可以免費飲一杯🚩隱藏活動 - 「知識就是折扣」 📚食咗咁多次牛大人先知有呢個活動，可以揀問題類別，5題入面答中2題就有獎，同職員講聲就可以玩㗎啦，仲有畢業證書添🤣✐ 答中2題：即影即有1張✐ 答中4題：即送鮑魚拼盤6隻✐ 答中5題：下次幫襯全單八五折 (要登記Storellet會員)我就揀咗動漫，估唔到唔夠宅，答中三題咋🙈最後仲收到精美貼紙一張💰學生優惠 - 學生狂歡時段 🪪持有全日制學生證於星期日至四21:00後入座可享以下優惠：・「日本黑毛和牛A4+」餐減$90・「澳洲極上和牛」餐減$60・「美國特級安格斯」餐減$30…查看更多

之前見到呢間又有夢王蛋又有和牛嘅餐廳已經流哂口水🤤今日約咗朋友係太子附近做運動，終於有機會食到🥰 ★̆̈ 夢王和牛丼 $68 $68就食到鹿兒島直送A5和牛搭配夢王蛋，勁抵！和牛配埋夢王蛋蛋汁，飯都忍唔住食多幾啖😋★̆̈ 鹿兒島直送A5和牛加鮑汁冬菇花膠鍋 $168 呢個煲真係好豐富，花膠好大塊好厚，份量仲要好多☺️冬菇吸哂咗鮑汁好冧好入味，湯底香得嚟好鮮甜，結果成煲飲哂🤫A5和牛好嫩滑多汁，入口即溶，未落夢王蛋已經好好食，仲有關廟麵、菜同豆卜，絕對值得Encore❣️★̆̈ 脆炸鮮奶卷 $28/4件 炸鮮奶食落好脆口，甜而不膩，仲可以加煉奶食，超邪惡★̆̈ 紫菜三寶湯 $44 紫菜湯清甜又暖胃，入面仲有魚片、牛丸同墨魚丸，三款配料都好彈牙，簡單得嚟好滿足❣️💰而家餐廳慶祝2周年，消費滿$100送$10現金券，多食多送仲可以同時使用，抵上加抵！過多排再食先😋…查看更多

朋友話想食甜品，經過見到呢間餐廳人氣爆燈，甜品選擇又多，即刻嚟試試！★̆̈ 宇治抹茶梳乎厘班戟 $118 班戟質地輕盈鬆軟，抹茶味濃郁，配埋獨特嘅黑芝麻cream，甜度啱啱好，抹茶控必試！ ★̆̈ 烤美國安格斯肉眼牛扒配燒汁（配薯條） $258 牛扒烤到得好靚，有網紋，薯條都好香脆★̆̈ 北海道5.0牛乳芭菲-士多啤梨 $72 北海道牛奶雪糕奶味香得嚟好滑☺️雪糕上面灑咗士多啤梨粉，中間夾咗士多啤梨片同芝士蛋糕，最底層係甜甜嘅士多啤梨果醬，層次好豐富★̆̈ 蜜糖脆脆牛奶咖啡（凍） $52 牛奶咖啡加埋蜜糖脆脆嘅甜味，飲落唔算好甜，仲好消暑…查看更多

朋友話想試吓呢間由參加過米芝蓮的廚師主理嘅泰國餐廳，環境舒服，啱晒家庭同朋友聚會！ ★̆̈ 泰鑫四人餐 $998 只需加$1就可以加購泰式明爐酸辣魚，勁平！一齊睇吓套餐有咩食！✐ 冬陰功湯：辣辣哋好開胃，仲好足料✐ 青木瓜沙律：青木瓜爽脆，酸辣啱啱好✐ 小食拼盤：有蝦餅、炸雞翼、豬肉條同福袋，一次試哂唔同小食 ✐ 泰式豬頸肉：豬頸肉燒到焦香，香氣十足✐ 黃咖喱雞：咖喱香滑濃郁，雞肉嫩滑✐ 菠蘿炒飯：炒飯除咗加入菠蘿，仲加咗腰果，葡萄乾，肉鬆，酸甜香口又飽肚✐ 芒果糯米飯：糯米飯煙韌暖笠笠，配鮮甜嘅芒果同椰奶，甜而不膩，完美嘅甜品收尾！ ✐ 4杯飲品：可以揀泰式奶茶、泰式檸檬茶或青檸梳打★̆̈ 泰式明爐酸辣魚 +$1$1就有咁大條魚，超抵食，魚肉嫩滑 ★̆̈ +$68 飛天炒芥蘭 芥蘭炒得好爽脆，加埋蒜香調味，簡單但非常惹味🎲 擲骰優惠 消費滿$400可擲骰一次，$800兩次，消費愈多機會愈多！只要擲到6即享折扣： ・6個相同數字：全單免單 🎉 ・5個6：5折 ・4個6：75折 ・3個6：8折 ・2個6：85折 ・1個6：9折 （折扣不能與其他優惠並用，亦不適用於加一服務費、節日、星期日及公眾假期） 情侶或少人聚餐可以揀泰鑫二人餐，仲可以+$1換小食拼盤…查看更多

