RobinWP的个人专页

上網見到有新店開業，今晚就嚟試。等咗十五分鐘先入坐，限食一小時。因為本身唔食得太辣，揀咗清湯三寶。拌麵定咗微辣，食時唔覺辣，麵算彈牙。三寶有牛肉片、牛筋及牛𦟌，每樣有兩件，牛肉比較淡，要點汁吃。跟餐小吃揀咗鴨血，雖然話麻辣，不過唔辣，味道正常。反為加$28嘅小吃就好一般。個麻辣魚蛋好辣，得四粒，比較普通。另飯友叫嘅小吃老油條就好老，有D硬。另加錢還有杯飲品，揀咗凍冬瓜茶，第一次飲，覺得偏甜，可能要幫助解辣。服務幾好，首日營運算唔錯。…查看更多

今晚見佢新開張就嚟試吓。坐低就有壺熱茶奉上，應該係伯爵茶。餐牌唔多嘢揀，冇剩叫嘅海南雞，一定要碟頭飯，另餐牌有嘅未必有，想叫杏汁湯及豆腐花，但侍應話今晚冇。叫咗一碟海南雞飯，加錢要咗髀，但唔多雞肉，油飯可以。價錢貴新加坡一倍多啲。另叫拼盆，配搭一般。後加火焰黑金叉燒，其實係燒五花腩，比較肥膩。服務👌🏻…查看更多

同人傾開話呢度有個國慶套餐👌🏻，趁星期四晚$500消費就有免費泊車，今晚入嚟食晚餐。原本安排嘅枱，太近隔離枱，因為早都比我換第二張。二人套餐包兩杯飲品，要咗金桔梳打同熱薏米水，薏米水幾大杯同唔會好甜。跟住一個大圓盆上咗三道菜：海南雞脾跟油飯、胡椒蝦同炒芥蘭。份量都夠兩人食，油飯乾身雞夠滑，蝦都煎得香，芥蘭有D咸。肉骨茶每人一小碗，藥味濃，骨可以再淋D，另呢個餐冇油炸鬼跟，有D失望。沙爹夠香。甜品係一大碗泡冰加四樣配料👌🏻。套餐性價比算唔錯，服務幾好。我哋食完之後，就好多一家大細酒店住客入坐，可能會好嘈，所以快啲找數走人。…查看更多

今次嚟試優惠晚餐，一坐低服務員詳細介紹餐嘅每道菜，之後不用叫就放兩杯暖水。先嚟麵包籃，兩款都好味。之後上湯，今晚係蘑菇湯，份量都算多。主菜要咗煎三文魚，份量剛好，配嘅少少酸醬幾惹味。甜品要抹茶蛋糕，面嘅朱古力太甜，好彩蛋糕本身甜度剛好，幾好食。咖啡茶揀咗玫瑰花拿鐵，有陣陣玫瑰花味，如果面頭有花瓣更好😅。呢度服務幾好，比商場𥚃其他西餐廳還好。但枱同枱之間比較近。…查看更多

係pp度，呢間餐廳算平。今晚叫咗海鮮牛肉湯米線。料有蝦、魷魚、牛肉片同肉丸，湯底唔錯，米線份量一般。另加春卷，係有豬肉同芋頭，五件要一佰元，都唔平，不過食埋會飽D。…查看更多

原來餐廳最近午餐買三送一，可惜我哋得三個人。上次我哋午餐唔啱食，叫咗石頭窩飯都👌🏻，所以今次嚟食午餐。我要咗菜湯，味道唔錯。主菜係牛油果蔬菜中東包，加埋醬汁幾好味，食埋薯條就夠飽，加埋latte就好飽。…查看更多

本來係想試街口間新餐廳，但太多人排隊，誤打誤撞改咗嚟呢度。午餐有2 or 3 course,咖啡另加錢，不用加一。揀咗前菜加主菜加咖啡。吞拿魚他他有芒果同牛油果，夏天食就啱。蘑菇湯有雞肉粒。雞肉意粉味道唔錯，三文魚煎得香配紅茶頭沙律，份量幾足。咖啡跟曲奇，當食咗甜品。另雖然多人，但服務唔錯。…查看更多

