hkfoodie_couple的个人专页

呢間餐廳都幾出名，出面大件夾抵食，終於有機會去試吓~話就話係深水埗但其實比較接近太子站😂經典卡邦尼意粉 $43意粉份量非常多，成咗山咁高😱芝士同煙肉都好多，但意粉唔係好入味，汁唔算好多，食落有啲淡，同芝士粉撈埋一齊會比較乾，味道一般，唔好抱太大期望，不過勝在平同大份，簡直係糧尾之選🥹兩個人食一碟都好飽，如果想食其他嘢嘅話建議幾個人一齊share😂趣味薯角 $29份量極多，簡直係熱氣之選🤣炸得好香脆，加上有蜜糖甜甜地幾好食🤤炭燒雞腿串燒5串 $29雞肉好juicy好稔，啲汁甜甜地，唔錯👍🏻煙三文魚牛角酥 $35牛角酥勁大個！咬落酥脆😋煙三文魚都多，好香煙燻味🤤原味酸尾尾 $29佢係一杯乳酪加埋益力多爆爆珠嘅特飲，飲落酸酸甜甜好開胃，爆爆珠亦令口感更豐富😋…查看更多

來自澳洲悉尼嘅人氣雪糕店登錄香港喇🥹！！佢哋嘅signature係藍色嘅海鹽味雪糕，每個月嘅1號同16號會更新menu，保持住新鮮感☺️我哋食嘅時候係開心果味同黑芝麻味😋雪糕上面仲可以加爆谷、棉花糖等topping~店裡面有兩幅藍天白雲牆，拎住杯雪糕喺幅牆前面打卡就啱晒喇😎Cone $50Large cup $50Small cup $45Sea salt × Pistachio cone $50雪糕口感軟滑但實在🤤唔係稀嘅，真材實料嘅感覺👍🏻海鹽味鹹鹹地但唔會好鹹，幾得意😳開心果味好濃郁好好食🥹雪糕筒唔會好硬，但又唔係稔，咬落去係酥脆嘅感覺😋👍🏻…查看更多

觀塘有好多美食😍今次嚟到一間比較隱蔽嘅台式餐廳🤔脆炸鮮奶卷 • 古早芋泥二文治 $48你冇睇錯！我哋冇打錯字！確實係“二”文治🤣芋泥二文治嘅皮好特別，又薄又酥脆，啖啖都係芋泥🤤鮮奶卷外面個皮炸到脆，但皮好薄，一夾起啲鮮奶就差啲流出嚟😳鮮奶好香🤤又熱辣辣👍🏻熔岩蛋之戀(拉絲芝士火腿蛋餅) $49 呢到嘅蛋餅都叫蛋之戀😂啲芝士真係好似熔岩咁流哂出黎，趁熟食仲可以有芝士拉絲效果🤤皮薄餡靚，每舊蛋餅都有滿滿嘅芝士同一塊完整嘅火腿，配埋千島醬一流👍🏻手撕雞便當 $65有兩粒鵪鶉蛋，手撕雞份量都幾多，調味幾香，有胡椒味道，有啲難形容，但係幾好食😋蜜汁紫菜排骨飯 $60塊豬扒真係好大塊！！成隻碗咁大！豬扒出面塊皮炸得好酥脆，唔係炸到硬晒嗰種👍🏻酥炸豬扒通常都係鹹嘅，而佢配蜜汁令到塊豬扒甜甜地幾開胃😋我哋揀咗多紫菜，撈埋飯一齊食真係冇得頂🤤全手作芋頭鮮奶(中) $48(+特濃芝士奶蓋 $8)奶蓋鹹鹹地，鮮奶奶味好濃，加埋芋泥好香又飽肚😋黑糖鮮奶(中) $28(+特濃芝士奶蓋 $8)鮮奶好香濃，黑糖唔會太甜，加埋奶蓋更加正🤤⚠️宜家2:30pm後仲做緊9折同埋特飲半價優惠添🤭 …查看更多

登龍街除咗地面大街有好多餐廳之外，其實樓上都有好多高質餐廳，今次去咗永光中心17樓，呢間餐廳嘅賣點係西餐×亞洲菜嘅fusion菜，灰黑格調嘅裝修加上燈光比較昏暗，好有情調☺️日本廣島蠔忌廉燴意大利飯 $228聞落去有啲腥，但食落冇乜腥味，啲蠔好新鮮，食落唔腥仲有海水嘅鹹味🤤食嘅時候可以整碎啲蠔同魚籽再撈埋啲飯一齊食就更加惹味🤩炸軟殼蝦蝦膏忌廉扁意粉 $128 (set lunch)意粉好煙韌，唔係淋晒嗰種，每一條都沾滿醬汁，唔會乾，入晒味🤤軟殼蝦連殼都可以食埋唔洗剝殼真係好正😍慢煮美國豬扒配薯蓉 $158 (set lunch)BB蘆筍唔會老唔會有渣😍薯蓉好香滑😋豬扒好腍🤤個汁好似酸梅咁味，配豬扒一齊食會幾開胃~set lunch我哋揀咗一個湯一個沙律同焙茶嗰日嘅湯係南瓜湯，好creamy好濃郁，而且係杰嘅唔係稀嘅，真材實料👍🏻沙律除咗有車厘茄同生菜，仲有少少藜麥，配上黑醋開胃又健康~…查看更多

