hungryv's Profile

一直都好鐘意食蒜，佢個種微辛既感覺可以將一碟菜既味道昇華，但係無奈蒜一直只係配料。但比我係網上搵到呢間用蒜做主打既mad for garlic，蒜蓉係呢到反客為主，乜野都有得蒜！拿拿聲同朋友book左晚餐，行一陣街見夠時間就坐lift到食通天11樓等食！門面：環境清靜乾淨，佈局西式化，侍應安排我地坐係四人枱到，隔離有成排中空紅酒架，前面對正open kitchen，將成個廚房外露供客人觀看，比足客人100%信心。朋友太餓所以點左飯餐：鐵板澳洲牛肉炒韓國牛油飯，配太陽蛋同蕃茄莎莎。 賣相幾靚，將啲蕃茄莎莎倒落飯到溝埋，酸酸甜甜帶有一點微辣，係一道超開胃開飯啊。牛肉炒得好嫩囗，一口飯一口牛肉簡直就係滿足。主打!!garlic snowing pizza!!店員會問你加唔加芝士碎，本身已經佈滿炸蒜片既香脆pizza加上一絲絲黃玩既芝士，令人食指大動！一咬落去，完全有驚喜！由於有菠蘿既甜味中和左芝士既膩感，而蝦同脆蒜片既口感都好夾，餅底偏薄，所以唔驚會放淋可以一邊傾計一邊食。 成個pizza份量都幾多，食完成個已經好飽！再飲一淡西柚特飲，一消暑氣！朋友叫左檸檬特飲，上面都會裝飾一片水果片好有趣~店內環境十分良好，係你用餐既時候會留意幫你換碟主動收走餐盤。經理主動通知我地上甜品制作時間，比我地決定上餐是否，抵讚。我地叫左蒜頭香蕉朱古力醬比薩(配vanilla ice cream)，因為好奇蒜頭點樣融入甜品入面。 上枱之後我同朋友都覺得？？？蒜呢去左邊到？食落先發覺佢完美融入左pizza餅入面，上面有些少nut，你會食到香蕉片既軟糯同時都食左原隻蒜頭入肚，差啲認唔出，佢比雪糕同朱古力醬遮掩左陣蒜味，只有愛蒜之人先會細心咀嚼，餅底既煙韌都豐富左成個口感。不過比個建議大家，黎食最好book定先，我地坐到7點幾已經發現出面有人等緊位，如果想食得舒服就要提早預訂啦！總之呢間特色蒜餐廳我會比8/10分，下次有機會黎試佢既其他野食！…Read More

第一次去大滿喜食放題，真係有驚喜。環境幽暗，同埋座位多以大卡座為主，同朋友邊食邊傾唔驚比人聽到，私隱度高。入到去坐底已經開始寫放題紙，刺身炸物手卷壽司熟食呢啲就一定有，選擇都幾多但款底相差無幾。枱面有個骨盛姐係專門用黎裝骨幾細心。重點係，出面有前菜拎，以凍食生果為主(生菜，小蕃茄，粟米) 其次，仲有幾款炸物(薯格，炸多春魚，蛋撻，雞腿等)同埋正宗老火湯，怕熱氣既人真係要飲番碗。野食方面，基本上填完表唔洗10分鐘上哂枱，刺身一黎就冒住白煙幾特別影相好靚，望落塊塊魚生都好新鮮色澤美，食落都好爽口，正！炸物方面都係keep到皮脆內軟，雞翼一口芝士就一定必叫架啦！而手卷叫左海膽手卷同龍蝦沙津手卷，細細舊一啖食哂唔洗食咁多飯。壽司最特別係煙肉卷，粉紅色架好靚食落都味道幾match,仲有花之戀等都係水準上。再食埋燒牛舌雞軟骨就到甜品啦。甜品方面真係好豐富下，係自助形式。成個櫃都係一口cake,馬卡龍，啲店員仲推薦我地食朱古力杯話最好食，果然真係好夠味，連食2杯。杯裝/支裝雪糕，仲有原味/草莓乳酪任你裝，有3款果醬同埋可可豆，彩針聰明豆比你任加，真係好滋味。平時晏晝可以食足3個鐘，同女仔黎最啱野食不錯甜品多，($188+1)cp值暫時最高非大滿喜莫屬。…Read More