今日一個人食，所以搵間新餐廳試。嚟度好彩有位揀，Order同俾錢後等佢上。先上吐司，啱哂我呢個牛油果腔，滿滿嘅牛油果蓉加埋芝士粒嘅脆吐司，好味道。咖啡有椰汁味但唔會甜，啡味濃，唔錯。…查看更多

疫情前嚟過呢度前身飲茶，當時貴得嚟麻麻。現在轉左另一間，今日同同事嚟試。重新裝修後幾靚同光猛。一行四人，安排坐卡位。服務好好，可能食客唔多。試咗佢哋三個十大名菜：釀豆腐，其實為咗打咭、半隻海南雞，味道唔錯。二位肉骨茶，湯底幾好，不過有豬肚同豬腸，唔知正中係咪有呢D。最後一個星洲炒米，呢個幾好味。雖然唔平，但會再嚟試其他菜。…查看更多

無意中見到呢度魚包用龍躉做，決定嚟試。魚包個醬有少少黑松露味，唔太濃。用嘅菜都算新鮮。塊魚真係食到龍躉個種特別嘅味，包面烘得脆，入面夠軟，整體係唔錯。家人食安格斯牛，佢覺得D牛肉夠汁，包都係脆同軟。初頭驚唔夠飽，叫多個雞鎚，味道可以。…查看更多

網上睇片見到有優惠，即時訂之後個日午餐。去到餐廳都安排到窗口枱。我哋要咗一個牛薄燒，一個牛厚燒。師傅撑握時間好好，不用一小時已食完 。食物燒得香同啱味道。$400元左右真係抵食。唯一我哋冇叫埋單就俾張單我哋找數，但我又見唔到有人係門口等枱。…查看更多

見好耐冇嚟呢間食西餐就約同事今日試，結果係覺得差咗😓首先飲水要按位收，每人$28，咁就叫有氣水。之後服務員好有儀式感走嚟剪D香草及倒橄欖油落碟到，點知等了一陣話冇要再焗，再多一陣話焗比預期耐，問改送咖啡茶比我哋，嘅然好似唔想焗，咁就同意。同事前菜揀咗湯，之後又話賣哂。我哋食嘅八爪魚，味道都唔錯。主菜我要蝦意粉，味道偏淡。到甜品，餐牌可以揀雪糕，但服務員話今日冇，個雪櫃壞咗，甜品比較甜，選擇冇之前咁多。最後咖啡茶有減到錢，但要收服務費。總括服務可以，上菜比較慢。…查看更多

今晚試羊扒晚餐。先上牛肝菌湯，湯夠熱，菌味香，不過有少少咸，但整體可以。之後上羊扒，其實得兩小塊羊架，男士可能唔夠，味道幾好，配南瓜蓉都飽肚。之後叫咗鳳香芒果慕思蛋糕，味道一般，但試老公叫嘅伯爵茶朱古力慕絲蛋糕就幾好味。可能蛋糕偏甜，飲濃味意大利咖啡剛好。價錢合理，服務好好。…查看更多

之前嚟食過set lunch,貪佢有蒸蛋食。點知今日改咗得蘑菇湯，冇蒸蛋食。仲要個湯唔夠熱。不過其他都可以，沙律多咗蛋沙律，意粉今次要咗白汁係牛面肉，味道可以，肉都算多。之後主菜要焗雞，味道唔錯。之後加$28要咗個甜薯雪糕，都可以。…查看更多

之前經過見平日下午茶時段叫窩夫送咖啡，今日放假就嚟試。叫咗肉桂蘋果窩夫加普通咖啡。個窩夫有兩塊加了幾片蘋果同埋玉桂粉。窩夫係我鍾意幾軟身，加埋配料食唔會滯。普通咖啡都有拉花，有誠意。下次會試其他嘢。…查看更多