Mystery_0415的个人专页

📍波爾圖葡撻 (新橋(三盞燈/白鴿巢))新橋(三盞燈/白鴿巢)關前正街44-A號金勝大廈地下A1號舖我每次去澳門都必須食葡撻～今次經過新橋附近就被呢間波爾圖葡撻店嘅濃濃蛋香味所吸引，食過先知原來呢間係由葡萄牙主廚手工製作，而且仲選用日本夢王蛋，果然蛋香濃郁又食落順滑細膩，而每款撻皮都係採用法國頂級牛油，所以一啖咬去超酥脆香醇🤩🥧藍莓千層蛋撻滿滿藍莓係面層，再加上有香濃奶酪作內餡，酸酸甜甜又清爽🫐🥧小山園抹茶蛋撻甜甜嘅甜醬混個香醇嘅小山園抹茶，甜度剛剛好，好鍾意咁濃度嘅抹茶味🍵🥧可可千層蛋撻可可千層蛋撻真係層層酥脆，仲要有濃郁但又唔會又甜嘅朱古力內餡味道，好好食🍫🥧芋泥麻糬蛋撻但我最鍾意係呢款芋泥麻糬蛋撻，酥香撻皮不在話下，入面仲有粒粒芋頭肉做成的芋泥，口感綿密，同埋煙煙韌韌嘅麻糬，令蛋撻非常有層次感，令人一食難忘🫶🏻…查看更多

📍葡富軒 (氹仔舊城區)氹仔舊城區客商街31號地舖黎到澳門當然要食葡國菜啦！今次係氹仔附近見到間別具葡萄牙風味嘅餐廳，決定一於試試🤣-葡式海鮮湯飯呢道葡式海鮮湯飯海鮮配料超豐富，包括有蝦、青口、花蛤、魷魚圈，五顏六色賣相十分吸睛，而香噴噴湯飯飯粒都吸晒海鮮精嘅精華，相當入味，好好食🤤-葡式白酒炒花蛤葡式白酒炒花蛤除左有新鮮飽滿嘅花蛤肉飽滿，仲有淡淡檸檬汁作點綴，清爽嘅感覺作為開胃菜一流😋-葡式烤沙丁魚雖然呢道葡式烤沙丁魚賣相簡單，但沙丁魚炸得十分香脆可口，大人細路都啱食😆-炙烤八爪魚及黑毛豬柳串配波特酒醬意想不到嘅係呢道炙烤八爪魚及黑毛豬柳串，煙韌彈牙嘅八爪魚同油香軟熟嘅黑毛豬，透過微微香醇嘅波特酒醬，搭配得相當得宜又好食，呢道絕對值得一試🤩…查看更多

今次去到澳門係氹仔舊城區附近見到餐廳設計相當有葡萄牙特式嘅瓷磚裝飾，眼球已被吸引，即興地入去品嚐呢間葡國菜餐廳🤩雖然道道菜式都好好食，但當中有幾款特別值得同大家分享！-綜合小食拼盤小食拼盤中有咖喱角、炸魚薯條、芝士球等，咖喱角真係好好食，咖喱味相當香濃，但又咖辣，老少咸宜🤤-烤雞配地瓜條未送上枱，已經聞到勁香嘅烤雞味！食入口時，雞皮外脆雞肉內軟，相當juicy😆-葡式焗鴨飯焗鴨飯果然係葡國菜必點嘅招牌菜式，香嫩嘅金黃色鴨肉，加上滲透鴨油嘅軟糯飯粒，真係令人食唔停口啊😆…查看更多

前菜中海膽帶子撻同三文魚串燒都好好食，海膽帶子撻搭配得相當新鮮，清爽感覺令人一試難忘；而三文魚串燒雖然係想像得到的味道，但燒烤得外脆內軟，有喜出望外嘅滋味🤤另外，主菜中嘅軟殼蟹海鮮薯蓉都好出色，雖然軟殼蟹有點細隻，不過海鮮薯蓉味道搭夠，十分欣賞其幻滑嘅薯蓉卻又有少少薯粒可以咬口，海鮮味都同薯蓉融為一體，飽肚又美味😋至於最期待嘅少女心cocktail，如果係想睇藝術性效果的話，除咗餐廳首推易入口熱情果味嘅One Thousand & One Night，有璀璨閃耀嘅火花神燈眼前一亮外🧞‍♂️ Dark Church都有濃霧圍繞嘅氛圍，讓我哋一同揭開黑色聖堂嘅神秘面紗🕍 而我身為哈利迷，亦都十分滿意呢杯Back to School，除咗會播放哈利經典主題曲外，外型設計亦係魔藥學嘅迷你大釜，而且仲有魔杖火槍可以感受火魔法的一刻🪄不過如果係玩的話，Ruhnama好似中學時試管測試咁，都係一個幾有趣嘅體驗🌡️…查看更多