因為朋友都好鐘意韓國文化，所以一齊嚟左running燒食野。一入到去即刻感到一股韓味！門口出面擺左d等個時可以坐既凳，好為客人著想。而且，店內一直播放最新最Hit既韓文歌，好吸引我地呢d韓粉去嫁。食物方面，無論係肉類定韓式小食都有好多款揀，朋友今次就叫左炒年糕、水冷麵同辛辣麵。以前以為炒年糕同辛辣麵一定超級辣，唔岩我呢d唔食辣既人，但係running燒既野食真係令人好surprised,個種辣係我都可以接受而且好好食。另外，店員好貼心咁俾左一塊蘿蔔俾我地，佢唔係俾人食嫁，係用嚟清潔個爐上既燶，咁樣都係第一次試，幾得意。飲品方面，有好多選擇，一定有一款岩我地。總括嚟講，呢間店好值得一試👍🏻👍🏻…Read More

訂左位唔洗等位入得，啲侍應好nice，帶我地搵左位就幫我地遞點餐簿。環境好日式燈光幽暗，坐得舒服。野食都幾多選擇，重點係冇甩單，好快手就上枱，每一round都係抵讚！刺身好肥美，三文魚塊塊好厚，一啲都唔姑寒！食落冇雪藏味好新鮮~滿意而炸物都係好食，芝麻雞翼同埋一口芝士都好有水準，夠味熱辣辣。串燒方面，推薦一定要食牛舌/雞軟骨，好有咬口調味剛剛好~壽司都係好有水準，最得意係佢個手卷，叫左海膽手卷上到枱細細舊，一口就食完，唔似其他放題大大份食好多飯落肚~其餘壽司(花之戀等。。)都不過不失，鐘意佢個露荀牛肉卷，有新意味道可口，好食。甜品都唔錯，有雪糕/多款甜品。午市唔洗200蚊有三粒鐘任食，超抵食會再去…Read More

一直聽朋友講delifrance既牛角包係必食，所以下午茶時間咁啱係中央圖書館隔離就入左去試。:)的確係傳純咖啡館，出面放滿一張張枱，係到食個下午茶感受陣陣清風同朋友傾下計真係好享受~我叫左做緊推廣既小型牛角包，有幾種唔同味，忌廉等，我揀左最愛既綠茶味。店員會好細心問洗唔洗加熱，等左數分鐘就拎住個熱辣辣綠茶牛角包出左黎。真係好細個，聞黎一陣牛油香味，咬落層皮脆香鬆軟啲綠茶醬都充斥係我口中，滑膩而唔會過甜終於明白點解佢既牛角包係classic。而朋友叫左吞拿魚包(冇影相)我見到好大個，餡料多到漏哂出黎，好濕潤咁。因為我不好吞拿魚，但見朋友食到津津入味就知道箇中滋味。…Read More

入到去，環境都不錯乾淨企理，坐正食物區後面所以幾寧靜。食物方面：肉類黎講，有火雞、肉腸、白色火腿，雞肉串(係最好食)等。有廚師即場整，但成場都搵唔到煎牛扒有啲失望。辣煙三文魚都好正，用醬料醃好咗所以出既口感令人回味無窮。蕃茄芝士都推薦~ 想食飯可以揀壽司，都幾大舊一件。而煙肉薯蓉入口即融幾抵讚。唔想食咁多熱量高，另一區好多款水果同埋沙津菜任君選擇。海鮮都有幾款，大蝦、生蠔等，入口頗鮮嫩，魚生幾新鮮但要排隊等師傅切。有甜湯等等，我揀左羅宋湯，材料好足一啲都唔似出面啲罐頭湯，落足紅蘿蔔蕃茄，好飲。甜品係最好食，應該有十幾款，外型同埋味道都十分好。coffee cheese cake有驚喜，有coffee流心夾係入面 正！綠茶、 忌廉水果蛋糕都整得好好食，甜而不膩。 飲品都係有茶款，解膩既涼茶等種類一般。整體黎講，食足三個鐘，食物質素二百頭值得呢個價。:)…Read More

第一次食韓式火鍋，想試下同平時食開既火鍋有咩分別我地揀左韓式涮涮鍋$178 有5款肉(牛肉，梅豚肉，豬腩肉，雞腿肉，海魚柳。)加$20可任意叫兩款湯底，揀左芝士同埋麻辣湯底。芝士湯底會有一碗芝士比你倒落去，好特別既湯底食落比較濃味，而麻辣好有驚喜，裡面加左好多一條條辣椒乾+少量花椒，食得辣既人就會好享受~前菜都係有海帶、泡菜。我地坐正自助拎野食前面，一眼望落都幾多款野食，仲有三大部電視播住kpop mv音樂，夠哂潮~ 韓式火鍋多左平日係傳統火鍋唔會見到既野食：年糕、黃色一節節好搞笑既豆卜串、韓式魚糕等。最特別係四色熊仔魚蛋頭，我諗小朋友見到一定好鐘意~肉類都唔錯，鐘意梅豚肉夠哂薄切滑身、牛肉都好嫩口對得住個價錢、海魚柳就麻麻喇有骨刺、豬腩肉一啲都唔騷、整體黎講肉質鮮美。甜品都係自助形式，貼心既係每款都係一口既份量，啱哂食完火鍋太多又有甜品胃既你。其餘飲品隨意拎。坐落都好舒服，我地坐左over兩個幾鐘都冇趕我地走服務好好，經理(?員工會主動幫我地換野食，問我地食邊款，好快手抵讚。會再去食。…Read More

