紗夢淺月的个人专页

踩完單車經過，想食小菜就黎咗依度，叫咗蒸蟹糯米飯 ，胡椒豬肚湯，拔絲咕嚕黑豚肉，金銀蛋小白菜。$198 糯米飯蒸蟹糯米飯 可能係吸咗蟹汁既關係，唔太乾身，同埋有荷葉放籠底食落好香甜，隻蟹就好多肉，同埋酒樓好細心，預早已經整到啲蟹殻好易拆，好耐都未試過係酒樓食到爆肉、鮮甜易食既蟹！ $98 胡椒豬肚蜆湯個湯好暖胃，辣度剛好，酸菜好食，蜆新鮮另外仲 食咗 拔絲咕嚕黑豚肉 ！ 超級驚喜！掛著食唔記得影底神奇既一刻😑不過好快會再黎食，除了性價比好高，仲比我發現有「塔門海膽炒飯」😍下次會再試！…查看更多

新開張店。餐牌有熱狗有麵。試下最基本咩都冇既「Pure Dog」，可以自行混醬既熱狗。其實就咁食都好正（最後都落咗酸瓜粒），配菜超級fresh!依個就係店員推介自家制蕃茄湯麵，配了選了見牛。 個湯底超濃郁，食完飲埋個湯底，一流！ 啲香味久久係個口度唔散！經過一定會再幫襯，臨走前有人叫「Sheep Dog」，望落去個樣好靚好好味，成隻狗都係燒到淋，應該甜味滿滿的洋蔥，下次要試！！…查看更多

板前一開的時候, 感覺還好, 食物質數也不錯最起碼夠新鮮, 就是比其他的貴了一點可是卻越來越差! 可能是中央工場的關係前幾天去吃, 直情誇張三文魚一點也不新鮮, 再來吃天婦羅, 來到後我吃驚了, 這也叫天婦羅嗎? 炸得一d heart 都無!再來就是帶子, 一點鮮甜味也沒有, 還比以前細了很多! 其實以板前以個價錢但係食依種質素既食物真係唔抵！不過因為肚餓都嗌多左幾碟食，但係真係唔需要依個價錢食依ｄ野…就這樣埋單了, 吃下去也沒有意義!ricky 他是一個生意人! j完全沒有顧及客人的感受! …查看更多

$12 一碗 熱烏冬....食得飽我之餘....仲要係有水準既...最緊要係冇加一!!!!最於其他小食，以前既就好味，近依２，３個月真係差都冇人有，可以不點！！…查看更多

老闆請食Lunch，由於已經係2點半...一個客人都沒有...而侍應亦都提示佢地3點會關門休息...點左吞拿魚腩蓉飯set...前菜係 沙甸魚仔...賣相唔討好...入口無感覺...吞拿魚腩蓉飯...賣相一流~ 魚油好多,勁香... 飯軟軟的~是我喜歡的飯感~!! 薑好甜~ 暫時係我食過最好味既魚腩蓉飯!!!!甜品... Greentea ice-cream...普通感覺..其實...可以黎試一試...不過真係一次就得喇...因為我深信第2度會有更好味既吞拿魚腩蓉飯..只係我而家未試到…查看更多

有時肚空空又想飲酒一定會去依度!!因為d煮食一流...原來個主廚係老闆黎..最好就發板或叫店員推介食乜...因為佢地次次都推介d正野食俾我!!!有時仲可以有ｄ特別要求...上次去食,咁岩老闆話有人送左d靚芝士俾佢,咁就炒左碟勁好味既意大利飯出黎...正!!員工服務一流..風趣幽默...十時過後會超級多人...如果想舒舒服服咁食一個Dinner 就一定要10點前去...有次就食完飯同朋友想搵地方飲野..行下行下都黎左依度...唔知飲咩野好,個員工就好體貼咁問我...「你想飲咩野味道既野??」「鍾意d咩野color??」結果出到黎真係整左杯好岩我口味既野ps:: 依間係一間食得煙既酒吧..環境太暗影唔到相，音樂唔係播中文或英文流行曲…查看更多

午膳時間去食，１２點半，仲有好多位。望一望餐牌，Ｌunch　Special 度得3個餐...同朋友一齊點左"魚生飯"...個人期望是碎上加有油...點知.....你地睇圖都應該睇到...唉.....一睇到已經冇哂食慾...落豉油落wasabi 撈撈黎食...d飯呢,係日本米,但一定係唔太靚個d...煲飯又煲得唔好...d魚生又唔新鮮...食到一半隔離台點既野食黎左,,eee...有其他野食既?!!原來,有張白色既點單紙仲有其他午餐既...我走溜眼tim..佢地點左個咖哩吉列豬扒飯,,,好香,,,同即食咖哩包d香味一樣...最後服務其實不太好,,,不過依隻價錢我又冇要求。可以不試的一間餐廳。…查看更多

雪花和牛湯河$49 ,見唔算太貴可一試，不過比普通生牛湯河要等耐多一陣…不過係值得架！因為碗湯河好香好濃…配料也充斥著甜甜香香濃濃和新鮮的洋蔥味～但係lime唔係好夠，要問佢拎多次又覺得唔好意思～！！食完返公司飲啖水，發現，哇～～個口仲好香好滑呀！！最後陣香味就係我食晚飯個時先俾其他味道掩蓋。之後都去左幾次試埋其他野食，香茅豬扒飯...唔洗係依度食..出面大把地方好過依度小食拼盤(( 即係炸個d野食 )) 可能我唔太好依d小食...所以都冇乜評價..最後如果大家黎食度...就一定要試雪花和牛湯河！！唔好為個$10 而唔試呀...如果有朋友講得$50食一個麵都係好貴既..大家就可以加底後同朋友2份share 食...hahahaaa…查看更多