身邊朋友成日提起WM，今次終於同佢一齊食，試過之後即刻明白點解佢成日食！佢嘅Dinner Set 真係好抵食，除咗主食、湯、沙律、飲品，仲送埋法包薄餅，性價比極高 ，而且環境氣氛都好好，好啱傾計🎉🥖 法包薄餅薄餅用法包做底，烤到香脆，上面仲撒咗芝士粉，好開胃🍲 湯 (蕃茄湯 / 龍蝦湯）✐ 蕃茄湯：蕃茄味好濃，個湯偏甜，發現朋友飲湯落Tabasco ，跟風後發現又好夾喎，有冇人都會咁飲湯🤣🤣🤣✐ 龍蝦湯：個湯好香滑，重點係龍蝦湯竟然唔洗額外加錢！★̆̈ 美國安格斯封門柳伴燒汁 $188叫咗5成，封門柳煎到啱啱好，好濃郁嘅牛味，食落嫩滑多汁，燒汁味唔會蓋過牛肉味，仲提升咗整體嘅香味😋★̆̈ 香煎馬利蘭蟹肉餅伴蟹膏忌廉意大利麵 $135蟹肉餅外面煎到微焦，入面係滿滿嘅蟹肉，啖啖都食到鮮甜嘅蟹味🦀意大利粉掛哂蟹膏忌廉汁，食完好滿足…查看更多

連續三年米芝蓮推薦嘅泰國菜餐廳，裝修主要係湖水綠色同落地玻璃，好有度假feel，坐喺度食飯感覺特別chill★̆̈ 燒豬頸肉沙律 $138 豬頸肉好爽口，包埋生菜同洋蔥食，再配埋酸甜嘅泰式醬汁，清新又開胃 ★̆̈ 泰式咖喱蟹汁軟殼蟹 $188 軟殼蟹大大隻炸到外脆內嫩，咖喱椰香味濃又唔會辣，好惹味！咖哩入面仲要有好多蟹肉， 真係啖啖肉！蒜蓉包吸哂咖喱汁後依然好香脆 💕★̆̈ 蟹肉奄列 $178 上菜已經聞到好香嘅蛋香味，一切開個奄列見到蟹肉多到爆出嚟，食落滑得嚟又鬆軟，蟹肉好鮮甜，點埋少少辣醬，味道好豐富★̆̈ 飛天炒通菜 $88 通菜炒得好爽脆，鹹香得嚟帶小小辣，好開胃★̆̈ 芒果糯米飯 $78 估唔到唔係提早訂嘅生日版芒果糯米飯都用咗芒果砌成玫瑰花形狀，擺盤非常精緻！糯米飯暖暖哋，配上鮮甜嘅芒果，淋埋椰漿後甜而不膩，仲好香口🥰★̆̈ 青檸梳打 $38 酸甜適中嘅青檸梳打非常解膩★̆̈ 椰青 $58 椰青清甜又解渴…查看更多

朋友生日想食和牛，揀咗呢間可以燒肉、打邊爐，仲有刺身同海膽任食嘅放題餐廳，一次比佢享有唔同嘅和牛食法😁 餐廳仲有生日裝飾，好適合慶祝生日🎉★̆̈ A餐日本和牛燒肉火鍋放題120分鐘 $480（平日；已享優惠）呢個餐可以食到5款A4-A5級別嘅日本和牛、7款澳洲和牛、牛舌芯，仲有海鮮、主食、熟食同蔬菜等等任食，選擇超多🍖 燒肉：最推薦日本和牛沙巴當同日本和牛三角，油脂豐富，入口即溶，肉香濃郁，絕對係必試之選！ 🍲 火鍋：✐ 壽喜燒湯（+$38）：必點薄切和牛和尚，大大塊肥美嘅和牛配壽喜燒湯底，絕配～ ✐ 地獄豚骨湯（+$38）：辣味好香濃，配埋海鮮菇同恰菜，越食越開胃★̆̈ （升級）任食四款海膽菜式及刺身（+$88）鍾意海膽嘅朋友一定唔好錯過！包括： ✐ 海膽生蠔 ✐ 海膽帶子 ✐ 海膽和牛/三文魚他他 ✐ 鵝肝多士 ✐ 多款刺身 🍻 飲み放題：✐ +$38/位可以任飲 Umai Mugi麥啤✐ +$98/位就可以升級任飲麥啤 + 生啤 + 清酒 + 燒酎📞 訂座熱線：電話：26173328 Whatsapp：66362117 💰優惠：而家like and share 店家社交平台仲可享6折優惠…查看更多

