oifeicarol的个人专页

今日好想食米線，諗住近近地黎呢到食，叫左牛腩雲吞米線試下，一黎到，個碗本身已經夠細。。。連個底係勁窄，啲米線真係可以幾啖就食晒。.雲吞好細舊，雖然啲蝦真係好彈牙，但麻油味太重，遮蓋晒其他味🤢完全無店舖所講咁鮮味。.呢度既牛腩，係我食過以黎，最細舊，舊舊好似度住 1.5cm x 1.5cm咁切🤷🏻‍♀️.我未試過可以咁快食完一個中午，亦未試過咁少份量既米線。唔會再幫襯🤢$38雙拼呢個價錢，我寧願去食車仔麵/茶記好過！…查看更多

以前舖位仲係街市既時候，我都係食車仔麵多過早餐，真係好一般，啲方包又淋😒.見佢搬左係ok隔離，諗住試下個早餐，睇下有無好食到，點知比以前更難食，個湯底好怪，我叫雪菜煙肉，啲雪菜肉絲有酸酸既味道，好似變左咁，唯獨塊煙肉係正常 (只係烚熟就擺/微微煎一下)。我老公食沙爹牛肉，佢都係話好難食，食到一半佢都唔食...個價錢係平啲，(其實安定果邊都差唔多價錢)，但啲早餐真係好難食，難怪無咩人幫襯，之後都唔會再幫襯🤮…查看更多

比其他人評價吸引而去試，講到個蕃茄湯有幾好食，咁我就食下蕃茄叉燒拉麵。佢個湯底其實同屋企自己煲既蕃茄薯仔湯無分別，甚至自己煲既仲好飲過佢！啲湯係愈飲愈平淡，無咩特，又唔多濃，啲湯又掛唔上拉麵，去其他拉麵都會食到湯味！啲叉燒係我食過咁多間最最最薄既，好似a4紙咁，又無咩味🙄🙄小小肥肉都無，唔香口！同事叫既黑蒜油叉燒拉麵，睇佢一開始就好似好黑好正咁，一黎就試湯底，啲油已經浮起面，要撈勻先試到，完全勁淡既湯底，無咩味😒😒食食下又要撈個湯。最後叫左個餃子湯，呢個係我地覺得最好食既，啲餡好香，個湯應該係店既白神山湯底再加蔥，個湯好香同夠味。總括，一均$110以上，但食完行2-3個字已經無好飽肚既感覺，講到有幾好食，都係得個講字，價錢仲要咁貴，真係試過就算！…查看更多