kman8101的个人专页

呢間甜品之前食過好幾次 覺得佢地心太軟好好食後尾搬左屋就好少黎今晚專程黎食佢地既心太軟價錢唔係平結果上枱時候係咁既樣, 一見到成頭問號？店員雖然都有重新整過一份比我但真心唔明白咁既樣點解佢地都拎得上枱？…查看更多

之前帶過屋企人黎食德國豬手 佢地好高評價今日再黎試其他菜式臨近新年 餐廳都好有氣氛 好喜氣洋洋🤣匈牙利牛肉濃湯牛肉湯好足料,有牛肉、薯仔、洋蔥唔會水汪汪 所以味道好濃郁 帶小小微辣 好適合餐前享用德國金裝脆皮腸店員推薦既一個菜式係由豬肉牛肉混合製成既腸聽店員講呢個菜式仲得過獎添外皮好脆 肉質較平常軟同較多肉汁可以蘸芥辣醬一齊食黑森林火腿德式薄餅Pizza上面有乾火腿，煙肉，洋蔥，火箭菜同蕃茄，味道好夾好足料，批底都焗到好脆食完一塊好想追住食…查看更多

餐廳係旺角既分店 出名係打卡勝地旺角店經常都好多人 今日試下去杏花邨分店好方便 一出地鐵就可以直達餐廳裝修同樣以花為主題 叫左2份套餐慢煮荷蘭豬架配焦糖蘋果醬上菜時候已經聞到好香 好吸引煎到外表焦脆 肉上灑左小小黑椒火侯控制得好好 豬鞍架好厚身 依然可以保持原來肉汁 香烤法國春雞配時令薯菜用左最滑既雞腿位 切落去除左噴煙外 肉汁都流哂出黎超Juicy同好滑好滑!套餐可以享有主餐牌飲品半價優惠叫左蘋果汁同蜂蜜柚子茶滿足😌…查看更多

絕對有驚喜的火鍋放題！揀選澳洲和牛牛小排套餐 時間為150分鐘, 好充足, 可以放輕鬆慢慢嘆😌先揀湯底 之後店員就會奉上湯底同頭盤頭盤包括牛舌，牛胸腹眼同墨魚湯底一個為較清的日高昆布湯另一個係濃厚的雞白湯套餐主要有和牛牛小排、安格斯牛小排、美國牛肩肉、牛柳粒等等..亦有小量豬、雞可以揀肉類色澤睇得出係好新鮮 油脂分布都好平均 口感軟淋 肉味亦突出 絕對有質素套裝亦不乏海鮮選擇 有日本帶子、黑魚片、沙白、蝦滑等等十分推薦黑魚片 口感實在太嫩滑~除此之外 自助區亦有不少蔬菜同熟食選擇令我最驚喜就係有自助窩夫機窩夫機旁有已經調配好的粉漿亦有清晰教學 只要跟足指引 絕對沒有失手的機會🤣建議唔好落太多粉漿 除左容易溢出少d粉漿窩夫會更加鬆脆 可以係窩夫上 加雪糕或自己喜歡的配料自己就鐘意加朱古力雪糕 說不出的美味！…查看更多

估唔到飲茶都可以對住個大海景🥰餐廳名字DHYC係得閒飲茶既英文字首係一間無論裝修定食物都好新穎既茶樓~黑松露鵪鶉蛋燒賣鵪鶉蛋包左係燒賣入面 咬一口帶點流心之餘又滿滿松露香氣 XO醬炒腸粉屬惹味可口之選腸粉口感好滑 好有鑊氣XO醬辣辣地好惹味窩貼蝦多士蝦多士炸得香脆 蝦肉鋪滿面包上附有沙律 可以解膩蟹肉大良炒鮮奶而家唔多地方有既菜式好足料 有好多蟹肉 入口好嫩滑脆皮叉燒包呢個叉燒包既外表 係雪山同菠蘿包既混合版🤭表皮好香脆 食落味道有小小似菠蘿包口感又有小小雪山叉燒包既感覺我呢2款包都好鐘意食 呢個岩哂我!…查看更多

