jiiev的个人专页

Carbonara 雖然唔係homemade pasta但係個汁幾好味 唔係好「漏」好多煙肉🥓 😋普通Americano VS Rose Coffee 飲慣咁齋啡唔係好慣咁rosy嘅咖啡不過玫瑰味真係好出但熱飲配埋泡沫嘅油脂真係唔太夾可能凍飲會清爽啲蟹餅配蕃薯條蟹餅同沙律醬幾夾外皮幾脆 不過不失無咩驚喜蕃薯好甜但就唔係超脆個種岩鹽雪糕心太軟想講呢個真係好有驚喜💕 推介！！岩鹽中和咗甜品嘅膩感心太軟朱古力好食 如果可以苦啲就更正！最後想講呢間分店嘅員工服務態度唔錯雖然係兩個人黎但安排到卡位都會盡力安排想客人坐得舒服😌…查看更多

行過見到呢間Cafe，價錢唔算貴，坐得都幾舒服，又唔使點等位就入嚟試吓啦。🍴蒜味海鮮意粉 $73配咖啡加$12 配薯條加多$12就咁睇個意粉不過不失啦，一定唔係自家製嘅意粉，不過勝在份量都幾多，個蒜蓉包幾好食，識落好趣，啲海鮮就唔好要求咁多，幾隻蝦同魷魚圈，普普通通。今餐嘅薯條都幾大碗，自己一個人食就食唔晒啦，如果有小朋友嘅話黎食都幾開心嘅，但係如果自己一個人嚟嘅話就可以慳返個$12或者叫其他嘢食啦，意粉已經好夠食。杯咖啡出奇地算順口，開頭以為係茶餐廳咖啡嗰種。📌總結：位置上都幾闊落，如果約咗幾個朋友或者要帶小朋友嚟食都幾適合，因為餐單上面都有好多款唔同種類嘅嘢食，照顧到唔同人嘅口味，而且坐得都幾舒服，份量又足，但就唔好期待啲嘢食會令到你有種好驚喜嘅感覺。…查看更多

諗起港式野就黎幫襯新記！📍豬頸肉煎蛋芝士撈丁 $59- 個蛋煎得好靚(о´∀`о)- 芝士勁多 但係唔係漏到濟個隻芝士味唔算超濃味個種 對濃芝士味抗拒嘅話都可以一試- 豬頸肉好香口 比想像中多 - 公仔麵夠乾身 唔會太腍 口感幾好📍XO醬豬扒炒公仔麵- 預咗係鹹 不過新記算係我食過之中無咁鹹嘅一間（如果有少少辣味就好啦）- 豬扒就普通茶餐廳嘅豬扒 肉當然係鞋鞋地- 略嫌煎得唔夠香口- 炒麵有少少鑊氣味╰(*´︶`*)╯♡- 呢陣鑊氣味滿足晒！📌總結：- 奉送熱飲 其實算抵食同足料- 坐得舒服 好彩有卡位( ✌︎'ω')✌︎- 坐摺凳真係搞唔掂 裝修好有香港懷舊情懷…查看更多

星期六大概2:00過嚟食已經唔使點排隊佢個位置有少少遠不過都算易搵📍溏心魯肉飯- 隻蛋唔係溏心，半熟咗- 魯肉汁係比較杰身個種 偏甜含肥豬肉- 飯底ok 略厭肉汁唔夠撈📍招牌牛肉麵- 果然係招牌- 呢隻溏心蛋係成功嘅溏心蛋❤️- 湯頭係有陣藥膳味 好飲！足料蟲草花- 牛肉醃得好夠味好腍 仍然好有牛味-刀削麵好有彈性 煙韌 （本身鍾意有咬口嘅必食）share一定唔夠飽 因為麵量唔多📍髒髒芋泥鹹蛋黃蛋餅- 超級多芋泥 芋泥控必點(о´∀`о)- 鹹蛋單食係幾香 不過撈埋就冇咩感覺- 蛋餅皮好薄 捲埋都唔覺好厚📍Oreo 奶奶麻糬- 幾好玩嘅甜品(๑˃̵ᴗ˂̵)- 麻糬本身好似挺身版panna cotta- 邊𠝹邊痴芝麻粉好得意- 除咗顏色唔係好食到Oreo （？）總結：- 價錢的確偏貴 但係食黎出食材係幾用心- 坐得都算舒服- 個日去只收現金 大家黎食記得袋定cash- 店員細心 甜品會幫手後上…查看更多

逢親星期六日Pepper Lunch一定大排長龍大家出門口好禁定飛( ´∀｀)偶爾好掛住鐵板味所以今日就黎食個lunch❤️- 雞扒配珍寶漢堡扒雞扒比預期滑漢堡扒好大件而且肉汁都好多薯蓉配菜同白飯就不過不失同場加映港媽不滿叫號安排佢哋係三個人話仔仔等咗成半個鐘好肚餓明明有四人檯都唔叫嘈到拆天店員好好禮貌 用心解釋有客睇唔過眼幫口當然係俾港媽鬧返轉頭店員都好好咁安慰呢位見義勇為嘅客人港媽話以後唔黎食😂 唔知佢做唔做到呢…查看更多

同事熱情推介，所以有日得閒就黎試下啦！- 黃酒雞湯足料好飲，裡面有蟲草花飲完即刻暖笠笠- 白飯我對白飯既要求就係唔濕！哈哈。唔知係咪珍珠米，粒粒分明，將啲頭抽醬油倒入去撈飯一流，啲米吸晒啲醬油，平時唔敢食晒一碗米既我都食晒！- 主角：頭抽醬油雞份量幾多，目測可能有1/4隻雞，大食嘅男仔都夠飽。雞件好滑，醬油好入味，驚食雞皮既我都照樣食埋，因為真係好好味。總結：會再黎食，下次想試下配蝦頭油炒麵，如果有時間等下下午茶更抵食！午餐略嫌少少貴啦🥲…查看更多

📍食咗咩？- 28辛京都風咖喱 吉列豬扒定食 $88- 28辛京都風咖喱 吉列廣島蠔定食 $88先講跟餐有咩啦。定食會有一杯冷茶同埋味增湯。裡面加咗兩片蘿白，但個湯咸到腎虧，飲咗1/3就無飲，跟餐嘅茶都幾唔好飲，口渴嘅話建議都係應該加錢飲特飲。黎到主角28辛咖喱：無咩特別。聲稱用咗28種香料烹調嘅咖喱——完全食唔出個種層次係印象中個種日式咖哩，開粉，唔辣唔辛有咸有甜，兼有紅蘿蔔。蛋包飯：係蛋蓋白飯。蛋本身炒得ok，非常滑身，不過蛋本身無咩調味（可能預你撈味增湯食😂），白飯嫌過濕，食唔到粒粒嘅口感。朋友仔係食吉列廣島蠔，個蠔好食過吉列豬扒，起碼有蠔味。個吉列豬扒完全無豬味，個炸漿同肉係分開兩層，口感麻麻地。總結：坐得算舒服，可能甜品會比較吸引，但想食咖哩吉豬嘅話，分分鐘茶餐廳整得仲好味，唔會特別再幫襯。…查看更多