餐廳外面獨特嘅藍色外牆非常吸睛😍餐廳內氣氛好好☺️最特別係最外面嗰排座位係一半喺室內，一半喺室外，好神奇😳😂枱中間係冇玻璃嘅，所以完全可以照常同對面嘅朋友交流🤗Lunch Experience $380/personIncludes all tapas, one main course and Nordaq waterTapas 小菜/前菜Tuna Tartare 吞拿魚他他賣相好的骰可愛😍最下面係一個半球體嘅脆餅，非常酥脆，入面裝住牛油果泥、海藻同吞拿魚粒，吞拿魚粒上面有幾粒三文魚魚子，食落好新鮮同好有層次🤤Chef's Rusa 俄羅斯薯仔沙律份量好足！面頭鋪滿三文魚魚子，下面係滿滿嘅薯仔沙律撈蛋黃醬同吞拿魚🤩就咁食可能會比較鹹，想口感豐富啲可以配埋麵包乾嚟食😋其實淨係食呢個都應該飽😂但呢個只係前菜，要記得唔好食太多🤣Padrón Peppers 炸帕德龍甜青椒最印象深刻嘅一道菜💚初初見到以為係秋葵，原來係青椒😳細細舊青椒，用特級初榨橄欖油去炸，食落幾稔，完全唔辣，但又唔會好有青味，佢仲有用鹽醃過嘅鹹味，同平時食開嘅青椒好唔同🤔建議平時唔鐘意食青椒嘅人都可以試吓，呢種煮法可能會令平時唔鐘意食青椒嘅你都可以愛上食青椒🥰Croquettes 酥炸火腿丸子新鮮自制嘅伊比利亞橡果火腿丸子，外皮炸得好酥脆，皮薄餡靚😋👍🏻Sobrasada Bikini 辣香腸三文治三文治外面用牛油烤到香脆，入面夾咗辣香腸、芝士同黑松露蜜做餡，好邪惡，好好味🤤Mains 主菜 (任選其一)Spring Chicken 燒春雞lbérico Pork 伊比利亞烤豬肉一片片嘅烤豬肉擺得好靚，豬肉好稔，旁邊三pat紅紅橙橙嘅係romesco醬，仲伴有切咗一半嘅烤香蕉型紅蔥頭，上面有幾粒洋薊，全部都係好特別又營養豐富嘅食材👍🏻Alaskan Halibut 阿拉斯加比目魚 (+$20)Truffled Angus Beef Cheek 黑松露牛面頰牛面珠墩好稔！入口即溶🤤上面有一塊塊刨成薄片嘅黑松露，肉下面係牛肉汁，外面黃色嘅係粟米泥，粟米泥甜甜地，同牛肉一齊食又出奇地配合😳Spinach "Canelón" 菠菜麵卷Sweets 甜品Basque Style Cheesecake 西班牙巴斯克焦香芝士蛋糕 (+$30)偏稔偏水🤔而且唔係每件嘅質素都一樣，所以有啲難評論🤔不過味道都係好食嘅😋中間有啲莓，同蛋糕一齊食會比較開胃👍🏻Coconut and Fresh Berries 椰子漿果杯 (+$30)白色嘅係椰子沫，搭配底層嘅新鮮草莓同樹莓一齊食，酸酸甜甜，最後食幾消滯解膩☺️…查看更多

店面以綠色同木色為主，清新簡約嘅設計🌿估唔到會有位俾人坐吓🥰味道ok，價格相宜🤭仲要竟然星期一至日都開到夜晚12點🤯夜晚都唔洗驚冇嘢飲🥹喫茶四重奏(QQ,珍珠,仙草,晶球) $28一次過滿足你四個願望🤣幾大杯幾足料👍🏻好鐘意晶球爽爽地嘅口感🤤正常甜度但唔會超級甜~香蜜檸檬蘆薈 $27本來想要無糖，但店員話會好酸，跟住就叫咗一分糖🤣飲落都接受到，未至於酸到飲唔到😂一路飲一路食到好多蘆薈肉👍🏻鐘意清新口味嘅朋友可以試吓~…查看更多