📍湊湊火鍋‧茶憩 (家樂坊) (旺角)旺角登打士街56號家樂坊地庫B3號舖冬天最好嘅美食當然係火鍋啦！雖然聖誕節剛剛過去，但今次黎到旺角呢間湊湊火鍋打邊爐，仲有聖誕套餐，讓我哋繼續延續呢份聖誕氣氛啦🥰耶誕節二人餐- 肉肉聖誕樹- 聖誕華麗海鮮拼盤- 胡椒豬肚雞鍋（鴛鴦鍋）- 紅顏花膠雞鍋（鴛鴦鍋）- 黑松露蝦滑- 萵筍- 新竹米粉- 四川小酥肉（小份）…查看更多

📍 正斗粥麵專家 (國際金融中心商場) (中環)中環金融街8號國際金融中心商場3樓3016-18號舖再度跟Super Junior圭賢食盡中菜2.0💙中菜指數：❤️❤️❤️🫖香油條腸粉（炸兩）腸粉皮的確簿滑，可惜油條偏硬，唔夠鬆脆，有點失色🙈🫖流汁叉燒包叉燒包外皮鬆軟，內餡香濃多汁，真係相當唔錯，明明小編已經食到好飽，都忍唔住食多一個😋🫖正斗生腸及弟粥及弟粥粥底軟綿，生腸彈牙，不愧貴為粥麵專家，下次要試試其他粥先☺️🫖正斗鮮蝦雲吞麵原本好期待呢碗雲吞麵架！但送到上黎時，見到細過粒象棋嘅雲吞的確難免有少少失望，不過味道上唔差嘅🥹🫖揚州炒飯呢碗揚州炒飯炒得飯餸粒粒分明，又唔會太油膩，難免圭賢讚呢碗炒飯超凡🤣好食指數：❤️❤️❤️…查看更多

📍 福和雍 (中環)中環皇后大道中30號娛樂行2樓C及D號舖之前Super Junior圭賢黎香港開演唱會時，有黎呢間點心茶館食點心，今次同兩老經過中環附近，終於可以一嘗圭賢食過的味道了🥳精緻點心指數：❤️❤️❤️❤️-酥皮焗叉燒酥-軟殼蝦多士-蘿蔔絲酥餅-雞絲蝦春卷-灌湯小籠包-北菇燒賣-蝦餃-XO醬炒腸粉好食指數：❤️❤️❤️❤️呢間茶館最具代表性嘅點心真係軟殼蝦多士，原隻香脆軟殼蝦配上鬆脆多士，脆上加脆但又唔會太油膩，老少咸宜真係好好食🍤🤤而其他焗炸類嘅點心都相當唔錯，當中蘿蔔絲酥餅意外的好食，外層一絲絲酥條咬入去係清甜嘅蘿蔔絲，食落相當清新可口，都好值得推薦🤍😋…查看更多

八道法式菜以龍蝦為主題，由前菜到甜品每一道菜式都蘊含龍蝦元素，真係龍蝦盛宴啊🦞但咁多道菜中，我覺得最耐人尋味嘅係第二道菜「焦糖法國鵝肝撻」🦆細膩滑嫩嘅鵝肝配以鬆脆香甜嘅焦糖燉蛋撻，一口咬落去咸甜得宜，呈現出截然不同嘅口感，雖然呢道唔係以龍蝦為主導嘅菜式，但好好食啊🤤…查看更多

好耐無食牛大人啦！見到今次牛大人同日本頂級雞蛋「夢王」合作，而且仲有新推出嘅湯底，一於試下啦🤣新「醍醐蕃茄酸辣鍋湯底」一上枱🥘已經見到大大粒嘅蕃茄係面層，未品嘗都聞到好濃郁嘅蕃茄味🍅再自己加其他任君選擇嘅配料食材，包括生菜、粟米、豆腐、肉丸、魷魚等，湯底鮮味🆙而肥瘦適中紅噹噹嘅M5澳洲和牛牛肩卷同埋雪花紋路均勻通透嘅安格斯牛小排烚一烚鍋中，一啖食入口真係完全唔需要搭配其他醬汁，牛味全都被酸辣鮮甜嘅蕃茄突顯出黎🥩另外，今次嘅「夢王祭」🐣醬油溏心夢王蛋真係勁好食！橙紅色的溏心蛋黃軟滑到啜住個嘴，甜甜嘅醬油汁又唔會太漏，剛剛好🥚夢王布丁蛋香味濃，口感細滑🍮而夢王布丁珍珠奶茶意想不到地好飲🧋而打邊爐又點少得飲杯鬼佬涼茶解下熱氣呢～少爺PILSNER啤酒散發出淡淡麥味，非常易入口，即使唔太好飲啤酒嘅朋友仔叫一邊打邊爐一邊叫一杯飲都好爽啊🍻…查看更多