我食過大x樂，吉x家，大快活既快餐式火鍋，而性價比最高最抵食個人認為係大快活。1.晚巿有送餐服務 2.多野食，對比吉/樂既火鍋配料，我比較偏好大快活。個日去食豚+牛各4安士火鍋+烏冬+菜盤既套餐唔加其他野($78)一個人食係可以食得好飽。但我地兩個人就加左其他配料，平時星期1-5加其他配料係半價好抵食~我通常會加菜+餃子/午餐肉，都係10蚊內，想食豪啲就會加埋牛/豚，有4安士份量。肥牛不錯，次次黎都係卷住一舊好靚，唔似吉x家係一盒裡面一pat肉咁上枱，好感度大減。而豚肉就係我朋友既最愛，肉質嫩口可以一試。 湯底最多人揀應該係蕃茄薯仔，但我覺得海帶豬骨湯最好，清清地唔算太咸裡面有好多蘿蔔~快餐店火鍋既好處：唔洗好似其他火鍋店耗時長，只要食完枱面叫既野就可以走得，冇乜時間又想黎一鋪火鍋癮我會推大快活！！！…Read More

9點幾行到天后附近，朋友話想食甜品，我地就隨意搵左間甜品鋪，記憶中以前食過呢間甜品唔錯。可能我真係揀左伏野，心血來潮揀左法式焦糖燉蛋，黎到勁細碟賣相都算討好，有幾粒啤梨點綴，燉蛋上面鋪上一層焦糖。但食落。。完全唔知自己食緊乜野，層焦糖好懷疑佢係燒焦哂個隻，失去左糖個種味道，得番啲燒焦鑊底味，就算食落燉蛋夾雜我最愛既西米露都彌補唔到佢既難食，大伏。朋友叫左皇牌芒果汁底。普普通通維持到正常質素，甜甜地份量ok.因為佢個焦糖燉蛋有點失望，下次唔會再叫。:(…Read More

呢年旺中愈開愈多間小食，就黎可以係到掃街，唔淨只乏味既冷面撈面魚蛋燒賣。本人好鐘意食烤雞所有野，一直都心思思想試炸雞窩夫滿足哂兩個願望。行行下旺中一樓路過呢間新開冇耐食店，用窩夫做主打加多款炸物飲品，好似唔錯喎走左入去。收銀旁有1:1窩夫模型，款款都好吸引但冇可能一次試哂，所以我就揀左芝士塔塔醬炸雞窩夫半份6吋($32) 同埋韓式薯條($20) 左右邊都有小吧枱暫留客人食完先走，放紙巾餐具，調味醬(蜜糖芥末/沙律醬)唔洗等好耐就有得食，窩夫賣相惹人垂涎欲滴，雞塊佈滿整個窩夫淋上塔塔醬芥末醬加黑椒拿拿聲同朋友兩份分每人都食到3-4舊雞塊，肉質鬆嫩一啲都唔鞋口，上面加左酸酸甜甜既醬中和雞肉咸味，窩夫較淋身不錯，熱辣辣咸甜適中。而薯條就無特別，意外係粗薯大大條外脆內軟，薯蓉炸得好鬆軟香滑，撒上黑椒粉簡單都幾好食。***依家打卡可以有野飲…Read More

聖誕節7點半去到，滿哂但唔洗點等有位，waiter態度幾好。環境算得上舒適，可能唔係主攻烤肉所以食完身上冇乜味。座位格局唔逼兩個人坐四人位每人叫左一個韓式烤肉配烏冬($63)+1服務費，想試飯卷，朋友話食過太大份留下次。配菜有每一碟生菜(加酸酸甜既醋) 味道一般生菜試唔出新唔新鮮，一碟生洋蔥，冇試。最好食配菜係酸蘿蔔，淋落去既醬做得幾好唔會太酸，令每一粒蘿蔔煙韌好開胃。烏冬就不過不失啦，湯底用醬油開稀，大量碎紫菜(?)加荳芽，烏冬份量算多我就食唔哂。最失望係烤肉，個人口味偏咸，呢款偏甜好大陣人造燒烤調味，烤得算脆薄香口唔鞋，肉質過得去唔會咬唔斷，呢個價錢黎講算唔話得。冇叫飲品要另外加錢。除左烤肉其實真係唔覺食緊韓野，下次可以試下飯卷部隊鍋。…Read More