每次去澳南海岸都會經過呢間餐廳今日終於入去試下餐廳氣氛好好 好舒服 好適合放工輕鬆一下食物種類好多, 無論係肉類,魚類,咖哩,主食都有好幾款選擇天多利烤魚傳統印度風味既烤魚第一次食 真係充滿驚喜~ 用不同既香料醃製成紅色再烤到焦脆 但係又可以保持肉汁鮮嫩 帶微辣 配埋醬汁 好正😋泰式炒蜆蜆肉好肥美 醬汁惹味亦恰到好處鐘意食蜆既就唔好錯過炭燒豬頸肉豬頸肉燒到焦脆 完全無油膩感配埋特製既醬汁 酸酸甜甜 味道超夾泰式椰菜苗全部都係用菜最幼嫩既部分 味道惹味 亦感覺比一般炒菜少油…查看更多

今日去完Sogo thankful weeks買野買完就去朋友介紹既川火堂食烤魚😍餐廳除左烤魚, 仲有麻辣香鍋,小炒中午仲有午市套餐酸菜魚有2款 叫左酸菜豆腐青花椒烤魚等左唔係好耐就上菜 好香😍魚預先炸過 所以上面既魚皮好香脆底下既就吸哂味道魚肉夠結實 唔會一夾魚肉就散哂豆腐好滑 又好濃豆香味 好好送飯另外叫左膠原脆皮豬手一碟有5件 每件都大大舊口感先係外皮香脆 再黎啖啖膠質 香料味道好惹味😋食到最後叫左杯冰粉冰粉上面有個熊貓頭好可愛味道好清甜 好適合食完濃味野中和一下味蕾…查看更多

最近轉左太古番工 開始發掘附近既餐廳😋鯉景灣海旁附近出名多酒吧西餐今日就試試Social bar & Grill餐廳裝修好有外國風格 加上店員都係外國人真係好似置身外國一樣 氣氛好好 今日主要係想食牛扒🥩澳洲安格斯里脊肉 10oz可以自選醬汁 揀左黑椒, 牛扒好厚身雖然咁厚身但火侯都控制得剛剛好加上佢地用炭火同火炙烹調 有陣炭火味面頭有小小粗鹽 更有風味😋卡邦尼意粉看似簡單又不簡單卡邦尼醬超濃郁 濃度岩岩好口感好creamy 意粉亦彈牙加埋煙肉香 超正😋…查看更多

最近好忙碌 少左時間周圍搵好野食今日去康城買完野 去樂天經典食晚飯樂天經典雖然主打新加坡菜 但都有小小中菜菜式甘香啦啦用左咖哩葉、辣椒、叁芭醬等等既香料加上大火黎炒蜆！非常惹味可口, 鐘意食辣既可以夾埋辣椒絲食一流😋蜆肉夠肥美多汁金銀蛋浸時蔬菠菜用肉碎同高湯煮成, 吸哂湯頭既鮮味口感柔軟 加埋鹹蛋皮蛋 色香味俱全蝦味魚子蝦球炒飯呢個炒飯必叫!! D飯炒到粒粒分明 唔會油膩飯既口感好彈牙 加埋爽脆既魚子 口感好豐富成個飯都好有鑊氣!仲可以加$18 就叫到原價$32既蘋果荔枝凍茶…查看更多

之前黎試過佢地既酸種麵包 自己一試難忘😋今日專程再黎食過!!今次menu有小小唔同左揀左烤西蘭花大啡菇水波蛋酸種麵包雖然本身已經有牛油果醬 自己好鐘意食牛油果 就加多半粒(+$15)貌相好吸引😋麵包非常之香脆上面有一層滿滿既牛果醬再放上大啡菇、水波蛋同長柄澳洲西蘭花手打安格斯牛肉漢堡配薯條老公每次有牛肉漢堡都必叫 漢堡既厚度有成一截手指咁厚🤣上面再加兩片煙肉 超滿足~漢堡厚身都可以keep住juicy 薯條配埋黑松露醬~新鮮青口配蒜香白酒牛油汁新鮮青口果然係唔同d 肉質好嫩!!配埋蒜片同醬汁 食到停唔到口推薦推薦!!…查看更多