呢間具有歐洲古典圖書館裝潢嘅餐廳，一入去已經感受到呢份優雅寧靜嘅氛圍，一邊望住一片維港景色、一邊品嚐美味別緻歐洲菜式，真係一種享受☺️當中最鍾意紅蝦麵，除左蝦肉彈力新鮮外，蝦頭有濃濃蝦膏伴麵一同享用，真係太好食了🤤-Japanese Mackerel 🐠🍍-Swiss Barley Soup 🌾🥣-Nagasaki Chicken Roulade with Beetroot Salad 🐥🥗-Carabinero Red Prawn with Shrimp Roe Noodle 🦐🍜-Sous Vide Black Cod 🐟🥬-Charcoal Grilled A5 Miyazakigyu Rib Cap 🥩🥔-Glazed Lemon Mousse Cake 🍋🍰-Almond Blossom Cocktail 🍸☕️…查看更多

白色情人節就快到啦🤍當然要一嚐呢個夢幻粉紅色、好適合情侶一同享用嘅「蝶舞仙境」日本士多啤梨祭下午茶啦😻原本以為只有一個蝶籠tea set，無諗到有埋頭盤、凍湯、主菜，真係咸甜都好好食，同埋每道菜式都非常igable，睇得影得又食得🦋最欣賞嘅一道菜係咸食早餐主菜中嘅香煎魚柳，魚柳外脆內軟之餘，底層嘅薏米飯粒配士多啤梨酸豆汁真係好食又健康🫶🏻-Appetizer🍓日本士多啤梨醬焗鮮鮑魚 配洋蔥及煙肉-Soup🍓經典日本士多啤梨西班牙凍湯杯-Main Course🍓烤草飼牛扒 配西蘭花苗伴日本士多啤梨蜜糖汁香煎大西洋紅魚柳 配甜椒伴日本士多啤梨酸豆汁-Sweet🍓愛心朱古力杯 配棉花糖士多啤梨綠茶芝士餅士多啤梨荔枝玫瑰忌廉 配蘋果芝士蛋糕曲奇配士多啤梨玫瑰果醬士多啤梨馬卡龍士多啤梨意式奶凍士多啤梨抹茶蛋糕卷英式傳統鬆餅配奶油忌廉及果醬-Tea🍓花果山茗茶…查看更多

可能近排睇返上年去泰國旅行嘅相，突然間又心心念念返東南亞菜式🤤今次經過銅鑼灣附近，就試試呢間有好多熱情洋溢嘅印尼姐姐嘅傳統印尼小店，黎個特色印尼菜啦🇮🇩-原條魚花膠湯粉皮🐟一上枱見到焦糖色嘅大大條燒魚已經好有胃口啦，魚質外脆內軟，而且又唔碎骨，可以大大啖食魚肉，真係食得好開胃🤩而另一碟花膠粉皮湯底非常清甜，好中意啲粉皮又滑又吸收哂湯汁精華😚-啦斯啦媽班蘭飯🍚青綠色嘅班蘭飯賣相已經好醒神，旁邊仲幾款香脫炸物，包括炸雞粒、炸雞蛋同三角形嘅印尼地道小食，配上酸酸甜甜嘅配料，老少咸宜🤣好食指數：❤️❤️❤️❤️特別欣賞呢間餐廳印尼姐姐熱情嘅態度，令本身已經幾好食嘅菜式顯得更加美味，當然最鍾意條燒魚，但意想不到炸秋葵都令我食唔停口😆…查看更多

一直知呢間shari-shari有幾間分店，但我都係第一次食，咁啱經過附近，終於可以試到啦🤣因為我好中意食熱情果，好少可冰會有熱情果味，當然就叫咗呢款芒果熱情果冰🍨一送上嚟，見到粒粒熱情果籽流緊出黎，就知一定好足料，果然熱情果味好香濃，而冰裡面亦有淡淡芒果味，同其他冰唔同嘅係佢裡面真係有餡料，食落去唔會淨熊得面層嘅冰味，好好食🤤…查看更多

終於可以試到Tiffany Cafe啦，一到門口見到店面裝飾成整個blue box外型，再加上清一色tiffany blue色系，已經少女心爆發了！真係未食先興奮😆而tea set外型都十分精緻，總共有3層，包括甜點、鹹點、包點🩵我覺得最好食係鹹點中嘅龍蝦三文魚籽沙律，除左鐵罐賣相特別外，龍蝦同薯蓉沙律融為一體，加上面層嘅三文魚籽，上脆下軟相當有口感又有鮮甜味，好食🤤而且包點中嘅鬆餅都好有驚喜！真係食到有香蔥味，搭配附送嘅醬汁：奶油忌廉、番茄果醬、蜜糖珍珠一同食用，都同樣搭配得宜，值得一試😋不過，甜點就反而有啲太甜，雖然真係整得好精緻，但就唔太岩我啦😹…查看更多

明明一直係柴灣出沒，但都係第一次黎呢間茶餐廳食飯，一直遠近馳名嘅炸雞髀飯終於有得品嘗了🍗果然！呢碟招牌生油炸雞髀飯真係好大大大塊炸雞髀啊！雞髀外鬆脆乾爽、內柔軟多汁，唔會食到成口油，但真係好juicy，果然名不虛傳，值得經過時再食！…查看更多