有朋友話食過呢間分店，咁啱約係下午大家碰面就叫餓，就上左黎呢到，位於金百利好方便食完可以落去繼續行街。入到餐廳比較靜環境幾靚，坐落好舒服隔離就係大玻璃，光線好啱影相。Menu多種混搭，有台式小食/咖啡甜品/西餐類。我地去個時係4點係下午茶時間，好後悔冇叫台式下午茶set,$68/1 :(見到隔離枱叫左個裝野食盤好靚，食物+份量睇落靚過張menu。講番先，我同朋友就叫左酥炸雞盤($88) 成盤份量算多，8隻唔同部位炸雞，原味雞肉無添加太多味精，有2款醬(芥末蛋黃/辣醬) ,食落鬆脆香口雞肉頗嫩口。黑松露燉飯，賣相唔錯好多黑松露係上面有生蠔份量幾足，每粒飯都充滿左香味，鐘意食燉飯推薦比你。飲品就揀左荔枝玫瑰綠茶，抹茶紅豆沙冰，不過不失，口感都可以但太甜。見到佢啲甜品好吸引諗住食，後尾太飽食唔落，total埋單200左右下次一定要黎試！…Read More

前晚同朋友走左去食韓燒~約左6點去到唔係太多人，環境乾淨冇臭味，一去到侍應問我地幾位安排坐位，佢地講韓文為主但識講少量普通話/英文，本地店員不多。上枱有二種醬青椒蒜頭+五碟配菜+一兜生菜，得閒會走黎問我地refill邊樣，好貼心。2邊既邊爐蛋~我地加左芝士一盤，蛋味足好食。芝士混了油會變成結噠噠，要食就要小心啲唔好燒到啲油落去。 用筆點完肉就可以拎野飲，一大個櫃比你揀，我就拎左黑啤同埋烏龍茶解膩。我地款款肉都點加埋茄子，佢都有四款蔬菜揀均衡食冇咁肥~到上枱先發現原來有咁多，差啲食唔哂份量好足~呢到同普通韓燒(旺角個啲)唔同， 肉質上乘唔會有雪味，點餐方面寫紙唔洗出去拎咁煩。先講下基本款肉類。厚五花腩有點騷，略嫌咬不開，要用剪開一份份，比較鐘意薄切個款，最後我地都refill左一份 口感正啲~牛肋肉唔洗講，比起出面普通任食韓燒食落正，牛味十足。特調既烤豬肉偏甜。豬頸肉好吃，燒完用菜包住+泡菜一啖食落去，啲肉汁四濺落個口腔到。Premium加錢既烤特級雪花牛肉我同朋友覺得係最好食，紋理平均得黎靚同埋好易煎香，食落唔肥膩嫩滑~強推要叫！仲加左個黑毛豬梅頭肉，一大碟肉味足，抵食！海鮮方面我地點左生蠔魷魚帆立貝。覺得生蠔一般，帆立貝燒完都keep到鮮味，甘甘甜甜地好食，本身以為魷魚冇上到，食到最尾先見到一圈圈白色，燒完咬感唔錯食落好煙靭。背景音樂以韓文歌為主啱哂我呢啲kpop fans!我地最尾都係想試啲熟食，太飽叫左海鮮煎餅，食到紅椒同大蔥，一口食落去好厚實，口感香口可以填要幾多份量。食到一半主動我地換左幾次燒盤放吸油氣管落黎。勁貼心，服務好好，食完2個鐘慢慢影相都冇趕我地走下次值得再黎過~…Read More

放題就食唔少，八幡屋令我番兜4次，坐得舒服，價錢好抵晚巿$160左右今晚訂左位約左屋企人食生日飯！黎足四次，店員每次都服務態度好好野食就keep到水準 個人認為晚巿水準好點芝士焗壕就必叫 啲芝士落足料 唔會變哂流質 焗得剛剛好 加埋壕正啊！仲有刺身都好新鮮，唔會有雪味甜品仲有其他未影得切都幾多選擇唔會得雪糕。佢地炸物雞翼芝士薯波天婦羅焦鹽雞軟骨係有味架，食過一間都係旺角既，啲炸物冇味仲要有炸過頭，八幡屋就剛剛好目前黎講食過cp值最高既放題…Read More