uraki0624的个人专页

麻辣風雲旺角同銅鑼灣我都唔係食過一兩次咁少， 都有朋友去食過幾次。同朋友聚舊開飯諗住去銅鑼灣店book 位先知道執左。 咁無計啦book 旺角店都可以既。 上到去環境仍然係一樣， 但係我一睇餐牌我以為自己去錯地方。 咩麻辣排檔， 我唔係book 麻辣風雲咩？ 望一望門口又真係麻辣風雲喎。 再睇睇餐牌， 咩料呀， 我最引以自豪介紹俾朋友既皮蛋， 魚皮， 白肉既小食無晒， 繼而再睇最多人打卡既荔枝蝦球呢？ 有孔明坐陣既曼頭呢？ 無晒既？ 喂， 我係唔係去錯地方呀， 成個餐牌唔同晒既。 尋晚如果唔係約晒朋友係上面等， 我真係會轉場唔食佢。講食物質素同份量其實唔錯既， 只可惜唔係我想食既野。 對尋晚啲餐飯我真係失望。…查看更多

以食物種類唔算多， 不過佢主攻係牛同豬， 其他野已經唔重要， 可惜俾我口感都只係合格無驚喜。見其他人都講話佢地招呼好有禮貌。 係既， 都係有禮貌既， 只係尋晚有個位令我有反感。 話說我同老婆尋日叫左兩個B 餐， 會跟1:魚生 2:小食便當 3:炸雞/雞煲 4:海鮮拼盤。應該係成枱各俾一份， 但係就黎左兩份海鮮拼盤， 我開頭都無為意， 因為同老婆食緊其他野同傾緊計。 突然聽到個男侍應鬧個女侍應， 跟住就係我枱到收走其中一個海鮮拼盤， 完全無同我交代過咩事收走左， 雖然我都聽到係個女侍應俾多左， 但係收走客人枱上面未食既食物， 個男侍應我覺得佢係需要同客人交代咩事。…查看更多