上次經過灣仔合和商場後面，見到呢間隱蔽小店，今次同朋友嚟食，發現佢唔係一般嘅西餐，而係主打Fusion菜嘅★̆̈ 香煎章魚鬚 $148呢道前菜以羽衣甘藍做菜底，沙律汁竟然用咗八珍甜醋，初入口覺得偏甜，但越食越覺得特別。章魚鬚大條又彈牙，仲有三文魚籽增加口感層次★̆̈ 特色卡邦尼意粉 $238用蛋黃煮嘅意粉，顏色金黃，口感Q彈又掛汁，金華火腿同臘肉代替咗平時嘅煙肉，鹹香味更加濃郁，最後灑上芝士粉同蔥花，令味道更加豐富，係一道高質嘅Fusion意粉★̆̈ 避風塘豬排 $348用梅花肉製作嘅豬排，嫩滑又多肉汁，輕輕一切就分開，豬扒同避風塘粒之間仲加咗一層蜜糖芥茉，帶嚟甜鹹交融同脆脆口感，層次好豐富。配菜亦都非常豐富，有蘆筍、炸蒜粒、菇同翠玉瓜，每樣都吸哂肉汁嘅香味，正阿🤤…查看更多

今日朋友帶我搵食，呢間餐廳嘅串燒低至$10/串，另外仲有好多唔同嘅小食揀，仲可以叫埋清酒，真係好抵食同好啱朋友聚餐！★̆̈ 墨魚滑紫菜大蝦 $68 炸到脆脆嘅紫菜包住彈牙嘅墨魚滑同大蝦，口感豐富，點埋千島醬食更加香！ ★̆̈ 香燒翠肉瓜 $10 翠肉瓜好鮮甜，好juicy，簡單嘅調味已經好好味★̆̈ 鹽燒雞腿肉 $20 雞腿肉經過鹽燒後仍然好嫩滑，肉汁豐富，雞皮都夠脆★̆̈ 咖喱牛舌手抓餅 $58 手抓餅個皮好脆同好香嘅蔥香味，牛舌厚得嚟好腍，加埋椰香咖喱醬，味道豐富又惹味★̆̈ 椒鹽+紫菜+泰式辣醬+九肚魚 $68 九肚魚個皮炸得好薄脆，上面已經加咗紫菜粉同椒鹽粉，魚肉好嫩滑，蘸埋泰式辣醬，鹹香又帶少少辣，非常出色★̆̈ 豚肉牛油果卷 $28 滑嘟嘟嘅牛油果嘅加埋豬肉嘅鹹香，串燒上面仲鋪咗蛋沙律同紫菜，口感好豐富★̆̈ 豚肉荔枝卷 $15 豬肉包住荔枝咁食真係好少見，咬落去清甜得嚟帶少少鹹香味，好特別🤤★̆̈ 蒜蓉菜脯燒茄子（微辣） $38 燒完嘅茄子蒜香味好出，加埋菜脯嘅爽脆同辣粉，好開胃★̆̈ 免治雞肉（配日本蛋） $28 免治雞肉入面有雞軟骨，咬落帶有爽脆口感，撈埋蛋汁食，嫩滑得嚟好滿足 😌★̆̈ 焦糖菠蘿鵝肝醬多士（2件） $58 焦糖菠蘿帶甜味，配埋濃郁鵝肝醬，香脆嘅多士，甜鹹嘅配合，邪惡又好味…查看更多

之前成日聽人讚呢間燒肉高質，最近見佢哋推出咗「威士忌系列」，就過嚟試啦～燒肉又點少得新鮮生菜😋自助區有生菜任拎，可以包住肉食，仲有菠蘿可以燒🍍，多款蔬菜都好新鮮添 🍖仲有十二款醬料拎，每樣都好特別🥰★̆̈ 澳洲M5和牛吃到飽（16:30-21:00入座） $418 呢個餐可以任食和牛同新鮮嘅海鮮，仲送嚴選牛舌芯，超豐盛又滿足🤤✐ 爽彈虎蝦：虎蝦經過炭火燒烤，肉質彈牙，鮮味十足 ✐ 鹽蒜燒生蠔：肥美嘅生蠔超大隻，仲鋪滿蒜味鹽醬，鮮味爆棚 ✐ 烤帆立貝：新鮮帆立貝配牛油燒，肉質滑嫩，仲帶有鮮味✐ M5和牛：霜降效果脂肪分佈均勻，入口即溶，濃郁肉香滿口✐ 安格斯牛小排：柔軟鮮嫩，脂肪均勻，牛味香濃✐ SRF極黑一口牛：帶有自然甜味，風味濃郁 ✐ 嚴選牛舌芯：牛舌芯只佔牛1%，夾個時已經feel到好冧腍，果然食落超嫩軟，食落口油香四溢，可惜食完冇得再加🥹🥃威士忌系列 ✐ 威士忌醬烤鳳梨內群柳 超大條🙈好打卡able~肉質嫩滑，加埋鳳梨嘅甜香味，燒完後帶有煙燻味，好香口✐ 威士忌醬烤黑椒豬頸肉 用威士忌醬調味，酸甜帶焦香，提升咗肉類嘅獨特風味，豬頸肉仲要好爽口彈牙，正！ 🍺Suntory喝到飽 全日時段惠顧任何套餐，只需+$68即可任飲Suntory啤酒，無限暢飲🍻 ✨指定平台買以下套票仲有優惠添，快啲去安平燒肉IG睇詳情啦- M5和牛餐 + 限定鹽味全血牛腹肉 + 任飲Suntory- M5和牛餐 + 限定鹽味全血牛腹肉…查看更多