自己超鐘意食爐邊蛋 所以揀韓燒餐廳必需要有爐邊蛋🤣爐邊蛋可以refill 可以加泡菜、芝士或者淨蛋都可以自己係蛋未熟既時候加左小小香草鹽提味壹頭豬見到menu樣樣都想試 索性叫個豬肉套裝樣樣都試到 價錢又抵d有護心肉、五花肉、豬頸肉、醬油烤韓豚、韓式烤豬皮，共5款護心肉口感最好最有肉香五花肉係必食推薦 燒到兩邊焦香 再用生菜包住加蒜片 香口唔油膩😋傳統食法最正豬皮事先已經醃左味道甜口既醬汁食落好有膠質 充滿骨膠原但係一定要小心火候我地一小心就燒燶左🤣…查看更多

收工同老公係澳門逸園中心揀野食果度好多餐廳 最終揀左21樓既古今因為見佢地d壽司卷 貌相同名都好有特色佢地壽司卷既選擇真係好多 花多眼亂 樣樣都想試 最終揀左”富士山”同”蜘蛛”聽個名唔知係咩黎？🤣富士山用方形既壽司卷墊係底 上面鋪左海量既蟹柳絲、魚子同脆脆堆砌成一座山方形卷物入面有鰻魚牛油果 魚子卜卜脆 牛油果軟淋 多重口感蜘蛛就係牛油果軟殼蟹卷 軟殼蟹雖然包係卷物里面但係仲好香脆 味道好突出 網燒口舌一份有四大片 每片都幾厚身燒得岩岩好 邊位有小小焦香咬落又唔會韌 …查看更多

尋日食完大餐今日想食得清清地 就去鰂魚涌呢間餐廳食烏冬個人覺得烏冬同魚湯係最佳配搭最鐘意鮮甜既湯底😋餐廳係海提街 鰂魚涌地鐵站出黎過天橋 落黎就到 好方便 餐廳除左魚湯烏冬 仲有丼飯、定食、小食、刺身而最出名當然係烏冬我就試試佢地招牌花膠扒皇鯛魚湯烏冬上菜果陣睇到湯底既顏色就知道湯底一定好濃郁果然湯底鮮甜又唔腥 配料有豆卜絲同木耳主角花膠扒足足有手掌咁長 仲幾厚身添滿滿骨膠原😍女仔食岩哂烏冬滑捋捋 又有口感 三文魚赤蝦丼壽司飯帶有小小蛋絲 刺身好新鮮 特別係赤蝦 好肥美鮮甜炸餃子餃子外皮炸到好脆 咬落去有肉汁咇出黎皮薄餡多 好足料👍🏻跟餐可以優惠價加配飲品+$9就飲到日本既蘋果汁.整體黎講 價錢親民 性價比幾高會再黎試下其他野…查看更多

今日係海港城見到海南少爺好受歡迎就入去試下7點去到已經好full 下次黎一定要先book定位滷水雞雜自己好鐘意食內臟 又怕太高膽固醇但係實在太吸引😆冇辦法唔叫有雞肝、雞腎、雞腸,底下墊左d怡保芽菜雞雜滷得好入味 特別係雞肝好軟綿香口芽菜吸左滷水汁 好食👍🏻印尼炒飯配沙嗲串燒呢個炒飯推薦~炒飯由蝦、雞粒、青豆炒成蝦份量都唔少仲幾大隻飯炒得粒粒分明 醬油都好均勻可以揀辣唔辣 惹味可口😋飯上仲有一隻煎蛋同兩串雞肉串燒星洲蠔餅潮洲蠔餅食得多 試下星洲蠔餅蠔餅外脆內軟 比平常蠔餅厚身同多一份蛋香可以蘸辣醬或魚露百香果冰紅茶果味濃郁 凍冰冰透心涼😌…查看更多

台灣菜餐廳好多時都係鋪仔細細好少有咁闊落既位置 坐得好舒適花蓮一品臭臭鍋 配料有豚肉、臭豆腐、貢丸、米血糕、大腸、鴨血、沙白、鵪鶉蛋等等配料全部都係鐘意既 滿滿台灣味😌有白飯、粉絲、寬粉、公仔麵可以揀我就揀左粉絲 可以吸哂湯底🤣麻辣湯底好香 辣度有大中小、特辣可以自選 配料吸引湯底既精華👍🏻紅燒半筋半肉牛肉麵牛肉同牛筋份量都唔少牛肉炆得好軟淋 筷子一夾已經可以夾開起司芋泥肉鬆捲餅捲餅入面肉鬆超多 一口咬落去 有埋芋泥同芝士幾種口感 滿足…查看更多